ICC Mens ODI Team: ಐಸಿಸಿ ಏಕದಿನ ತಂಡ ಪ್ರಕಟ: ಟೀಮ್ ಇಂಡಿಯಾದ ಆಟಗಾರರಿಗಿಲ್ಲ ಸ್ಥಾನ
ICC Mens ODI Team: ಪಾಕ್ ತಂಡದ ಕ್ಯಾಪ್ಟನ್ ಬಾಬರ್ ಆಜಂ ಅವರನ್ನು ಐಸಿಸಿ ಆಯ್ಕೆ ಮಾಡಿಕೊಂಡಿದೆ. ಇನ್ನು ಈ ತಂಡದಲ್ಲಿ ಬಾಂಗ್ಲಾದೇಶ ತಂಡದ ಮೂವರು ಆಟಗಾರರಿರುವುದು ಮತ್ತೊಂದು ವಿಶೇಷ.
ಅಂತರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ICC) 2021ರ ಏಕದಿನ ತಂಡವನ್ನು ಪ್ರಕಟಿಸಿದೆ . 11 ಸದಸ್ಯರಿರುವ ಈ ತಂಡದಲ್ಲಿ ಟೀಮ್ ಇಂಡಿಯಾದ ಯಾವುದೇ ಆಟಗಾರ ಸ್ಥಾನ ಪಡೆದಿಲ್ಲ ಎಂಬುದು ವಿಶೇಷ. ಮತ್ತೊಂದೆಡೆ ಪಾಕ್ ತಂಡದ ಇಬ್ಬರು ಆಟಗಾರರು ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.
ಅಷ್ಟೇ ಅಲ್ಲದೆ ತಂಡದ ನಾಯಕನಾಗಿ ಪಾಕ್ ತಂಡದ ಕ್ಯಾಪ್ಟನ್ ಬಾಬರ್ ಆಜಂ ಅವರನ್ನು ಐಸಿಸಿ ಆಯ್ಕೆ ಮಾಡಿಕೊಂಡಿದೆ. ಇನ್ನು ಈ ತಂಡದಲ್ಲಿ ಬಾಂಗ್ಲಾದೇಶ ತಂಡದ ಮೂವರು ಆಟಗಾರರಿರುವುದು ಮತ್ತೊಂದು ವಿಶೇಷ. ಹಾಗೆಯೇ ಐರ್ಲೆಂಡ್ ತಂಡದ ಇಬ್ಬರು ಕಾಣಿಸಿಕೊಂಡಿದ್ದಾರೆ. ಹಾಗಿದ್ರೆ ಐಸಿಸಿ ಆಯ್ಕೆ ಮಾಡಿದ 2021 ಏಕದಿನ ತಂಡದಲ್ಲಿ ಯಾರೆಲ್ಲಾ ಇದ್ದಾರೆ ನೋಡೋಣ...
ಪಾಲ್ ಸ್ಟಿರ್ಲಿಂಗ್ (ಐರ್ಲೆಂಡ್): ಐರ್ಲೆಂಡ್ ಆಟಗಾರ ಪಾಲ್ ಸ್ಟಿರ್ಲಿಂಗ್ 705 ರನ್ ಕಲೆಹಾಕುವ ಮೂಲಕ 2021 ರಲ್ಲಿ ಏಕದಿನದಲ್ಲಿ ಅತೀ ಹೆಚ್ಚು ರನ್ ಬಾರಿಸಿದ ಬ್ಯಾಟರ್ ಎನಿಸಿಕೊಂಡಿದ್ದಾರೆ.
ಜಾನೆಮನ್ ಮಲಾನ್ (ದಕ್ಷಿಣ ಆಫ್ರಿಕಾ): ಮಲಾನ್ 2021 ರಲ್ಲಿ ಎಂಟು ಪಂದ್ಯಗಳಲ್ಲಿ 84.83 ಸರಾಸರಿಯಲ್ಲಿ ಎರಡು ಶತಕ ಮತ್ತು ಎರಡು ಅರ್ಧ ಶತಕಗಳೊಂದಿಗೆ 509 ರನ್ ಗಳಿಸಿದರು.
ಬಾಬರ್ ಆಜಮ್ (ನಾಯಕ) (ಪಾಕಿಸ್ತಾನ): ಪಾಕ್ ನಾಯಕ ಕಳೆದ ವರ್ಷ ಎರಡು ಶತಕಗಳೊಂದಿಗೆ 67.50 ಸರಾಸರಿಯಲ್ಲಿ 405 ರನ್ ಗಳಿಸುವಲ್ಲಿ ಯಶಸ್ವಿಯಾಗಿದ್ದರು.
ಫಖರ್ ಜಮಾನ್ (ಪಾಕಿಸ್ತಾನ): 2021 ರಲ್ಲಿ ಕೇವಲ ಆರು ಪಂದ್ಯಗಳನ್ನು ಆಡಿರುವ ಫಖರ್ ಎರಡು ಶತಕಗಳೊಂದಿಗೆ 60.83 ಸರಾಸರಿಯಲ್ಲಿ 365 ರನ್ಗಳನ್ನು ಬಾರಿಸಿದ್ದರು.
ರಸ್ಸಿ ವ್ಯಾನ್ ಡೆರ್ ಡುಸ್ಸೆನ್ (ದಕ್ಷಿಣ ಆಫ್ರಿಕಾ): ಡುಸ್ಸೆನ್ 2021 ರಲ್ಲಿ 8 ಪಂದ್ಯಗಳಲ್ಲಿ 57 ರ ಸರಾಸರಿಯಲ್ಲಿ 342 ರನ್ ಗಳಿಸಿದ್ದರು.
ಶಕೀಬ್ ಅಲ್ ಹಸನ್ (ಬಾಂಗ್ಲಾದೇಶ): 2021 ರಲ್ಲಿ ಒಂಬತ್ತು ಏಕದಿನ ಪಂದ್ಯಗಳನ್ನು ಆಡಿರುವ ಶಕೀಬ್ 277 ರನ್ ಹಾಗೂ 17 ವಿಕೆಟ್ಗಳನ್ನು ಪಡೆದಿದ್ದರು.
ಮುಶ್ಫಿಕರ್ ರಹೀಮ್ (ವಿಕೆಟ್ ಕೀಪರ್) (ಬಾಂಗ್ಲಾದೇಶ): ಕಳೆದ ವರ್ಷ 9 ಪಂದ್ಯಗಳನ್ನು ಆಡಿರುವ ಮುಶ್ಫಿಕರ್ ಒಂದು ಶತಕದೊಂದಿಗೆ 58.14 ಸರಾಸರಿಯಲ್ಲಿ 407 ರನ್ ಗಳಿಸಿದರು.
ವನಿಂದು ಹಸರಂಗ (ಶ್ರೀಲಂಕಾ): 2021 ರಲ್ಲಿ 14 ಪಂದ್ಯಗಳನ್ನು ಆಡಿರುವ ಹಸರಂಗ ಮೂರು ಅರ್ಧ ಶತಕಗಳೊಂದಿಗೆ 27.38 ಸರಾಸರಿಯಲ್ಲಿ 356 ರನ್ ಗಳಿಸಿದರು. ಅಲ್ಲದೆ 12 ವಿಕೆಟ್ ಕೂಡ ಕಬಳಿಸಿದ್ದರು.
ಮುಸ್ತಾಫಿಜುರ್ ರೆಹಮಾನ್ (ಬಾಂಗ್ಲಾದೇಶ): ಬಾಂಗ್ಲಾದೇಶದ ಎಡಗೈ ಸೀಮರ್ 10 ಪಂದ್ಯಗಳಲ್ಲಿ 21.55 ಸರಾಸರಿಯಲ್ಲಿ 18 ವಿಕೆಟ್ಗಳನ್ನು ಉರುಳಿಸಿದ್ದರು.
ಸಿಮಿ ಸಿಂಗ್ (ಐರ್ಲೆಂಡ್): ಆಫ್-ಬ್ರೇಕ್ ಬೌಲರ್ ಸಿಮಿ ಸಿಂಗ್ 2021 ರಲ್ಲಿ 13 ಪಂದ್ಯಗಳಲ್ಲಿ 19 ವಿಕೆಟ್ಗಳನ್ನು ಪಡೆದಿದ್ದರು. ಅಷ್ಟೇ ಅಲ್ಲದೆ 280 ರನ್ಗಳನ್ನು ಕೂಡ ಕಲೆಹಾಕಿದ್ದರು.
ದುಷ್ಮಂತ ಚಮೀರಾ (ಶ್ರೀಲಂಕಾ): ಕಳೆದ ವರ್ಷ 14 ಪಂದ್ಯಗಳನ್ನು ಆಡಿರುವ ಚಮೀರಾ 20 ವಿಕೆಟ್ಗಳನ್ನು ಕಬಳಿಸಿದ್ದಾರೆ.