English News9 हिन्दी తెలుగు मराठी ગુજરાતી বাংলা ਪੰਜਾਬੀ தமிழ் অসমীয়া മലയാളം मनी9 TV9-UP
AQI
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Subscribe Whatsapp Channel

# Trending Searches

ತಾಜಾ ಸುದ್ದಿ ರಾಜ್ಯ ಶಾರ್ಟ್ಸ್ ಕ್ರಿಕೆಟ್​ ಸಿನಿಮಾ ಫೋಟೋಗ್ಯಾಲರಿ ದೇಶ ವಿದೇಶ ವೈರಲ್​ ಅಧ್ಯಾತ್ಮ ವಾಣಿಜ್ಯ ಜ್ಯೋತಿಷ್ಯ ಕ್ರೈಂ ಉದ್ಯೋಗ

PAK vs WI: 0,0,9,0,6,0.. ಸೀಲ್ಸ್ ಸುನಾಮಿಗೆ ತತ್ತರಿಸಿದ ಪಾಕ್! 12 ವರ್ಷಗಳ ಹಳೆಯ ದಾಖಲೆ ಧ್ವಂಸ

West Indies vs Pakistan: ವೆಸ್ಟ್ ಇಂಡೀಸ್ ಪಾಕಿಸ್ತಾನವನ್ನು 202 ರನ್‌ಗಳಿಂದ ಸೋಲಿಸಿ ಏಕದಿನ ಸರಣಿಯನ್ನು 2-1 ಅಂತರದಿಂದ ಗೆದ್ದುಕೊಂಡಿದೆ. ಜೇಡನ್ ಸೀಲ್ಸ್ ಅವರ ಅದ್ಭುತ ಬೌಲಿಂಗ್ (7.2 ಓವರ್‌ಗಳಲ್ಲಿ 6 ವಿಕೆಟ್‌ಗಳು, 18 ರನ್‌ಗಳು) ಮತ್ತು ಪಾಕಿಸ್ತಾನದ ಕಳಪೆ ಬ್ಯಾಟಿಂಗ್‌ನಿಂದಾಗಿ ಈ ಗೆಲುವು ಸಾಧ್ಯವಾಯಿತು. ಈ ಮೂಲಕ ಸೀಲ್ಸ್ ದಕ್ಷಿಣ ಆಫ್ರಿಕಾದ ಮಾಜಿ ವೇಗಿ ಡೇಲ್ ಸ್ಟೇನ್ ಅವರ ಹಳೆಯ ದಾಖಲೆಯನ್ನು ಮುರಿದಿದ್ದಾರೆ.

ಪೃಥ್ವಿಶಂಕರ
|

Updated on: Aug 13, 2025 | 5:40 PM

Share
ಪಾಕಿಸ್ತಾನ ವಿರುದ್ಧದ ಮೂರನೇ ಏಕದಿನ ಪಂದ್ಯವನ್ನು ಆತಿಥೇಯ ವೆಸ್ಟ್ ಇಂಡೀಸ್ 202 ರನ್‌ಗಳಿಂದ ಗೆದ್ದುಕೊಂಡಿತು. ಈ ಗೆಲುವಿನೊಂದಿಗೆ ಏಕದಿನ ಸರಣಿಯನ್ನು 2-1 ಅಂತರದಿಂದ ವಶಪಡಿಸಿಕೊಂಡಿತು. ವಿಂಡೀಸ್​ನ ಈ ಗೆಲುವಿನಲ್ಲಿ ಮಾರಕ ವೇಗಿ ಜೇಡನ್ ಸೀಲ್ಸ್ ಅವರ ಪಾತ್ರ ಪ್ರಮುಖವಾಗಿತ್ತು. ಸೀಲ್ಸ್ ಮಾರಕ ದಾಳಿಗೆ ಪಾಕ್ ತಂಡದ 6 ಆಟಗಾರರು ಕೇವಲ 15 ರನ್​ಗಳಿಸಲಷ್ಟೇ ಶಕ್ತರಾದರು.

ಪಾಕಿಸ್ತಾನ ವಿರುದ್ಧದ ಮೂರನೇ ಏಕದಿನ ಪಂದ್ಯವನ್ನು ಆತಿಥೇಯ ವೆಸ್ಟ್ ಇಂಡೀಸ್ 202 ರನ್‌ಗಳಿಂದ ಗೆದ್ದುಕೊಂಡಿತು. ಈ ಗೆಲುವಿನೊಂದಿಗೆ ಏಕದಿನ ಸರಣಿಯನ್ನು 2-1 ಅಂತರದಿಂದ ವಶಪಡಿಸಿಕೊಂಡಿತು. ವಿಂಡೀಸ್​ನ ಈ ಗೆಲುವಿನಲ್ಲಿ ಮಾರಕ ವೇಗಿ ಜೇಡನ್ ಸೀಲ್ಸ್ ಅವರ ಪಾತ್ರ ಪ್ರಮುಖವಾಗಿತ್ತು. ಸೀಲ್ಸ್ ಮಾರಕ ದಾಳಿಗೆ ಪಾಕ್ ತಂಡದ 6 ಆಟಗಾರರು ಕೇವಲ 15 ರನ್​ಗಳಿಸಲಷ್ಟೇ ಶಕ್ತರಾದರು.

1 / 7
ಈ ಪಂದ್ಯದಲ್ಲಿ ಜೇಡೆನ್ ಸೀಲ್ಸ್ 7.2 ಓವರ್‌ ಬೌಲ್ ಮಾಡಿ ಕೇವಲ 18 ರನ್‌ ನೀಡಿ ಪ್ರಮುಖ 6 ವಿಕೆಟ್‌ಗಳನ್ನು ಕಬಳಿಸಿದರು. ಮೊದಲು ಸ್ಯಾಮ್ ಅಯೂಬ್ ಮತ್ತು ಅಬ್ದುಲ್ಲಾ ಶಫೀಕ್ ಅವರನ್ನು ಶೂನ್ಯಕ್ಕೆ ಔಟ್ ಮಾಡಿದ ಸೀಲ್ಸ್, ತಂಡದ ನಾಯಕ ಮೊಹಮ್ಮದ್ ರಿಜ್ವಾನ್​ಗೂ ಖಾತೆ ತೆರೆಯಲು ಅವಕಾಶ ನೀಡಲಿಲ್ಲ.

ಈ ಪಂದ್ಯದಲ್ಲಿ ಜೇಡೆನ್ ಸೀಲ್ಸ್ 7.2 ಓವರ್‌ ಬೌಲ್ ಮಾಡಿ ಕೇವಲ 18 ರನ್‌ ನೀಡಿ ಪ್ರಮುಖ 6 ವಿಕೆಟ್‌ಗಳನ್ನು ಕಬಳಿಸಿದರು. ಮೊದಲು ಸ್ಯಾಮ್ ಅಯೂಬ್ ಮತ್ತು ಅಬ್ದುಲ್ಲಾ ಶಫೀಕ್ ಅವರನ್ನು ಶೂನ್ಯಕ್ಕೆ ಔಟ್ ಮಾಡಿದ ಸೀಲ್ಸ್, ತಂಡದ ನಾಯಕ ಮೊಹಮ್ಮದ್ ರಿಜ್ವಾನ್​ಗೂ ಖಾತೆ ತೆರೆಯಲು ಅವಕಾಶ ನೀಡಲಿಲ್ಲ.

2 / 7
ಸೀಲ್ಸ್ ದಾಳಿಗೆ ನಲುಗಿದ ಪಾಕ್ ತಂಡ ಕೇವಲ 8 ರನ್​ಗಳಿಗೆ 3 ವಿಕೆಟ್ ಕಳೆದುಕೊಂಡಿತ್ತು. ಹೀಗಾಗಿ ಮಾಜಿ ನಾಯಕ ಬಾಬರ್ ಆಝಂ ಮೇಲೆ ಒಂದೊಳ್ಳೆ ಇನ್ನಿಂಗ್ಸ್​ನ ಜವಾಬ್ದಾರಿ ಇತ್ತು. ಆದರೆ ಸೀಲ್ಸ್ ಅಬ್ಬರದ ಮುಂದೆ ಬಾಬರ್ ಕೂಡ ಮಂಡಿಯೂರಿ 9 ರನ್​ಗಳಿಗೆ ಪೆವಿಲಿಯನ್ ಸೇರಿಕೊಂಡರು.

ಸೀಲ್ಸ್ ದಾಳಿಗೆ ನಲುಗಿದ ಪಾಕ್ ತಂಡ ಕೇವಲ 8 ರನ್​ಗಳಿಗೆ 3 ವಿಕೆಟ್ ಕಳೆದುಕೊಂಡಿತ್ತು. ಹೀಗಾಗಿ ಮಾಜಿ ನಾಯಕ ಬಾಬರ್ ಆಝಂ ಮೇಲೆ ಒಂದೊಳ್ಳೆ ಇನ್ನಿಂಗ್ಸ್​ನ ಜವಾಬ್ದಾರಿ ಇತ್ತು. ಆದರೆ ಸೀಲ್ಸ್ ಅಬ್ಬರದ ಮುಂದೆ ಬಾಬರ್ ಕೂಡ ಮಂಡಿಯೂರಿ 9 ರನ್​ಗಳಿಗೆ ಪೆವಿಲಿಯನ್ ಸೇರಿಕೊಂಡರು.

3 / 7
ಇಲ್ಲಿಗೆ ನಿಲ್ಲದ ಸೀಲ್ಸ್, ಕೆಳಕ್ರಮಾಂಕದ ಬ್ಯಾಟರ್​ಗಳಾದ ನಸೀಮ್ ಶಾರನ್ನು 6 ರನ್​ಗಳಿಗೆ ಪೆವಿಲಿಯನ್​ಗೆ ಕಳುಹಿಸಿದರೆ, ಆ ಬಳಿಕ ಬಂದ ಹಸನ್ ಅಲಿ ಅವರನ್ನು ಸಹ ಶೂನ್ಯಕ್ಕೆ ಔಟ್ ಮಾಡಿ ತಮ್ಮ 6 ವಿಕೆಟ್‌ಗಳನ್ನು ಪೂರ್ಣಗೊಳಿಸಿದರು. ಈ ಮೂಲಕ ಆಫ್ರಿಕಾ ಮಾಜಿ ವೇಗಿ ಡೇಲ್ ಸ್ಟೇನ್ ಅವರ 12 ವರ್ಷಗಳ ಹಳೆಯ ದಾಖಲೆಯನ್ನು ಪುಡಿಗಟ್ಟಿದರು.

ಇಲ್ಲಿಗೆ ನಿಲ್ಲದ ಸೀಲ್ಸ್, ಕೆಳಕ್ರಮಾಂಕದ ಬ್ಯಾಟರ್​ಗಳಾದ ನಸೀಮ್ ಶಾರನ್ನು 6 ರನ್​ಗಳಿಗೆ ಪೆವಿಲಿಯನ್​ಗೆ ಕಳುಹಿಸಿದರೆ, ಆ ಬಳಿಕ ಬಂದ ಹಸನ್ ಅಲಿ ಅವರನ್ನು ಸಹ ಶೂನ್ಯಕ್ಕೆ ಔಟ್ ಮಾಡಿ ತಮ್ಮ 6 ವಿಕೆಟ್‌ಗಳನ್ನು ಪೂರ್ಣಗೊಳಿಸಿದರು. ಈ ಮೂಲಕ ಆಫ್ರಿಕಾ ಮಾಜಿ ವೇಗಿ ಡೇಲ್ ಸ್ಟೇನ್ ಅವರ 12 ವರ್ಷಗಳ ಹಳೆಯ ದಾಖಲೆಯನ್ನು ಪುಡಿಗಟ್ಟಿದರು.

4 / 7
ಜೇಡನ್ ಸೀಲ್ಸ್​ಗೂ ಮೊದಲು, ಪಾಕಿಸ್ತಾನ ವಿರುದ್ಧದ ಏಕದಿನ ಕ್ರಿಕೆಟ್‌ನಲ್ಲಿ ಅತ್ಯುತ್ತಮ ಬೌಲಿಂಗ್ ದಾಖಲೆಯನ್ನು ದಕ್ಷಿಣ ಆಫ್ರಿಕಾದ ಡೇಲ್ ಸ್ಟೇನ್ ಹೊಂದಿದ್ದರು. ಅವರು 2013 ರಲ್ಲಿ ಗ್ಕೆಬೆರ್ಹಾದಲ್ಲಿ ನಡೆದ ಏಕದಿನ ಪಂದ್ಯದಲ್ಲಿ 39 ರನ್‌ಗಳಿಗೆ 6 ವಿಕೆಟ್‌ಗಳನ್ನು ಕಬಳಿಸಿದ್ದರು. ಈಗ 12 ವರ್ಷಗಳ ನಂತರ, ಜೇಡೆನ್ ಸೀಲ್ಸ್, ಸ್ಟೇನ್ ಅವರ ದಾಖಲೆಯನ್ನು ಮುರಿದಿದ್ದಾರೆ.

ಜೇಡನ್ ಸೀಲ್ಸ್​ಗೂ ಮೊದಲು, ಪಾಕಿಸ್ತಾನ ವಿರುದ್ಧದ ಏಕದಿನ ಕ್ರಿಕೆಟ್‌ನಲ್ಲಿ ಅತ್ಯುತ್ತಮ ಬೌಲಿಂಗ್ ದಾಖಲೆಯನ್ನು ದಕ್ಷಿಣ ಆಫ್ರಿಕಾದ ಡೇಲ್ ಸ್ಟೇನ್ ಹೊಂದಿದ್ದರು. ಅವರು 2013 ರಲ್ಲಿ ಗ್ಕೆಬೆರ್ಹಾದಲ್ಲಿ ನಡೆದ ಏಕದಿನ ಪಂದ್ಯದಲ್ಲಿ 39 ರನ್‌ಗಳಿಗೆ 6 ವಿಕೆಟ್‌ಗಳನ್ನು ಕಬಳಿಸಿದ್ದರು. ಈಗ 12 ವರ್ಷಗಳ ನಂತರ, ಜೇಡೆನ್ ಸೀಲ್ಸ್, ಸ್ಟೇನ್ ಅವರ ದಾಖಲೆಯನ್ನು ಮುರಿದಿದ್ದಾರೆ.

5 / 7
ಸೀಲ್ಸ್ ಅವರ ಈ ಅಮೋಘ ಪ್ರದರ್ಶನದಿಂದಾಗಿ ಪಾಕ್ ತಂಡ ಕೇವಲ 92 ರನ್​ಗಳಿಗೆ ಆಲೌಟ್ ಆಗುವ ಮೂಲಕ 202 ರನ್​ಗಳ ಹೀನಾಯ ಸೋಲು ಅನುಭವಿಸಿತು. ಈ ಮೂಲಕ 34 ವರ್ಷಗಳ ಸುದೀರ್ಘ ಅಂತರದ ನಂತರ ವೆಸ್ಟ್ ಇಂಡೀಸ್, ಪಾಕಿಸ್ತಾನ ವಿರುದ್ಧ ಏಕದಿನ ಸರಣಿಯನ್ನು ಗೆದ್ದ ಸಾಧನೆ ಮಾಡಿತು.

ಸೀಲ್ಸ್ ಅವರ ಈ ಅಮೋಘ ಪ್ರದರ್ಶನದಿಂದಾಗಿ ಪಾಕ್ ತಂಡ ಕೇವಲ 92 ರನ್​ಗಳಿಗೆ ಆಲೌಟ್ ಆಗುವ ಮೂಲಕ 202 ರನ್​ಗಳ ಹೀನಾಯ ಸೋಲು ಅನುಭವಿಸಿತು. ಈ ಮೂಲಕ 34 ವರ್ಷಗಳ ಸುದೀರ್ಘ ಅಂತರದ ನಂತರ ವೆಸ್ಟ್ ಇಂಡೀಸ್, ಪಾಕಿಸ್ತಾನ ವಿರುದ್ಧ ಏಕದಿನ ಸರಣಿಯನ್ನು ಗೆದ್ದ ಸಾಧನೆ ಮಾಡಿತು.

6 / 7
ಹಾಗೆಯೇ ಏಕದಿನ ಕ್ರಿಕೆಟ್ ಇತಿಹಾಸದಲ್ಲಿ ವೆಸ್ಟ್ ಇಂಡೀಸ್, ಪಾಕಿಸ್ತಾನವನ್ನು 200 ಅಥವಾ ಅದಕ್ಕಿಂತ ಹೆಚ್ಚಿನ ರನ್‌ಗಳ ಅಂತರದಿಂದ ಸೋಲಿಸಿದ್ದು ಇದೇ ಮೊದಲು. ಇದಕ್ಕೂ ಮೊದಲು 2015 ರ ಏಕದಿನ ವಿಶ್ವಕಪ್​ನಲ್ಲಿ ವಿಂಡೀಸ್ ಪಡೆ ಪಾಕಿಸ್ತಾನವನ್ನು 150 ರನ್​ಗಳಿಂದ ಸೋಲಿಸಿದ್ದು ಇದುವರೆಗಿನ ದಾಖಲೆಯಾಗಿತ್ತು. ವಾಸ್ತವವಾಗಿ ವಿಂಡೀಸ್ ಹಾಗೂ ಪಾಕ್ ನಡುವೆ 1975 ರಿಂದ ಏಕದಿನ ಸರಣಿಯನ್ನು ಆಡಲಾಗುತ್ತಿದೆ. ಆದರೆ ಮೊದಲ ಬಾರಿಗೆ ವಿಂಡೀಸ್ ತಂಡ ಪಾಕಿಸ್ತಾನ ವಿರುದ್ಧ ಇಷ್ಟು ದೊಡ್ಡ ಗೆಲುವು ದಾಖಲಿಸಿದೆ.

ಹಾಗೆಯೇ ಏಕದಿನ ಕ್ರಿಕೆಟ್ ಇತಿಹಾಸದಲ್ಲಿ ವೆಸ್ಟ್ ಇಂಡೀಸ್, ಪಾಕಿಸ್ತಾನವನ್ನು 200 ಅಥವಾ ಅದಕ್ಕಿಂತ ಹೆಚ್ಚಿನ ರನ್‌ಗಳ ಅಂತರದಿಂದ ಸೋಲಿಸಿದ್ದು ಇದೇ ಮೊದಲು. ಇದಕ್ಕೂ ಮೊದಲು 2015 ರ ಏಕದಿನ ವಿಶ್ವಕಪ್​ನಲ್ಲಿ ವಿಂಡೀಸ್ ಪಡೆ ಪಾಕಿಸ್ತಾನವನ್ನು 150 ರನ್​ಗಳಿಂದ ಸೋಲಿಸಿದ್ದು ಇದುವರೆಗಿನ ದಾಖಲೆಯಾಗಿತ್ತು. ವಾಸ್ತವವಾಗಿ ವಿಂಡೀಸ್ ಹಾಗೂ ಪಾಕ್ ನಡುವೆ 1975 ರಿಂದ ಏಕದಿನ ಸರಣಿಯನ್ನು ಆಡಲಾಗುತ್ತಿದೆ. ಆದರೆ ಮೊದಲ ಬಾರಿಗೆ ವಿಂಡೀಸ್ ತಂಡ ಪಾಕಿಸ್ತಾನ ವಿರುದ್ಧ ಇಷ್ಟು ದೊಡ್ಡ ಗೆಲುವು ದಾಖಲಿಸಿದೆ.

7 / 7
Latest Videos View more
PAK vs WI: 0,0,9,0,6,0.. ಸೀಲ್ಸ್ ಸುನಾಮಿಗೆ ತತ್ತರಿಸಿದ ಪಾಕ್! 12 ವರ್ಷಗಳ ಹಳೆಯ ದಾಖಲೆ ಧ್ವಂಸ
ಒಂದೇ ಒಂದು ಅಂತರರಾಷ್ಟ್ರೀಯ ಪಂದ್ಯವನ್ನಾಡದ ಅರ್ಜುನ್ ತೆಂಡೂಲ್ಕರ್ ಎಷ್ಟು ಕೋಟಿಯ ಒಡೆಯ ಗೊತ್ತಾ?