IND vs ENG: ಇಂಗ್ಲೆಂಡಿನಲ್ಲಿ ದಾಖಲೆ ಸೃಷ್ಟಿಸಿದ ರೋಹಿತ್ -ರಾಹುಲ್ ಜೋಡಿ ; 69 ವರ್ಷಗಳ ಹಳೆಯ ದಾಖಲೆ ಪುಡಿಪುಡಿ
IND vs ENG: ರೋಹಿತ್ ಶರ್ಮಾ ಮತ್ತು ಕೆಎಲ್ ರಾಹುಲ್ಗೂ ಮೊದಲು, ಲಾರ್ಡ್ಸ್ ಟೆಸ್ಟ್ನಲ್ಲಿ ಮೊದಲ ಇನಿಂಗ್ಸ್ನಲ್ಲಿ ಭಾರತ ಪರ 50 ಪ್ಲಸ್ ಪಾಲುದಾರಿಕೆಯನ್ನು ಪಂಕಜ್ ರಾಯ್ ಮತ್ತು ವಿನೂ ಮಂಕಡ್ 1952 ರಲ್ಲಿ ಮಾಡಿದ್ದರು.
Updated on: Aug 12, 2021 | 9:38 PM
ಲಾರ್ಡ್ಸ್ನಲ್ಲಿ ನಡೆಯುತ್ತಿರುವ ಎರಡನೇ ಟೆಸ್ಟ್ನಲ್ಲಿ ಇಂಗ್ಲೆಂಡ್ ವಿರುದ್ಧ ಭಾರತ ತಂಡ ಭರ್ಜರಿ ಆರಂಭವನ್ನು ಮಾಡಿದೆ. ಭಾರತೀಯ ಆರಂಭಿಕರಾದ ರೋಹಿತ್ ಶರ್ಮಾ ಮತ್ತು ಕೆಎಲ್ ರಾಹುಲ್ ಭರ್ಜರಿ ಬ್ಯಾಟಿಂಗ್ ಮೂಲಕ ಭಾರತಕ್ಕೆ ಐತಿಹಾಸಿಕ ಆರಂಭ ನೀಡಿದರು. ಇಬ್ಬರೂ ಮೊದಲ ವಿಕೆಟ್ಗೆ ಶತಕದ ಜೊತೆಯಾಟವನ್ನು ಆಡಿದ್ದಾರೆ. ಜೊತೆಗೆ ಇಂಗ್ಲೆಂಡ್ನಲ್ಲಿ ಆರಂಭಿಕ ಪಾಲುದಾರಿಕೆಯ ದಾಖಲೆಯನ್ನು ಮಾಡಿದರು. ಇವರಿಬ್ಬರು ಲಾರ್ಡ್ಸ್ನಲ್ಲಿ ಮೊದಲ ಇನ್ನಿಂಗ್ಸ್ ನಲ್ಲಿ 1952 ರ ನಂತರ ಮೊದಲ ಬಾರಿಗೆ ಭಾರತಕ್ಕೆ 50 ರನ್ಗಳ ಪಾಲುದಾರಿಕೆಯನ್ನು ಹಂಚಿಕೊಂಡರು. ಈ ಸಮಯದಲ್ಲಿ ರೋಹಿತ್ ಶರ್ಮಾ ವೇಗವಾಗಿ ಸ್ಕೋರ್ ಮಾಡಿದರೆ, ಕೆಎಲ್ ರಾಹುಲ್ ಒಂದು ತುದಿಯಲ್ಲಿ ಭದ್ರವಾಗಿ ನಿಂತು ಉತ್ತಮ ಬೆಂಬಲ ನೀಡಿದರು. ಇಬ್ಬರೂ ಇಂಗ್ಲೆಂಡ್ ಬೌಲರ್ಗಳನ್ನು ಚೆನ್ನಾಗಿ ಎದುರಿಸಿದರು ಮತ್ತು ಆರಂಭಿಕ ವಿಕೆಟ್ ಪಡೆಯುವ ಅವರ ಯೋಜನೆಯನ್ನು ವಿಫಲಗೊಳಿಸಿದರು.
ರೋಹಿತ್ ಶರ್ಮಾ ಮತ್ತು ಕೆಎಲ್ ರಾಹುಲ್ಗೂ ಮೊದಲು, ಲಾರ್ಡ್ಸ್ ಟೆಸ್ಟ್ನಲ್ಲಿ ಮೊದಲ ಇನಿಂಗ್ಸ್ನಲ್ಲಿ ಭಾರತ ಪರ 50 ಪ್ಲಸ್ ಪಾಲುದಾರಿಕೆಯನ್ನು ಪಂಕಜ್ ರಾಯ್ ಮತ್ತು ವಿನೂ ಮಂಕಡ್ 1952 ರಲ್ಲಿ ಮಾಡಿದ್ದರು. ಮಂಕಡ್ ಮತ್ತು ರಾಯ್ ನಂತರ ಭಾರತಕ್ಕೆ 100 ಕ್ಕೂ ಹೆಚ್ಚು ರನ್ ಸೇರಿಸಿದ್ದರು. ಈಗ 59 ವರ್ಷಗಳ ನಂತರ, ಭಾರತದ ಆರಂಭಿಕ ಆಟಗಾರರು ಮೊದಲ ಇನ್ನಿಂಗ್ಸ್ನಲ್ಲಿ ಮೊದಲ ವಿಕೆಟ್ಗೆ 50 ಕ್ಕೂ ಹೆಚ್ಚು ರನ್ ಸೇರಿಸಿದರು. ಅದೇ ಸಮಯದಲ್ಲಿ, 1980 ರಿಂದ, ರೋಹಿತ್ ಮತ್ತು ರಾಹುಲ್ ಇಂಗ್ಲೆಂಡ್ನಲ್ಲಿ ಟೆಸ್ಟ್ಗಳಲ್ಲಿ ಶತಕ ಪಾಲುದಾರಿಕೆಯನ್ನು ಹೊಂದಿದ ಎರಡನೇ ಭಾರತೀಯ ಆರಂಭಿಕ ಜೋಡಿಯಾಗಿದ್ದಾರೆ. ಇವರಿಬ್ಬರಿಗಿಂತ ಮೊದಲು, ವಾಸಿಂ ಜಾಫರ್ ಮತ್ತು ದಿನೇಶ್ ಕಾರ್ತಿಕ್ 2007 ರಲ್ಲಿ ಮೊದಲ ವಿಕೆಟ್ಗೆ 100 ಕ್ಕೂ ಹೆಚ್ಚು ರನ್ ಸೇರಿಸಿದ್ದರು.
ಇದರೊಂದಿಗೆ, 2011 ರ ನಂತರ ಮೊದಲ ಬಾರಿಗೆ, ಭಾರತದ ಆರಂಭಿಕ ಜೋಡಿ ಏಷ್ಯಾದ ಹೊರಗೆ ಶತಕದ ಪಾಲುದಾರಿಕೆಯನ್ನು ಮಾಡಿದೆ. 2010 ರಲ್ಲಿ ವೀರೇಂದ್ರ ಸೆಹ್ವಾಗ್ ಮತ್ತು ಗೌತಮ್ ಗಂಭೀರ್ ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿ 137 ರನ್ಗಳ ಜೊತೆಯಾಟವನ್ನು ಹಂಚಿಕೊಂಡರು. ಈ ಪಾಲುದಾರಿಕೆ ಸೆಂಚೂರಿಯನ್ ಟೆಸ್ಟ್ ಸಮಯದಲ್ಲಿ ಸಂಭವಿಸಿತು. ಕಳೆದ 10 ವರ್ಷಗಳಲ್ಲಿ, ಭಾರತೀಯ ಆರಂಭಿಕ ಆಟಗಾರರು ವಿದೇಶದಲ್ಲಿ ಶತಕದ ಪಾಲುದಾರಿಕೆಯನ್ನು ಮಾಡಿರಲಿಲ್ಲ. ರೋಹಿತ್-ರಾಹುಲ್ ಈ ಬರವನ್ನು ಕೊನೆಗೊಳಿಸಿದ್ದಾರೆ.
ರೋಹಿತ್-ರಾಹುಲ್ ಅದ್ಭುತ ಬ್ಯಾಟಿಂಗ್ ರೋಹಿತ್ ಮತ್ತು ರಾಹುಲ್ ಬಹಳ ಎಚ್ಚರಿಕೆಯಿಂದ ಬ್ಯಾಟಿಂಗ್ ಆರಂಭಿಸಿದರು. ಜೇಮ್ಸ್ ಆಂಡರ್ಸನ್ ಮತ್ತು ಓಲ್ಲಿ ರಾಬಿನ್ಸನ್ ಅವರ ಸ್ವಿಂಗ್ ಮುಂದೆ ಇಬ್ಬರೂ ಆರಂಭಿಕ ಓವರ್ಗಳಲ್ಲಿ ಯಾವುದೇ ಅಪಾಯವನ್ನು ಮೈಮೇಲೆ ಎಳೆದುಕೊಳ್ಳಲಿಲ್ಲ. ಇದರೊಂದಿಗೆ, 10 ಓವರ್ಗಳ ನಂತರ ಭಾರತದ ಸ್ಕೋರ್ 11 ರನ್ ಆಗಿತ್ತು. ಆದರೆ 15 ನೇ ಓವರ್ನಲ್ಲಿ ರೋಹಿತ್ ಶರ್ಮಾ ಅವರು ಸ್ಯಾಮ್ ಕರನ್ ಎಸೆತಗಳಲ್ಲಿ ನಾಲ್ಕು ಬೌಂಡರಿಗಳನ್ನು ಹೊಡೆದು ಭಾರತದ ಸ್ಕೋರ್ಗೆ ರೆಕ್ಕೆ ಕಟ್ಟಿದರು. ಅವರು ಪ್ರತಿ ಇಂಗ್ಲೆಂಡ್ ಬೌಲರ್ ಅನ್ನು ಥಳಿಸಿದರು ಮತ್ತು ಇಂಗ್ಲೆಂಡ್ನಲ್ಲಿ ತಮ್ಮ ಮೊದಲ ಟೆಸ್ಟ್ ಅರ್ಧಶತಕವನ್ನು ಗಳಿಸಿದರು.
