ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ವಿದಾಯ ಹೇಳಿದ ಜಾರ್ಜ್ ವರ್ಕರ್
George Worker: ಜಾರ್ಜ್ ವರ್ಕರ್ ನ್ಯೂಝಿಲೆಂಡ್ ಪರ ಒಟ್ಟು 12 ಪಂದ್ಯಗಳನ್ನಾಡಿದ್ದಾರೆ. ಈ ವೇಳೆ 4 ಅರ್ಧಶತಕಗಳೊಂದಿಗೆ ಒಟ್ಟು 362 ರನ್ ಕಲೆಹಾಕಿದ್ದಾರೆ. ಇದಾಗ್ಯೂ ಅವರಿಗೆ ನ್ಯೂಝಿಲೆಂಡ್ ಸೀಮಿತ ಓವರ್ಗಳ ತಂಡದಲ್ಲಿ ಖಾಯಂ ಸ್ಥಾನ ಲಭಿಸಿರಲಿಲ್ಲ. ಮತ್ತೊಂದೆಡೆ ದೇಶೀಯ ಕ್ರಿಕೆಟ್ನಲ್ಲಿ ಮಿಂಚಿದರೂ ಜಾರ್ಜ್ ವರ್ಕರ್ ಅವರಿಗೆ ರಾಷ್ಟ್ರೀಯ ತಂಡದಲ್ಲಿ ನಿರೀಕ್ಷಿತ ಮಟ್ಟದಲ್ಲಿ ಅವಕಾಶ ಸಿಕ್ಕಿರಲಿಲ್ಲ.
ನ್ಯೂಝಿಲೆಂಡ್ ಆಟಗಾರ ಜಾರ್ಜ್ ವರ್ಕರ್ (George Worker) ಅಂತಾರಾಷ್ಟ್ರೀಯ ಕ್ರಿಕೆಟ್ನಿಂದ ನಿವೃತ್ತಿ ಘೋಷಿಸಿದ್ದಾರೆ. ಅದು ಸಹ ತಮ್ಮ 34ನೇ ವಯಸ್ಸಿನಲ್ಲಿ ಎಂಬುದು ವಿಶೇಷ. ಕಿವೀಸ್ ಪರ 2015 ರಲ್ಲಿ ಪಾದಾರ್ಪಣೆ ಮಾಡಿದ್ದ ವರ್ಕರ್ ಇದೀಗ ಹೊಸ ಇನಿಂಗ್ಸ್ ಆರಂಭಿಸಲು ಕ್ರಿಕೆಟ್ ಬದುಕಿಗೆ ವಿದಾಯ ಹೇಳಿದ್ದಾರೆ.
1 / 6
"ವೃತ್ತಿಪರ ಕ್ರಿಕೆಟ್ನಲ್ಲಿ 17 ವರ್ಷಗಳ ಪೂರ್ಣ ಪ್ರಯಾಣದ ನಂತರ, ನಾನು ಈ ಕ್ರೀಡೆಯಿಂದ ನಿವೃತ್ತಿ ಘೋಷಿಸುತ್ತಿದ್ದೇನೆ. ಈ ನಿರ್ಧಾರವು ನನ್ನ ಜೀವನದ ನಂಬಲಾಗದ ಅಧ್ಯಾಯದ ಅಂತ್ಯವನ್ನು ಮತ್ತು ಹೊಸ ಸಾಹಸದ ಆರಂಭವನ್ನು ಸೂಚಿಸುತ್ತದೆ" ಎಂದು ವರ್ಕರ್ ತಿಳಿಸಿದ್ದಾರೆ. ಈ ಮೂಲಕ ಸುದೀರ್ಘವಧಿಯ ಕ್ರಿಕೆಟ್ ಬದುಕಿಗೆ ಗುಡ್ ಬೈ ಹೇಳಲು ನ್ಯೂಝಿಲೆಂಡ್ನ ಎಡಗೈ ದಾಂಡಿಗ ನಿರ್ಧರಿಸಿದ್ದಾರೆ.
2 / 6
ಜಾರ್ಜ್ ವರ್ಕರ್ ನ್ಯೂಝಿಲೆಂಡ್ ಪರ 10 ಏಕದಿನ ಪಂದ್ಯಗಳಲ್ಲಿ ಕಣಕ್ಕಿಳಿದಿದ್ದರು. ಈ ವೇಳೆ ಮೂರು ಅರ್ಧಶತಕಗಳೊಂದಿಗೆ ಒಟ್ಟು 272 ರನ್ ಕಲೆಹಾಕಿದ್ದಾರೆ. ಇನ್ನು 2 ಟಿ20 ಪಂದ್ಯಗಳನ್ನಾಡಿರುವ ವರ್ಕರ್ 1 ಅರ್ಧಶತಕದೊಂದಿಗೆ 90 ರನ್ ಬಾರಿಸಿದ್ದಾರೆ. ಇದಾಗ್ಯೂ ಅವರಿಗೆ ನ್ಯೂಝಿಲೆಂಡ್ ತಂಡದಲ್ಲಿ ಖಾಯಂ ಸ್ಥಾನ ಲಭಿಸಿರಲಿಲ್ಲ.
3 / 6
ಅದಾಗ್ಯೂ ನ್ಯೂಝಿಲೆಂಡ್ನ ಫಸ್ಟ್ ಕ್ಲಾಸ್ ಕ್ರಿಕೆಟ್ನಲ್ಲಿ ಮುಂದುವರೆದಿದ್ದ ಜಾರ್ಜ್ ವರ್ಕರ್ 169 ಪಂದ್ಯಗಳಲ್ಲಿ 43.64 ಸರಾಸರಿಯಲ್ಲಿ 6721 ರನ್ ಕಲೆಹಾಕಿದ್ದರು. ಈ ವೇಳೆ 18 ಶತಕಗಳು ಮತ್ತು 37 ಅರ್ಧಶತಕಗಳನ್ನು ಬಾರಿಸಿದ್ದಾರೆ.
4 / 6
ಹಾಗೆಯೇ 154 ಟಿ20 ಪಂದ್ಯಗಳನ್ನಾಡಿರುವ ಜಾರ್ಜ್ ವರ್ಕರ್, 123.57 ಸ್ಟ್ರೈಕ್ ರೇಟ್ನಲ್ಲಿ ಬ್ಯಾಟ್ ಬೀಸಿ 3480 ರನ್ ಬಾರಿಸಿದ್ದಾರೆ. ಈ ವೇಳೆ ಒಂದು ಶತಕ ಮತ್ತು 18 ಅರ್ಧ ಶತಕಗಳನ್ನು ಸಿಡಿಸಿದ್ದರು. ಇದರ ಜೊತೆಗೆ 34 ವರ್ಷದ ವರ್ಕರ್ ಅವರು ತಮ್ಮ ಆಟದ ವೃತ್ತಿಜೀವನದಲ್ಲಿ 58 ಪ್ರಥಮ ದರ್ಜೆ, 60 ಲಿಸ್ಟ್ ಎ ಮತ್ತು 42 ಟಿ20 ವಿಕೆಟ್ಗಳನ್ನು ಸಹ ಪಡೆದಿದ್ದಾರೆ.
5 / 6
ಅಂದರೆ ನ್ಯೂಝಿಲೆಂಡ್ ದೇಶೀಯ ಕ್ರಿಕೆಟ್ನಲ್ಲಿ ಆಲ್ರೌಂಡರ್ ಆಗಿ ಗಮನ ಸೆಳೆದಿದ್ದ ಜಾರ್ಜ್ ವರ್ಕರ್ಗೆ ರಾಷ್ಟ್ರೀಯ ತಂಡದಲ್ಲಿ ಹೆಚ್ಚಿನ ಅವಕಾಶ ಸಿಕ್ಕಿರಲಿಲ್ಲ. ಇದೀಗ 34 ವರ್ಷದ ವರ್ಕರ್ ಹೂಡಿಕೆ ಸಂಸ್ಥೆಯೊಂದರಲ್ಲಿ ಕೆಲಸ ಗಿಟ್ಟಿಸಿಕೊಂಡಿದ್ದು, ಹೀಗಾಗಿ ಕ್ರಿಕೆಟ್ ವೃತ್ತಿಜೀವನಕ್ಕೆ ವಿದಾಯ ಹೇಳಲು ನಿರ್ಧರಿಸಿದ್ದಾರೆ.
