Sirsi toy teacher: ಇವಳು ಮುದ್ದಾದ ಯುಕೆಜಿ ಕ್ಲಾಸ್ ಹುಡುಗಿ ಅಲ್ಲ! ಮಕ್ಕಳಿಗೆ ಪಾಠ ಮಾಡುತ್ತಿರುವ ಪೋರಿ, ಸಖತ್ ಟ್ಯಾಲೆಂಟೆಂಡ್!
ಶಿಕ್ಷಾ ಟೀಚರ್: ನೋಡಲು ಮುದ್ದಾದ ಯುಕೆಜಿ ಕ್ಲಾಸ್ ಹುಡುಗಿಯಂತೆ ಕಾಣುತ್ತಿದ್ದರೂ ಅವಳಾಗಲೇ ಆ ಕ್ಲಾಸಿನ ಅಚ್ಚುಮೆಚ್ಚಿನ ಟೀಚರ್! ಸ್ಕೂಲ್ ಯೂನಿಫಾರಂ ಹಾಕಿಕೊಂಡು, ಕೊರಳಲ್ಲಿ ಐಡಿ ಹಾಕಿಕೊಂಡು ಬಲು ಶಿಸ್ತಿನಿಂದ ಮಕ್ಕಳಿಗೆ ಮಗ್ಗಿ, ರೈಮ್ಸ್, ಲೆಕ್ಕದ ಬಗ್ಗೆ ಪಾಠ ಮಾಡುತ್ತಿರುವ ಈ ಪೋರಿ ಸಖತ್ ಟ್ಯಾಲೆಂಟೆಂಡ್. ಅರೇ ಏನಿದು ಯುಕೆಜಿ ಹುಡುಗಿ ಟೀಚರ್ ಆಗಬಹುದಾ? ಟೀಚರ್ ಆಗಿರುವುದಾದರೂ ಎಲ್ಲಿ ಆಗಿದ್ದಾಳೆ? ಎಂಬೆಲ್ಲಾ ಪ್ರಶ್ನೆಗಳು ಕಾಡತೊಡಗಿತೇ? ಈ ಸ್ಟೋರಿ ನೋಡಿ....
ಶಿಕ್ಷಾ ಟೀಚರ್: ನೋಡಲು ಮುದ್ದಾದ ಯುಕೆಜಿ ಕ್ಲಾಸ್ ಹುಡುಗಿಯಂತೆ ಕಾಣುತ್ತಿದ್ದರೂ ಅವಳಾಗಲೇ ಆ ಕ್ಲಾಸಿನ ಅಚ್ಚುಮೆಚ್ಚಿನ ಟೀಚರ್! ಸ್ಕೂಲ್ ಯೂನಿಫಾರಂ ಹಾಕಿಕೊಂಡು, ಕೊರಳಲ್ಲಿ ಐಡಿ ಹಾಕಿಕೊಂಡು ಬಲು ಶಿಸ್ತಿನಿಂದ ಮಕ್ಕಳಿಗೆ ಮಗ್ಗಿ, ರೈಮ್ಸ್, ಲೆಕ್ಕದ ಬಗ್ಗೆ ಪಾಠ ಮಾಡುತ್ತಿರುವ ಈ ಪೋರಿ ಸಖತ್ ಟ್ಯಾಲೆಂಟೆಂಡ್. ಅರೇ ಏನಿದು ಯುಕೆಜಿ ಹುಡುಗಿ ಟೀಚರ್ ಆಗಬಹುದಾ? ಟೀಚರ್ ಆಗಿರುವುದಾದರೂ ಎಲ್ಲಿ ಆಗಿದ್ದಾಳೆ? ಎಂಬೆಲ್ಲಾ ಪ್ರಶ್ನೆಗಳು ಕಾಡತೊಡಗಿತೇ? ಈ ಸ್ಟೋರಿ ನೋಡಿ....
ಶಿರಸಿಗೆ ಬಂದ ಶಿಕ್ಷಾ ರೋಬೋ ಟೀಚರ್.. ಶಿಕ್ಷಾ ಟೀಚರ್ ಅಂದ್ರೆ ಮಕ್ಕಳಿಗೆಲ್ಲ ಭಾರೀ ಖುಷಿ.. ಮಕ್ಕಳಿಗೆ ಪಾಠ ಮಾಡಿ, ಆಟ ಆಡಿಸಲು ಬಂದಿದೆ ರೋಬೋ ಟೀಚರ್.. ಹೌದು ನೋಡೋಕೆ ಯೂನಿಫಾರಂ ಹಾಕಿಕೊಂಡು ಯುಕೆಜಿ ಹುಡುಗಿ ತರ ಇದ್ದರೂ ಇವಳೇ ಕ್ಲಾಸಿನ ಟೀಚರ್.. ಆಟ, ಪಾಠ ಮಾಡುವ ಈ ಗೊಂಬೆ ಟೀಚರ್ ಅಂದ್ರೆ ಮಕ್ಕಳಿಗೆ ಸಖತ್ ಪ್ರೀತಿ.. ಇವಳು ಕ್ಲಾಸಿನ ಒಳಗೆ ಬಂದ್ರೆ ಸಾಕು, ಮಕ್ಕಳು ಇವಳನ್ನ ಮುದ್ದು ಮಾಡುತ್ತಾರೆ.. ಇವಳ ಹಿಂದೆಯೇ ಸುತ್ತುತ್ತಾರೆ.. (ವರದಿ: ವಿನಾಯಕ ಬಡಿಗೇರ, ಟಿವಿ 9, ಕಾರವಾರ)
ಅಷ್ಟಕ್ಕೂ ಈ ಗೊಂಬೆ ಟೀಚರ್ ಯಾರು ಅಂದ್ರೆ ಇವಳೇ ರೋಬೋ ಶಿಕ್ಷಾ... ಶಿರಸಿಯ ಎಂಇಎಸ್ ಚೈತನ್ಯ ಕಾಲೇಜಿನ ಭೌತಶಾಸ್ತ್ರದ ಪ್ರಾಧ್ಯಾಪಕರಾಗಿರುವ ಅಕ್ಷಯ್ ಮಾಶೇಲ್ಕರ್ ಅವರು ಪಾಠ ಮಾಡುವ ಈ ರೋಬೋಟ್ ಅನ್ನು ತಯಾರಿಸಿದ್ದಾರೆ. ಈ ರೋಬೋಟ್ ಟೀಚರ್‌ಗೆ ಶಿಕ್ಷಾ ಅಂತಲೂ ನಾಮಕರಣ ಮಾಡಲಾಗಿದೆ. ಈ ರೋಬೋಟ್ ಶಿಕ್ಷಾ ಕಾಗುಣಿತ, ಮಗ್ಗಿ, ಪದ್ಯ, ವಿರುದ್ಧಾರ್ಥಕ ಪದಗಳು, ಇಂಗ್ಲಿಷ್ ಭಾಷೆಯಲ್ಲಿ ರೈಮ್ಸ್ ಎಲ್ಲವನ್ನೂ ಮಕ್ಕಳಿಗೆ ಹೇಳಿಕೊಡುತ್ತೆ. ಇವಳ ಧ್ವನಿಗೆ ಮಕ್ಕಳು ಸಖತ್ ಅಟ್ರಾಕ್ಟ್ ಆಗುತ್ತಿದ್ದಾರೆ. ಇನ್ನು ಈ ಶಿಕ್ಷಾ ಪಾಠದೊಂದಿಗೆ ಆಟವನ್ನು ಮಕ್ಕಳ ಜೊತೆಗೆ ಆಡುತ್ತಾಳೆ. ಹೀಗಾಗಿ ಮಕ್ಕಳಿಗೆ ಸಖತ್ ಇಷ್ಟಾ ಆಗುತ್ತಿದ್ದಾಳೆ... ಎನ್ನುತ್ತಾರೆ ಅಕ್ಷಯ್ ಮಾಶೇಲ್ಕರ್.
ಈ ರೋಬೋ ಶಿಕ್ಷಾನನ್ನು ಕಳೆದ ಒಂದೂವರೆ ವರ್ಷದಿಂದ ಪರಿಶ್ರಮ ಪಟ್ಟು ಅಕ್ಷಯ್ ಮಾಶೇಲ್ಕರ್ ಹಾಗೂ ಇವರ ಸ್ನೇಹಿತ ಆದರ್ಶ ದೇವಾಡಿಗ ಸೇರಿ ಈ ವಿದ್ಯುತ್ ಚಾಲಿತ ರೋಬೋವನ್ನ ತಯಾರಿಸಿದ್ದಾರೆ. ಇದರಲ್ಲಿ ಹಲವು ಸೆನ್ಸಾರ್‌ಗಳನ್ನ ಅಳವಡಿಕೆ ಮಾಡಲಾಗಿದೆ. ಅದರಲ್ಲೂ ಸ್ಮಾರ್ಟ್ ಕಾರ್ಡ್ ಗಳನ್ನ ಈ ಗೊಂಬೆ ಕೈಗೆ ಸ್ಪರ್ಶಿಸುತ್ತಿದ್ದಂತೆ ಥಟ್ ಅಂತಾ ಅದರ ಉಲ್ಲೇಖ ಮಾಡುತ್ತಾಳೆ. ಪ್ರಮುಖವಾಗಿ 1 ರಿಂದ 3 ನೇ ಕ್ಲಾಸಿನ ಮಕ್ಕಳಿಗೆ ಯಾವುದು ಅಗತ್ಯ ಶಿಕ್ಷಣವಿದೆಯೋ ಅದನ್ನ ಮೊದಲೇ ಇದರಲ್ಲಿ ಫೀಡ್ ಮಾಡಲಾಗಿದೆ. ಹೀಗಾಗಿ ಫೀಡ್ ಮಾಡಿದ ವಿಷಯವನ್ನ ಸುಲಭವಾಗಿ, ಅರ್ಥವಾಗುವ ರೀತಿಯಲ್ಲಿ ಮಕ್ಕಳಿಗೆ ಪಾಠ ಮಾಡುತ್ತಾಳೆ.
ಇನ್ನು ಮ್ಯೂಸಿಕಲ್ ಚೇರ್, ಕೆರೆ ದಡ ಗೇಮ್ಸ್ ಕೂಡ ಮಕ್ಕಳೊಂದಿಗೆ ಆಡುತ್ತದೆ. ಹೀಗಾಗಿ ಮಕ್ಕಳಿಗೆ ಈ ರೋಬೋ ಶಿಕ್ಷಾ ಅಂದ್ರೆ ಬಹಳ ಪ್ರೀತಿ.. ಈ ರೋಬೋ ಶಿಕ್ಷಾ ಕಡಿಮೆ ತೂಕ ಇರುವುದರಿಂದ ಎಲ್ಲಿಗೆ ಬೇಕಾದರೂ ಆರಾಮಾಗಿ ಸಾಗಿಸಬಹುದು.. ವಿಶೇಷವಾಗಿ ಸ್ಮಾರ್ಟ್ ಕಾರ್ಡ್, ಗೊಂಬೆಯ ಕೈಗಳಿಂದ ಸಂವಹನ ಸಾಧ್ಯವಾಗಿದ್ದರಿಂದ ಇದನ್ನ ಯಾರ ಬೇಕಾದ್ರು ನಿಯಂತ್ರಿಸಬಹುದಾಗಿದೆ. ಮುಂದಿನ ದಿನಗಳಲ್ಲಿ ರೋಬೋ ಟೀಚರ್ ಅಪ್ಡೇಟ್ ವರ್ಷನ್ 2.1 ಶಿಕ್ಷಾ ತಯಾರಿ ಮಾಡಲು ಅಕ್ಷಯ್ ಹಾಗೂ ದೇವಾಡಿಗ ಆಲೋಚನೆಯಲ್ಲಿದ್ದಾರಂತೆ.. ಇನ್ನು ಇಲ್ಲಿನ ಶಾಲಾ ಮಕ್ಕಳಂತೂ ರೋಬೋ ಶಿಕ್ಷಾ ಕಂಡು ಸಖತ್ ಖುಷಿ ಪಡುತ್ತಿದ್ದಾರೆ.
ಒಟ್ಟಿನಲ್ಲಿ ಅಪ್ಡೇಟ್ ಯುಗದಲ್ಲಿ ಮಕ್ಕಳಿಗೆ ಮೊಬೈಲ್ ಬಳಕೆ ಹೇಗೆ ಅಟ್ರಾಕ್ಟ್ ಆಗಿದೆ ಹಾಗೆ ಈ ರೋಬೋ ಶಿಕ್ಷಾ ಕೂಡ ಸಕತ್ ಅಟ್ರಾಕ್ಟ್ ಆಗಿದ್ದಾಳೆ.. ಈ ರೋಬೋ ಶಿಕ್ಷಾ ದಿಂದ ಶಿಕ್ಷಣದಲ್ಲಿ ಮತ್ತೊಂದು ಕ್ರಾಂತಿ ಆದರೂ ಸಂದೇಹವಿಲ್ಲ.. ಅಗತ್ಯವಿದ್ದಲ್ಲಿ ಈ ರೋಬೋ ಶಿಕ್ಷಾ ಎಲ್ಲ ಶಾಲೆಗಳಿಗೆ ಬರುವಂತಾಗಲಿ....