- Kannada News Photo gallery These banks offer up to 7.5 interest for 5-year FD Fixed Deposit Interest Details in Kannada
Fixed Deposit: 5 ವರ್ಷದ ಎಫ್ಡಿಗೆ ಶೇ 7.5ಕ್ಕಿಂತ ಹೆಚ್ಚು ಬಡ್ಡಿ ಕೊಡುವ ಬ್ಯಾಂಕ್ಗಳಿವು
ಹಣದುಬ್ಬರ ನಿಯಂತ್ರಿಸಲು ಭಾರತೀಯ ರಿಸರ್ವ್ ಬ್ಯಾಂಕ್ ರೆಪೊ ದರಗಳನ್ನು ಹೆಚ್ಚಿಸುತ್ತಿದೆ.
Updated on:Sep 12, 2022 | 12:29 PM

ಬ್ಯಾಂಕಿಂಗ್ ಲೈಸೆನ್ಸ್ ಪಡೆದಿರುವ ಫೈನಾನ್ಸ್ ಬ್ಯಾಂಕ್ಗಳು, ವಿದೇಶಿ ಬ್ಯಾಂಕ್ಗಳು ಮತ್ತು ಸಣ್ಣ ಖಾಸಗಿ ಬ್ಯಾಂಕುಗಳು ಇದೀಗ ಬಡ್ಡಿ ದರ ಹೆಚ್ಚಿಸುವ ಮೂಲಕ ಸಾರ್ವಜನಿಕರಿಂದ ಹೆಚ್ಚಿನ ಠೇವಣಿ ಸಂಗ್ರಹಿಸಲು ಪ್ರಯತ್ನಿಸುತ್ತಿವೆ. ಸುಮಾರು 5 ವರ್ಷಗಳ ಅವಧಿಗೆ ಎಫ್ಡಿಗಳ ಮೇಲೆ ಅತ್ಯುತ್ತಮ ಬಡ್ಡಿದರಗಳನ್ನು ನೀಡುವ ಬ್ಯಾಂಕ್ಗಳ ವಿವರ ಇಲ್ಲಿದೆ.

ಆರ್ಬಿಎಲ್ ಬ್ಯಾಂಕ್ನಲ್ಲಿ 3ರಿಂದ 5 ವರ್ಷಗಳ ಅವಧಿಯ ಎಫ್ಡಿಗೆ ಶೇ 6.55 ರ ಬಡ್ಡಿ ಸಿಗುತ್ತಿದೆ.

ಧನಲಕ್ಷ್ಮೀ ಬ್ಯಾಂಕ್ ಅನ್ನು ತನ್ನ ಸುಪರ್ದಿಗೆ ತೆಗೆದುಕೊಂಡ ಡಿಸಿಬಿ ಬ್ಯಾಂಕ್ 1.5 ರಿಂದ 10 ವರ್ಷಗಳ ಎಫ್ಡಿಗೆ ಶೇ 6.6ರ ಬಡ್ಡಿ ಕೊಡುತ್ತಿದೆ.

ಇಂಡಸ್ಇಂಡ್ ಬ್ಯಾಂಕ್ ಮತ್ತು ಯೆಸ್ ಬ್ಯಾಂಕ್ 1.5ರಿಂದ 5 ವರ್ಷಗಳ ಅವಧಿಯ 1 ಲಕ್ಷ ರೂಪಾಯಿ ಎಫ್ಡಿಗೆ ಶೇ 6.75 ರ ಬಡ್ಡಿ ಕೊಡುತ್ತಿವೆ. ಸೂರ್ಯೋದಯ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಸಹ 5 ವರ್ಷಗಳ ಎಫ್ಡಿಗೆ ಶೇ 6.75ರ ಬಡ್ಡಿ ಕೊಡುತ್ತಿದೆ.

ಭಾರತದಲ್ಲಿ ಕಾರ್ಯನಿರ್ವಹಿಸುವ ವಿದೇಶಿ ಬ್ಯಾಂಕ್ಗಳ ಪೈಕಿ ಡಚಸ್ ಬ್ಯಾಂಕ್ ಅತಿಹೆಚ್ಚಿನ ಬಡ್ಡಿ ಕೊಡುತ್ತಿದೆ. 1 ಲಕ್ಷವನ್ನು 5 ವರ್ಷಗಳ ಅವಧಿಗೆ ಎಫ್ಡಿ ಇರಿಸಿದರೆ ಶೇ 7ರ ಬಡ್ಡಿ ಸಿಗುತ್ತದೆ. ಫಿನ್ಕೇರ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಸಹ 5 ವರ್ಷಗಳ ಅವಧಿಗೆ ಇಷ್ಟೇ ಬಡ್ಡಿ ನಿಗದಿಪಡಿಸಿದೆ.

1 ಲಕ್ಷ ರೂಪಾಯಿಯನ್ನು 1,825 ದಿನಗಳ ಅವಧಿಗೆ ಎಫ್ಡಿ ಮಾಡಿದರೆ ಜನ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ನಲ್ಲಿ ಶೇ 7.25ರ ಬಡ್ಡಿ ಸಿಗುತ್ತದೆ.

ಉಜ್ಜೀವನ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಎಫ್ಡಿ ಮೇಲೆ ಶೇ 7.5 ರ ಬಡ್ಡಿಯನ್ನು ಕೊಡುತ್ತಿದೆ. ಸಣ್ಣ ಹಣಕಾಸು ಬ್ಯಾಂಕುಗಳ ಪೈಕಿ ಈ ಬ್ಯಾಂಕ್ನಲ್ಲಿ ಅತ್ಯುತ್ತಮ ಬಡ್ಡಿದರ ನಿಗದಿಯಾಗಿದೆ. 1 ಲಕ್ಷ ರೂಪಾಯಿ ಎಫ್ಡಿಗೆ 75 ತಿಂಗಳ ಅವಧಿಗೆ ಶೇ 7.5 ರ ಬಡ್ಡಿ ಸಿಗುತ್ತದೆ.

ಎಯು ಸ್ಮಾಲ್ ಫೈನಾನ್ಸ್ ಬ್ಯಾಂಕ್ 5ರಿಂದ 10 ವರ್ಷಗಳ ಅವಧಿಯ 1 ಲಕ್ಷ ರೂಪಾಯಿ ಎಫ್ಡಿಗೆ ಶೇ 6.9ರ ಬಡ್ಡಿ ನೀಡುತ್ತಿದೆ.

ಭಾರತೀಯ ರಿಸರ್ವ್ ಬ್ಯಾಂಕ್ (Reserve Bank of India - RBI) ಸತತ ಮೂರು ಬಾರಿ ರೆಪೊ ದರಗಳನ್ನು ಹೆಚ್ಚಿಸಿದ ನಂತರ ಹಲವು ಬ್ಯಾಂಕ್ಗಳು 5 ವರ್ಷಗಳ ಅವಧಿಯ ಸ್ಥಿರ ಠೇವಣಿಗಳ (Fixed Deposit - FD) ಮೇಲಿನ ಬಡ್ಡಿದರಗಳನ್ನು ಹೆಚ್ಚಿಸಿವೆ.
Published On - 12:22 pm, Mon, 12 September 22
























