Video: ತಮಿಳುನಾಡಿನ ರಂಗನಾಥಸ್ವಾಮಿ ದೇವಾಲಯದ ಈ ವಿಶಿಷ್ಟ ಆಚರಣೆಯ ಬಗ್ಗೆ ಇಲ್ಲಿ ತಿಳಿದುಕೊಳ್ಳಿ

ರಂಗನಾಥಸ್ವಾಮಿ ದೇವಾಲಯ ಭಾರತದ ಪ್ರಸಿದ್ಧ ವೈಷ್ಣವ ದೇವಾಲಯಗಳಲ್ಲಿ ಒಂದಾಗಿದೆ. ತಮಿಳುನಾಡಿನ ತಿರುಚಿಯಲ್ಲಿರುವ ಈ ರಂಗನಾಥಸ್ವಾಮಿ ದೇವಾಲಯ ಪುರಾತನ ದೇವಾಲಯಗಳ ಪೈಕಿ ವಿಶ್ವದ ಅತಿ ದೊಡ್ಡ ದೇವಾಲಯ ಎಂಬ ಖ್ಯಾತಿಯನ್ನು ಗಳಿಸಿದೆ. 155 ಎಕರೆ ಪ್ರದೇಶದಲ್ಲಿ ಪ್ರಸ್ತುತ ದೇವಾಲಯದ ಸಂಕೀರ್ಣದ ನಿರ್ಮಾಣವು 14 ನೇ ಶತಮಾನದಲ್ಲಿ ಪ್ರಾರಂಭವಾಯಿತು ಎಂದು ಐತಿಹಾಸಿಕ ದಾಖಲೆಗಳು ತೋರಿಸುತ್ತವೆ. ವಿಷ್ಣುವಿನ ವಿವಿಧ ರೂಪಗಳನ್ನು ಪ್ರದರ್ಶಿಸುವ 108 ದೇವತೆಗಳನ್ನು ಇಲ್ಲಿ ಕಾಣಬಹುದು. ಶ್ರೀ ರಂಗಂ ತಿರುಚ್ಚಿಯಿಂದ ಸುಮಾರು 7 ಕಿಮೀ ಮತ್ತು ಚೆನ್ನೈನಿಂದ 325 ಕಿಮೀ ದೂರದಲ್ಲಿದೆ. ತಿರುಚ್ಚಿ ವಿಮಾನ ನಿಲ್ದಾಣವು ಸುಮಾರು 13 ಕಿ.ಮೀ. ದೂರದಲ್ಲಿದೆ. ರಂಗನಾಥಸ್ವಾಮಿ ದೇವಾಲಯದ ಸುತ್ತಲಿನ ಏಳು ಪ್ರಾಕಾರಗಳನ್ನು ಏಳು ಲೋಕಗಳೆಂದು ಪರಿಗಣಿಸಲಾಗಿದೆ.

ರಂಗನಾಥಸ್ವಾಮಿ ದೇವಾಲಯದಲ್ಲಿ, ಭಕ್ತರು ತಮ್ಮ ಬೆರಳುಗಳನ್ನು ನೆಲದ ಮೇಲೆ ಕೆತ್ತಿದ ಐದು ಸಣ್ಣ ರಂಧ್ರಗಳಲ್ಲಿ ಇರಿಸುವ ವಿಶಿಷ್ಟ ಆಚರಣೆಯಿದೆ. ಆದರೆ ಅದರ ಹಿಂದಿನ ಕಥೆ ಏನು ಎಂಬುದನ್ನು @thetemplegirl ಎಂಬ ಇನ್ಸ್ಟಾಗ್ರಾಮ್​ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ.

ವಿಡಿಯೋ ಇಲ್ಲಿದೆ ನೋಡಿ:

View this post on Instagram

A post shared by The Temple Girl (@thetemplegirl)

ದಂತಕಥೆಯ ಪ್ರಕಾರ, ರಂಗನಾಥನ ಪತ್ನಿಯಾದ ರಂಗನಾಯಕಿ ದೇವಿಯು ಒಮ್ಮೆ ತನ್ನ ಬೆರಳನ್ನು ಈ ಜಾಗದಲ್ಲಿ ಇಟ್ಟು ತನ್ನ ಪ್ರೀತಿಯ ಭಗವಾನ್ ರಂಗನಾಥನ ನೋಟವನ್ನು ಹಿಡಿಯಲು ದೇವಾಲಯದ ಸ್ವರ್ಗದ ದ್ವಾರ ಮೂಲಕ ಇಣುಕಿ ನೋಡಿದಳು. ಈ ಪವಿತ್ರ ಸೂಚಕವು ಭಕ್ತಿ, ಶರಣಾಗತಿ ಮತ್ತು ಪಂಚಭೂತಗಳ ಅಂದರೆ ಭೂಮಿ, ನೀರು, ಬೆಂಕಿ, ಗಾಳಿ ಮತ್ತು ಮಾನವ ಆತ್ಮದ ನಡುವಿನ ಸಂಪರ್ಕವನ್ನು ಸಂಕೇತಿಸುತ್ತದೆ ಎಂದು ನಂಬಲಾಗಿದೆ.

ಇದನ್ನೂ ಓದಿ: ಮಹಾಕುಂಭ ಮೊದಲ ಬಾರಿ ನಡೆದಿದ್ದು ಎಲ್ಲಿ ಮತ್ತು ಯಾವಾಗ?

ಈ ರಂಧ್ರಗಳಲ್ಲಿ ನಿಮ್ಮ ಬೆರಳುಗಳನ್ನು ಇಟ್ಟು ದೇವರ ದರ್ಶನ ಪಡೆಯುವುದು ಕೇವಲ ಸಂಪ್ರದಾಯವಲ್ಲ, ಬದಲಾಗಿ ಇದು ನಿಮ್ಮ ಆತ್ಮವನ್ನು ದೇವಾಲಯದ ದೈವಿಕ ಶಕ್ತಿಯೊಂದಿಗೆ ಜೋಡಿಸುವ ಒಂದು ಮಾರ್ಗವಾಗಿದೆ, ನಿಮ್ಮ ಐದು ಇಂದ್ರಿಯಗಳನ್ನು ಭಗವಂತನಿಗೆ ಅರ್ಪಿಸುವುದು ಎಂಬ ನಂಬಿಕೆಯಿದೆ.

thetemplegirl ಎಂಬ ಇನ್ಸ್ಟಾಗ್ರಾಮ್​ ಖಾತೆಯಲ್ಲಿ ಹಂಚಿಕೊಂಡಿರುವ ವಿಡಿಯೋ ಕೇವಲ ಎರಡೇ ದಿನದಲ್ಲಿ 4 ಮಿಲಿಯನ್​ ಅಂದರೆ 40ಲಕ್ಷಕ್ಕೂ ಅಧಿಕ ವೀಕ್ಷಣೆಯನ್ನು ಪಡೆದುಕೊಂಡಿದೆ. ಜೊತೆಗೆ ಸಾಕಷ್ಟು ನೆಟ್ಟಿಗರಿಂದ ಮೆಚ್ಚುಗೆ ವ್ಯಕ್ತವಾಗಿದೆ.

ಮತ್ತಷ್ಟು ಆಧ್ಯಾತ್ಮ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ