ಇಂಗ್ಲೆಂಡ್ ಹೀನಾಯ ಸೋಲಿಗೆ ಐಪಿಎಲ್ ಕಾರಣ ಎಂದ ಮಾಜಿ ನಾಯಕ
1993 ಮತ್ತು 2001 ರ ನಡುವೆ 54 ಟೆಸ್ಟ್ಗಳಲ್ಲಿ ಇಂಗ್ಲೆಂಡ್ನ ನಾಯಕತ್ವ ವಹಿಸಿದ್ದ ಅಥರ್ಟನ್, ಟೆಸ್ಟ್ ತಂಡದ ಪ್ರಸ್ತುತ ನಾಯಕ ಜೋ ರೂಟ್ ಬದಲಿಗೆ ಬೆನ್ ಸ್ಟೋಕ್ಸ್ ಅವರನ್ನು ನಾಯಕನಾಗಿ ಆಯ್ಕೆ ಮಾಡುವುದು ಒಳಿತು ಎಂದಿದ್ದಾರೆ.
Updated on: Jan 01, 2022 | 7:56 PM
ಪ್ರತಿಷ್ಠಿತ ಆ್ಯಶಸ್ ಸರಣಿಯಲ್ಲಿ ಆಸ್ಟ್ರೇಲಿಯಾ ವಿರುದ್ದ ಇಂಗ್ಲೆಂಡ್ ಸೋಲೋಪ್ಪಿಕೊಂಡಿದೆ. 5 ಪಂದ್ಯಗಳ ಸರಣಿಯ ಮೊದಲ ಮೂರು ಟೆಸ್ಟ್ ಪಂದ್ಯಗಳಲ್ಲಿ ಇಂಗ್ಲೆಂಡ್ ಸೋತು ಸರಣಿ ಕೈಚೆಲ್ಲಿಕೊಂಡಿದೆ. ಆ್ಯಶಸ್ ಸರಣಿಯಲ್ಲಿನ ಇಂಗ್ಲೆಂಡ್ ತಂಡದ ಕಳಪೆ ಪ್ರದರ್ಶನ ಬಗ್ಗೆ ಭಾರೀ ಟೀಕೆಗಳು ಕೇಳಿ ಬರುತ್ತಿದೆ. ಇದರ ನಡುವೆ ಇಂಗ್ಲೆಂಡ್ ತಂಡದ ಮಾಜಿ ನಾಯಕ ಮೈಕಲ್ ಅಥರ್ಟನ್ ಇಂಗ್ಲೆಂಡ್ ಆಟಗಾರರ ಹೀನಾಯ ಪ್ರದರ್ಶನಕ್ಕೆ ಐಪಿಎಲ್ನತ್ತ ಬೊಟ್ಟು ಮಾಡಿದ್ದಾರೆ. ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ (IPL) ಆಡಲು ಇಂಗ್ಲೆಂಡ್ ಕ್ರಿಕೆಟಿಗರು ಅಂತಾರಾಷ್ಟ್ರೀಯ ಕ್ರಿಕೆಟ್ನಿಂದ ಹಿಂದೆ ಸರಿಯಬಾರದು ಎಂದು ಅಥರ್ಟನ್ ತಿಳಿಸಿದ್ದಾರೆ.
‘ಐಪಿಎಲ್ನಲ್ಲಿ ಆಡಲು ಆಟಗಾರರನ್ನು ಅಂತರಾಷ್ಟ್ರೀಯ ಕ್ರಿಕೆಟ್ನಿಂದ ಹೊರಗಿಡಬಾರದು ಅಥವಾ ಅವರಿಗೆ ವಿಶ್ರಾಂತಿ ನೀಡಬಾರದು ಅಥವಾ ಬೇರೆಡೆ ಆಡಲು ಅವಕಾಶ ನೀಡಬಾರದು’ ಎಂದು ಅಥರ್ಟನ್ ತಿಳಿಸಿದ್ದಾರೆ. ಐಪಿಎಲ್ನಿಂದ ಸಿಗುವ ಭಾರೀ ಮೊತ್ತಕ್ಕಾಗಿ ಇಂಗ್ಲಿಷ್ ಕ್ರಿಕೆಟಿಗರು ಅಂತರಾಷ್ಟ್ರೀಯ ಕರ್ತವ್ಯವನ್ನು ತಪ್ಪಿಸಬಾರದು. ಇದು ಇಂಗ್ಲೆಂಡ್ ಕ್ರಿಕೆಟ್ ಅನ್ನು ಬಾಧಿಸಲಿದೆ ಎಂದು ಮಾಜಿ ನಾಯಕ ಅಭಿಪ್ರಾಯಪಟ್ಟಿದ್ದಾರೆ.
“ಐಪಿಎಲ್ನಲ್ಲಿ ಆಡುವ ವಿನಂತಿಯನ್ನು ಇಸಿಬಿ ಸರಿಹೊಂದಿಸುತ್ತಿರುವಾಗ, 12 ತಿಂಗಳ ಒಪ್ಪಂದದ ಬಗ್ಗೆ ಇಂಗ್ಲೆಂಡ್ ಆಟಗಾರರಿಗೆ ತಿಳಿಸಬೇಕು. ಹಲವು ಸ್ವರೂಪಗಳಲ್ಲಿ ಆಡುವ ಪ್ರಮುಖ ಆಟಗಾರರಿಗೆ 7 ಅಂಕಗಳಲ್ಲಿ ಇಸಿಬಿ ಸಂಭಾವನೆ ನೀಡುತ್ತಿದೆ. ಆದರೆ ವರ್ಷದ 2 ತಿಂಗಳ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ, ECB ಅವರನ್ನು ಕಳೆದುಕೊಳ್ಳುವುದು ವಿಚಿತ್ರವಾಗಿದೆ. ಹೀಗಾಗಿ ಫ್ರಾಂಚೈಸ್ ಲೀಗ್ನಲ್ಲಿ ಆಡುವ ಆಟಗಾರರ ಮೇಲೆ ನಿಯಂತ್ರಣ ಹೊಂದುವುದು ಇಂಗ್ಲೆಂಡ್ ಕ್ರಿಕೆಟ್ನ ಹಿತದೃಷ್ಟಿಯಿಂದ ಉತ್ತಮ ಎಂದು ಮೈಕಲ್ ಅರ್ಥಟನ್ ತಿಳಿಸಿದ್ದಾರೆ.
1993 ಮತ್ತು 2001 ರ ನಡುವೆ 54 ಟೆಸ್ಟ್ಗಳಲ್ಲಿ ಇಂಗ್ಲೆಂಡ್ನ ನಾಯಕತ್ವ ವಹಿಸಿದ್ದ ಅಥರ್ಟನ್, ಟೆಸ್ಟ್ ತಂಡದ ಪ್ರಸ್ತುತ ನಾಯಕ ಜೋ ರೂಟ್ ಬದಲಿಗೆ ಬೆನ್ ಸ್ಟೋಕ್ಸ್ ಅವರನ್ನು ನಾಯಕನಾಗಿ ಆಯ್ಕೆ ಮಾಡುವುದು ಒಳಿತು ಎಂದಿದ್ದಾರೆ. ಏಕೆಂದರೆ ತಂಡದ ಆಯ್ಕೆಯಿಂದ ಹಿಡಿದು ತಂತ್ರದವರೆಗೆ, ನಾಯಕನು ವೈಯಕ್ತಿಕವಾಗಿ ಜವಾಬ್ದಾರಿಯನ್ನು ತೆಗೆದುಕೊಳ್ಳಬೇಕಾದ ಹಲವಾರು ತಪ್ಪುಗಳನ್ನು ಮಾಡಲಾಗಿದೆ. ರೂಟ್ ಮೈದಾನದಲ್ಲಿ ಸರಿಯಾಗಿ ಕೆಲಸ ಮಾಡಿದ್ದರೆ, ಆಸ್ಟ್ರೇಲಿಯಾ ವಿರುದ್ದ ಹೀನಾಯವಾಗಿ ಸೋಲುತ್ತಿರಲಿಲ್ಲ. ಹೀಗಾಗಿ ಬದಲಾವಣೆ ಅಗತ್ಯ. ಇನ್ನು ಮುಖ್ಯ ಕೋಚ್ ಕ್ರಿಸ್ ಸಿಲ್ವರ್ವುಡ್ ಅವರನ್ನು ಬದಲಿಸಬೇಕಾದ ಸಮಯವಾಗಿದೆ ಎಂದು ಅಥರ್ಟನ್ ಹೇಳಿದ್ದಾರೆ.
ಇದನ್ನೂ ಓದಿ: India vs South Africa 1st Test: ದಕ್ಷಿಣ ಆಫ್ರಿಕಾ ವಿರುದ್ದ ಭಾರತಕ್ಕೆ ಭರ್ಜರಿ ಜಯ
ಇದನ್ನೂ ಓದಿ: Ravindra Jadeja: ಸ್ಟಾರ್ ಆಲ್ರೌಂಡರ್ ಜಡೇಜಾರನ್ನು ಆಯ್ಕೆ ಮಾಡದಿರಲು ಇದುವೇ ಕಾರಣ..!
ಇದನ್ನೂ ಓದಿ: Rohit Sharma: ಫಿಟ್ನೆಸ್ ಅಥವಾ ಇನ್ನೇನಾದರೂ? ರೋಹಿತ್ ಶರ್ಮಾ ಕೈ ಬಿಡಲು ಕಾರಣವೇನು?
ಇದನ್ನೂ ಓದಿ: IPL 2022: ಇವರೇ RCB ತಂಡದ ಮುಂದಿನ ಕ್ಯಾಪ್ಟನ್ ಎಂದ ಮಾಜಿ ಆರ್ಸಿಬಿ ನಾಯಕ
(England players should not miss international duty to play in IPL: Atherton)
