ICC World Cup 2023: ಬರೋಬ್ಬರಿ 23 ಸಾವಿರ ರನ್​ಗಳು: 683 ವಿಕೆಟ್​ಗಳು..!

ಈ ಬಾರಿಯ ಏಕದಿನ ವಿಶ್ವಕಪ್​ನಲ್ಲಿ ರನ್ ಪ್ರವಾಹವೇ ಹರಿದು ಬಂದಿದೆ. ಇದಕ್ಕೆ ಸಾಕ್ಷಿಯೇ ಲೀಗ್ ಹಂತದ 45 ಪಂದ್ಯಗಳಲ್ಲಿ ಮೂಡಿಬಂದಿರುವ ಒಟ್ಟು ಸ್ಕೋರ್. ಅಂದರೆ ಈ ಬಾರಿಯ ವಿಶ್ವಕಪ್​ನ ಲೀಗ್ ಹಂತದಲ್ಲಿ ಒಟ್ಟು 45 ಪಂದ್ಯಗಳನ್ನಾಡಲಾಗಿದೆ. ಈ ವೇಳೆ 10 ತಂಡಗಳು ಸೇರಿ ಕಲೆಹಾಕಿರುವ ಒಟ್ಟು ರನ್​ಗಳ ಮೊತ್ತ 23 ಸಾವಿರವನ್ನು ದಾಟಿದೆ ಎಂದರೆ ನಂಬಲೇಬೇಕು.  ಹಾಗಿದ್ರೆ ಈ ಬಾರಿಯ ವಿಶ್ವಕಪ್​ನ ಲೀಗ್ ಹಂತದ ಪಂದ್ಯಗಳಲ್ಲಿ ಕಲೆಹಾಕಿರುವ ರನ್​ಗಳು, ಪಡೆದಿರುವ ವಿಕೆಟ್​ಗಳು, ಹಿಡಿದ ಕ್ಯಾಚ್​ಗಳೆಷ್ಟು ಎಂಬುದರ ಸಂಪೂರ್ಣ ಮಾಹಿತಿ ನೋಡೋಣ…

• ಒಟ್ಟು ರನ್​ಗಳು: ಲೀಗ್​ ಹಂತದ 45 ಪಂದ್ಯಗಳಿಂದ 10 ತಂಡಗಳು ಸೇರಿ 23002 ರನ್​ಗಳನ್ನು ಕಲೆಹಾಕಿದ್ದಾರೆ.
• ಸಿಕ್ಸ್​ಗಳ ಸಂಖ್ಯೆ: ಈ ಬಾರಿಯ ವಿಶ್ವಕಪ್​ನಲ್ಲಿ ಇದುವರೆಗೆ 592 ಸಿಕ್ಸ್​ಗಳನ್ನು ಸಿಡಿಸಲಾಗಿದೆ.
• ಒಟ್ಟು ಕ್ಯಾಚ್​ಗಳು: ಲೀಗ್ ಹಂತದ ಪಂದ್ಯಗಳಲ್ಲಿ ಹಿಡಿದಿರುವ ಒಟ್ಟು ಕ್ಯಾಚ್​ಗಳ ಸಂಖ್ಯೆ ಬರೋಬ್ಬರಿ 429.
• ಶತಕಗಳ ಸಂಖ್ಯೆ: ಈ ಬಾರಿಯ ವಿಶ್ವಕಪ್​ನಲ್ಲಿ ಇದುವರೆಗೆ ಒಟ್ಟು 35 ಶತಕಗಳು ಮೂಡಿ ಬಂದಿವೆ.
• ಅರ್ಧಶತಕಗಳ ಸಂಖ್ಯೆ: ಲೀಗ್ ಹಂತದಲ್ಲಿ ಒಟ್ಟು 113 ಅರ್ಧಶತಕಗಳನ್ನು ಬಾರಿಸಿದ್ದಾರೆ.
• ಒಟ್ಟು ವಿಕೆಟ್​ಗಳು: 45 ಪಂದ್ಯಗಳಿಂದ ಒಟ್ಟು 683 ವಿಕೆಟ್​ಗಳನ್ನು ಕಬಳಿಸಲಾಗಿದೆ.
• ಶೂನ್ಯಕ್ಕೆ ಔಟ್: 45 ಪಂದ್ಯಗಳಲ್ಲಿ ಒಟ್ಟು 56 ಬಾರಿ ಬ್ಯಾಟರ್​​ ಶೂನ್ಯಕ್ಕೆ ಔಟಾಗಿದ್ದಾರೆ.
• ಮೇಡನ್ ಓವರ್: ಲೀಗ್​ ಹಂತದಲ್ಲಿ ಒಟ್ಟು 137 ಮೇಡನ್ ಓವರ್​ಗಳನ್ನು ಎಸೆಯಲಾಗಿದೆ.
• ಫೋರ್​ಗಳ ಸಂಖ್ಯೆ: 45 ಪಂದ್ಯಗಳಿಂದ ಮೂಡಿಬಂದ ಒಟ್ಟು ಫೋರ್​ಗಳ ಸಂಖ್ಯೆ ಬರೋಬ್ಬರಿ 2109.

ಇದನ್ನೂ ಓದಿ: ಮೈದಾನಕ್ಕೆ ಡ್ರಿಂಕ್ಸ್ ತಂದು ತಾನೇ ಕುಡಿದ ಇಶಾನ್ ಕಿಶನ್..!

3 ಪಂದ್ಯಗಳು ಬಾಕಿ:

ಏಕದಿನ ವಿಶ್ವಕಪ್​ನ ಮೂರು ಪಂದ್ಯಗಳು ಇನ್ನೂ ಬಾಕಿಯಿವೆ. ಇದರಲ್ಲಿ 2 ಸೆಮಿ ಫೈನಲ್ಸ್​ ಹಾಗೂ ಒಂದು ಫೈನಲ್ ಪಂದ್ಯ ಸೇರಿದೆ. ಅದರಲ್ಲೂ ಸೆಮಿಫೈನಲ್​ ಹಂತದಲ್ಲಿ ಕಣಕ್ಕಿಳಿಯುತ್ತಿರುವುದು ಬಲಿಷ್ಠ ಪಡೆ ಎಂದೇ ಗುರುತಿಸಿಕೊಂಡಿರುವ ಟೀಮ್ ಇಂಡಿಯಾ, ಸೌತ್ ಆಫ್ರಿಕಾ, ಆಸ್ಟ್ರೇಲಿಯಾ ಹಾಗೂ ನ್ಯೂಝಿಲೆಂಡ್ ತಂಡಗಳು. ಹೀಗಾಗಿ ವಿಶ್ವಕಪ್​ ಮುಕ್ತಾಯದ ವೇಳೆಗೆ ಈ ಅಂಕಿ ಅಂಶಗಳಲ್ಲಿ ಮತ್ತಷ್ಟು ಬದಲಾವಣೆ ಕಂಡು ಬರಲಿದೆ.

ಏಕದಿನ ವಿಶ್ವಕಪ್​ ಸೆಮಿ ಫೈನಲ್ ವೇಳಾಪಟ್ಟಿ:

1. ಮೊದಲ ಸೆಮಿಫೈನಲ್​: ನವೆಂಬರ್ 15 (ಬುಧವಾರ)– ಭಾರತ vs ನ್ಯೂಝಿಲೆಂಡ್​ (ವಾಂಖೆಡೆ ಸ್ಟೇಡಿಯಂ, ಮುಂಬೈ)
2. ಎರಡನೇ ಸೆಮಿಫೈನಲ್: ನವೆಂಬರ್ 16 (ಗುರುವಾರ)– ಸೌತ್ ಆಫ್ರಿಕಾ vs ಆಸ್ಟ್ರೇಲಿಯಾ (ಈಡನ್ ಗಾರ್ಡನ್ಸ್​ ಸ್ಟೇಡಿಯಂ, ಕೊಲ್ಕತ್ತಾ)
3. ಫೈನಲ್ ಪಂದ್ಯ: ನವೆಂಬರ್ 19 (ಭಾನುವಾರ)- ನರೇಂದ್ರ ಮೋದಿ ಸ್ಟೇಡಿಯಂ, ಅಹಮದಾಬಾದ್.