AUS vs ZIM: ಆಸ್ಟ್ರೇಲಿಯಾ 141 ರನ್​ಗೆ ಆಲೌಟ್: ಕಾಂಗರೂಗಳ ನಾಡಿನಲ್ಲಿ ಇತಿಹಾಸ ರಚಿಸಿದ ಜಿಂಬಾಬ್ವೆ ತಂಡ

ಜಿಂಬಾಬ್ವೆ ಕ್ರಿಕೆಟ್ ತಂಡ ಆಸ್ಟ್ರೇಲಿಯಾ (Australia vs Zimbabwe) ನೆಲದಲ್ಲಿ ಇತಿಹಾಸ ರಚಿಸಿದೆ. ಅಂತಿಮ ತೃತೀಯ ಏಕದಿನ ಪಂದ್ಯದಲ್ಲಿ 3 ವಿಕೆಟ್​ಗಳ ರೋಚಕ ಜಯ ಸಾಧಿಸುವ ಮೂಲಕ ಜಿಂಬಾಬ್ವೆ (Zimbabwe Cricket Team) ಕಾಂಗರೂಗಳ ನಾಡಿನಲ್ಲಿ ಚೊಚ್ಚಲ ಪಂದ್ಯ ಗೆದ್ದ ಸಾಧನೆ ಮಾಡಿದೆ. ಅಷ್ಟೇ ಅಲ್ಲದೆ ಶ್ರೇಷ್ಠ ಪ್ರದರ್ಶನ ತೋರಿದ ಜಿಂಬಾಬ್ವೆ ಆಸ್ಟ್ರೇಲಿಯಾವನ್ನು ಕೇವಲ 141 ರನ್​ಗೆ ಆಲೌಟ್ ಮಾಡುವ ಮೂಲಕ ಪರಾಕ್ರಮ ಮೆರೆಯಿತು. ಕೊನೆಯ ಪಂದ್ಯದಲ್ಲಿ ಜಿಂಬಾಬ್ವೆ ಗೆದ್ದಿದ್ದರೂ, ಮೊದಲ ಎರಡು ಪಂದ್ಯದಲ್ಲಿ ಆ್ಯರೋನ್ ಫಿಂಚ್ (Aaron Finch) ಪಡೆ ಜಯ ಸಾಧಿಸಿದ್ದ ಕಾರಣ 2-1 ಅಂತರದಿಂದ ಆಸೀಸ್ ಸರಣಿ ವಶಪಡಿಸಿಕೊಂಡಿದೆ.

ಮೂರನೇ ಏಕದಿನ ಪಂದ್ಯದಲ್ಲಿ ಟಾಸ್ ಗೆದ್ದ ಜಿಂಬಾಬ್ವೆ ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಅದರಂತೆ ಬ್ಯಾಟಿಂಗ್​ಗೆ ಇಳಿದ ಆಸ್ಟ್ರೇಲಿಯಾ ಜಿಂಬಾಬ್ವೆ ಬೌಲಿಂಗ್ ದಾಳಿಗೆ ನಲುಗಿ ಹೋಯಿತು. ಆಸ್ಟ್ರೇಲಿಯಾ 31 ಓವರ್​ಗಳಲ್ಲಿ 141 ರನ್​ಗೆ ಆಲೌಟ್ ಆಯಿತು. ಇದರಲ್ಲಿ ಬಹುಪಾಲು ಡೇವಿಡ್ ವಾರ್ನರ್ ಅವರದ್ದೇ ಆಗಿತ್ತು. 96 ಎಸೆತಗಳಲ್ಲಿ 14 ಫೋರ್, 2 ಸಿಕ್ಸರ್ ಬಾರಿಸಿ ವಾರ್ನರ್ 94 ರನ್ ಸಿಡಿಸಿದರು. ಇವರು ಬಿಟ್ಟರೆ ಗ್ಲೆನ್ ಮ್ಯಾಕ್ಸ್​ವೆಲ್ 19 ರನ್ ಗಳಿಸಿದ್ದೇ ಹೆಚ್ಚು.

ಇದನ್ನೂ ಓದಿ

Team India: ಜಾಲಿ ಮೂಡ್​ನಲ್ಲಿ ಟೀಮ್ ಇಂಡಿಯಾ: ಮಸ್ತ್ ಮಜಾ ವಿಡಿಯೋ ವೈರಲ್

Asia Cup 2022: ಏಷ್ಯಾಕಪ್ ಸೂಪರ್-4 ಹಂತದ ನಿಮಯಗಳೇನು..?

IND vs PAK: ನಾಳೆ ಪಾಕ್ ವಿರುದ್ಧ ರಣ ರೋಚಕ ಕದನ: ಭಾರತದಿಂದ ಭರ್ಜರಿ ಅಭ್ಯಾಸ

SL vs AFG: ಸೂಪರ್ 4 ಹಂತದ ಮೊದಲ ಪಂದ್ಯದಲ್ಲಿಂದು ಶ್ರೀಲಂಕಾ-ಅಫ್ಘಾನಿಸ್ತಾನ ಮುಖಾಮುಖಿ

ಆಸ್ಟ್ರೇಲಿಯಾದ ಇಬ್ಬರು ಬ್ಯಾಟ್ಸ್​ಮನ್​ಗಳಷ್ಟೆ ಎರಡಂಕಿ ರನ್ ಕಲೆಹಾಕಿದರು. ಉಳಿದವರ ಸ್ಕೋರ್ 5 ರನ್​ಗಳ ಮೇಲೆ ಹೋಗಲಿಲ್ಲ. ಫಿಂಚ್ 5, ಸ್ಟೀವ್ ಸ್ಮಿತ್ 1, ಅಲೆಕ್ಸ್ ಕ್ಯಾರಿ 4, ಮಾರ್ಕಸ್ ಸ್ಟಾಯಿನಿಸ್ ಹಾಗೂ ಗ್ರೀನ್ ತಲಾ 3 ರನ್, ಆಸ್ಟನ್ ಅಗರ್ ಹಾಗೂ ಜೋಶ್ ಹ್ಯಾಜ್ಲೆವುಡ್ 0, ಮಿಚೆಲ್ ಸ್ಟಾರ್ಕ್ 2 ಹಾಗೂ ಆ್ಯಡಂ ಜಂಪಾ ಅಜೇಯ 1 ರನ್ ಗಳಿಸಿದರು.

ಜಿಂಬಾಬ್ವೆ ಪರ ಎಲ್ಲರೂ ಅಮೋಘ ಬೌಲಿಂಗ್ ಪ್ರದರ್ಶನ ನೀಡಿದರು. ಇದರಲ್ಲಿ ಮುಖ್ಯವಾಗಿ ರ್ಯಾನ್ ಬರ್ಲ್ ಕೇವಲ 3 ಓವರ್​ಗೆ 10 ನೀಡಿ 5 ವಿಕೆಟ್ ಕಬಳಿಸಿದರು. ಉಳಿದಂತೆ ಬ್ರಾಡ್ ಎವನ್ಸ್ 2 ವಿಕೆಟ್, ನಗರ್ವ, ನ್ಯೂಚಿ, ಸೀಮ್ ವಿಲಿಯ್ಸನ್ ತಲಾ 1 ವಿಕೆಟ್ ಪಡೆದರು.

#3rdODI | Historic! ?? Zimbabwe beat ?? Australia by 3 wickets to record their first win over Australia on Australian soil! ?

Australia however take the series 2⃣-1⃣ #AUSvZIM | #VisitZimbabwe pic.twitter.com/u5KA7Zlp10

— Zimbabwe Cricket (@ZimCricketv) September 3, 2022

ಸುಲಭ ಟಾರ್ಗೆಟ್ ಬೆನ್ನಟ್ಟಿದ ಜಿಂಬಾಬ್ವೆ ಕೂಡ ಉತ್ತಮ ಆರಂಭ ಪಡೆದುಕೊಂಡರೂ ಮಧ್ಯಮ ಕ್ರಮಾಂಕದಲ್ಲಿ ದಿಢೀರ್ ಕುಸಿಯಿತು. ತಕುಡ್​ವನಾಶೆ ಕೈತಾನೋ ಹಾಗೂ ತಡಿವಾನಾಶೆ ಮರುಮಣಿ 38 ರನ್​ಗಳ ಜೊತೆಯಾಟ ಆಡಿದರು. ಕೈತಾನೋ 25 ಎಸೆತಗಳಲ್ಲಿ 19 ರನ್​ಗೆ ಔಟಾದರೆ, ತಡಿವಾನಾಶೆ 47 ಎಸೆತಗಳಲ್ಲಿ 35 ರನ್ ಬಾರಿಸಿದರು. ನಂತರ ದಿಢೀರ್ ಕುಸಿತ ಕಂಡು 77 ರನ್​ಗೆ 5 ವಿಕೆಟ್ ಕಳೆದುಕೊಂಡಿತು.

ಆದರೆ, ಐತಿಹಾಸಿಕ ಗೆಲುವು ಸಾಧಿಸಬೇಕೆಂದು ಪಣತೊಟ್ಟ ಜಿಂಬಾಬ್ವೆ ನಾಯಕ ರೆಜಿಸ್ ಚಕಬ್ವಾ 72 ಎಸೆತಗಳಲ್ಲಿ ಅಜೇಯ 37 ರನ್ ಬಾರಿಸಿ ತಂಡಕ್ಕೆ ಜಯ ತಂದುಕೊಟ್ಟರು. ಜಿಂಬಾಬ್ವೆ 39 ಓವರ್​ಗಳಲ್ಲಿ 7 ವಿಕಟ್ ನಷ್ಟಕ್ಕೆ 142 ರನ್ ಬಾರಿಸಿ 3 ವಿಕೆಟ್​ಗಳ ರೋಚಕ ಜಯ ಕಂಡಿತು. ಈ ಮೂಲಕ ಜಿಂಬಾಬ್ವೆ ಆಸ್ಟ್ರೇಲಿಯಾ ವಿರುದ್ಧ ಆಸ್ಟ್ರೇಲಿಯಾದಲ್ಲಿ ಮೊಟ್ಟ ಮೊದಲ ಗೆಲುವು ಸಾಧಿಸಿದೆ.

Published On - 11:31 am, Sat, 3 September 22