ಬಾಂಗ್ಲಾದೇಶ ಟೆಸ್ಟ್ ಕ್ಯಾಪ್ಟನ್ ಮೊಮಿನ್ಗೆ ಕೊರೊನಾ ಪಾಸಿಟಿವ್ | Bangladesh test captain Mominul Haque tests positive for Corona

ಟೆಸ್ಟ್ ಪಂದ್ಯಗಳಲ್ಲಿ ಬಾಂಗ್ಲಾದೇಶದ ನಾಯಕತ್ವ ನಿಭಾಯಿಸುವ ಮೊಮಿನುಲ್ ಹಕ್ ಕೊವಿಡ್-10 ಸೋಂಕಿಗೊಳಗಾಗಿರುವುದನ್ನು ಆ ದೇಶದ ಕ್ರಿಕೆಟ್ ಸಂಸ್ಥೆ ದೃಢೀಕರಿಸಿದೆ. ಬಾಂಗ್ಲಾದೇಶ ಪರ 40 ಟೆಸ್ಟ್ಗಳನ್ನಾಡಿರುವ 29 ವರ್ಷ ವಯಸ್ಸಿನ ಹಕ್ ಅವರಲ್ಲಿ ತೀವ್ರವಲ್ಲದ ರೋಗ ಲಕ್ಷಣಗಳು ಕಾಣಿಸಿಕೊಂಡ ನಂತರ ಸೋಮವಾರದಂದು ಟೆಸ್ಟ್ ಮಾಡಿಸಿಕೊಂಡಿದ್ದರು. ಅದರ ರಿಸಲ್ಟ್ ಲಭ್ಯವಾಗಿದ್ದು ಅವರಿಗೆ ಸೋಂಕು ತಗುಲಿರುವುದು ಖಚಿತವಾಗಿದೆಯೆಂದು ಬಿಸಿಬಿಯ ಮುಖ್ಯ ವೈದ್ಯ ದೇಬಶೀಷ್ ಇಂದು ಮಾಧ್ಯಮಗಳಿಗೆ ತಿಳಿಸಿದರು. ‘ಮೊಮಿನುಲ್ ಅವರ ಕೊರೊನಾ ಟೆಸ್ಟ್ ಪಾಸಿಟಿವ್ ಬಂದಿದೆ. ಸಮಾಧಾನಕರ ಅಂಶವೆಂದರೆ ಅಷ್ಟೇನೂ ಗಂಭೀರವಲ್ಲದ […]

ಅರುಣ್ ಕುಮಾರ್ ಬೆಳ್ಳಿ|
Updated on: Nov 10, 2020 | 10:03 PM

ಟೆಸ್ಟ್ ಪಂದ್ಯಗಳಲ್ಲಿ ಬಾಂಗ್ಲಾದೇಶದ ನಾಯಕತ್ವ ನಿಭಾಯಿಸುವ ಮೊಮಿನುಲ್ ಹಕ್ ಕೊವಿಡ್-10 ಸೋಂಕಿಗೊಳಗಾಗಿರುವುದನ್ನು ಆ ದೇಶದ ಕ್ರಿಕೆಟ್ ಸಂಸ್ಥೆ ದೃಢೀಕರಿಸಿದೆ.

ಬಾಂಗ್ಲಾದೇಶ ಪರ 40 ಟೆಸ್ಟ್ಗಳನ್ನಾಡಿರುವ 29 ವರ್ಷ ವಯಸ್ಸಿನ ಹಕ್ ಅವರಲ್ಲಿ ತೀವ್ರವಲ್ಲದ ರೋಗ ಲಕ್ಷಣಗಳು ಕಾಣಿಸಿಕೊಂಡ ನಂತರ ಸೋಮವಾರದಂದು ಟೆಸ್ಟ್ ಮಾಡಿಸಿಕೊಂಡಿದ್ದರು. ಅದರ ರಿಸಲ್ಟ್ ಲಭ್ಯವಾಗಿದ್ದು ಅವರಿಗೆ ಸೋಂಕು ತಗುಲಿರುವುದು ಖಚಿತವಾಗಿದೆಯೆಂದು ಬಿಸಿಬಿಯ ಮುಖ್ಯ ವೈದ್ಯ ದೇಬಶೀಷ್ ಇಂದು ಮಾಧ್ಯಮಗಳಿಗೆ ತಿಳಿಸಿದರು.

‘ಮೊಮಿನುಲ್ ಅವರ ಕೊರೊನಾ ಟೆಸ್ಟ್ ಪಾಸಿಟಿವ್ ಬಂದಿದೆ. ಸಮಾಧಾನಕರ ಅಂಶವೆಂದರೆ ಅಷ್ಟೇನೂ ಗಂಭೀರವಲ್ಲದ ಲಕ್ಷಣಗಳು ಅವರಲ್ಲಿ ಗೋಚರಿಸಿವೆ,’ ಎಂದು ದೇಬಶೀಷ್ ಹೇಳಿದರು.

ಸೋಂಕು ತಗುಲಿರುವ ಬಗ್ಗೆ ಖಚಿತವಾದ ನಂತರ ಒಂದು ಹೇಳಿಕೆಯನ್ನು ಬಿಡುಗಡೆ ಮಾಡಿರುವ ಮೊಮಿನ್, ‘ನಿನ್ನೆ ನನಗೆ ಸೋಂಕು ತಗುಲಿರುವುದು ಗೊತ್ತಾದ ನಂತರ ಮನೆಯಲ್ಲಿ ನನ್ನನ್ನು ನಾನು ಪ್ರತ್ಯೇಕಿಸಿಕೊಂಡಿದ್ದೇನೆ. ರೋಗ ಲಕ್ಷಣಗಳು ಮೈಲ್ಡ್ ಅಗಿವೆಯೆಂದು ರಿಪೋರ್ಟ್ನಿಂದ ಗೊತ್ತಾಗಿದೆ. ಜ್ವರದಿಂದ ಬಳಲುತ್ತಿದ್ದೇನೆ, ಇವತ್ತು ಕೂಡ ಮೈ ಬಿಸಿಯಾಗಿದೆ,’ ಎಂದಿದ್ದಾರೆ.

ನವೆಂಬರ್ ಮೂರನೇ ವಾರದಲ್ಲಿ ಆರಂಭವಾಗಲಿರುವ ಬಂಗಬಂಧು ಟಿ20 ಕ್ರಿಕೆಟ್ ಟೂರ್ನಮೆಂಟ್ನಲ್ಲಿ ಮೊಮಿನ್ ಆಡುವುದು ಅನುಮಾನಾಸ್ಪದ ಎಂದು ಹೇಳಲಾಗುತ್ತಿದೆ.

LIVETV

ಅರುಣ್ ಕುಮಾರ್ ಬೆಳ್ಳಿ

ಹುಟ್ಟೂರು ಯಾದಗಿರಿ ಜಿಲ್ಲೆಯ ಗುರುಮಠಕಲ್. ಓದಿದ್ದು ಬಿಎಸ್ಸಿಯಾದರೂ ಮೆಡಿಕಲ್ ರಿಪ್ರಸೆಂಟೇಟಿವ್ ಆಗಿ ಕೆಲಸ ಮಾಡಿಕೊಂಡಿದ್ದ ನನ್ನನ್ನು ಖ್ಯಾತ ಪತ್ರಕರ್ತ ದಿವಂಗತ ರವಿ ಬೆಳಗೆರೆಯವರು ಪತ್ರಿಕೋದ್ಯಮಕ್ಕೆ ಎಳೆತಂದರು. ಮೊದಲು ಅವರ ಓ ಮನಸೇ ಪಾಕ್ಷಿಕದಲ್ಲಿ ಉಪ ಸಂಪಾದಕನಾಗಿ ಕೆಲಸ ಮಾಡಿದ ಬಳಿಕ ಲಂಕೇಶ್ ಪತ್ರಿಕೆ (ಸಹಾಯಕ ಸಂಪಾದಕ), ದುನಿಯಾ (ಕಾರ್ಯನಿರ್ವಾಹಕ ಸಂಪಾದಕ) ಮತ್ತು ಕ್ರಿಕೆಟ್ ಪಾಕ್ಷಿಕ ಪತ್ರಿಕೆಯ ಸಂಪಾದಕನಾಗಿ ಕೆಲಸ ಮಾಡಿದೆ. 2012 ರಲ್ಲಿ ಟಿವಿ9 ಸಂಸ್ಥೆಯ ಇಂಗ್ಲಿಷ್ ಚ್ಯಾನೆಲ್ ನಲ್ಲಿ ಸಹಾಯಕ ಸಂಪಾದಕನಾಗಿ ಸೇರಿ 8 ವರ್ಷ ದುಡಿದ ಬಳಿಕ 2020 ರಿಂದ ಟಿವಿ9 ಕನ್ನಡ ಡಿಜಿಟಲ್ ಗೆ ಹಿರಿಯ ಉಪ ಸಂಪಾದಕನಾಗಿ (ವಿಡಿಯೋ ಸುದ್ದಿ ವಿಭಾಗ) ಕಾರ್ಯನಿರ್ವಹಿಸುತ್ತಿರುವೆ.