Vastu Tips: ಈ ವಸ್ತುಗಳನ್ನು ಮತ್ತೊಬ್ಬರ ಜೊತೆ ಹಂಚಿಕೊಂಡರೆ ಏನಾಗುತ್ತೆ ಗೊತ್ತಾ?

“ಹಂಚಿಕೊಂಡು ಬಾಳಬೇಕು” ಎಂಬ ಮಾತನ್ನು ನೀವು ಕೇಳಿರಬಹುದು ಅದೊಂದು ರೀತಿಯ ಕಾಳಜಿ ವಹಿಸುವುದು ಎಂಬುದು ಹಲವರ ಅಭಿಪ್ರಾಯ ಆಗಿರಬಹುದು ಆದರೆ ಇದು ಎಷ್ಟರ ಮಟ್ಟಿಗೆ ನಿಜ ಎಂಬುದು ತಿಳಿದಿದೆಯಾ? ವಾಸ್ತು ಶಾಸ್ತ್ರದ ಪ್ರಕಾರ, ಕೆಲವು ವಸ್ತುಗಳನ್ನು ಯಾರ ಜೊತೆಗೂ ಹಂಚಿಕೊಳ್ಳಬಾರದು. ಇಲ್ಲವಾದಲ್ಲಿ ಭಿನ್ನಾಭಿಪ್ರಾಯ ಜೊತೆಗೆ ಇತರ ಅನೇಕ ಸಮಸ್ಯೆಗಳು ವ್ಯಕ್ತಿಯ ಜೀವನದಲ್ಲಿ ಬರುತ್ತವೆ ಎಂದು ನಂಬಲಾಗಿದೆ. ಹಾಗಾದರೆ ಯಾವ ವಸ್ತುಗಳನ್ನು ಬೇರೆಯವರ ಜೊತೆ ಹಂಚಿಕೊಳ್ಳಬಾರದು? ಎಂಬುದನ್ನು ತಿಳಿದುಕೊಳ್ಳಿ.

ಕೈ ಗಡಿಯಾರ (ವಾಚ್)

ವಾಸ್ತು ಶಾಸ್ತ್ರದ ಪ್ರಕಾರ, ನಾವು ಎಂದಿಗೂ ಇನ್ನೊಬ್ಬರ ವಾಚ್ ಅನ್ನು ಕಟ್ಟಿಕೊಳ್ಳಬಾರದು. ಗಡಿಯಾರದ ಕೆಲಸವು ಸಮಯವನ್ನು ಹೇಳುವುದು ಮಾತ್ರವಲ್ಲ, ಅದು ವ್ಯಕ್ತಿಯ ಎಲ್ಲಾ ರೀತಿಯ ಸಮಯದಲ್ಲಿಯೂ ಒಡನಾಡಿಯಾಗಿರುತ್ತದೆ. ಯಾರಾದರೂ ಕೆಟ್ಟ ಸಮಯ ಎದುರಿಸುತ್ತಿದ್ದರೆ ನೀವು ಅವರ ಕೈ ಗಡಿಯಾರವನ್ನು ಕೇಳಿ ಕಟ್ಟಿಕೊಂಡರೆ, ಅದು ನಿಮ್ಮ ಜೀವನದ ಮೇಲೂ ಪರಿಣಾಮ ಬೀರಬಹುದು ಎಂದು ವಾಸ್ತು ಶಾಸ್ತ್ರ ಹೇಳುತ್ತದೆ.

ಉಂಗುರ (ರಿಂಗ್)

ವಾಸ್ತು ಶಾಸ್ತ್ರದ ಪ್ರಕಾರ, ಒಬ್ಬರು ಧರಿಸಿರುವ ಉಂಗುರವನ್ನು ಮತ್ತೊಬ್ಬರು ಹಾಕಿಕೊಳ್ಳಬಾರದು. ವಾಸ್ತವವಾಗಿ, ಉಂಗುರವು ಸಾಮಾನ್ಯವಾಗಿ ಚಿನ್ನ, ಬೆಳ್ಳಿ ಮಾತ್ರವಲ್ಲ ಕೆಲವು ಗ್ರಹಗತಿಯ ಆಧಾರದ ಮೇಲೆ ಅಥವಾ ರಾಶಿಚಕ್ರಕ್ಕೆ ಅನುಗುಣವಾಗಿ ರತ್ನ, ಮುತ್ತು, ಹವಳಗಳನ್ನು ಬಳಸಿರುತ್ತಾರೆ ಆದ್ದರಿಂದ, ನೀವು ಬೇರೊಬ್ಬರ ಉಂಗುರಗಳನ್ನು ಧರಿಸಿದರೆ, ಅದು ನಿಮ್ಮ ಜೀವನದ ಮೇಲೂ ವ್ಯತಿರಿಕ್ತ ಪರಿಣಾಮ ಬೀರಬಹುದು ಎಂದು ವಾಸ್ತು ಶಾಸ್ತ್ರ ಹೇಳುತ್ತದೆ.

ಇದನ್ನೂ ಓದಿ; ಆನೆಗಳು ಪುತ್ತೂರಿನ ನೀರು ಕುಡಿಯುವಂತಿಲ್ಲ ಯಾಕೆ? ಗಜರಾಜನ ದೇಹದ ಭಾಗದಿಂದಲ್ಲೇ ಸೃಷ್ಟಿಯಾದ ಊರುಗಳಿವು

ಬಟ್ಟೆಗಳು

ಜನರು ಸಾಮಾನ್ಯವಾಗಿ ತಮ್ಮ ಅಗತ್ಯಕ್ಕೆ ಅನುಗುಣವಾಗಿ ಕುಟುಂಬ ಮತ್ತು ಸ್ನೇಹಿತರ ನಡುವೆ ಬಟ್ಟೆಗಳನ್ನು ವಿನಿಮಯ ಮಾಡಿಕೊಳ್ಳುತ್ತಾರೆ. ವಾಸ್ತು ಶಾಸ್ತ್ರದ ಪ್ರಕಾರ ಈ ರೀತಿ ಮಾಡಬಾರದು. ಇದಕ್ಕೆ ಕಾರಣವೆಂದರೆ ಬಟ್ಟೆಗಳನ್ನು ವಿನಿಮಯ ಮಾಡಿಕೊಳ್ಳುವ ಮೂಲಕ ಆ ವ್ಯಕ್ತಿಯ ದುರಾದೃಷ್ಟವು ನಿಮ್ಮ ಮೇಲೆ ಪರಿಣಾಮ ಬೀರಬಹುದು.

ಚಪ್ಪಲಿಗಳು

ನಾವು ಇತರರಿಂದ ಶೂ ಮತ್ತು ಚಪ್ಪಲಿಗಳನ್ನು ಎರವಲು ಪಡೆಯುತ್ತೇವೆ ಆದರೆ ವಾಸ್ತು ಶಾಸ್ತ್ರದ ಪ್ರಕಾರ ಬೇರೆಯವರು ಧರಿಸಿದ ಅಥವಾ ಖರೀದಿಸಿದ ಚಪ್ಪಲಿಗಳನ್ನು ಹಾಕಬಾರದು. ಈ ರೀತಿ ಮಾಡುವುದು ಅಶುಭವೆಂದು ಹೇಳಲಾಗುತ್ತದೆ. ಧರ್ಮಗ್ರಂಥಗಳ ಪ್ರಕಾರ, ಪಾದರಕ್ಷೆಗಳನ್ನು ವಿನಿಮಯ ಮಾಡಿಕೊಳ್ಳುವುದು ಶನಿ ದೋಷ ತಂದುಕೊಂಡಂತೆ. ಇದರಿಂದ ಮನೆಯಲ್ಲಿ ಬಡತನ ಮತ್ತು ಭಿನ್ನಾಭಿಪ್ರಾಯ ಉಂಟಾಗಬಹುದು.

ಪೆನ್

ನಾವು ಕಚೇರಿ ಅಥವಾ ಬ್ಯಾಂಕಿಗ್ ತೆರಳಿದಾಗ ಯಾರಿಂದಲಾದರೂ ಪೆನ್ ಕೇಳುತ್ತೇವೆ ಆದರೆ ಅದನ್ನು ಹಿಂದಿರುಗಿಸಲು ಮರೆಯುತ್ತೇವೆ. ವಾಸ್ತು ಶಾಸ್ತ್ರದ ಪ್ರಕಾರ, ಈ ರೀತಿ ಮಾಡುವುದು ತುಂಬಾ ತಪ್ಪು ಎನ್ನಲಾಗುತ್ತದೆ. ಇದರಿಂದ ನೀವು ನಾನಾರೀತಿಯ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ ಹಾಗಾಗಿ ಬೇರೆಯವರು ಬಳಸಿದ ಪೆನ್ ಗಳನ್ನು ಮರೆತು ಮನೆಗೆ ತರಬೇಡಿ ಅಥವಾ ಬಳಸಬೇಡಿ.

ಅಧ್ಯಾತ್ಮಕ್ಕೆ ಸಂಬಂಧಿಸಿದ ಮತ್ತಷ್ಟು ಸುದ್ದಿಗಳನ್ನು ಓದಲು ಇದರ ಮೇಲೆ ಕ್ಲಿಕ್ ಮಾಡಿ