ಅಪ್ಪ ಶಾರುಖ್ ಖಾನ್ ಜೊತೆ ನಟಿಸಲಿರುವ ಪುತ್ರಿ ಸುಹಾನಾ ಖಾನ್
Suhana Khan: ಶಾರುಖ್ ಖಾನ್ ಪುತ್ರಿ ಸುಹಾನಾ ಖಾನ್ ನಟಿಸಿರುವ ಮೊದಲ ಸಿನಿಮಾ ಇನ್ನೂ ಬಿಡುಗಡೆ ಆಗಿಲ್ಲ, ಆಗಲೇ ಅವರಿಗೆ ದೊಡ್ಡ ಸಿನಿಮಾದಲ್ಲಿ ನಟಿಸುವ ಅವಕಾಶ ದೊರೆತಿದೆ. ಸುಹಾನಾ ಖಾನ್, ತಮ್ಮ ತಂದೆ ಶಾರುಖ್ ಖಾನ್ರ ಸಿನಿಮಾದಲ್ಲಿ ನಟಿಸಲಿದ್ದಾರೆ.
ಸುಹಾನಾ ಖಾನ್ ನಟನೆಯ ಒಂದೂ ಸಿನಿಮಾ ಇನ್ನೂ ಬಿಡುಗಡೆ ಆಗಿಲ್ಲ ಆಗಲೇ ಸುಹಾನಾಗೆ ಅವಕಾಶಗಳು ಅರಸಿ ಬರುತ್ತಿವೆ.
ಸುಹಾನಾ ಖಾನ್ ‘ಆರ್ಚಿಸ್’ ಸಿನಿಮಾದಲ್ಲಿ ನಟಿಸಿದ್ದಾರೆ ಇದು ಅವರ ಮೊದಲ ಸಿನಿಮಾ, ‘ಆರ್ಚೀಸ್’ ಸಿನಿಮಾ ಇನ್ನೂ ಬಿಡುಗಡೆ ಆಗಿಲ್ಲ.
ಈಗಾಗಲೇ ಸುಹಾನಾ ಖಾನ್ಗೆ ಹಲವು ಸಿನಿಮಾ ಅವಕಾಶಗಳು ಹುಡುಕಿಕೊಂಡು ಬರುತ್ತಿವೆ. ಆದರೆ ಒಂದು ಸಿನಿಮಾವನ್ನು ಮಾತ್ರ ಸುಹಾನಾ ಒಪ್ಪಿಕೊಂಡಿದ್ದಾರಂತೆ.
ಸುಹಾನಾ ಖಾನ್ ತಮ್ಮ ತಂದೆ ಶಾರುಖ್ ಖಾನ್ ಜೊತೆಗೆ ಹೊಸ ಸಿನಿಮಾದಲ್ಲಿ ನಟಿಸಲಿದ್ದಾರೆ, ಆ ಸಿನಿಮಾದ ಚಿತ್ರೀಕರಣ ಜನವರಿಯಿಂದ ಪ್ರಾರಂಭವಾಗಲಿದೆ.
ಶಾರುಖ್ ಖಾನ್ ಹಾಗೂ ಸುಹಾನಾ ಖಾನ್ ಒಟ್ಟಿಗೆ ನಟಿಸಲಿರುವ ಸಿನಿಮಾ ಪಕ್ಕಾ ಆಕ್ಷನ್ ಥ್ರಿಲ್ಲರ್ ಆಗಿರಲಿದ್ದು, ಸಿನಿಮಾದಲ್ಲಿಯೂ ಸಹ ಅಪ್ಪ-ಮಗಳಾಗಿಯೇ ಶಾರುಖ್-ಸುಹಾನಾ ನಟಿಸಲಿದ್ದಾರೆ.
ಸುಹಾನಾ ಖಾನ್, ವಿದೇಶದಲ್ಲಿ ಸಿನಿಮಾ ಕುರಿತಾದ ಕೋರ್ಸ ಮುಗಿಸಿ ಬಂದಿದ್ದಾರೆ, ಅಲ್ಲದೆ ಸಿನಿಮಾ ಕುಟುಂಬದವರೇ ಆಗಿರುವ ಕಾರಣ ಅವರಿಗೆ ನಟನೆ ಹೊಸದೇನೂ ಅಲ್ಲ.
ಸುಹಾನಾ ಖಾನ್ ‘ಆರ್ಚೀಸ್’ ಸಿನಿಮಾದಲ್ಲಿ ಚೆನ್ನಾಗಿ ನಟಿಸಿದ್ದಾರೆ ಎನ್ನಲಾಗುತ್ತಿದ್ದು, ಮುಂದಿನ ಅವಕಾಶಗಳನ್ನು ಪ್ರತಿಭೆಯ ಆಧಾರದಲ್ಲಿ ಪಡೆದುಕೊಳ್ಳುತ್ತಾರೆಯೇ ಎಂದು ನೋಡಬೇಕಿದೆ.