ತೂಕ ಎತ್ತುವುದನ್ನು ದೈನಂದಿನ ಜೀವನದಲ್ಲಿ ರೂಢಿಸಿಕೊಳ್ಳಿ. ಯಾಕೆಂದರೆ ನೀವು ವಯಸ್ಸಾದಂತೆ ಆರೋಗ್ಯಕರ ಮತ್ತು ಸ್ವತಂತ್ರವಾಗಿರಲು ಇದು ಸಹಾಯಮಾಡುತ್ತದೆ.
ನಡಿಗೆಯು ನಿಮ್ಮ ದೇಹವನ್ನು ಆರೋಗ್ಯವಾಗಿಡಲು ಸಹಾಯಮಾಡುತ್ತದೆ. ಆದ್ದರಿಂದ ಪ್ರತಿ ದಿನ ಒಂದಿಷ್ಟು ಗಂಟೆ ನಡಿಗೆಗೆ ಮೀಸಲಿಡಿ. ಇದು ನಿಮ್ಮ ಮನಸ್ಸು ಹಾಗೂ ದೇಹವನ್ನು ಚುರುಕಿನಿಂದಿಡಲು ಪ್ರಚೋಧಿಸುತ್ತದೆ.
ನಿದ್ರಾಹೀನತೆ ಯಾಕೆ ಉಂಟಾಗುತ್ತದೆ ಎಂಬುದಕ್ಕೆ ಖಚಿತ ಕಾರಣವಿಲ್ಲ. ಒತ್ತಡ ಮತ್ತು ಆತಂಕ, ಮಲಗುವ ಸ್ಥಳದ ಬದಲಾವಣೆ, ಪರಿಸರದ ಬದಲಾವಣೆ, ಜೀವನಶೈಲಿ ಹೀಗೆ ಹಲವು ಕಾರಣಗಳಿಂದ ನಿದ್ರಾಹೀನತೆ ಉಂಟಾಗುತ್ತದೆ.
ಆಲ್ಕೋಹಾಲ್ ನಿಮ್ಮ ಮೆದುಳು, ದೇಹ ಮತ್ತು ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮಗಳನ್ನು ಬೀರುತ್ತದೆ. ಇದು ನಿದ್ರೆ, ಕಾರ್ಯಕ್ಷಮತೆ, ಮನಸ್ಥಿತಿ, ಅರಿವಿನ ಕಾರ್ಯ, ಕರುಳಿನ ಆರೋಗ್ಯ, ಹಾರ್ಮೋನುಗಳು, ರಕ್ತದಲ್ಲಿನ ಸಕ್ಕರೆ ಮೇಲೆ ಪರಿಣಾಮ ಬೀರುವುದ್ದರಿಂದ ನಿಮ್ಮ ಆರೋಗ್ಯ ಜೊತೆಗೆ ಸೌಂದರ್ಯವು ಕೆಡುವಂತೆ ಮಾಡುತ್ತದೆ.
ಪೌಷ್ಟಿಕಾಂಶವುಳ್ಳ ಆಹಾರವನ್ನು ಸೇವಿಸುವುದ್ದರಿಂದ ನಿಮ್ಮ ಆರೋಗ್ಯ ಹಾಗೂ ದೇಹ ಸದೃಡವಾಗಿರಲು ಸಹಾಯಮಾಡುತ್ತದೆ. ಕಾರ್ಬೋಹೈಡ್ರೇಟ್ಗಳು, ಕೊಬ್ಬುಗಳು ಮತ್ತು ಸೂಕ್ಷ್ಮ ಪೋಷಕಾಂಶಗಳ ಸಮತೋಲನದೊಂದಿಗೆ ಪ್ರೋಟೀನ್-ಕೇಂದ್ರಿತ ಊಟವನ್ನು ದೈನಂದಿನ ಆಹಾರ ಪದ್ದತಿಯಲ್ಲಿ ರೂಢಿಸಿಕೊಳ್ಳಿ. ಇದು ನಿಮ್ಮ ಆರೋಗ್ಯದ ಜೊತೆಗೆ ತ್ವಚೆಯ ಸೌಂದರ್ಯವನ್ನು ಹೆಚ್ಚಿಸುತ್ತದೆ.
ನೀವು ನಿಮ್ಮ ದೇಹದ ಬಗ್ಗೆ ಯಾವತ್ತಿಗೂ ಅಸಮಧಾನವನ್ನು ಇಟ್ಟುಕೊಳ್ಳುವುದು ಸೂಕ್ತವಲ್ಲ. ಇದು ನಿಮ್ಮನ್ನು ಮಾನಸಿಕ ಖಿನ್ನತೆಯತ್ತ ದೂಡುತ್ತದೆ. ಇದ್ದರಿಂದಾಗಿ ನೀವು ಮಾನಸಿಕವಾಗಿ ಹಿಂಸೆಗೆ ಒಳಗಾಗುವುದು ಮಾತ್ರವಲ್ಲದೇ ನಿಮ್ಮ ಆರೋಗ್ಯದ ಮೇಲೂ ಪರಿಣಾಮ ಬೀರುತ್ತದೆ. ಜೊತೆಗೆ ಹೆಚ್ಚು ವಯಸ್ಸಾದಂತೆ ಕಾಣುತ್ತದೆ.
ನಿಮ್ಮ 40 ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನಲ್ಲಿ ನೀವು ಕೆಲವು ಅದ್ಭುತವಾದ ವಿಷಯಗಳನ್ನು ಸಾಧಿಸಬಹುದು. ನೀವು ವಿಭಿನ್ನವಾಗಿ ಕೆಲಸಗಳನ್ನು ಮಾಡಲು ಸಿದ್ಧರಾಗಿರಬೇಕು. ತುಂಬಾ ತಡವಾಗಿದೆ ಮತ್ತು ನಿಮಗೆ ತುಂಬಾ ವಯಸ್ಸಾಗಿದೆ ಎಂದು ಯೋಚಿಸುವುದನ್ನು ನಿಲ್ಲಿಸಿ.
Published On - 3:05 pm, Fri, 11 November 22