WBBL : ಚೊಚ್ಚಲ ಬಾರಿಗೆ ಮಹಿಳಾ ಬಿಗ್ ಬ್ಯಾಷ್ ಲೀಗ್‌ ಚಾಂಪಿಯನ್ ಪಟ್ಟಕ್ಕೇರಿದ ಪರ್ತ್ ಸ್ಕಾರ್ಚರ್ಸ್
WBBL : ಪಂದ್ಯಾವಳಿಯ ಇತಿಹಾಸದಲ್ಲಿ ಹಿಂದಿನ ಎರಡು ಸಂದರ್ಭಗಳಲ್ಲಿ ಫೈನಲ್‌ನಲ್ಲಿ ವಿಫಲವಾದ ನಂತರ, ಪರ್ತ್ ತಂಡವು ಅಂತಿಮವಾಗಿ ಮೊದಲ ಬಾರಿಗೆ ಆಸ್ಟ್ರೇಲಿಯಾದ T20 ಚಾಂಪಿಯನ್ ಆಗುವ ಕನಸನ್ನು ನನಸಾಗಿಸಿತು.
ಆಸ್ಟ್ರೇಲಿಯ ಕ್ರಿಕೆಟ್‌ನಲ್ಲಿ ಟಿ20ಯ ರೋಚಕತೆ ಸದ್ಯಕ್ಕೆ ನಿಂತಿದೆ. ಆಸ್ಟ್ರೇಲಿಯಾದ ಪುರುಷರ ತಂಡವು ಮೊದಲ ಬಾರಿಗೆ T20 ವಿಶ್ವ ಚಾಂಪಿಯನ್ ಆಗುವುದರೊಂದಿಗೆ ಚಾಲ್ತಿಯಲ್ಲಿದ್ದ ವಾತಾವರಣವು ಮಹಿಳಾ ಬಿಗ್ ಬ್ಯಾಷ್ ಲೀಗ್‌ನ ಫೈನಲ್‌ನೊಂದಿಗೆ ಕೊನೆಗೊಂಡಿತು. ಪರ್ತ್ ಸ್ಕಾರ್ಚರ್ಸ್ ಮೊದಲ ಬಾರಿಗೆ WBBL ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿತು. ನವೆಂಬರ್ 27 ರ ಶನಿವಾರದಂದು ಪರ್ತ್ ಸ್ಟೇಡಿಯಂನಲ್ಲಿ ನಡೆದ ಲೀಗ್‌ನ ಫೈನಲ್‌ನಲ್ಲಿ, ಪರ್ತ್ ಅಡಿಲೇಡ್ ಸ್ಟ್ರೈಕರ್ಸ್ ತಂಡವನ್ನು ಕೇವಲ 12 ರನ್‌ಗಳ ಅಂತರದಿಂದ ಸೋಲಿಸುವ ಮೂಲಕ ಪ್ರಶಸ್ತಿಯನ್ನು ಗೆದ್ದುಕೊಂಡಿತು.
1 / 4
ಮೊದಲು ಬ್ಯಾಟ್ ಮಾಡಿದ ಪರ್ತ್ 20 ಓವರ್ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 146 ರನ್ ಗಳಿಸಿತು. ತಂಡದ ಪರ ನಾಯಕಿ ಮರಿಜ್ನೆ ಕ್ಯಾಪ್ 33 ಎಸೆತಗಳಲ್ಲಿ ಗರಿಷ್ಠ 35 ರನ್ ಗಳಿಸಿದರು. ಅಡಿಲೇಡ್ ಪರ ವೇಗದ ಬೌಲರ್ ಮೆಗಾನ್ ಶುಟ್ 4 ಓವರ್ಗಳಲ್ಲಿ ಕೇವಲ 19 ರನ್ ನೀಡಿ 1 ವಿಕೆಟ್ ಪಡೆದು ಅತ್ಯಂತ ಯಶಸ್ವಿಯಾದರು.
2 / 4
ಉತ್ತರವಾಗಿ, ಅಡಿಲೇಡ್ ತಂಡವು ತನ್ನ 20 ಓವರ್ಗಳಲ್ಲಿ 6 ವಿಕೆಟ್‌ಗಳ ನಷ್ಟಕ್ಕೆ 134 ರನ್ ಗಳಿಸಲಷ್ಟೇ ಶಕ್ತವಾಯಿತು ಮತ್ತು 12 ರನ್‌ಗಳಿಂದ ಪ್ರಶಸ್ತಿಯನ್ನು ಕಳೆದುಕೊಂಡಿತು. ತಂಡದ ಪರ ನಾಯಕಿ ತಹ್ಲಿಯಾ ಮೆಕ್‌ಗ್ರಾತ್ 29 ಎಸೆತಗಳಲ್ಲಿ ಗರಿಷ್ಠ 36 ರನ್ ಗಳಿಸಿದರು. ಪರ್ತ್ ಪರ ತೆನಿಲ್ ಪೇಶಾಲ್ 4 ಓವರ್ ಗಳಲ್ಲಿ ಕೇವಲ 23 ರನ್ ನೀಡಿ 2 ವಿಕೆಟ್ ಪಡೆದರು.
3 / 4
ಪಂದ್ಯಾವಳಿಯ ಇತಿಹಾಸದಲ್ಲಿ ಹಿಂದಿನ ಎರಡು ಸಂದರ್ಭಗಳಲ್ಲಿ ಫೈನಲ್‌ನಲ್ಲಿ ವಿಫಲವಾದ ನಂತರ, ಪರ್ತ್ ತಂಡವು ಅಂತಿಮವಾಗಿ ತಮ್ಮ ದೊಡ್ಡ ಅಡಚಣೆಯನ್ನು ನಿವಾರಿಸಿತು ಮತ್ತು ಮೊದಲ ಬಾರಿಗೆ ಆಸ್ಟ್ರೇಲಿಯಾದ T20 ಚಾಂಪಿಯನ್ ಆಗುವ ಕನಸನ್ನು ನನಸಾಗಿಸಿತು. ದಕ್ಷಿಣ ಆಫ್ರಿಕಾದ ಅತ್ಯುತ್ತಮ ಆಲ್ ರೌಂಡರ್ ಮರಿಜ್ನೆ ಕ್ಯಾಪ್ ಅವರ ಆಲ್ ರೌಂಡ್ ಪ್ರದರ್ಶನವು ಪರ್ತ್ ಗೆಲುವಿಗೆ ಅಡಿಪಾಯ ಹಾಕಿತು. ಅವರು ಕೇವಲ 23 ಎಸೆತಗಳಲ್ಲಿ 31 ರನ್ (ಔಟಾಗದೆ) ಗಳಿಸಿದರು ಮತ್ತು ನಂತರ 1 ವಿಕೆಟ್ ಪಡೆದರು. ಈ ಪ್ರದರ್ಶನಕ್ಕಾಗಿ ಅವರು ಪಂದ್ಯದ ಆಟಗಾರ ಪ್ರಶಸ್ತಿ ಪಡೆದರು.
