Krishna Janmashtami 2026: ಕೃಷ್ಣ ಜನ್ಮಾಷ್ಟಮಿ ಯಾವಾಗ? ಪೂಜೆಗೆ ಸೂಕ್ತ ಸಮಯ, ನಿಶಿತ ಕಾಲ ಮತ್ತು ಆಚರಣೆಯ ವಿವರ ಇಲ್ಲಿದೆ

ಹಿಂದೂ ಧರ್ಮದ ಅತ್ಯಂತ ಮಂಗಳಕರ ಹಾಗೂ ಭಕ್ತಿಪೂರ್ವಕ ಹಬ್ಬಗಳಲ್ಲಿ ಕೃಷ್ಣ ಜನ್ಮಾಷ್ಟಮಿ ಪ್ರಮುಖವಾದದ್ದು. ಭಗವಾನ್ ವಿಷ್ಣುವಿನ ಎಂಟನೇ ಅವತಾರವಾದ ಶ್ರೀಕೃಷ್ಣನ ಜನ್ಮದಿನವನ್ನು ಜನ್ಮಾಷ್ಟಮಿ ಎಂದು ವೈಭವದಿಂದ ಆಚರಿಸಲಾಗುತ್ತದೆ. 2026 ರಲ್ಲಿ ಕೃಷ್ಣ ಜನ್ಮಾಷ್ಟಮಿಯನ್ನು ಸೆಪ್ಟೆಂಬರ್ 4, ಶುಕ್ರವಾರದಂದು ಆಚರಿಸಲಾಗುತ್ತದೆ. ಮಧ್ಯರಾತ್ರಿಯ ಪೂಜೆಯ ಸಮಯದಲ್ಲಿ ಬಾಲ ಕೃಷ್ಣನನ್ನು ತೊಟ್ಟಿಲಿನಲ್ಲಿಟ್ಟು ತೂಗಾಡಿಸುವುದು ಹಾಗೂ ಭಜನೆಗಳನ್ನು ಹಾಡುವುದು ಪ್ರಮುಖ ಆಚರಣೆಯಾಗಿದೆ. ಇದಲ್ಲದೆ, ಮಕ್ಕಳಿಗೆ ಕೃಷ್ಣ ಮತ್ತು ರಾಧೆಯ ವೇಷಭೂಷಣಗಳನ್ನು ಧರಿಸುವುದು ಈ ಹಬ್ಬದ ವಿಶೇಷ ಆಕರ್ಷಣೆಯಾಗಿದೆ.

ಪಂಚಾಂಗದ ಪ್ರಕಾರ, ಅಷ್ಟಮಿ ತಿಥಿಯು ಸೆಪ್ಟೆಂಬರ್ 4 ರಂದು ಮಧ್ಯಾಹ್ನ 2:25 ಕ್ಕೆ ಪ್ರಾರಂಭವಾಗಿ ಸೆಪ್ಟೆಂಬರ್ 5 ರ ಮಧ್ಯರಾತ್ರಿ 12:13 ಕ್ಕೆ ಕೊನೆಗೊಳ್ಳುತ್ತದೆ. ರೋಹಿಣಿ ನಕ್ಷತ್ರವು ಸೆಪ್ಟೆಂಬರ್ 4 ರ ಮಧ್ಯರಾತ್ರಿ 12:29 ಕ್ಕೆ ಆರಂಭವಾಗಿ ಅದೇ ದಿನ ರಾತ್ರಿ 11:04 ಕ್ಕೆ ಮುಕ್ತಾಯಗೊಳ್ಳುತ್ತದೆ. ಪ್ರಮುಖ ನಿಶಿತ ಕಾಲದ ಪೂಜೆಯು ಸೆಪ್ಟೆಂಬರ್ 5 ರಂದು ರಾತ್ರಿ 11:57 ರಿಂದ 12:42 ರವರೆಗೆ ನಡೆಯಲಿದ್ದು, ಉಪವಾಸ ಮುರಿಯುವ ಪಾರಣೆ ಸಮಯವು ಸೆಪ್ಟೆಂಬರ್ 5 ರ ಬೆಳಿಗ್ಗೆ 6:01 ರ ನಂತರ ಇರುತ್ತದೆ. ಪೂಜಾ ಸಮಯಗಳು ಪ್ರದೇಶದಿಂದ ಪ್ರದೇಶಕ್ಕೆ ಸ್ವಲ್ಪ ಮಟ್ಟಿಗೆ ಬದಲಾಗುವುದರಿಂದ, ಸ್ಥಳೀಯ ಪಂಚಾಂಗವನ್ನು ಪರಿಶೀಲಿಸುವುದು ಸೂಕ್ತ.

ಮಧ್ಯರಾತ್ರಿಯ ಪೂಜೆಯ ವಿಶೇಷ ಮಹತ್ವ:

ಸಾಮಾನ್ಯವಾಗಿ ಹೆಚ್ಚಿನ ಹಬ್ಬಗಳಲ್ಲಿ ಪೂಜೆಗಳನ್ನು ಹಗಲಿನಲ್ಲಿ ನಡೆಸಲಾಗುತ್ತದೆ, ಆದರೆ ಜನ್ಮಾಷ್ಟಮಿಯಂದು ಮಧ್ಯರಾತ್ರಿಯ ಸಮಯಕ್ಕೆ ಅತ್ಯಂತ ಮಹತ್ವವಿದೆ. ಸಾಂಪ್ರದಾಯಿಕ ಲೆಕ್ಕಾಚಾರಗಳ ಪ್ರಕಾರ ಶ್ರೀಕೃಷ್ಣನು ರಾತ್ರಿಯ ನಿಶಿತ ಅವಧಿಯಲ್ಲಿ ಜನಿಸಿದನೆಂದು ನಂಬಲಾಗಿದೆ. ಹೀಗಾಗಿ ಭಕ್ತರು ಸಂಜೆಯಿಂದ ಉಪವಾಸವಿದ್ದು ಭಜನೆ-ಕೀರ್ತನೆಗಳನ್ನು ಮಾಡುತ್ತಾ ಕೃಷ್ಣನ ಜನನದ ಕ್ಷಣಕ್ಕಾಗಿ ಕಾಯುತ್ತಾರೆ. ರಾತ್ರಿ 11:57 ರಿಂದ ಮಧ್ಯರಾತ್ರಿ 12:42 ರವರೆಗೆ ನಿಶಿತ ಅವಧಿ ಇರಲಿದ್ದು, ಹಬ್ಬವು ಸೆಪ್ಟೆಂಬರ್ 4 ರಂದು ಪ್ರಾರಂಭವಾದರೂ ಮುಖ್ಯ ಪೂಜೆಯು ಮಧ್ಯರಾತ್ರಿ ಕಳೆದು ಸೆಪ್ಟೆಂಬರ್ 5 ಕ್ಕೆ ಪ್ರವೇಶಿಸುತ್ತದೆ.

ಇದನ್ನೂ ಓದಿ: ಕೃಷ್ಣ ಜನ್ಮಾಷ್ಟಮಿ 2026: ಒಂದೇ ದಿನದಲ್ಲಿ ಬೆಂಗಳೂರಿನ 4 ಪ್ರಸಿದ್ಧ ಕೃಷ್ಣ ದೇವಾಲಯಗಳ ದರ್ಶನ ಪಡೆಯಿರಿ

ಜನ್ಮಾಷ್ಟಮಿ ಪೂಜಾ ವಿಧಿ-ವಿಧಾನಗಳು:

ಜನ್ಮಾಷ್ಟಮಿಯ ದಿನದಂದು ಮನೆಗಳನ್ನು ಮತ್ತು ದೇವಾಲಯಗಳನ್ನು ವಿಶೇಷವಾಗಿ ಅಲಂಕರಿಸಲಾಗುತ್ತದೆ. ಬಾಲಕೃಷ್ಣನ ವಿಗ್ರಹವನ್ನು ಸುಂದರವಾಗಿ ಶೃಂಗರಿಸಿ, 16 ವಿಧದ ಉಪಚಾರಗಳನ್ನು ಒಳಗೊಂಡ ಷೋಡಶೋಪಚಾರ ಪೂಜೆಯನ್ನು ಸಲ್ಲಿಸಲಾಗುತ್ತದೆ. ಪೂಜೆಯಲ್ಲಿ ಹೂವುಗಳು, ಹಣ್ಣುಗಳು, ಬೆಣ್ಣೆ ಮತ್ತು ವಿವಿಧ ನೈವೇದ್ಯಗಳನ್ನು ಅರ್ಪಿಸಲಾಗುತ್ತದೆ. ಮಧ್ಯರಾತ್ರಿಯ ಪೂಜೆಯ ಸಮಯದಲ್ಲಿ ಶಿಶು ಕೃಷ್ಣನನ್ನು ತೊಟ್ಟಿಲಿನಲ್ಲಿಟ್ಟು ತೂಗಾಡಿಸುವುದು ಹಾಗೂ ಭಜನೆಗಳನ್ನು ಹಾಡುವುದು ಪ್ರಮುಖ ಆಚರಣೆಯಾಗಿದೆ. ಇದಲ್ಲದೆ, ಮಕ್ಕಳಿಗೆ ಕೃಷ್ಣ ಮತ್ತು ರಾಧೆಯ ವೇಷಭೂಷಣಗಳನ್ನು ಧರಿಸುವುದು ಈ ಹಬ್ಬದ ವಿಶೇಷ ಆಕರ್ಷಣೆಯಾಗಿದೆ.

ಜನ್ಮಾಷ್ಟಮಿ ಉಪವಾಸದ ನಿಯಮಗಳು:

ಜನ್ಮಾಷ್ಟಮಿಯ ಸಂದರ್ಭದಲ್ಲಿ ಭಕ್ತರು ನಿಷ್ಠೆಯಿಂದ ಉಪವಾಸ ಆಚರಿಸುತ್ತಾರೆ. ಹಬ್ಬದ ಹಿಂದಿನ ದಿನ ಕೇವಲ ಒಂದು ಬಾರಿ ಮಾತ್ರ ಆಹಾರ ಸೇವಿಸುವ ಭಕ್ತರು, ಜನ್ಮಾಷ್ಟಮಿಯ ದಿನ ಬೆಳಿಗ್ಗೆ ಸ್ನಾನ ಮುಗಿಸಿ ಸಂಕಲ್ಪದೊಂದಿಗೆ ಉಪವಾಸವನ್ನು ಪ್ರಾರಂಭಿಸುತ್ತಾರೆ. ಉಪವಾಸದ ಸಮಯದಲ್ಲಿ ಧಾನ್ಯಗಳ ಸೇವನೆಯನ್ನು ವರ್ಜಿಸಲಾಗುತ್ತದೆ ಮತ್ತು ಹಣ್ಣು-ಹಾಲುಗಳನ್ನು ಸೇವಿಸಬಹುದಾಗಿದೆ. ಪ್ರಾದೇಶಿಕ ಸಂಪ್ರದಾಯಗಳಿಗೆ ಅನುಗುಣವಾಗಿ, ಮರುದಿನ ಸೂರ್ಯೋದಯದ ನಂತರ ಸೂಕ್ತ ತಿಥಿ ಮತ್ತು ನಕ್ಷತ್ರಗಳನ್ನು ಪರಿಶೀಲಿಸಿ ಪಾರಣೆ ಮಾಡುವ ಮೂಲಕ ಉಪವಾಸವನ್ನು ಮುರಿಯಲಾಗುತ್ತದೆ.

ಅಧ್ಯಾತ್ಮಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ