‘ಬಾಲ್ ಆಫ್ ದಿ ಟೂರ್ನಮೆಂಟ್’: ಕುಲ್ದೀಪ್ ಮ್ಯಾಜಿಕ್ಗೆ ಬಟ್ಲರ್ ಕ್ಲೀನ್ ಬೌಲ್ಡ್! ವಿಡಿಯೋ ನೋಡಿ
Kuldeep Yadav, ICC World Cup 2023: ಈ ಪಂದ್ಯದಲ್ಲಿ ಕುಲ್ದೀಪ್ ಯಾದವ್ ಇಂಗ್ಲೆಂಡ್ ನಾಯಕ ಜೋಸ್ ಬಟ್ಲರ್ ಅವರ ವಿಕೆಟ್ ಉರುಳಿಸಿದ ವಿಡಿಯೋ ಇದೀಗ ಎಲ್ಲೆಡೆ ವೈರಲ್ ಆಗುತ್ತಿದ್ದು, ಚೈನಾಮನ್ ಬೌಲ್ ಮಾಡಿದ ಈ ಎಸೆತವನ್ನು ಬಾಲ್ ಆಫ್ ದಿ ಟೂರ್ನಮೆಂಟ್ ಎಂದು ನೆಟ್ಟಿಗರು ಕರೆಯಲಾರಂಭಿಸಿದ್ದಾರೆ.
Updated on:Oct 30, 2023 | 10:27 AM
2023ರ ವಿಶ್ವಕಪ್ನಲ್ಲಿ (ICC ODI World Cup 2023) ಟೀಂ ಇಂಡಿಯಾದ ಗೆಲುವಿನ ಪಯಣ ಮುಂದುವರಿದಿದೆ. ಲಕ್ನೋದ ಏಕಾನಾ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಪಂದ್ಯದಲ್ಲಿ ರೋಹಿತ್ ಬ್ರಿಗೇಡ್ ಇಂಗ್ಲೆಂಡ್ ತಂಡವನ್ನು (India vs England) 100 ರನ್ಗಳಿಂದ ಸೋಲಿಸಿತು. ಇದು ಈ ಬಾರಿಯ ವಿಶ್ವಕಪ್ನಲ್ಲಿ ಟೀಂ ಇಂಡಿಯಾದ ಸತತ ಆರನೇ ಗೆಲುವು. ಇದರೊಂದಿಗೆ ಸೆಮಿಫೈನಲ್ ಟಿಕೆಟ್ ಬಹುತೇಕ ಖಚಿತವಾಗಿದ್ದು, 6 ಪಂದ್ಯಗಳಲ್ಲಿ 12 ಅಂಕ ಗಳಿಸಿ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ. ಈ ಪಂದ್ಯದಲ್ಲಿ ಭಾರತ ನೀಡಿದ 229 ರನ್ಗಳಿಗೆ ಉತ್ತರವಾಗಿ ಇಂಗ್ಲೆಂಡ್ ತಂಡ 34.5 ಓವರ್ಗಳಲ್ಲಿ 129 ರನ್ ಗಳಿಸಲಷ್ಟೇ ಶಕ್ತವಾಯಿತು. ಟೀಂ ಇಂಡಿಯಾ ಪರ ಮೊಹಮ್ಮದ್ ಶಮಿ 4, ಬುಮ್ರಾ 3, ಕುಲ್ದೀಪ್ 2 ಹಾಗೂ ಜಡೇಜಾ 1 ವಿಕೆಟ್ ಪಡೆದರು. ಅದರಲ್ಲೂ ಈ ಪಂದ್ಯದಲ್ಲಿ ಕುಲ್ದೀಪ್ ಯಾದವ್ (Kuldeep Yadav) ಇಂಗ್ಲೆಂಡ್ ನಾಯಕ ಜೋಸ್ ಬಟ್ಲರ್ (Jos Buttler) ಅವರ ವಿಕೆಟ್ ಉರುಳಿಸಿದ ವಿಡಿಯೋ ಇದೀಗ ಎಲ್ಲೆಡೆ ವೈರಲ್ ಆಗುತ್ತಿದ್ದು, ಚೈನಾಮನ್ ಬೌಲ್ ಮಾಡಿದ ಈ ಎಸೆತವನ್ನು ಬಾಲ್ ಆಫ್ ದಿ ಟೂರ್ನಮೆಂಟ್ ಎಂದು ನೆಟ್ಟಿಗರು ಕರೆಯಲಾರಂಭಿಸಿದ್ದಾರೆ.
9 ರನ್ಗಳಿಗೆ 4 ವಿಕೆಟ್
ಈ ಪಂದ್ಯದಲ್ಲಿ ಭಾರತ ನೀಡಿದ ಅಲ್ಪ ಮೊತ್ತವನ್ನು ಬೆನ್ನಟ್ಟಿದ ಇಂಗ್ಲೆಂಡ್ ಉತ್ತಮ ಆರಂಭ ಪಡೆಯಿತು. ಆರಂಭಿಕರಾದ ಡೇವಿಡ್ ಮಲಾನ್ ಹಾಗೂ ಜಾನಿ ಬೈರ್ಸ್ಟೋವ್ ಮೊದಲ ವಿಕೆಟ್ಗೆ 30 ರನ್ಗಳ ಸ್ಫೋಟಕ ಆರಂಭ ಒದಗಿಸಿದರು. ಆದರೆ ಕೇವಲ 9 ರನ್ಗಳ ಅಂತರದಲ್ಲಿ ತಂಡ 4 ವಿಕೆಟ್ ಕಳೆದುಕೊಂಡಿತು. ಈ ವೇಳೆ ಬ್ಯಾಟಿಂಗ್ಗೆ ಇಳಿದ ನಾಯಕ ಬಟ್ಲರ್ ನಿದಾನಗತಿಯ ಆಟಕ್ಕೆ ಮುಂದಾದರು. ಹಾಗೆಯೇ ತಾಳ್ಮೆಯಿಂದ ಮೊಯಿನ್ ಅಲಿ ಅವರೊಂದಿಗೆ ತಂಡದ ಇನ್ನಿಂಗ್ಸ್ ಕಟ್ಟಲಾರಂಭಿಸಿದರು. ಆದರೆ 16ನೇ ಓವರ್ನಲ್ಲಿ ದಾಳಿಗಿಳಿದ ಕುಲ್ದೀಪ್ ಯಾದವ್ ಓವರ್ನ ಮೊದಲ ಎಸೆತದಲ್ಲೇ ಬಟ್ಲರ್ ಇನ್ನಿಂಗ್ಸ್ಗೆ ವಿದಾಯ ಹಾಡಿದರು.
‘ಇದಕ್ಕೆ ಟೀಂ ಇಂಡಿಯಾವನ್ನು ಫೇವರೇಟ್ ಎನ್ನುವುದು’; ರೋಹಿತ್ ಪಡೆಯನ್ನು ಹೊಗಳಿದ ಶಾಹಿದ್ ಅಫ್ರಿದಿ
ದಂಗಾದ ಬಟ್ಲರ್
ಇಂಗ್ಲೆಂಡ್ ಇನಿಂಗ್ಸ್ನ 16ನೇ ಓವರ್ ಬೌಲ್ ಮಾಡಲು ಬಂದ ಕುಲ್ದೀಪ್ ಯಾದವ್ ಮೊದಲ ಎಸೆತದಲ್ಲೇ ಬಟ್ಲರ್ ಅವರನ್ನು ಬಲೆಗೆ ಕೆಡವಿದರು. ಆಫ್ ಸ್ಟಂಪ್ನ ಹೊರಗೆ ಬೌಲ್ ಮಾಡಿದ ಈ ಚೆಂಡು ಪಿಚ್ಗೆ ಬಡಿದ ನಂತರ ನೇರವಾಗಿ ಸ್ಟಂಪ್ಗೆ ಹೋಯಿತು. ಚೆಂಡು ಇಷ್ಟೊಂದು ಟರ್ನ್ ಆಗಲಿದೆ ಎಂಬುದರ ಅರಿವಿಲ್ಲದ ಬಟ್ಲರ್, ಚೆಂಡು ವಿಕೆಟ್ಗೆ ಬಡಿದಿದ್ದನ್ನು ನೋಡಿ ಕೊಂಚ ಸಮಯ ಶಾಕ್ಗೆ ಒಳಗಾದರು. ಆ ಬಳಿಕ ಅಸಹಾಯಕರಾಗಿ ಪೆವಿಲಿಯನ್ನತ್ತ ನಡೆದರು. ಇದೀಗ ಕುಲ್ದೀಪ್ ಅವರ ಈ ಅದ್ಭುತ ಸ್ಪಿನ್ ಮ್ಯಾಜಿಕ್ನ ವಿಡಿಯೋ ಸೋಶಿಯಲ್ ಮೀಡಿಯಾಗಳಲ್ಲಿ ಭಾರಿ ವೈರಲ್ ಆಗುತ್ತಿದೆ.
View this post on Instagram
2 ವಿಕೆಟ್ ಪಡೆದ ಕುಲ್ದೀಪ್
ಇನ್ನು ಈ ಪಂದ್ಯದಲ್ಲಿ ಕುಲ್ದೀಪ್ ಯಾದವ್ ತಮ್ಮ ಖೋಟಾದ 8 ಓವರ್ ಬೌಲ್ ಮಾಡಿ ಕೇವಲ 24 ರನ್ ನೀಡಿ 2 ವಿಕೆಟ್ ಪಡೆದರು. ಬಟ್ಲರ್ ಹೊರತಾಗಿ ಲಿಯಾಮ್ ಲಿವಿಂಗ್ಸ್ಟನ್ (27) ಅವರನ್ನು ಕುಲ್ದೀಪ್ ಎಲ್ಬಿಡಬ್ಲ್ಯೂ ಬಲೆಗೆ ಬೀಳಿಸಿದರು. ಈ ಪಂದ್ಯದಲ್ಲಿ 27 ರನ್ ಸಿಡಿಸಿದ ಲಿವಿಂಗ್ಸ್ಟನ್ ಇಂಗ್ಲೆಂಡ್ ಪರ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ ಎನಿಸಿಕೊಂಡರೆ, ಭಾರತ 100 ರನ್ಗಳಿಂದ ಗೆಲುವು ಸಾಧಿಸಿತು.
ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 10:25 am, Mon, 30 October 23
