2014 ರಿಂದ 9 ಬಾರಿ ಐಪಿಎಲ್ ಹರಾಜಿಗೆ ಹೆಸರು ನೋಂದಾಯಿಸಿಕೊಂಡರೂ ಯಾರು ನನ್ನ ಖರೀದಿಸಿಲ್ಲ; ಟೀಂ ಇಂಡಿಯಾ ಆಟಗಾರ

2014 ರಿಂದ 9 ಬಾರಿ ಐಪಿಎಲ್ ಹರಾಜಿಗೆ ಹೆಸರು ನೋಂದಾಯಿಸಿಕೊಂಡರೂ ಯಾರು ನನ್ನ ಖರೀದಿಸಿಲ್ಲ; ಟೀಂ ಇಂಡಿಯಾ ಆಟಗಾರ
ಅಭಿಮನ್ಯು ಈಶ್ವರನ್

Abhimanyu Easwaran: 2014 ರಿಂದ ನಾನು ನನ್ನ ಹೆಸರನ್ನು ಐಪಿಎಲ್ ಹರಾಜಿಗೆ ಕಳುಹಿಸುತ್ತಿದ್ದೇನೆ ಆದರೆ ಯಾರೂ ಬಿಡ್ ಮಾಡಿಲ್ಲ. ಈ ವರ್ಷ ಇದು ನನ್ನ ಒಂಬತ್ತನೇ ಪ್ರಯತ್ನ.

TV9kannada Web Team

| Edited By: pruthvi Shankar

Jan 29, 2022 | 6:02 PM

ಅಭಿಮನ್ಯು ಈಶ್ವರನ್ ಇತ್ತೀಚೆಗೆ ಭಾರತ ಟೆಸ್ಟ್ ತಂಡಕ್ಕೆ ಆಯ್ಕೆಯಾಗಿದ್ದಾರೆ. ಆದರೆ, ಆಡುವ XIನಲ್ಲಿ ಸ್ಥಾನ ಪಡೆದಿರಲಿಲ್ಲ. ಬಂಗಾಳದ ದೇಶೀಯ ಕ್ರಿಕೆಟ್‌ನಲ್ಲಿ ಆಡಿರುವ ಅಭಿಮನ್ಯು ಈಶ್ವರನ್, 2021 ರಲ್ಲಿ ಇಂಗ್ಲೆಂಡ್ ಪ್ರವಾಸಕ್ಕಾಗಿ ಭಾರತ ತಂಡದಲ್ಲಿ ಸ್ಥಾನ ಪಡೆದಿದ್ದರು. ನಂತರ ಅವರು ವರ್ಷಾಂತ್ಯದಲ್ಲಿ ನ್ಯೂಜಿಲೆಂಡ್ ಸರಣಿಗಾಗಿ ಟೀಮ್ ಇಂಡಿಯಾದ ಭಾಗವಾಗಿದ್ದರು. ದೇಶೀಯ ಕ್ರಿಕೆಟ್‌ನಲ್ಲಿ ಸತತವಾಗಿ ಉತ್ತಮ ಪ್ರದರ್ಶನ ನೀಡುತ್ತಿರುವ ಈ ಆಟಗಾರ, ಇದೀಗ ಐಪಿಎಲ್ (IPL 2022 ) ನಲ್ಲಿ ಆಡುವ ಸಾಧ್ಯತೆ ಮತ್ತು ಹರಾಜಿನ ಸಮಯದಲ್ಲಿ ಯಾವುದೇ ತಂಡ ಆಸಕ್ತಿ ತೋರಿಸದಿರುವ ಬಗ್ಗೆ ತಮ್ಮ ಪ್ರತಿಕ್ರಿಯೆಯನ್ನು ನೀಡಿದ್ದಾರೆ.

ಇಎಸ್‌ಪಿಎನ್‌ಕ್ರಿಕ್‌ಇನ್‌ಫೋ ಜೊತೆಗಿನ ಸಂವಾದದಲ್ಲಿ ಅಭಿಮನ್ಯು ಈಶ್ವರನ್ ಐಪಿಎಲ್‌ನಲ್ಲಿ ಆಡುವ ಕುರಿತು, ‘2014 ರಿಂದ ನಾನು ನನ್ನ ಹೆಸರನ್ನು ಐಪಿಎಲ್ ಹರಾಜಿಗೆ ಕಳುಹಿಸುತ್ತಿದ್ದೇನೆ ಆದರೆ ಯಾರೂ ಬಿಡ್ ಮಾಡಿಲ್ಲ. ಈ ವರ್ಷ ಇದು ನನ್ನ ಒಂಬತ್ತನೇ ಪ್ರಯತ್ನ. ನಾನು ಪದೇ ಪದೇ ನನ್ನ ಹೆಸರನ್ನು ಹರಾಜಿಗೆ ಏಕೆ ಕಳುಹಿಸುತ್ತೇನೆ? ಏಕೆಂದರೆ ನಾನು T20 ಆಟಗಾರನಾಗಿ ಸಾಕಷ್ಟು ಉತ್ತಮವಾಗಿದ್ದೇನೆ ಮತ್ತು ನನ್ನ ಅಂಕಿಅಂಶಗಳು ಅದನ್ನು ಬೆಂಬಲಿಸುತ್ತವೆ ಎಂದು ನನಗೆ ವಿಶ್ವಾಸವಿದೆ. ನಾನು ಮತ್ತೆ ಮಾರಾಟವಾಗದೆ ಉಳಿದರೆ, ನನ್ನ ಮೇಲೆ ನಂಬಿಕೆ ಇಡುವುದು ನನಗೆ ಬಿಟ್ಟದ್ದು ಆದರೆ ಅದಕ್ಕೆ ದೇಶೀಯ ಕ್ರಿಕೆಟ್ ಅಗತ್ಯವಿರುತ್ತದೆ ಎಂದಿದ್ದಾರೆ.

ದೇಶೀಯ ಕ್ರಿಕೆಟ್ ಬಗ್ಗೆ ಈಶ್ವರನ್ ಹೇಳಿದ್ದೇನು? ಕಳೆದ ಎರಡು ವರ್ಷಗಳಲ್ಲಿ, ಕೊರೊನಾ ಭಾರತದ ದೇಶೀಯ ಕ್ರಿಕೆಟ್ ಮೇಲೆ ಕೆಟ್ಟ ಪರಿಣಾಮ ಬೀರಿದೆ. ಕಳೆದ ವರ್ಷ ರಣಜಿ ಟ್ರೋಫಿ ನಡೆಸಲು ಸಾಧ್ಯವಾಗಿರಲಿಲ್ಲ. ಈ ವರ್ಷ ಫೆಬ್ರವರಿಯಿಂದ ಆರಂಭವಾಗುವ ನಿರೀಕ್ಷೆ ಇದೆ. ಈ ನಿಟ್ಟಿನಲ್ಲಿ ಕೊರೊನಾ ಸಾಂಕ್ರಾಮಿಕ ರೋಗದಿಂದಾಗಿ ಎಲ್ಲವೂ ಬದಲಾಗಿದೆ ಎಂದು ಈಶ್ವರನ್ ಹೇಳಿದರು.

ಟೀಮ್ ಇಂಡಿಯಾ ಸೇರಿದ ಅನುಭವ ಕಳೆದ ಎರಡು ರಣಜಿ ಸೀಸನ್‌ಗಳಲ್ಲಿ ಅಭಿಮನ್ಯು ಈಶ್ವರನ್ ಅವರ ಪ್ರದರ್ಶನ ಉತ್ತಮವಾಗಿತ್ತು. ಈ 16 ಪಂದ್ಯಗಳಲ್ಲಿ ಅವರು 46.62 ಸರಾಸರಿಯಲ್ಲಿ 1119 ರನ್ ಗಳಿಸಿದ್ದಾರೆ. ಈ ಪ್ರದರ್ಶನದ ಆಧಾರದ ಮೇಲೆ ಅವರನ್ನು ಭಾರತೀಯ ಟೆಸ್ಟ್ ತಂಡಕ್ಕೆ ಆಯ್ಕೆ ಮಾಡಲಾಯಿತು. ಟೀಮ್ ಇಂಡಿಯಾದಲ್ಲಿ ಆಯ್ಕೆಯ ಬಗ್ಗೆ ಅವರು, ‘ಕಳೆದ ವರ್ಷ ಮೇ 30 ರಂದು ನಾನು ಭಾರತೀಯ ಟೆಸ್ಟ್ ತಂಡದ ಜೆರ್ಸಿಯನ್ನು ಪಡೆದುಕೊಂಡೆ, ಆದರೆ ಅದನ್ನು ತೊಟ್ಟು ಮೈದಾನಕ್ಕೆ ಇಳಿಯಲಾಗಲಿಲ್ಲ. ಆ ಜರ್ಸಿಯನ್ನು ನಾನು ಊಟದ ಸಮಯದಲ್ಲಿ ಧರಿಸಿದ್ದೆ ಮತ್ತು ರಾತ್ರಿಯ ಊಟದ ಸಮಯದಲ್ಲಿ ಅದನ್ನು ತೆಗೆದಿದ್ದೇ ಬಂತು ಹೊರತು ಪ್ಲೇಯಿಂಗ್ ಇಲೆವೆನ್​ನಲ್ಲಿ ಅವಕಾಶ ಸಿಗಲಿಲ್ಲ ಎಂದಿದ್ದಾರೆ.

ಇದನ್ನೂ ಓದಿ:IPL 2022: ಐಪಿಎಲ್ ಮೆಗಾ ಹರಾಜಿನಲ್ಲಿ ಶ್ರೀಶಾಂತ್: ಮೂಲ ಬೆಲೆ ಎಷ್ಟು ಗೊತ್ತಾ?

Follow us on

Related Stories

Most Read Stories

Click on your DTH Provider to Add TV9 Kannada