ನೀವು ನಿಮ್ಮ ರೂಂನಲ್ಲಿ ಹ್ಯೂಮಿಡಿಫೈಯರ್ ಅಥವಾ ಆರ್ದ್ರಕಗಳನ್ನು ಬಳಸುತ್ತೀರಾ? ನಿಮಗೆ ಶೀತವಾಗಿದ್ದಾಗ ಅಥವಾ ಮೂಗು ಕಟ್ಟಿದಾಗ ರೂಂನಲ್ಲಿ ಹ್ಯೂಮಿಡಿಫೈಯರ್ ಇಟ್ಟುಕೊಳ್ಳುವುದರಿಂದ ಸ್ವಲ್ಪ ಆರಾಮ ಎನಿಸುತ್ತದೆ. ಆದರೆ, ಹ್ಯೂಮಿಡಿಫೈಯರ್ ಬಳಸುವಾಗ ಕೆಲವು ಎಚ್ಚರಿಕೆ ವಹಿಸುವುದು ಕೂಡ ಅಗತ್ಯ.
ಹ್ಯೂಮಿಡಿಫೈಯರ್ ಶುಷ್ಕ ಗಾಳಿಯಿಂದ ಉಂಟಾಗುವ ಸಮಸ್ಯೆಗಳನ್ನು ಸರಾಗಗೊಳಿಸುತ್ತದೆ. ಆದರೆ ಅವುಗಳನ್ನು ಸರಿಯಾಗಿ ನಿರ್ವಹಣೆ ಮಾಡಬೇಕಾದುದು ಅಗತ್ಯ. ನಿಮ್ಮ ಹ್ಯೂಮಿಡಿಫೈಯರ್ ಆರೋಗ್ಯಕ್ಕೆ ಅಪಾಯಕಾರಿಯಾಗುವುದಿಲ್ಲ ಎಂದು ಖಚಿತಪಡಿಸಿಕೊಳ್ಳಲು ಕೆಲವು ಸಲಹೆಗಳು ಇಲ್ಲಿವೆ.
1 / 8
ನಿದ್ರೆ ಮಾಡುವಾಗ ಹ್ಯೂಮಿಡಿಫೈಯರ್ ಬಳಸುವುದರಿಂದ ಇದು ಚರ್ಮ, ಬಾಯಿ ಮತ್ತು ಗಂಟಲನ್ನು ತೇವಗೊಳಿಸುತ್ತದೆ. ಆದರೆ, ಗಾಳಿಯಲ್ಲಿ ಆರ್ದ್ರತೆಯ ಮಟ್ಟವನ್ನು ಶೇ.30ಕ್ಕಿಂತ ಕಡಿಮೆ ಇಡುವುದು ಬಹಳ ಮುಖ್ಯ.
2 / 8
ನಿಮ್ಮ ಹ್ಯೂಮಿಡಿಫೈಯರ್ ಮಟ್ಟವನ್ನು ನೀವು 30ಕ್ಕಿಂತ ಕಡಿಮೆ ಇರಿಸಿದರೆ ಒಣ ಚರ್ಮ ಉಂಟಾಗುವುದು ಕಡಿಮೆಯಾಗುತ್ತದೆ, ಸೈನಸ್ ಸಮಸ್ಯೆಗಳು ಕಡಿಮೆಯಾಗುತ್ತದೆ, ಮೂಗಿನಲ್ಲಿ ರಕ್ತ ಸೋರಿಕೆಯಾಗುವುದು ಕಡಿಮೆಯಾಗುತ್ತದೆ ಮತ್ತು ತುಟಿಗಳು ಬಿರುಕು ಬಿಟ್ಟಂತಾಗುವುದು ತಪ್ಪುತ್ತದೆ.
3 / 8
ಹ್ಯೂಮಿಡಿಫೈಯರ್ಗಳನ್ನು ವಾರಕ್ಕೆ ಕನಿಷ್ಠ 1 ಬಾರಿ ಸ್ವಚ್ಛಗೊಳಿಸುವ ಅಗತ್ಯವಿರುತ್ತದೆ. ಹಾಗೇ, ನೀವು ಪ್ರತಿದಿನ ಬೇಸ್ ಮತ್ತು ಟ್ಯಾಂಕ್ ಅನ್ನು ಖಾಲಿ ಮಾಡಿ, ತೊಳೆದು, ಒಣಗಿಸಬೇಕು.
4 / 8
ಹ್ಯೂಮಿಡಿಫೈಯರ್ ಆರ್ದ್ರ ವಾತಾವರಣವನ್ನು ನಿರ್ಮಿಸಿದರೂ ಅದನ್ನು ನಿಯಮಿತವಾಗಿ ಸ್ವಚ್ಛಗೊಳಿಸದಿದ್ದಲ್ಲಿ ಬ್ಯಾಕ್ಟೀರಿಯಾದ ಬೆಳವಣಿಗೆಗೆ ಕಾರಣವಾಗುತ್ತದೆ.
5 / 8
ಹೆಚ್ಚಿದ ಆರ್ದ್ರತೆಯು ಧೂಳಿನ ಹುಳಗಳನ್ನು ಆಕರ್ಷಿಸುತ್ತದೆ. ಇದು ತೇವಾಂಶವುಳ್ಳ ಜಾಗದಲ್ಲಿ ಬೆಳೆಯುತ್ತದೆ. ಹ್ಯೂಮಿಡಿಫೈಯರ್ ಅತಿಯಾದ ಬಳಕೆಯು ಅತಿಯಾದ ಆರ್ದ್ರತೆಗೆ ಕಾರಣವಾಗಬಹುದು. ಇದು ಹಲವು ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡುತ್ತದೆ.
6 / 8
ಹಾನಿಕಾರಕ ಸೂಕ್ಷ್ಮಾಣುಜೀವಿಗಳ ಬೆಳವಣಿಗೆಯನ್ನು ತಡೆಗಟ್ಟಲು ನೀರನ್ನು ಸ್ವಚ್ಛಗೊಳಿಸುವುದು ಮತ್ತು ಬದಲಾಯಿಸುವುದು ಸೇರಿದಂತೆ ನಿಯಮಿತ ನಿರ್ವಹಣೆಯ ಅಗತ್ಯವಿದೆ.
7 / 8
ಕೆಲವು ಆರ್ದ್ರಕಗಳು ಗಾಳಿಯಲ್ಲಿ ಉತ್ತಮವಾದ ಬಿಳಿ ಧೂಳನ್ನು ಬಿಡುಗಡೆ ಮಾಡುತ್ತವೆ. ವಿಶೇಷವಾಗಿ ಹೆಚ್ಚಿನ ಖನಿಜಾಂಶದೊಂದಿಗೆ ಟ್ಯಾಪ್ ನೀರನ್ನು ಬಳಸಿದರೆ ಈ ಸಮಸ್ಯೆ ಹೆಚ್ಚು.
