ಸಿಂಗರ್ ಶುಭ್ ಮಾಡಿದ ಪೋಸ್ಟಿಗೆ ಕೆರಳಿದ ಕಿಂಗ್ ಕೊಹ್ಲಿ; ಇನ್ಸ್ಟಾಗ್ರಾಮ್ನಲ್ಲಿ ಅನ್ಫಾಲೋ
Virat Kohli: ಪಂಜಾಬಿ ಱಪರ್ ಶುಭ್, ಇನ್ಸ್ಟಾಗ್ರಾಮ್ನಲ್ಲಿ ಒಂದು ಪೋಸ್ಟ್ ಹಾಕಿದ್ದರು. ಈ ಪೋಸ್ಟ್ನಲ್ಲಿ ಭಾರತದ ನಕ್ಷೆಯನ್ನು ವಿಕೃತಿಗೊಳಿಸಲಾಗಿತ್ತು. ಈ ಪೋಸ್ಟ್ ಜೊತೆಗೆ ಶುಭ್, ಪ್ರೇ ಫಾರ್ ಪಂಜಾಬ್ ಅಂತ ಬರೆದುಕೊಂಡಿದ್ದರು. ಅಂದರೆ ಈ ಪೋಸ್ಟ್, ಖಲಿಸ್ತಾನಿಗಳಿಗೆ ಬೆಂಬಲಿಸುವ ರೀತಿಯಲ್ಲಿತ್ತು. ಇದೇ ಕಾರಣಕ್ಕೆ ಕೊಹ್ಲಿ, ಶುಭ್ ಅವರನ್ನು ಇನ್ಸ್ಟಾದಲ್ಲಿ ಅನ್ಫಾಲೋ ಮಾಡಿದ್ದಾರೆ.
Updated on:Sep 20, 2023 | 10:10 AM
ವಿಶ್ವದಲ್ಲಿ ಅತೀ ಹೆಚ್ಚು ಇನ್ಸ್ಟಾಗ್ರಾಮ್ (Instagram) ಫಾಲೋವರ್ಸ್ ಹೊಂದಿರುವ ಸ್ಟಾರ್ ಅಥ್ಲೀಟ್ಗಳಲ್ಲಿ ಕೊಹ್ಲಿ (Virat Kohli) ಕೂಡ ಒಬ್ಬರು. ರನ್ ಮಷೀನ್ ಕೊಹ್ಲಿಗೆ ಇನ್ಸ್ಟಾಗ್ರಾಮ್ನಲ್ಲಿ ಬರೋಬ್ಬರಿ 259 ಮಿಲಿಯನ್ ಫಾಲೋವರ್ಸ್ ಇದ್ದಾರೆ. ಆದರೆ ಕೊಹ್ಲಿ ಫಾಲೋ ಮಾಡುತ್ತಿರುವುದು ಬರೀ 287 ಮಂದಿ ಮಾತ್ರ. ಕೊಹ್ಲಿ ಫಾಲೋ ಮಾಡುತ್ತಿರುವ ವ್ಯಕ್ತಿಗಳ ಪಟ್ಟಿಯಲ್ಲಿ ಕೆನಡಾ ಮೂಲದ ಪಂಜಾಬಿ ಸಿಂಗರ್, ಶುಭ್ (Canadian singer Shubh) ಎಂದೇ ವಿಶ್ವಖ್ಯಾತರಾಗಿದ್ದ ಸುಭ್ನೀತ್ ಸಿಂಗ್ ಕೂಡ ಒಬ್ಬರು. ಆದರೆ ಇತ್ತೀಚೆಗೆ ಕೊಹ್ಲಿ, ತನ್ನ ಇನ್ಸ್ಟಾಗ್ರಾಮ್ನಲ್ಲಿ ಶುಭ್ ಅವರನ್ನು ಅನ್ಫಾಲೋ ಮಾಡಿದ್ದಾರೆ.
ಸಿಂಗರ್ ಶುಭ್ ಮಾಡಿದ ಪೋಸ್ಟಿಗೆ ಕೆರಳಿದ ಕಿಂಗ್ ಕೊಹ್ಲಿ
ಕೆನಡಾ ಮೂಲದ ಪಂಜಾಬಿ ಸಿಂಗರ್ ಶುಭ್ಗೆ ಯೂಟ್ಯೂಬ್ನಲ್ಲಿ ಭರ್ಜರಿ 3.24 ಮಿಲಿಯನ್ ಫಾಲೋವರ್ಸ್ ಇದ್ದಾರೆ. ಎಲಿವೇಟೆಟ್, ಒಗ್, ಚೆಕ್ಸ್ ಹೆಸರಿನಲ್ಲಿ ಸಾಂಗ್ ಬಿಡುಗಡೆ ಮಾಡಿದ್ದ ಶುಭ್, ಭಾರತದಲ್ಲಷ್ಟೇ ಅಲ್ಲ, ಹೊರ ದೇಶಗಳಲ್ಲೂ ಖ್ಯಾತಿ ಗಳಿಸಿದ್ದಾರೆ. ಸೊಗಸಾದ ಹಾಡುಗಳು ಶುಭ್ರಿಂದ ಬಂದಿದ್ದರಿಂದ ಕೊಹ್ಲಿಗೂ ಶುಭ್ ಫೇವರಿಟ್ ಸಿಂಗರ್. ಹೀಗಾಗಿ ಕೊಹ್ಲಿ, ಇನ್ಸ್ಟಾಗ್ರಾಮ್ನಲ್ಲಿ ಶುಭ್ ಅವರನ್ನು ಫಾಲೋ ಮಾಡುತ್ತಿದ್ದರು. ಆದರೆ, ಶುಭ್ ಮಾಡಿದ ಒಂದು ಇನ್ಸ್ಟಾ ಪೋಸ್ಟ್ ಕೊಹ್ಲಿಯನ್ನು ಕೆರಳಿಸಿದೆ. ಇದರ ಬೆನ್ನಲ್ಲೇ ಕೊಹ್ಲಿ ಶುಭ್ರನ್ನು ಇನ್ಸ್ಟಾದಲ್ಲಿ ಅನ್ಫಾಲೋ ಮಾಡಿದ್ದಾರೆ.
ಮೋದಿ ಸರ್ಕಾರಕ್ಕೆ ಸಂಕಷ್ಟ ತಂದ ಕಿಂಗ್ ಕೊಹ್ಲಿ ವಿಡಿಯೋ; ನೋಟಿಸ್ ಜಾರಿ ಮಾಡಿದ ಹೈಕೋರ್ಟ್
ಕೆನಡಾದಲ್ಲಿ ಖಾಲಿಸ್ತಾನಿ ಪ್ರತ್ಯೇಕತಾವಾದಿ ನಾಯಕ ಹರ್ದೀಪ್ ಸಿಂಗ್ನ ಹತ್ಯೆಯ ಬಳಿಕ ಭಾರತ ಮತ್ತು ಕೆನಡಾ ನಡುವಿನ ದ್ವಿಪಕ್ಷೀಯ ಸಂಬಂಧ ಚೆನ್ನಾಗಿಲ್ಲ. ಈ ಮಧ್ಯೆ, ಪಂಜಾಬಿ ಱಪರ್ ಶುಭ್, ಇನ್ಸ್ಟಾಗ್ರಾಮ್ನಲ್ಲಿ ಒಂದು ಪೋಸ್ಟ್ ಹಾಕಿದ್ದರು. ಈ ಪೋಸ್ಟ್ನಲ್ಲಿ ಭಾರತದ ನಕ್ಷೆಯನ್ನು ವಿಕೃತಿಗೊಳಿಸಲಾಗಿತ್ತು. ಈ ಪೋಸ್ಟ್ ಜೊತೆಗೆ ಶುಭ್, ಪ್ರೇ ಫಾರ್ ಪಂಜಾಬ್ ಅಂತ ಬರೆದುಕೊಂಡಿದ್ದರು. ಅಂದರೆ ಈ ಪೋಸ್ಟ್, ಖಲಿಸ್ತಾನಿಗಳಿಗೆ ಬೆಂಬಲಿಸುವ ರೀತಿಯಲ್ಲಿತ್ತು. ಇದೇ ಕಾರಣಕ್ಕೆ ಕೊಹ್ಲಿ, ಶುಭ್ ಅವರನ್ನು ಇನ್ಸ್ಟಾದಲ್ಲಿ ಅನ್ಫಾಲೋ ಮಾಡಿದ್ದಾರೆ.
ಶುಭ್ ಮೆಚ್ಚಿ ಹಿಂದೊಮ್ಮೆ ಪೋಸ್ಟ್ ಹಾಕಿದ್ದ ಕೊಹ್ಲಿ
ಶುಭ್ ಸಾಂಗ್ಗಳಿಗೆ ಮಾರುಹೋಗಿದ್ದ ಕೊಹ್ಲಿ, ಹಿಂದೊಮ್ಮೆ ಶುಭ್ ಮೆಚ್ಚಿ ಇನ್ಸ್ಟಾಗ್ರಾಮ್ನಲ್ಲಿ ಪೋಸ್ಟ್ ಹಾಕಿದ್ದರು. ಇದರಲ್ಲಿ, ಶುಭ್ ತನ್ನ ಫೇವರಿಟ್ ಕಲಾವಿದರಲ್ಲಿ ಒಬ್ಬರು ಅಂತ ಕೊಹ್ಲಿ ಬರೆದುಕೊಂಡಿದ್ದರು. ಇದಕ್ಕೆ ಶುಭ್ ಕೂಡ, ಥ್ಯಾಂಕ್ಯೂ ಸೋ ಮಚ್ ಭಾಜಿ ಅಂತ ಕಾಮೆಂಟ್ ಮಾಡಿದ್ದರು. ಆದರೆ, ಸದ್ಯ ಕೊಹ್ಲಿಯ ಇನ್ಸ್ಟಾಗ್ರಾಮ್ ಫಾಲೋವರ್ಸ್ ಲಿಸ್ಟ್ನಲ್ಲಿ ಶುಭ್ ಹೆಸರಿಲ್ಲ.
ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 10:07 am, Wed, 20 September 23
