Lunar Eclipse 2023: ಚಂದ್ರ ಗ್ರಹಣ ಯಾವಾಗ? ಯಾವ ಸಮಯದಲ್ಲಿ ಆರಂಭವಾಗಲಿದೆ? ಭಾರತದಲ್ಲಿ ಗೋಚರಿಸುತ್ತದೆಯೇ? ಇಲ್ಲಿದೆ ಮಾಹಿತಿ

2023 ಮೇ 5ರ ಬುದ್ಧ ಪೂರ್ಣಿಮೆಯಂದು (Buddha Purnima) ವರ್ಷದ ಎರಡನೇ ಗ್ರಹಣ ಮತ್ತು ಮೊದಲ ಚಂದ್ರಗ್ರಹಣವು ಸಂಭವಿಸಲಿದೆ. ಪ್ರಪಂಚದಾದ್ಯಂತದ ಅನೇಕ ಖಗೋಳಶಾಸ್ತ್ರ ಉತ್ಸಾಹಿಗಳು ಇದನ್ನು ಕಣ್ಣುತುಂಬಿಕೊಳ್ಳಲು ಉತ್ಸುಕರಾಗಿದ್ದಾರೆ. ಭೂಮಿಯು ಸೂರ್ಯ ಮತ್ತು ಚಂದ್ರನ ನಡುವೆ ಹಾದುಹೋದಾಗ ಚಂದ್ರ ಗ್ರಹಣ ಸಂಭವಿಸುತ್ತವೆ. ಇದರಿಂದಾಗಿ ಚಂದ್ರನು ಭೂಮಿಯ ನೆರಳಿನಲ್ಲಿ ಚಲಿಸುತ್ತಾನೆ.

ಚಂದ್ರ ಗ್ರಹಣ ಯಾವಾಗ? ಎಲ್ಲೆಲ್ಲಿ ಗೋಚರಿಸಲಿದೆ?

ಈ ಗ್ರಹಣವು ಮೊದಲ ಸೂರ್ಯ ಗ್ರಹಣದ ಬಳಿಕ ನಿಖರವಾಗಿ 15 ದಿನಗಳ ನಂತರ ಸಂಭವಿಸಲಿದೆ. ಗ್ರಹಣವು ರಾತ್ರಿ 8.45 ಕ್ಕೆ ಪ್ರಾರಂಭವಾಗುತ್ತದೆ ಮತ್ತು ತಡರಾತ್ರಿ 1 ಗಂಟೆಗೆ ಕೊನೆಗೊಳ್ಳುತ್ತದೆ. ಚಂದ್ರಗ್ರಹಣಕ್ಕೆ 9 ಗಂಟೆಗಳ ಮೊದಲು ಅಶುದ್ಧ ಅವಧಿಯು ಪ್ರಾರಂಭವಾಗುತ್ತದೆ. ಆದರೆ ಈ ಗ್ರಹಣವು ಭಾರತದಲ್ಲಿ ಗೋಚರಿಸುವುದಿಲ್ಲವಾದ್ದರಿಂದ, ಇದನ್ನು ಪರಿಗಣಿಸಲಾಗುವುದಿಲ್ಲ.ಈ ಗ್ರಹಣವು ಪೆನಂಬ್ರಾಲ್ ಅಂದರೆ ಭಾಗಶಃ ಚಂದ್ರಗ್ರಹಣವಾಗಿರುತ್ತದೆ. ಭಾರತದಲ್ಲಿ ಗೋಚರವಾಗುವುದಿಲ್ಲ. ಯುರೋಪ್, ಏಷ್ಯಾ, ಆಸ್ಟ್ರೇಲಿಯಾ, ಆಫ್ರಿಕಾ, ಪೆಸಿಫಿಕ್, ಅಟ್ಲಾಂಟಿಕ್, ಹಿಂದೂ ಮಹಾಸಾಗರ, ಅಂಟಾರ್ಕ್ಟಿಕಾದಲ್ಲಿ ಗ್ರಹಣ ಗೋಚರಿಸಲಿದೆ.

ಪೆನ್ಯುಂಬ್ರಲ್‌ ( ಭಾಗಶಃ )ಚಂದ್ರಗ್ರಹಣ ಎಂದರೇನು?

ಭೂಮಿಯ ಹೊರಗಿರುವ ನೆರಳು ಪೆನಂಬ್ರಾ ಚಂದ್ರನ ಮೇಲ್ಮೈಗೆ ಮಾತ್ರವೇ ಆವರಿಸಿದರೆ ಅದನ್ನು ಪೆನಂಬ್ರಾಲ್ ಚಂದ್ರಗ್ರಹಣ ಎಂದು ಕರೆಯಲಾಗುತ್ತದೆ ಎಂದು ನಂಬಲಾಗಿದೆ. ಗ್ರಹಣ ಸಂಭವಿಸುವ ಮೊದಲು, ಚಂದ್ರನು ಭೂಮಿಯ ಪೆನಂಬ್ರಾವನ್ನು ಪ್ರವೇಶಿಸುತ್ತಾನೆ. ಈ ಪ್ರಕ್ರಿಯೆಯನ್ನೇ ಪೆನಂಬ್ರಲ್ ಎನ್ನಲಾಗುತ್ತದೆ. ಇದರ ನಂತರ, ಚಂದ್ರನು ಭೂಮಿಯ ನಿಜವಾದ ನೆರಳಿಗೆ ಪ್ರವೇಶಿಸಿದ ಬಳಿಕ ಗ್ರಹಣ ಸಂಭವಿಸುತ್ತದೆ. ಈ ಕಾರಣಕ್ಕಾಗಿಯೇ ಚಂದ್ರನ ನೆರಳು ಮಸುಕಾಗಿ ಕಾಣುವುದು.

ಇದನ್ನೂ ಓದಿ:Lunar Eclipse 2023: ಮೇ ತಿಂಗಳಲ್ಲಿ ವರ್ಷದ ಮೊದಲ ಚಂದ್ರಗ್ರಹಣ, ಈ 3 ರಾಶಿಯವರಿಗೆ ಧನ-ಕನಕ ವೃಷ್ಟಿ.. ಸಕಲ ಯಶಸ್ಸು ಪ್ರಾಪ್ತಿ

ಈ ಚಂದ್ರ ಗ್ರಹಣವು ಸಾಕ್ಷಿಯಾಗಲು ಒಂದು ರೋಮಾಂಚಕ ಖಗೋಳ ಘಟನೆಯಾಗಿದೆ. ಏಕೆಂದರೆ ಇದು ಚಂದ್ರನನ್ನು ವಿಭಿನ್ನ ರೀತಿಯಲ್ಲಿ ವೀಕ್ಷಿಸಲು ವಿಶಿಷ್ಟ ಅವಕಾಶವನ್ನು ಒದಗಿಸುತ್ತದೆ. ನಮ್ಮ ಸೌರವ್ಯೂಹ, ಆಕಾಶಕಾಯಗಳ ಚಲನೆಗಳ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ಇದು ಉತ್ತಮ ಅವಕಾಶವಾಗಿದೆ. ಚಂದ್ರಗ್ರಹಣವನ್ನು ವೀಕ್ಷಿಸಲು ಬಯಸುವವರಿಗೆ, ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುವುದು ಅವಶ್ಯಕ. ಅದನ್ನು ಸುರಕ್ಷಿತವಾಗಿ ನೋಡುವುದು ಮುಖ್ಯ. ಸೂಕ್ತ ಫಿಲ್ಟರ್​​​ಗಳೊಂದಿಗೆ ದೂರದರ್ಶಕ ಅಥವಾ ಬೈನಾಕ್ಯುಲರ್ ಗಳನ್ನು ಬಳಸಲು ಅಥವಾ ಅದನ್ನು ಲೈವ್ ಸ್ಟ್ರೀಮ್ ಮೂಲಕ ಆನ್ ಲೈನ್ ನಲ್ಲಿ ವೀಕ್ಷಿಸಲು ಶಿಫಾರಸು ಮಾಡಲಾಗಿದೆ. ಗ್ರಹಣದ ಸಮಯದಲ್ಲಿಯೂ ಸಹ ಸೂರ್ಯನ ಹಾನಿಕಾರಕ ಕಿರಣಗಳಿಂದ ನಿಮ್ಮ ಕಣ್ಣುಗಳನ್ನು ರಕ್ಷಿಸುವುದು ಸಹ ಮುಖ್ಯವಾಗಿದೆ, ಏಕೆಂದರೆ ಸೂರ್ಯನನ್ನು ನೋಡುವುದು ಶಾಶ್ವತ ಕಣ್ಣಿನ ಹಾನಿಗೆ ಕಾರಣವಾಗಬಹುದು.

ಮತ್ತಷ್ಟು ಆಧ್ಯಾತ್ಮ ಲೇಖನಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.