PAK vs BAN: 890 ದಿನಗಳ ಬರ ನೀಗಿಸಿಕೊಂಡ ಮೊಹಮ್ಮದ್ ರಿಜ್ವಾನ್
Mohammad Rizwan: ಬಾಂಗ್ಲಾದೇಶ ವಿರುದ್ಧ ರಿಜ್ವಾನ್ಗೆ ಇದು ಮೊದಲ ಟೆಸ್ಟ್ ಶತಕವಾಗಿದೆ. ಇದಕ್ಕೂ ಮುನ್ನ ರಿಜ್ವಾನ್ ದಕ್ಷಿಣ ಆಫ್ರಿಕಾ ಹಾಗೂ ಆಸ್ಟ್ರೇಲಿಯಾ ವಿರುದ್ಧ 2 ಶತಕ ಸಿಡಿಸಿದ್ದರು. ಮೊಹಮ್ಮದ್ ರಿಜ್ವಾನ್ ಅವರ ಮೂರನೇ ಟೆಸ್ಟ್ ಶತಕ 143 ಎಸೆತಗಳಲ್ಲಿ 8 ಬೌಂಡರಿ ಮತ್ತು 2 ಸಿಕ್ಸರ್‌ಗಳನ್ನು ಒಳಗೊಂಡಿತ್ತು.
ರಾವಲ್ಪಿಂಡಿಯಲ್ಲಿ ನಡೆಯುತ್ತಿರುವ ಬಾಂಗ್ಲಾದೇಶ ವಿರುದ್ಧದ ಟೆಸ್ಟ್ ಸರಣಿಯ ಮೊದಲ ಪಂದ್ಯದಲ್ಲಿ ಪಾಕಿಸ್ತಾನದ ವಿಕೆಟ್ ಕೀಪರ್ ಬ್ಯಾಟ್ಸ್‌ಮನ್ ಮೊಹಮ್ಮದ್ ರಿಜ್ವಾನ್ ಅದ್ಭುತ ಶತಕ ಸಿಡಿಸಿದ್ದಾರೆ. ಸಂಕಷ್ಟದ ಸ್ಥಿತಿಯಲ್ಲಿ ಪಾಕ್ ತಂಡದ ಇನ್ನಿಂಗ್ಸ್ ಜವಬ್ದಾರಿ ನಿಭಾಯಿಸಿದ ರಿಜ್ವಾನ್ಗೆ ಇದು ಟೆಸ್ಟ್ ವೃತ್ತಿಜೀವನದ ಮೂರನೇ ಶತಕವಾಗಿದೆ.
1 / 6
ವಿಶೇಷವೆಂದರೆ ರಿಜ್ವಾನ್ ಟೆಸ್ಟ್ ಮಾದರಿಯಲ್ಲಿ ಸಿಡಿಸಿರುವ ಮೂರೂ ಟೆಸ್ಟ್ ಶತಕಗಳು ತವರು ನೆಲದಲ್ಲೇ ಅಂದರೆ ಪಾಕಿಸ್ತಾನದಲ್ಲೇ ಸಿಡಿಸಿದಿವೆ. ತಮ್ಮ ವೃತ್ತಿಜೀವನದ ಮೂರು ಟೆಸ್ಟ್ ಶತಕಗಳಲ್ಲಿ 2 ಶತಕಗಳನ್ನು ರಾವಲ್ಪಿಂಡಿಯಲ್ಲಿ ಬಾರಿಸಿರುವ ರಿಜ್ವಾನ್ ಉಳಿದ ಒಂದು ಟೆಸ್ಟ್ ಶತಕವನ್ನು ಕರಾಚಿಯಲ್ಲಿ ಬಾರಿಸಿದ್ದಾರೆ.
2 / 6
ಬಾಂಗ್ಲಾದೇಶ ವಿರುದ್ಧ ರಿಜ್ವಾನ್ಗೆ ಇದು ಮೊದಲ ಟೆಸ್ಟ್ ಶತಕವಾಗಿದೆ. ಇದಕ್ಕೂ ಮುನ್ನ ರಿಜ್ವಾನ್ ದಕ್ಷಿಣ ಆಫ್ರಿಕಾ ಹಾಗೂ ಆಸ್ಟ್ರೇಲಿಯಾ ವಿರುದ್ಧ 2 ಶತಕ ಸಿಡಿಸಿದ್ದರು. ಮೊಹಮ್ಮದ್ ರಿಜ್ವಾನ್ ತಮ್ಮ ಮೂರನೇ ಟೆಸ್ಟ್ ಶತಕ 143 ಎಸೆತಗಳಲ್ಲಿ 8 ಬೌಂಡರಿ ಮತ್ತು 2 ಸಿಕ್ಸರ್‌ಗಳನ್ನು ಒಳಗೊಂಡಿತ್ತು.
3 / 6
ಮೊದಲ ದಿನದಾಟದಲ್ಲಿ 24 ರನ್ ಗಳಿಸಿ ಅಜೇಯರಾಗಿ ಉಳಿದ್ದ ಮೊಹಮ್ಮದ್ ರಿಜ್ವಾನ್, ಎರಡನೇ ದಿನದಾಟದಲ್ಲಿ ತಮ್ಮ ರನ್ ವೇಗವನ್ನು ಹೆಚ್ಚಿಸುವ ಮೂಲಕ ಶತಕ ಪೂರೈಸಿದರು. ಇದರೊಂದಿಗೆ ರಿಜ್ವಾನ್ 890 ದಿನಗಳ ಟೆಸ್ಟ್ ಶತಕದ ಬರವನ್ನು ಸಹ ಕೊನೆಗೊಳಿಸಿದರು. ವಾಸ್ತವವಾಗಿ ರಿಜ್ವಾನ್ 12 ಮಾರ್ಚ್ 2022 ರಂದು ನಡೆದಿದ್ದ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್‌ನಲ್ಲಿ ತಮ್ಮ ಕೊನೆಯ ಶತಕವನ್ನು ಬಾರಿಸಿದ್ದರು.
4 / 6
ಮೊಹಮ್ಮದ್ ರಿಜ್ವಾನ್ ಬಾಂಗ್ಲಾದೇಶದ ವಿರುದ್ಧ ಶತಕ ಬಾರಿಸುವ ಮೂಲಕ ಮತ್ತೊಂದು ಸಾಧನೆ ಮಾಡಿದ್ದು, ಭಾರತದ ಕೆಎಲ್ ರಾಹುಲ್ ನಂತರ ಡಬ್ಲ್ಯುಟಿಸಿ 2025 ರಲ್ಲಿ ಶತಕ ಗಳಿಸಿದ ಎರಡನೇ ವಿಕೆಟ್ ಕೀಪರ್ ಎನಿಸಿಕೊಂಡಿದ್ದಾರೆ. ಕನ್ನಡಿಗ ಕೆಎಲ್ ರಾಹುಲ್ ದಕ್ಷಿಣ ಆಫ್ರಿಕಾ ವಿರುದ್ಧ ಶತಕ ಸಿಡಿಸಿದ್ದರು.
5 / 6
ಇನ್ನು ಈ ಪಂದ್ಯದಲ್ಲಿ ರಿಜ್ವಾನ್ ಅಲ್ಲದೆ ತಂಡದ ಮತ್ತೊಬ್ಬ ಬ್ಯಾಟ್ಸ್‌ಮನ್ ಸೌದ್ ಶಕೀಲ್ ಕೂಡ ಶತಕದ ಇನ್ನಿಂಗ್ಸ್ ಆಡಿದ್ದಾರೆ. ಈ ಇಬ್ಬರು ಬ್ಯಾಟ್ಸ್‌ಮನ್ಗಳು ಈ ಸುದ್ದಿ ಬರೆಯುವ ಹೊತ್ತಿಗೆ 4ನೇ ವಿಕೆಟ್ಗೆ 200 ಕ್ಕೂ ಹೆಚ್ಚು ರನ್ಗಳ ಜೊತೆಯಾಟವನ್ನಾಡಿದ್ದಾರೆ.
