SA20: ಮುಂಬೈ ಆರಂಭಿಕರ ಸಿಡಿಲಬ್ಬರದ ಬ್ಯಾಟಿಂಗ್ಗೆ ಪತರುಗುಟ್ಟಿದ ಸೂಪರ್ ಕಿಂಗ್ಸ್; 244 ರನ್ ಟಾರ್ಗೆಟ್..!
SA20: ಈ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ MI ಕೇಪ್ ಟೌನ್ ತಂಡ ಆರಂಭಿಕರಿಬ್ಬರ ಸಿಡಿಲಬ್ಬರದ ಬ್ಯಾಟಿಂಗ್ನ ಆಧಾರದ ಮೇಲೆ ನಿಗದಿತ 20 ಓವರ್ಗಳಲ್ಲಿ 5 ವಿಕೆಟ್ ಕಳೆದುಕೊಂಡು ಬರೋಬ್ಬರಿ 243 ರನ್ ಕಲೆಹಾಕಿದೆ. ಈ ಮೂಲಕ ಜೋಹಾನ್ಸ್‌ಬರ್ಗ್ ಸೂಪರ್ ಕಿಂಗ್ಸ್ ತಂಡಕ್ಕೆ 244 ರನ್ ಟಾರ್ಗೆಟ್ ನೀಡಿದೆ.
SA20 ಲೀಗ್ನ ಮೊದಲ ಡಬಲ್-ಹೆಡರ್ ಪಂದ್ಯ ಈ ಶನಿವಾರದಂದು ನಡೆಯುತ್ತಿದೆ. ಜೊಹಾನ್ಸ್‌ಬರ್ಗ್‌ನಲ್ಲಿ ನಡೆಯುತ್ತಿರುವ ಡಬಲ್‌ಹೆಡರ್‌ನ ಮೊದಲ ಗೇಮ್‌ನಲ್ಲಿ ಜೋಹಾನ್ಸ್‌ಬರ್ಗ್ ಸೂಪರ್ ಕಿಂಗ್ಸ್ ಮತ್ತು MI ಕೇಪ್ ಟೌನ್ ತಂಡಗಳು ಮುಖಾಮುಖಿಯಾಗಿವೆ.
ಈ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ MI ಕೇಪ್ ಟೌನ್ ತಂಡ ಆರಂಭಿಕರಿಬ್ಬರ ಸಿಡಿಲಬ್ಬರದ ಬ್ಯಾಟಿಂಗ್ನ ಆಧಾರದ ಮೇಲೆ ನಿಗದಿತ 20 ಓವರ್ಗಳಲ್ಲಿ 5 ವಿಕೆಟ್ ಕಳೆದುಕೊಂಡು ಬರೋಬ್ಬರಿ 243 ರನ್ ಕಲೆಹಾಕಿದೆ. ಈ ಮೂಲಕ ಜೋಹಾನ್ಸ್‌ಬರ್ಗ್ ಸೂಪರ್ ಕಿಂಗ್ಸ್ ತಂಡಕ್ಕೆ 244 ರನ್ ಟಾರ್ಗೆಟ್ ನೀಡಿದೆ.
MI ಕೇಪ್ ಟೌನ್ ತಂಡದ ಪರ ಆರಂಭಿಕರಾಗಿ ಕಣಕ್ಕಿಳಿದ ರಾಸ್ಸೀ ವ್ಯಾನ್ ಡೆರ್ ಡಸ್ಸೆನ್ ಹಾಗೂ ರಯಾನ್ ರಿಕೆಲ್ಟನ್ ಆರಂಭದಿಂದಲೇ ಸ್ಫೋಟಕ ಬ್ಯಾಟಿಂಗ್ ನಡೆಸಿದರು. ಈ ಮೂಲಕ ಕೇವಲ 15. 3 ಓವರ್ಗಳಲ್ಲೇ 200 ರನ್ಗಳ ಜೊತೆಯಾಟ ನಡೆಸಿದರು.
ಈ ವೇಳೆ ರಾಸ್ಸೀ ವ್ಯಾನ್ ಡೆರ್ ಡಸ್ಸೆನ್ ಕೇವಲ 50 ಎಸೆತಗಳಲ್ಲಿ 9 ಬೌಂಡರಿ ಹಾಗೂ 6 ಸಿಕ್ಸರ್ ಸಹಿತ 104 ರನ್ ಸಿಡಿಸಿ ವಿಕೆಟ್ ಒಪ್ಪಿಸಿದರು. ಈ ಮೂಲಕ MI ಕೇಪ್ ಟೌನ್ ತಂಡದ ಮೊದಲ ವಿಕೆಟ್ ಪತನವಾಯಿತು.
ಹಾಗೆಯೇ ಮತ್ತೊಬ್ಬ ಆರಂಭಿಕ ರಯಾನ್ ರಿಕೆಲ್ಟನ್ ಕೂಡ ಸಿಡಿಲಬ್ಬರದ ಬ್ಯಾಟಿಂಗ್ ನಡೆಸಿ ಕೇವಲ 49 ಎಸೆತಗಳಲ್ಲಿ 6 ಬೌಂಡರಿ ಹಾಗೂ 8 ಸಿಕ್ಸರ್ ಸಹಿತ 98 ರನ್ ಕಲೆಹಾಕಿದರು. ಆದರೆ ಕೇವಲ 2 ರನ್ಗಳಿಂದ ಶತಕ ವಂಚಿತರಾದರು.
ಜೋಬರ್ಗ್ ಸೂಪರ್ ಕಿಂಗ್ಸ್: ಫಾಫ್ ಡು ಪ್ಲೆಸಿಸ್ (ನಾಯಕ), ರೀಜಾ ಹೆಂಡ್ರಿಕ್ಸ್, ರೊನಾನ್ ಹರ್ಮನ್, ಲೆಯುಸ್ ಡು ಪ್ಲೂಯ್, ಮೊಯಿನ್ ಅಲಿ, ಡೊನೊವನ್ ಫೆರೇರಾ, ರೊಮಾರಿಯೊ ಶೆಫರ್ಡ್, ನಾಂಡ್ರೆ ಬರ್ಗರ್, ಲಿಜಾದ್ ವಿಲಿಯಮ್ಸ್, ಜಹೀರ್ ಖಾನ್, ಇಮ್ರಾನ್ ತಾಹಿರ್.
MI ಕೇಪ್ ಟೌನ್: ರಾಸ್ಸಿ ವ್ಯಾನ್ ಡೆರ್ ಡುಸ್ಸೆನ್, ರಿಯಾನ್ ರಿಕೆಲ್ಟನ್, ಡೆವಾಲ್ಡ್ ಬ್ರೆವಿಸ್, ಕಾನರ್ ಎಸ್ಟರ್‌ಹುಜೆನ್, ಲಿಯಾಮ್ ಲಿವಿಂಗ್‌ಸ್ಟೋನ್, ಕೀರಾನ್ ಪೊಲಾರ್ಡ್(ನಾಯಕ), ಸ್ಯಾಮ್ ಕರನ್, ಜಾರ್ಜ್ ಲಿಂಡೆ, ಕಗಿಸೊ ರಬಾಡ, ಬ್ಯೂರಾನ್ ಹೆಂಡ್ರಿಕ್ಸ್, ಒಲ್ಲಿ ಸ್ಟೋನ್
Published On - 7:45 pm, Sat, 13 January 24