Saturday Fast: ಶನಿ ದೋಷದಿಂದ ಬಳಲುತ್ತಿದ್ದರೆ ಶನಿವಾರ ಈ ಕೆಲಸ ಮಾಡಿ
ಶನಿವಾರವು ಶನಿ ದೇವರಿಗೆ ಸಮರ್ಪಿತ ದಿನ. ಶನಿ ಸಾಡೇಸಾತಿ ಅಥವಾ ಶನಿ ದೋಷದಿಂದ ಬಳಲುವವರಿಗೆ ಶನಿವಾರದ ಉಪವಾಸವು ಪರಿಹಾರಕಾರಿ. ಉಪವಾಸದ ವಿಧಾನ, ಅರಳಿ ಮರ ಪೂಜೆ, ಶನಿ ದೇವಸ್ಥಾನದಲ್ಲಿ ಪೂಜೆ, ಮತ್ತು ಶನಿ ಮಂತ್ರ ಪಠಣೆಗಳನ್ನು ಇಲ್ಲಿ ವಿವರಿಸಲಾಗಿದೆ. ಶನಿ ದೇವರ ಅನುಗ್ರಹಕ್ಕಾಗಿ ಏನು ಮಾಡಬೇಕು ಎಂಬುದನ್ನು ಕೂಡ ಇಲ್ಲಿ ತಿಳಿಸಲಾಗಿದೆ.

ಶನಿವಾರ ನ್ಯಾಯದ ದೇವರು ಶನಿಗೆ ಸಮರ್ಪಿತವಾದ ದಿನ. ಶನಿ ಅವರವರ ಕರ್ಮಗಳಿಗೆ ಅನುಗುಣವಾಗಿ ಫಲಗಳನ್ನು ನೀಡುತ್ತಾನೆ. ಶನಿವಾರ ಶನಿ ದೇವರನ್ನು ಪೂಜಿಸುವುದರಿಂದ ಶನಿ ದೇವರ ಆಶೀರ್ವಾದ ಸಿಗುತ್ತದೆ. ಅಲ್ಲದೆ, ಶನಿ ಸಾಡೇಸಾತಿ ಅಥವಾ ಶನಿ ದೋಷದಿಂದ ಬಳಲುತ್ತಿರುವವರು ಈ ದಿನ ಕೆಲವು ಪರಿಹಾರಗಳನ್ನು ಮಾಡುವುದು ತುಂಬಾ ಒಳ್ಳೆಯದು ಎಂದು ನಂಬಲಾಗಿದೆ.
ತಮ್ಮ ಜಾತಕದಲ್ಲಿ ಶನಿ ಸಾಡೇಸಾತಿ ಅಥವಾ ಶನಿ ದೋಷದಿಂದ ಬಳಲುತ್ತಿರುವವರು ಶನಿವಾರ ಉಪವಾಸ ಮಾಡಬೇಕು. ಈ ಉಪವಾಸವನ್ನು ಮಾಡುವುದರಿಂದ, ನೀವು ಶನಿ ಸಾಡೇಸಾತಿ ಮತ್ತು ಶನಿ ದೋಷದ ಪರಿಣಾಮಗಳನ್ನು ಕಡಿಮೆ ಮಾಡಬಹುದು. ಇದರೊಂದಿಗೆ, ನೀವು ಜೀವನದಲ್ಲಿ ಇದರಿಂದ ಉಂಟಾಗುವ ಸಮಸ್ಯೆಗಳು ಮತ್ತು ತೊಂದರೆಗಳನ್ನು ಸ್ವಲ್ಪ ಮಟ್ಟಿಗೆ ಕಡಿಮೆ ಮಾಡಬಹುದು.
ಜಾತಕದಲ್ಲಿ ಶನಿಯ ಸ್ಥಾನ ದುರ್ಬಲವಾಗಿದ್ದರೆ, ಅದರ ದುಷ್ಪರಿಣಾಮಗಳನ್ನು ಕಡಿಮೆ ಮಾಡಲು ಅಥವಾ ಅದರಿಂದ ಮುಕ್ತಿ ಪಡೆಯಲು ಶನಿವಾರ ಉಪವಾಸವನ್ನು ಆಚರಿಸಬಹುದು. ಶನಿವಾರ ಉಪವಾಸದ ಸಂಪೂರ್ಣ ವಿಧಾನ ಮತ್ತು ಉಪವಾಸವನ್ನು ಆಚರಿಸುವ ಸರಿಯಾದ ಮಾರ್ಗವನ್ನು ಇಲ್ಲಿ ತಿಳಿದುಕೊಳ್ಳಿ.
ಇದನ್ನೂ ಓದಿ: ವಾಹನದಲ್ಲಿ ಕಾಳು ಮೆಣಸು ಇಟ್ಟುಕೊಂಡರೆ ಅಪಘಾತ ಆಗಲ್ವಾ? ವಾಸ್ತು ತಜ್ಞರು ಹೇಳುವುದೇನು?
ಶನಿವಾರದ ಉಪವಾಸ ವಿಧಾನ:
- ಶನಿವಾರ ಬೆಳಿಗ್ಗೆ ಎದ್ದು ಉಪವಾಸ ಮಾಡುವ ಪ್ರತಿಜ್ಞೆ ಮಾಡಿ. ನೀವು ಮೊದಲ ಬಾರಿಗೆ ಉಪವಾಸ ಮಾಡುತ್ತಿದ್ದರೆ, ನೀವು 7, 11 ಅಥವಾ 21 ದಿನಗಳ ಕಾಲ ಉಪವಾಸ ಮಾಡುವ ಪ್ರತಿಜ್ಞೆ ಮಾಡಬಹುದು.
- ಈ ದಿನ ನೀಲಿ ಅಥವಾ ಕಪ್ಪು ಬಣ್ಣದ ಬಟ್ಟೆಗಳನ್ನು ಧರಿಸಿ.
- ಈ ದಿನ ಬೆಳಿಗ್ಗೆ ಅರಳಿ ಮರವನ್ನು ಪೂಜಿಸಿ. ಬಳಿಕ ಮರದ ಬುಡಕ್ಕೆ ನೀರು ಅರ್ಪಿಸಿ.
- ಸಂಜೆ ಶನಿ ದೇವಸ್ಥಾನಕ್ಕೆ ಹೋಗಿ ಶನಿ ದೇವರಿಗೆ ಸಾಸಿವೆ ಎಣ್ಣೆಯನ್ನು ಅರ್ಪಿಸಿ.
- ಶನಿ ದೇವರ ಮುಂದೆ ಸಾಸಿವೆ ಎಣ್ಣೆಯ ದೀಪವನ್ನು ಹಚ್ಚಿ, ಅದರಲ್ಲಿ ಕಪ್ಪು ಎಳ್ಳು ಮತ್ತು ಉದ್ದಿನ ಬೇಳೆಯನ್ನು ಹಾಕಿ.
- ಈ ದಿನ, ಶನಿ ದೇವಾಲಯದಲ್ಲಿ ಶನಿ ದೇವರಿಗೆ ಕಪ್ಪು ಬಟ್ಟೆಯನ್ನು ಅರ್ಪಿಸಿ.
- ಶನಿ ದೇವರ ಮಂತ್ರವನ್ನು ಪಠಿಸಿ. ಶನಿ ಚಾಲೀಸಾ ಪಠಿಸಿ.
- ಮನೆಯಲ್ಲಿ ಪೂಜಿಸುವ ಬದಲು ಶನಿ ದೇವರನ್ನು ದೇವಸ್ಥಾನದಲ್ಲಿ ಪೂಜಿಸುವುದು ಉತ್ತಮ. ಶನಿ ದೇವರ ವಿಗ್ರಹ ಅಥವಾ ಚಿತ್ರವನ್ನು ಮನೆಯಲ್ಲಿ ಸ್ಥಾಪಿಸಲು ಸಾಧ್ಯವಿಲ್ಲ, ಆದ್ದರಿಂದ ಅವನನ್ನು ದೇವಸ್ಥಾನದಲ್ಲಿ ಮಾತ್ರ ಪೂಜಿಸಬೇಕು.
ಮತ್ತಷ್ಟು ಆಧ್ಯಾತ್ಮಿಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ




