Daily Devotional: ನಿಮ್ಮ ಲಗ್ನಕ್ಕೆ ಅನುಗುಣವಾಗಿ ಅದೃಷ್ಟ ದೇವತೆ ತಿಳಿಯಿರಿ; ಜ್ಯೋತಿಷ್ಯ ಸಲಹೆ ಇಲ್ಲಿದೆ

ಜ್ಯೋತಿಷ್ಯ ಶಾಸ್ತ್ರದಲ್ಲಿ, ಲಗ್ನ, ರಾಶಿ ಮತ್ತು ನಕ್ಷತ್ರಗಳು ಪ್ರಮುಖ ಪಾತ್ರ ವಹಿಸುತ್ತವೆ. ಇವುಗಳಲ್ಲಿ ಲಗ್ನವು ಅತ್ಯಂತ ಮೂಲಭೂತವಾಗಿದ್ದು, ವ್ಯಕ್ತಿಯ ಜನನದ ಸಮಯದ ಆಧಾರದ ಮೇಲೆ ಇದನ್ನು ನಿರ್ಧರಿಸಲಾಗುತ್ತದೆ. ಪ್ರತಿ ಲಗ್ನಕ್ಕೂ ಒಂದು ನಿರ್ದಿಷ್ಟ ಅದೃಷ್ಟ ದೇವತೆ ಇರುತ್ತದೆ. ಈ ಅದೃಷ್ಟ ದೇವತೆಯನ್ನು ಲಗ್ನದಿಂದ ಪಂಚಮ ಸ್ಥಾನದ ಅಧಿಪತಿಯ ಮೂಲಕ ಗುರುತಿಸಲಾಗುತ್ತದೆ. ಪಂಚಮಾಧಿಪತಿಯು ನಿಮ್ಮ ಜೀವನಪೂರ್ತಿ ನಿಮ್ಮ ಅದೃಷ್ಟ ದೇವತೆಯಾಗಿರುತ್ತಾನೆ. ಈ ದೇವತೆಯನ್ನು ನಿಯಮಿತವಾಗಿ ಆರಾಧಿಸುವುದರಿಂದ ಶುಭ ಫಲಗಳು ಲಭಿಸುತ್ತವೆ ಮತ್ತು ಅದೃಷ್ಟ ಕೂಡಿಬರುತ್ತದೆ ಎಂದು ಖ್ಯಾತ ಜ್ಯೋತಿಷಿ ಮತ್ತು ವಾಸ್ತು ಶಾಸ್ತ್ರಜ್ಞರಾದ ಡಾ. ಬಸವರಾಜ್ ಗುರೂಜಿಯವರು ತಮ್ಮ ನಿತ್ಯಭಕ್ತಿ ಕಾರ್ಯಕ್ರಮದಲ್ಲಿ ವಿವರಿಸಿದ್ದಾರೆ.

ವಿವಿಧ ಲಗ್ನಗಳಿಗೆ ಅದೃಷ್ಟ ದೇವತೆಗಳು:

ಮೇಷ ಲಗ್ನ:

ಮೇಷ ಲಗ್ನದಲ್ಲಿ ಜನಿಸಿದವರಿಗೆ ಪಂಚಮ ಸ್ಥಾನವು ಸಿಂಹ ರಾಶಿಯಾಗಿರುತ್ತದೆ. ಸಿಂಹ ರಾಶಿಯ ಅಧಿಪತಿ ಸೂರ್ಯ ದೇವ. ಆದ್ದರಿಂದ, ಮೇಷ ಲಗ್ನದವರು ಪ್ರತಿದಿನ ಸೂರ್ಯ ದೇವನನ್ನು ಆರಾಧಿಸುವುದರಿಂದ ಅದೃಷ್ಟ ಲಭಿಸುತ್ತದೆ. ಸೂರ್ಯ ನಮಸ್ಕಾರ ಮಾಡುವುದರಿಂದ ಶುಭ ಫಲಗಳು ದೊರೆಯುತ್ತವೆ.

ವೃಷಭ ಲಗ್ನ:

ವೃಷಭ ಲಗ್ನಕ್ಕೆ ಪಂಚಮ ಸ್ಥಾನವು ಕನ್ಯಾ ರಾಶಿಯಾಗಿರುತ್ತದೆ. ಕನ್ಯಾ ರಾಶಿಯ ಅಧಿಪತಿ ಬುಧ. ವೃಷಭ ಲಗ್ನದವರು ವಿಷ್ಣುವನ್ನು ಆರಾಧಿಸುವುದರಿಂದ ಸಾಕಷ್ಟು ಶುಭವಾಗುತ್ತದೆ.

ಮಿಥುನ ಲಗ್ನ:

ಮಿಥುನ ಲಗ್ನಕ್ಕೆ ಪಂಚಮ ಸ್ಥಾನವು ತುಲಾ ರಾಶಿಯಾಗಿರುತ್ತದೆ. ತುಲಾ ರಾಶಿಯ ಅಧಿಪತಿ ಶುಕ್ರ. ಈ ಲಗ್ನದವರು ಶ್ರೀ ಮಹಾಲಕ್ಷ್ಮಿಯನ್ನು ಆರಾಧಿಸುವುದರಿಂದ ಶುಭ ಫಲಗಳು ಪ್ರಾಪ್ತವಾಗುತ್ತವೆ.

ಕರ್ಕ ಲಗ್ನ:

ಕರ್ಕ ಲಗ್ನದವರಿಗೆ ವೃಶ್ಚಿಕ ರಾಶಿಯು ಪಂಚಮ ಸ್ಥಾನವಾಗುತ್ತದೆ. ಈ ಲಗ್ನದ ಅದೃಷ್ಟ ದೇವತೆ ಸುಬ್ರಹ್ಮಣ್ಯ ಸ್ವಾಮಿ. ಸುಬ್ರಹ್ಮಣ್ಯನನ್ನು ಆರಾಧಿಸುವುದರಿಂದ ಅದೃಷ್ಟ ವೃದ್ಧಿಯಾಗುತ್ತದೆ.

ಸಿಂಹ ಲಗ್ನ:

ಸಿಂಹ ಲಗ್ನದವರಿಗೆ ಧನುಸ್ಸು ರಾಶಿಯು ಪಂಚಮ ಸ್ಥಾನವಾಗಿರುತ್ತದೆ. ಧನುಸ್ಸಿನ ಅಧಿಪತಿ ಗುರು. ಸಿಂಹ ಲಗ್ನದವರು ಶಿವನನ್ನು ಆರಾಧಿಸುವುದರಿಂದ ಸಾಕಷ್ಟು ಶುಭವಾಗುತ್ತದೆ.

ಕನ್ಯಾ ಲಗ್ನ:

ಕನ್ಯಾ ಲಗ್ನದವರಿಗೆ ಮಕರ ರಾಶಿಯು ಪಂಚಮ ಸ್ಥಾನವಾಗಿರುತ್ತದೆ. ಮಕರದ ಅಧಿಪತಿ ಶನಿ. ಕನ್ಯಾ ಲಗ್ನದವರು ಶಿವನನ್ನು ಆರಾಧಿಸುವುದರಿಂದ ಶುಭ ಫಲಗಳನ್ನು ಪಡೆಯುತ್ತಾರೆ.

ತುಲಾ ಲಗ್ನ:

ತುಲಾ ಲಗ್ನದವರು ರುದ್ರನನ್ನು ಆರಾಧಿಸುವುದು ಅತ್ಯಂತ ಶುಭಕರ ಎಂದು ಜ್ಯೋತಿಷ್ಯ ಶಾಸ್ತ್ರ ಹೇಳುತ್ತದೆ.

ವೃಶ್ಚಿಕ ಲಗ್ನ:

ವೃಶ್ಚಿಕ ಲಗ್ನದವರು ಶಿವನನ್ನು ಆರಾಧಿಸುವುದರಿಂದ ಶುಭವಾಗುತ್ತದೆ.

ಧನು ಲಗ್ನ:

ಧನು ಲಗ್ನದವರು ನರಸಿಂಹನನ್ನು ಆರಾಧಿಸುವುದರಿಂದ ಸಾಕಷ್ಟು ಶುಭ ಫಲಗಳು ಪ್ರಾಪ್ತವಾಗುತ್ತವೆ.

ಮಕರ ಲಗ್ನ:

ಮಕರ ಲಗ್ನದವರಿಗೆ ವೃಷಭ ರಾಶಿಯು ಪಂಚಮ ಸ್ಥಾನವಾಗುತ್ತದೆ. ಈ ಲಗ್ನದವರು ದೇವಿಯನ್ನು ಆರಾಧಿಸುವುದು ಬಹಳ ಒಳ್ಳೆಯದು.

ಇದನ್ನೂ ಓದಿ: ಮನೆಯ ಈ ದಿಕ್ಕಿನಲ್ಲಿ ಜೋಡಿ ಒಂಟೆಯ ಪ್ರತಿಮೆ ಇರಿಸಿ; ಹಣಕ್ಕೆಂದೂ ಕೊರತೆಯಾಗದು!

ಕುಂಭ ಲಗ್ನ:

ಕುಂಭ ಲಗ್ನದವರಿಗೆ ಮಿಥುನ ರಾಶಿಯು ಪಂಚಮ ಸ್ಥಾನವಾಗುತ್ತದೆ. ಈ ಲಗ್ನದವರು ವಿಷ್ಣುವನ್ನು ಆರಾಧಿಸುವುದರಿಂದ ಶುಭವಾಗುತ್ತದೆ.

ಮೀನ ಲಗ್ನ:

ಮೀನ ಲಗ್ನದವರಿಗೆ ಕರ್ಕಾಟಕ ರಾಶಿಯು ಪಂಚಮ ಸ್ಥಾನವಾಗುತ್ತದೆ. ಈ ಲಗ್ನದವರು ದುರ್ಗಾ ದೇವಿಯನ್ನು ಆರಾಧಿಸುವುದರಿಂದ ಸಾಕಷ್ಟು ಶುಭ.

ಹೀಗೆ, ನಿಮ್ಮ ಲಗ್ನಕ್ಕೆ ಅನುಗುಣವಾದ ಅದೃಷ್ಟ ದೇವತೆಯನ್ನು ತಿಳಿದು, ಅವರನ್ನು ಶ್ರದ್ಧೆಯಿಂದ ಪೂಜಿಸುವುದರಿಂದ ಆ ದೇವರ ಕೃಪೆಯು ದೊರೆತು ಜೀವನದಲ್ಲಿ ಅದೃಷ್ಟ ಮತ್ತು ಸನ್ಮಂಗಳಗಳು ಕೂಡಿಬರುತ್ತವೆ. ಇದು ನಂಬಿಕೆ ಮತ್ತು ಶಾಸ್ತ್ರದ ಆಧಾರವಾಗಿದೆ ಎಂದು ಗುರೂಜಿ ಸಲಹೆ ನೀಡಿದ್ದಾರೆ.

ಮತ್ತಷ್ಟು ಆಧ್ಯಾತ್ಮಿಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ