WhatsApp: ನಕಲಿ ವಾಟ್ಸ್ಆ್ಯಪ್ ಬಂದಿದೆ…ವಾಟ್ಸ್ಆ್ಯಪ್ ಎಚ್ಚರಿಕೆ..!
WhatsApp: ಪ್ರಸ್ತುತ ವಿಶ್ವದ ಅತಿದೊಡ್ಡ ಮಲ್ಟಿಮೀಡಿಯಾ ಅಪ್ಲಿಕೇಶನ್ ಆಗಿರುವ ವಾಟ್ಸ್ಆ್ಯಪ್ನ ನಕಲಿ ಆ್ಯಪ್ಗಳು ಕೂಡ ಲಭ್ಯವಿದೆ. ಅದರಲ್ಲೂ ಇತ್ತೀಚೆಗೆ ಪ್ಲೇಸ್ಟೋರ್ನಲ್ಲೇ ಹೇ ವಾಟ್ಸ್ಆ್ಯಪ್ ಹೆಸರಿನ ನಕಲಿ ಆ್ಯಪ್ ಕೂಡ ಕಂಡು ಬಂದಿತ್ತು.
ಮೆಟಾ-ಮಾಲೀಕತ್ವದ ವಿಶ್ವದ ಜನಪ್ರಿಯ ಅಪ್ಲಿಕೇಶನ್ ವಾಟ್ಸ್ಆ್ಯಪ್ನ (WhatsApp) ನಕಲಿ ಆ್ಯಪ್ಗಳ ಬಗ್ಗೆ ಎಚ್ಚರಿಕೆ ವಹಿಸುವಂತೆ ಖುದ್ದು ವಾಟ್ಸ್ಆ್ಯಪ್ ಮುಖ್ಯಸ್ಥರೇ ಎಚ್ಚರಿಕೆ ನೀಡಿದ್ದಾರೆ. ಈಗಾಗಲೇ ಹಲವು ರೀತಿಯ ಫೇಕ್ ವಾಟ್ಸ್ಆ್ಯಪ್ ಅಪ್ಲಿಕೇಶನ್ ಇದ್ದು, ಇಂತಹ ಆ್ಯಪ್ಗಳ ಬಳಕೆದಾರರನ್ನು ಹ್ಯಾಕರ್ಗಳು ಗುರಿಯಾಗಿಸುತ್ತಿದ್ದಾರೆ ಎಂದು ತಿಳಿಸಿದ್ದಾರೆ.
1 / 6
ಈ ಬಗ್ಗೆ ಟ್ವೀಟ್ ಮಾಡಿರುವ ವಾಟ್ಸ್ಆ್ಯಪ್ ಸಿಇಒ ಕ್ಯಾತ್ಕಾರ್ಟ್, ಬಳಕೆದಾರರು ನಕಲಿ ಅಥವಾ ಮೋಡಿಫೈ ವಾಟ್ಸ್ಆ್ಯಪ್ಗಳನ್ನು ಡೌನ್ಲೋಡ್ ಮಾಡುವುದು ಒಳ್ಳೆಯದಲ್ಲ. ಈ ಆ್ಯಪ್ಗಳು ನಿಮ್ಮ ಗೌಪ್ಯತೆ ಮತ್ತು ಭದ್ರತೆಗೆ ಮಾರಕ ಎಂಬುದರ ಬಗ್ಗೆ ಎಚ್ಚರವಿರಲಿ. ವಂಚಕರು ಇಂತಹ ಆ್ಯಪ್ಗಳ ಮೂಲಕ ನಿಮ್ಮ ಡೇಟಾ ಮೇಲೆ ಕಣ್ಣಿಟ್ಟಿರುತ್ತಾರೆ ಎಂದು ಎಚ್ಚರಿಸಿದ್ದಾರೆ.
2 / 6
ಪ್ರಸ್ತುತ ವಿಶ್ವದ ಅತಿದೊಡ್ಡ ಮಲ್ಟಿಮೀಡಿಯಾ ಅಪ್ಲಿಕೇಶನ್ ಆಗಿರುವ ವಾಟ್ಸ್ಆ್ಯಪ್ನ ನಕಲಿ ಆ್ಯಪ್ಗಳು ಕೂಡ ಲಭ್ಯವಿದೆ. ಅದರಲ್ಲೂ ಇತ್ತೀಚೆಗೆ ಪ್ಲೇಸ್ಟೋರ್ನಲ್ಲೇ ಹೇ ವಾಟ್ಸ್ಆ್ಯಪ್ ಹೆಸರಿನ ನಕಲಿ ಆ್ಯಪ್ ಕೂಡ ಕಂಡು ಬಂದಿತ್ತು. ಈ ಆ್ಯಪ್ ಅನ್ನು ಹೇಮೊಡ್ಸ್ ಎಂಬ ಡೆವಲಪರ್ ಅಭಿವೃದ್ಧಿಪಡಿಸಿದ್ದರು.
3 / 6
ಹೇ ವಾಟ್ಸ್ಆ್ಯಪ್ನಲ್ಲಿ ಮಾಲ್ವೇರ್ ಕಂಡು ಬಂದಿದ್ದು, ಇದರ ಬಳಕೆದಾರರ ಡೇಟಾ ಮೇಲೆ ಹ್ಯಾಕರುಗಳು ಕಣ್ಣಿಟ್ಟಿರುವುದು ಕೂಡ ಖಚಿತವಾಗಿತ್ತು. ಇದರ ಬೆನ್ನಲ್ಲೇ ಇದೀಗ ನಕಲಿ ವಾಟ್ಸ್ಆ್ಯಪ್ಗಳ ಬಳಕೆಯ ಬಗ್ಗೆ ವಾಟ್ಸ್ಆ್ಯಪ್ ಸಿಇಓ ಕ್ಯಾತ್ಕಾರ್ಟ್ ಅವರೇ ಎಚ್ಚರಿಸಿದ್ದಾರೆ.
4 / 6
ವಿಲ್ ಕ್ಯಾತ್ಕಾರ್ಟ್ ಅವರು ಈ ನಿಟ್ಟಿನಲ್ಲಿ ಗೂಗಲ್‌ನೊಂದಿಗೆ ಚರ್ಚಿಸಿದ್ದು, ಇದಾದ ಬಳಿಕ ಹೇ ವಾಟ್ಸ್ಆ್ಯಪ್ ಅನ್ನು ತೆಗೆದು ಹಾಕಲಾಯಿತು.
5 / 6
ಆದರೆ ಇದೇ ಅಪ್ಲಿಕೇಶನ್ ಅನ್ನು ಥರ್ಡ್ ಪಾರ್ಟಿ ಮೂಲಕ ಡೌನ್ ಲೋಡ್ ಮಾಡಿಕೊಳ್ಳಲು ಅವಕಾಶವಿದೆ. ಹೀಗಾಗಿ ಯಾರೂ ಕೂಡ ನಕಲಿ ವಾಟ್ಸ್ಆ್ಯಪ್ಗಳನ್ನು ಡೌನ್ಲೋಡ್ ಮಾಡದಂತೆ ಎಚ್ಚರವಹಿಸಲು ತಿಳಿಸಲಾಗಿದೆ.
