ಸೆಮಿಫೈನಲ್ ಇಲ್ಲದೆ ಫೈನಲ್: ಹೀಗಿರಲಿದೆ ಏಷ್ಯಾಕಪ್ ಟೂರ್ನಿ
Asia Cup 2025: ಯುಎಇನಲ್ಲಿ ನಡೆಯಲಿರುವ ಈ ಬಾರಿಯ ಏಷ್ಯಾಕಪ್ನಲ್ಲಿ ಒಟ್ಟು 8 ತಂಡಗಳು ಕಣಕ್ಕಿಳಿಯಲಿವೆ. ಈ ತಂಡಗಳಲ್ಲಿ ಭಾರತ, ಪಾಕಿಸ್ತಾನ್, ಒಮಾನ್ ಮತ್ತು ಯುಎಇ ಗ್ರೂಪ್ ಎ ನಲ್ಲಿದ್ದರೆ, ಬಾಂಗ್ಲಾದೇಶ್, ಅಫ್ಘಾನಿಸ್ತಾನ್, ಹಾಂಗ್ ಕಾಂಗ್ ಹಾಗೂ ಶ್ರೀಲಂಕಾ ಬಿ ಗ್ರೂಪ್ನಲ್ಲಿದೆ. ಹೀಗಾಗಿ ಮೊದಲ ಸುತ್ತಿನಲ್ಲೇ ಭಾರತ ಮತ್ತು ಪಾಕಿಸ್ತಾನ್ ತಂಡಗಳ ಮುಖಾಮುಖಿಯನ್ನು ಎದುರು ನೋಡಬಹುದು.
ಏಷ್ಯಾಕಪ್ ಟೂರ್ನಿಗೆ ದಿನಗಣನೆ ಶುರುವಾಗಿದೆ. ಈ ಬಾರಿಯ ಟೂರ್ನಿಯಲ್ಲಿ ಒಟ್ಟು 8 ದೇಶಗಳು ಕಣಕ್ಕಿಳಿಯಲಿವೆ. ಈ 8 ತಂಡಗಳನ್ನು ಎರಡು ಗುಂಪುಗಳಾಗಿ ವಿಂಗಡಿಸಲಾಗಿದೆ. ಅದರಂತೆ ಈ ಬಾರಿ ಟೂರ್ನಿಯು ರೌಂಡ್ ರಾಬಿನ್ ಮಾದರಿಯಲ್ಲಿ ನಡೆಯಲಿದೆ. ಅಂದರೆ ಮೊದಲ ಸುತ್ತಿನಲ್ಲಿ ಗ್ರೂಪ್ನಲ್ಲಿರುವ ತಂಡಗಳು ಮುಖಾಮುಖಿಯಾಗಲಿದೆ.
ಏಷ್ಯಾಕಪ್ ಗ್ರೂಪ್:
- ಗ್ರೂಪ್ ಎ: ಭಾರತ, ಪಾಕಿಸ್ತಾನ್, ಒಮಾನ್, ಯುಎಇ
- ಗ್ರೂಪ್ ಬಿ: ಬಾಂಗ್ಲಾದೇಶ್, ಶ್ರೀಲಂಕಾ, ಅಫ್ಘಾನಿಸ್ತಾನ್, ಹಾಂಗ್ ಕಾಂಗ್.
ಇಲ್ಲಿ ಗ್ರೂಪ್ ಎ ನಲ್ಲಿ ಭಾರತ, ಪಾಕಿಸ್ತಾನ್, ಒಮಾನ್ ಹಾಗೂ ಯುಎಇ ತಂಡಗಳು ಇವೆ. ಹೀಗಾಗಿ ಮೊದಲ ಸುತ್ತಿನಲ್ಲಿ ಟೀಮ್ ಇಂಡಿಯಾ ಪಾಕಿಸ್ತಾನ್, ಯುಎಇ ಹಾಗೂ ಒಮಾನ್ ತಂಡಗಳನ್ನು ಮಾತ್ರ ಎದುರಿಸಲಿದೆ.
ಗ್ರೂಪ್ ಅಂಕ ಪಟ್ಟಿ:
ಮೊದಲ ಸುತ್ತಿನಲ್ಲಿ ಎರಡೂ ಗ್ರೂಪ್ಗಳಿಗೂ ಅಂಕ ಪಟ್ಟಿ ಇರಲಿದೆ. ಈ ಪಾಯಿಂಟ್ಸ್ ಟೇಬಲ್ನಲ್ಲಿ ಮೊದಲೆರಡು ಸ್ಥಾನಗಳನ್ನು ಅಲಂಕರಿಸುವ ತಂಡಗಳು ಮುಂದಿನ ಹಂತಕ್ಕೇರಲಿದೆ. ಅಂದರೆ ಸೂಪರ್-4 ಹಂತಕ್ಕೆ ಅರ್ಹತೆ ಪಡೆಯಲಿದೆ.
ಸೂಪರ್-4 ಹಂತ:
ಮೊದಲ ಸುತ್ತಿನಲ್ಲಿ ಕಣಕ್ಕಿಳಿದ 8 ತಂಡಗಳಲ್ಲಿ 4 ಟೀಮ್ಗಳು ಮಾತ್ರ ದ್ಚಿತೀಯ ಸುತ್ತಿಗೆ ಪ್ರವೇಶಿಸುತ್ತದೆ. ಹೀಗಾಗಿಯೇ ದ್ವಿತೀಯ ಸುತ್ತಿಗೆ ಸೂಪರ್-4 ಎಂದು ಹೆಸರಿಡಲಾಗಿದೆ. ಈ ಹಂತದಲ್ಲಿ ಯಾವುದೇ ಗ್ರೂಪ್ಗಳಿರುವುದಿಲ್ಲ. ಅಂದರೆ 4 ತಂಡಗಳು ಪರಸ್ಪರ ಮುಖಾಮುಖಿಯಾಗಲಿದೆ.
ಸೆಮಿಫೈನಲ್ ಇಲ್ಲ:
ದ್ವಿತೀಯ ಸುತ್ತಿನ ಬಳಿಕ ಯಾವುದೇ ಸೆಮಿಫೈನಲ್ ಪಂದ್ಯ ಇರುವುದಿಲ್ಲ. ಅಂದರೆ ಸೂಪರ್-4 ಹಂತದಲ್ಲಿ ಒಂದು ತಂಡವು ಮೂರು ಮ್ಯಾಚ್ಗಳನ್ನು ಆಡಲಿದೆ. ಇಲ್ಲಿ ಕೂಡ ಅಂಕ ಪಟ್ಟಿ ಇರಲಿದ್ದು, ಈ ಪಾಯಿಂಟ್ಸ್ ಟೇಬಲ್ನಲ್ಲಿ ಮೊದಲೆರಡು ಸ್ಥಾನಗಳನ್ನು ಅಲಂಕರಿಸುವ ತಂಡಗಳು ಫೈನಲ್ಗೇರಲಿದೆ.
ಟೂರ್ನಿಯ ಸ್ವರೂಪವೇನು?
ಈ ಬಾರಿಯ ಏಷ್ಯಾಕಪ್ ನಡೆಯುತ್ತಿರುವುದು ಟಿ20 ಸ್ವರೂಪದಲ್ಲಿ. ಅಂದರೆ ಕಳೆದ ಬಾರಿ ಏಕದಿನ ಮಾದರಿಯಲ್ಲಿ ಆಡಲಾಗಿತ್ತು. ಇದೀಗ ಸ್ವರೂಪ ಬದಲಿಸಲು ಮುಖ್ಯ ಕಾರಣ ಮುಂಬರುವ ಟಿ20 ವಿಶ್ವಕಪ್. ಅಂದರೆ ಮುಂಬರುವ ಐಸಿಸಿ ಟೂರ್ನಿಯ ಸ್ವರೂಪದಲ್ಲೇ ಏಷ್ಯಾಕಪ್ ಅನ್ನು ಆಯೋಜಿಸಲಾಗುತ್ತದೆ.
2023ರ ಏಕದಿನ ವಿಶ್ವಕಪ್ ಅನ್ನು ಗಮನದಲ್ಲಿರಿಸಿ ಏಷ್ಯಾಕಪ್ 2023 ಅನ್ನು ಏಕದಿನ ಸ್ವರೂಪದಲ್ಲಿ ಆಡಲಾಗಿತ್ತು. 2026ರಲ್ಲಿ ಟಿ20 ವಿಶ್ವಕಪ್ ನಡೆಯಲಿದೆ. ಹೀಗಾಗಿ ಈ ಬಾರಿ ಏಷ್ಯಾಕಪ್ ಅನ್ನು ಟಿ20 ಮಾದರಿಯಲ್ಲಿ ಆಯೋಜಿಸಲಾಗುತ್ತಿದೆ.
ಏಷ್ಯಾಕಪ್ ವೇಳಾಪಟ್ಟಿ:
ಗ್ರೂಪ್- A ವೇಳಾಪಟ್ಟಿ:
| ದಿನಾಂಕ | ಪಂದ್ಯಗಳು | ಸ್ಥಳ | ಸಮಯ (IST) |
| ಸೆಪ್ಟೆಂಬರ್ 10 | ಭಾರತ vs ಯುಎಇ | ದುಬೈ | ಸಂಜೆ 7:30 |
| ಸೆಪ್ಟೆಂಬರ್ 12 | ಪಾಕಿಸ್ತಾನ್ vs ಒಮಾನ್ | ಅಬುಧಾಬಿ | ಸಂಜೆ 7:30 |
| ಸೆಪ್ಟೆಂಬರ್ 14 | ಭಾರತ vs ಪಾಕಿಸ್ತಾನ್ | ದುಬೈ | ಸಂಜೆ 7:30 |
| 15ನೇ ಸೆಪ್ಟೆಂಬರ್ | ಯುಎಇ vs ಒಮಾನ್ | ಅಬುಧಾಬಿ | ಸಂಜೆ 7:30 |
| 17ನೇ ಸೆಪ್ಟೆಂಬರ್ | ಪಾಕಿಸ್ತಾನ್ vs ಯುಎಇ | ದುಬೈ | ಸಂಜೆ 7:30 |
| 19ನೇ ಸೆಪ್ಟೆಂಬರ್ | ಭಾರತ vs ಒಮಾನ್ | ಅಬುಧಾಬಿ | ಸಂಜೆ 7:30 |
ಗ್ರೂಪ್-B ವೇಳಾಪಟ್ಟಿ:
| ದಿನಾಂಕ | ಪಂದ್ಯಗಳು | ಸ್ಥಳ | ಸಮಯ (IST) |
| ಸೆಪ್ಟೆಂಬರ್ 9 | ಅಫ್ಘಾನಿಸ್ತಾನ್ vs ಹಾಂಗ್ ಕಾಂಗ್ | ಅಬುಧಾಬಿ | ಸಂಜೆ 7:30 |
| ಸೆಪ್ಟೆಂಬರ್ 11 | ಬಾಂಗ್ಲಾದೇಶ್ vs ಹಾಂಗ್ ಕಾಂಗ್ | ದುಬೈ | ಸಂಜೆ 7:30 |
| ಸೆಪ್ಟೆಂಬರ್ 13 | ಶ್ರೀಲಂಕಾ vs ಬಾಂಗ್ಲಾದೇಶ್ | ಅಬುಧಾಬಿ | ಸಂಜೆ 7:30 |
| 15ನೇ ಸೆಪ್ಟೆಂಬರ್ | ಶ್ರೀಲಂಕಾ vs ಹಾಂಗ್ ಕಾಂಗ್ | ದುಬೈ | ಸಂಜೆ 7:30 |
| ಸೆಪ್ಟೆಂಬರ್ 16 | ಬಾಂಗ್ಲಾದೇಶ್ vs ಅಫ್ಘಾನಿಸ್ತಾನ್ | ಅಬುಧಾಬಿ | ಸಂಜೆ 7:30 |
| 18ನೇ ಸೆಪ್ಟೆಂಬರ್ | ಶ್ರೀಲಂಕಾ vs ಅಫ್ಘಾನಿಸ್ತಾನ್ | ದುಬೈ | ಸಂಜೆ 7:30 |
ಇದನ್ನೂ ಓದಿ: ಇಂಗ್ಲೆಂಡ್ ತಂಡಕ್ಕೆ ಸ್ಫೋಟಕ ದಾಂಡಿಗ ಎಂಟ್ರಿ..!
ಸೂಪರ್-4 ವೇಳಾಪಟ್ಟಿ:
| ದಿನಾಂಕ | ಪಂದ್ಯಗಳು | ಸ್ಥಳ | ಸಮಯ (IST) |
| ಸೆಪ್ಟೆಂಬರ್ 20 | ಗ್ರೂಪ್ B ಕ್ವಾಲಿಫೈಯರ್ 1 vs ಗ್ರೂಪ್ B ಕ್ವಾಲಿಫೈಯರ್ 2 | ದುಬೈ | ಸಂಜೆ 7:30 |
| ಸೆಪ್ಟೆಂಬರ್ 21 | ಗ್ರೂಪ್ A ಕ್ವಾಲಿಫೈಯರ್ 1 vs ಗ್ರೂಪ್ A ಕ್ವಾಲಿಫೈಯರ್ 2 | ದುಬೈ | ಸಂಜೆ 7:30 |
| 23ನೇ ಸೆಪ್ಟೆಂಬರ್ | ಗುಂಪು A ಕ್ವಾಲಿಫೈಯರ್ 1 vs ಗುಂಪು B ಕ್ವಾಲಿಫೈಯರ್ 2 | ದುಬೈ | ಸಂಜೆ 7:30 |
| 24ನೇ ಸೆಪ್ಟೆಂಬರ್ | ಗ್ರೂಪ್ B ಕ್ವಾಲಿಫೈಯರ್ 1 vs ಗ್ರೂಪ್ A ಕ್ವಾಲಿಫೈಯರ್ 2 | ದುಬೈ | ಸಂಜೆ 7:30 |
| 25ನೇ ಸೆಪ್ಟೆಂಬರ್ | ಗ್ರೂಪ್ A ಕ್ವಾಲಿಫೈಯರ್ 2 vs ಗ್ರೂಪ್ B ಕ್ವಾಲಿಫೈಯರ್ 2 | ದುಬೈ | ಸಂಜೆ 7:30 |
| ಸೆಪ್ಟೆಂಬರ್ 26 | ಗುಂಪು A ಕ್ವಾಲಿಫೈಯರ್ 1 vs ಗುಂಪು B ಕ್ವಾಲಿಫೈಯರ್ 1 | ದುಬೈ | ಸಂಜೆ 7:30 |
| ಸೆಪ್ಟೆಂಬರ್ 28 | ಫೈನಲ್ | ದುಬೈ | ಸಂಜೆ 7:30 |