Asia Cup: ಕೊರೊನಾ ಕಂಟಕ, ಏಷ್ಯಾ ಕಪ್ ಪಂದ್ಯಾವಳಿ ರದ್ದು.. ಇಂಡಿಯಾ- ಪಾಕಿಸ್ತಾನ ಕ್ರಿಕೆಟ್ ಕನಸು ಭಗ್ನ

Asia Cup: ಕೊರೊನಾ ವೈರಸ್ ಪ್ರಕರಣಗಳಿಂದಾಗಿ ಏಷ್ಯಾ ಕಪ್ ಟಿ 20 ಕ್ರಿಕೆಟ್ ಪಂದ್ಯಾವಳಿಯನ್ನು ರದ್ದುಪಡಿಸಲಾಗಿದೆ. ಪಾಕಿಸ್ತಾನ ಈ ಪಂದ್ಯಾವಳಿಯನ್ನು ಆಯೋಜಿಸಿತ್ತು.

Asia Cup: ಕೊರೊನಾ ಕಂಟಕ, ಏಷ್ಯಾ ಕಪ್ ಪಂದ್ಯಾವಳಿ ರದ್ದು.. ಇಂಡಿಯಾ- ಪಾಕಿಸ್ತಾನ ಕ್ರಿಕೆಟ್ ಕನಸು ಭಗ್ನ
ಭಾರತ-ಪಾಕಿಸ್ತಾನ್ ಕದನದಲ್ಲಿ ಈ ಐವರು ಬ್ಯಾಟರುಗಳು ಟಾಪ್ ಸ್ಕೋರರ್ ಆಗಿದ್ದರೂ, ಇವರಲ್ಲಿ ಪ್ರಸ್ತುತ ಟೀಮ್ ಇಂಡಿಯಾದಲ್ಲಿ ವಿರಾಟ್ ಕೊಹ್ಲಿ ಒಬ್ಬರೇ ಇದ್ದಾರೆ. ಆದರೆ ಅತ್ತ ಪಾಕ್ ತಂಡದಲ್ಲಿ ಶೊಯೇಬ್ ಮಲಿಕ್ ಹಾಗೂ ಮೊಹಮ್ಮದ್ ಹಫೀಜ್ ಇದ್ದು, ಹೀಗಾಗಿ ಈ ಇಬ್ಬರು ಅನುಭವಿ ಆಲ್​ರೌಂಡರ್​ಗಳನ್ನು ಕಟ್ಟಿಹಾಕಲು ಟೀಮ್ ಇಂಡಿಯಾ ವಿಶೇಷ ತಂತ್ರ ಹೆಣೆಯಲಿದೆ.
pruthvi Shankar

|

May 19, 2021 | 8:39 PM

ಕೊರೊನಾ ವೈರಸ್ ಪ್ರಕರಣಗಳಿಂದಾಗಿ ಏಷ್ಯಾ ಕಪ್ ಟಿ 20 ಕ್ರಿಕೆಟ್ ಪಂದ್ಯಾವಳಿಯನ್ನು ರದ್ದುಪಡಿಸಲಾಗಿದೆ. ಪಾಕಿಸ್ತಾನ ಈ ಪಂದ್ಯಾವಳಿಯನ್ನು ಆಯೋಜಿಸಿತ್ತು. ಆದರೆ ಭಾರತದ ಉಪಖಂಡದಲ್ಲಿ ಹೆಚ್ಚುತ್ತಿರುವ ಕೊರೊನಾ ಪ್ರಕರಣಗಳಿಂದಾಗಿ ಪಂದ್ಯಾವಳಿಯನ್ನು ರದ್ದುಗೊಳಿಸಲು ನಿರ್ಧರಿಸಲಾಯಿತು. ಇದರೊಂದಿಗೆ ಭಾರತ ಮತ್ತು ಪಾಕಿಸ್ತಾನ ನಡುವಿನ ಕ್ರಿಕೆಟ್ ಪಂದ್ಯವನ್ನು ನೋಡುವ ಅಭಿಮಾನಿಗಳ ಆಶಯವೂ ಮುರಿದಿದೆ. ಈ ಎರಡು ನೆರೆಯ ರಾಷ್ಟ್ರಗಳ ನಡುವಿನ ದ್ವಿಪಕ್ಷೀಯ ಕ್ರಿಕೆಟ್ ಹಲವು ವರ್ಷಗಳಿಂದ ನಿಷೇಧಿಸಲಾಗಿದೆ. ಐಸಿಸಿ ಅಥವಾ ಏಷ್ಯಾ ಕಪ್‌ನಂತಹ ಪಂದ್ಯಾವಳಿಗಳಲ್ಲಿ ಮಾತ್ರ ಉಭಯ ತಂಡಗಳು ಪರಸ್ಪರ ಆಡುತ್ತವೆ. 2019 ರ ವಿಶ್ವಕಪ್‌ನಲ್ಲಿ ಕೊನೆಯ ಬಾರಿಗೆ ಉಭಯ ದೇಶಗಳು ಮುಖಾಮುಖಿಯಾಗಿದ್ದವು. ಇತ್ತೀಚಿನ ದಿನಗಳಲ್ಲಿ ಇದು ಎರಡನೇ ಪ್ರಮುಖ ಪಂದ್ಯಾವಳಿ, ಇದು ಕೊರೊನಾದ ಕಾರಣದಿಂದ ಮುಂದೂಡಲ್ಪಟ್ಟಿದೆ ಅಥವಾ ರದ್ದುಗೊಂಡಿದೆ. ಇತ್ತೀಚೆಗೆ, ಐಪಿಎಲ್ 2021 ಅನ್ನು ಸಹ ಅಮಾನತುಗೊಳಿಸಲಾಗಿದೆ.

ಆದಾಗ್ಯೂ, ಏಷ್ಯಾಕಪ್ 2020 ರಲ್ಲಿ ನಡೆಯಬೇಕಿತ್ತು. ಆದರೆ ಕಳೆದ ವರ್ಷವೂ ಕೊರೊನಾ ಪ್ರಕರಣಗಳಿಂದಾಗಿ ಇದನ್ನು 2021 ರಲ್ಲಿ ಆಡಲು ಯೋಜಿಸಲಾಗಿತ್ತು. ಈ ಹಿಂದೆ ಈ ಪಂದ್ಯಾವಳಿಯನ್ನು ಪಾಕಿಸ್ತಾನದಲ್ಲಿ ನಡೆಸಬೇಕಿತ್ತು. ಆದರೆ ಭಾರತ ತಂಡ ಅಲ್ಲಿಗೆ ಹೋಗಲು ನಿರಾಕರಿಸಿದ ನಂತರ ಇದನ್ನು ಶ್ರೀಲಂಕಾದಲ್ಲಿ ಪ್ರಸ್ತಾಪಿಸಲಾಯಿತು. ಶ್ರೀಲಂಕಾ ಕ್ರಿಕೆಟ್‌ನ ಸಿಇಒ ಆಶ್ಲೇ ಡಿಸಿಲ್ವಾ ಸುದ್ದಿಗಾರರೊಂದಿಗೆ ಮಾತನಾಡುತ್ತಾ, ಈಗ ನಡೆಯುತ್ತಿರುವ ಪರಿಸ್ಥಿತಿಗಳಿಂದಾಗಿ, ಈ ವರ್ಷ ಜೂನ್‌ನಲ್ಲಿ ಪಂದ್ಯಾವಳಿ ನಡೆಸಲು ಸಾಧ್ಯವಿಲ್ಲ. ಈ ಪಂದ್ಯಾವಳಿಯನ್ನು ಈಗ 2023 ರ ವಿಶ್ವಕಪ್ ನಂತರ ನಡೆಸಬಹುದು ಏಕೆಂದರೆ ಎಲ್ಲಾ ತಂಡಗಳ ಮುಂದಿನ ಎರಡು ವರ್ಷಗಳ ವೇಳಾಪಟ್ಟಿಯನ್ನು ಈಗಾಗಲೇ ನಿಗದಿಪಡಿಸಲಾಗಿದೆ ಎಂದಿದ್ದಾರೆ.

ಶ್ರೀಲಂಕಾದಲ್ಲಿ 10 ದಿನಗಳವರೆಗೆ ವಿಮಾನ ಪ್ರವೇಶ ರದ್ದು ಏಷ್ಯನ್ ಕ್ರಿಕೆಟ್ ಕೌನ್ಸಿಲ್ ಶೀಘ್ರದಲ್ಲೇ ಇದರ ಬಗ್ಗೆ ಅಧಿಕೃತ ಪ್ರಕಟಣೆ ನೀಡಲಿದೆ ಎಂದು ಡಿ ಸಿಲ್ವಾ ಹೇಳಿದ್ದಾರೆ. ದಕ್ಷಿಣ ಏಷ್ಯಾ ದೇಶಗಳಾದ ಭಾರತ, ಪಾಕಿಸ್ತಾನ, ಶ್ರೀಲಂಕಾ, ಬಾಂಗ್ಲಾದೇಶಗಳಲ್ಲಿ ಇತ್ತೀಚಿನ ದಿನಗಳಲ್ಲಿ ಕೊರೊನಾ ಪ್ರಕರಣಗಳು ವೇಗವಾಗಿ ಹೆಚ್ಚಿವೆ. ಈ ಕಾರಣದಿಂದಾಗಿ, ಅನೇಕ ದೇಶಗಳ ವಿಮಾನಯಾನ ಕೂಡ ರದ್ದಾಗಿದೆ. ಮೇ 19 ರಂದು ದೇಶಕ್ಕೆ ಬರುವ ವಿಮಾನಗಳ ಪ್ರವೇಶವನ್ನು ಶ್ರೀಲಂಕಾ 10 ದಿನಗಳವರೆಗೆ ನಿಲ್ಲಿಸಿದೆ. ಆದರೆ, ಶ್ರೀಲಂಕಾ ತಂಡ ಇನ್ನೂ ಮೂರು ಏಕದಿನ ಪಂದ್ಯಗಳನ್ನು ಆಡಲು ಬಾಂಗ್ಲಾದೇಶದಲ್ಲಿದೆ.

ಈ ಪಂದ್ಯಾವಳಿಯನ್ನು ಯುಎಇಯಲ್ಲಿ 2018 ರಲ್ಲಿ ಕೊನೆಯ ಬಾರಿಗೆ ಆಡಿದ್ದು ಭಾರತ ಗೆದ್ದಿತ್ತು. ಇದಕ್ಕೂ ಮೊದಲು 2016 ರಲ್ಲಿ ಏಷ್ಯಾ ಕಪ್ ಟಿ 20 ರೂಪದಲ್ಲಿ ನಡೆಯಿತು. ಆ ಸಮಯದಲ್ಲಿ ಭಾರತವೂ ಗೆದ್ದಿತು. ಟೀಮ್ ಇಂಡಿಯಾ ಏಷ್ಯಾಕಪ್ ಅನ್ನು ಗರಿಷ್ಠ ಏಳು ಬಾರಿ ಗೆದ್ದಿದೆ. ಅದರ ನಂತರ ಐದು ಬಾರಿ ಈ ಪಂದ್ಯಾವಳಿಯನ್ನು ಗೆದ್ದಿರುವ ಶ್ರೀಲಂಕಾದ ಹೆಸರು ಇದೆ.

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada