Akshaya Tritiya: ಜ್ಯೋತಿಷ ಪ್ರಕಾರ ಅಕ್ಷಯ ತೃತೀಯಕ್ಕೆ ಯಾವ ರಾಶಿಯವರು ಏನು ಖರೀದಿಸಿದರೆ ಉತ್ತಮ?

ಇದೇ ಮೇ 14ನೇ ತಾರೀಕು, ಶುಕ್ರವಾರ ಅಕ್ಷಯ ತೃತೀಯ ಇದೆ. ಬಹಳ ಮಂದಿಗೆ ಗೊತ್ತಿರೋದು ಏನು ಅಂದರೆ, ಈ ದಿನ ಬೆಲೆ ಬಾಳುವ ಲೋಹಗಳು, ರತ್ನಗಳನ್ನು ಖರೀದಿ ಮಾಡಿದರೆ ಮನೆಯಲ್ಲಿ ಅವುಗಳ ಪ್ರಮಾಣ ವೃದ್ಧಿ ಆಗುತ್ತದೆ. ಸಂಪತ್ತು ಸಂಗ್ರಹ ಆಗುತ್ತದೆ. ಅದರಲ್ಲೂ ಚಿನ್ನದ ಆಭರಣಗಳನ್ನು ಖರೀದಿ ಮಾಡಿದಲ್ಲಿ, ಹೂಡಿಕೆ ಮಾಡಿದಲ್ಲಿ ಮತ್ತೂ ಒಳ್ಳೆಯದಾಗುತ್ತದೆ ಎಂಬುದೊಂದು ಭಾವನೆ ಇದೆ. ಇದನ್ನು ಅಲ್ಲಗಳೆಯುವುದಿಲ್ಲ. ಏಕೆಂದರೆ ಇದು ಹೆಸರೇ ಹೇಳುವಂತೆ ಅಕ್ಷಯ ತೃತೀಯ. ಶುಃಭ ಎನಿಸಿದ್ದೆಲ್ಲ ವೃದ್ಧಿ ಆಗುತ್ತದೆ. ಅದರ ಜತೆಗೆ ದೇವರ ಪೂಜೆಗಳು, ಜಪ- ತಪಾದಿ, ದಾನ-ಧರ್ಮಗಳನ್ನು ಸಹ ಮಾಡಿದರೆ ಶುಭ ಫಲವನ್ನು ಪಡೆಯುತ್ತೀರಿ. ವಿಶೇಷವಾಗಿ ಅಕ್ಷಯ ತೃತೀಯದಂದು ದಾನ- ಧರ್ಮಾದಿಗಳಾಗಿ ಪ್ರಾಶಸ್ತ್ಯ ಇದೆ. ನಿಮ್ಮ ಕೈ ಮೀರಿದ್ದನ್ನೂ ಯಾವ ಕಾರಣಕ್ಕೂ ಮಾಡಬೇಡಿ. ಸಾಲ ಮಾಡಿಕೊಳ್ಳಬೇಡಿ. ಈಗಿನ ಸನ್ನಿವೇಶದಲ್ಲಿ ರಿಸ್ಕ್ ತಗೊಂಡು ಮನೆಯಿಂದ ಹೊರಹೋಗಬೇಡಿ. ಆದರೆ ರಾಶಿಗೆ ಅನುಗುಣವಾಗಿ ಏನು ಮಾಡಬೇಕು ಎಂಬುದನ್ನು ತಿಳಿಯಿರಿ. ಒಂದು ವೇಳೆ ನಿಮ್ಮಿಂದ ಇದು ಸಾಧ್ಯವಾದಲ್ಲಿ ಮಾತ್ರ ಮಾಡಿ. ಇಲ್ಲದಿದ್ದಲ್ಲಿ ದೇವರ ಪೂಜೆಯನ್ನು ಶ್ರದ್ಧೆಯಿಂದ ಮಾಡಿ; ಜ್ಞಾನ, ಭಕ್ತಿ ಹಾಗೂ ಧರ್ಮ ವೃದ್ಧಿ ಮಾಡುವಂತೆ ಕೇಳಿಕೊಳ್ಳಿ. ಆರೋಗ್ಯ- ಆಯುಷ್ಯ ಚೆನ್ನಾಗಿ ಆಗಲಿ ಎಂದು ಪ್ರಾರ್ಥಿಸಿ.

ಮೇಷ
ಈ ರಾಶಿಯವರು ಕೇಸರಿ ಬಣ್ಣದ ತೊಗರಿ ಬೇಳೆಯನ್ನು ಮನೆಗೆ ಖರೀದಿಸಿ ತರಬೇಕು. ಇದು ಶಾಂತಿ ತರುತ್ತದೆ ಮತ್ತು ಗೃಹದಲ್ಲಿ ಸಂಪತ್ತು ವೃದ್ಧಿಯಾಗುತ್ತದೆ.

ವೃಷಭ
ಈ ರಾಶಿಯವರು ಅಕ್ಕಿ ಅಥವಾ ಕಿರುಧಾನ್ಯವನ್ನು ಖರೀದಿಬೇಕು. ಇದರಿಂದಾಗಿ ಹಣಕಾಸು ಸ್ಥಿತಿ ಉತ್ತಮಗೊಳ್ಳುತ್ತದೆ.

ಮಿಥುನ
ಈ ರಾಶಿಯ ಜನರು ಹೆಸರುಬೇಳೆ, ಕೊತ್ತಂಬರಿ ಮತ್ತು ಬಟ್ಟೆಗಳನ್ನು ಖರೀದಿ ಮಾಡಬೇಕು. ಇದರಿಂದ ಒಳ್ಳೆ ಫಲಿತವನ್ನು ಪಡೆಯಬಹುದು.

ಕರ್ಕಾಟಕ
ಈ ರಾಶಿಯವರು ಅಕ್ಕಿ ಮತ್ತು ಹಾಲನ್ನು ಕೊಂಡುಕೊಳ್ಳಬೇಕು. ಇದರಿಂದ ಒಳ್ಳೆ ಫಲಿತಾಂಶವನ್ನು ಕಾಣಬಹುದು.

ಸಿಂಹ
ಈ ರಾಶಿಯವರು ಕೆಂಪು ಹಣ್ಣು ಅಥವಾ ತಾಮ್ರದ ಪಾತ್ರೆಗಳನ್ನು ಖರೀದಿಸಬೇಕು. ಇದರಿಂದ ಕುಟುಂಬದಲ್ಲಿ ನಿಮ್ಮ ಸ್ಥಾನಮಾನ ಹೆಚ್ಚಾಗುತ್ತದೆ.

ಕನ್ಯಾ
ಈ ರಾಶಿಯವರು ಹೆಸರು ಬೇಳೆ ಖರೀದಿಸಬೇಕು. ಇದರಿಂದ ಇವರಿಗೆ ದೈವಾಶೀರ್ವಾದ ದೊರೆಯುತ್ತದೆ.

ತುಲಾ
ಇವರು ಸಕ್ಕರೆ ಮತ್ತು ಅಕ್ಕಿಯನ್ನು ಖರೀದಿಸಬೇಕು. ಹೀಗೆ ಮಾಡುವುದರಿಂದ ವೈವಾಹಿಕ ಮತ್ತು ಕೌಟುಂಬಿಕ ಜೀವನ ಉತ್ತಮವಾಗಿರುತ್ತದೆ.

ವೃಶ್ಚಿಕ
ಈ ರಾಶಿಯವರು ಮನೆಗೆ ನೀರು ಮತ್ತು ಬೆಲ್ಲವನ್ನು ಕೊಂಡು ತರಬೇಕು. ಇದರಿಂದ ನಿಮ್ಮ ಶತ್ರುಗಳು ದುರ್ಬಲರಾಗುತ್ತಾರೆ. ಉತ್ತಮವಾದ ಫಲಿತಾಂಶವನ್ನು ಪಡೆಯುತ್ತೀರಿ.

ಧನುಸ್ಸು
ಈ ರಾಶಿಯವರು ಮನೆಗೆ ಬಾಳೆಹಣ್ಣು ಮತ್ತು ಹಳದಿ ಅಕ್ಕಿಯನ್ನು ತರಬೇಕು. ಇದರಿಂದ ಹಲವು ಬಗೆಯಲ್ಲಿ ಉತ್ತಮ ಫಲಿತವನ್ನು ತಂದುಕೊಡುತ್ತದೆ.

ಮಕರ
ಉದ್ದಿನ ಬೇಳೆ ಅಥವಾ ಮೊಸರು ಖರೀದಿಸಿ ಮನೆಗೆ ತನ್ನಿ. ಇದರಿಂದ ಕೆಟ್ಟ ದೃಷ್ಟಿ ದೂರವಾಗುತ್ತದೆ.

ಕುಂಭ
ಈ ರಾಶಿಯವರು ಕಪ್ಪು ಬಣ್ಣದ ಬಟ್ಟೆ ಮತ್ತು ಕಪ್ಪು ಎಳ್ಳು ಖರೀದಿಸಬೇಕು. ಹೀಗೆ ಮಾಡುವುದರಿಂದ ಅನೇಕ ಸಮಸ್ಯೆಗಳು ನಿವಾರಣೆ ಆಗುತ್ತವೆ.

ಮೀನ
ಈ ರಾಶಿಯವರು ಅರಿಶಿಣ ಮತ್ತು ಕಡಲೇಕಾಳು ಖರೀದಿ ಮಾಡಬೇಕು. ಇದರಿಂದ ಆರೋಗ್ಯವು ಉತ್ತಮವಾಗುತ್ತದೆ.

ಮಾಹಿತಿ ಮೂಲ: ಅಸ್ಟ್ರೋಸೇಜ್

ಇದನ್ನೂ ಓದಿ: Akshaya Tritiya: ಅಕ್ಷಯ ತೃತೀಯಕ್ಕೆ ಚಿನ್ನ ಖರೀದಿಸುವುದು ಅದೃಷ್ಟ ತರುತ್ತದೆಯಾ? ಇಲ್ಲಿದೆ ಪೂರ್ಣ ಮಾಹಿತಿ

ಇದನ್ನೂ ಓದಿ: Akshaya Tritiya: ಅಕ್ಷಯ ತೃತೀಯ ಆಚರಣೆಯ ಮಹತ್ವ, ಶುಭ ಮುಹೂರ್ತ ಮತ್ತು ಇತಿಹಾಸವನ್ನು ತಿಳಿಯಿರಿ

(Akshaya Tritiya auspicious purchasing by zodiac signs on the basis of astrology)