IND vs ZIM: ರವಿ ಬಿಷ್ಣೋಯ್ ಸೂಪರ್‌ಮ್ಯಾನ್ ಕ್ಯಾಚ್​​ಗೆ ಇಡೀ ಕ್ರೀಡಾಂಗಣವೇ ಗಪ್ ​ಚುಪ್; ವಿಡಿಯೋ

Ravi Bishnoi: ಜಿಂಬಾಬ್ವೆ ಇನ್ನಿಂಗ್ಸ್​ನ ನಾಲ್ಕನೇ ಓವರ್‌ ಈ ಅದ್ಭುತ ದೃಶ್ಯಕ್ಕೆ ಸಾಕ್ಷಿಯಾಯಿತು. ಅವೇಶ್ ಖಾನ್ ಬೌಲ್ ಮಾಡಿದ ಈ ಓವರ್​ನ ಮೊದಲ ಎಸೆತವನ್ನು, ಬ್ರಿಯಾನ್ ಬೆನೆಟ್ ಪಾಯಿಂಟ್ ಕಡೆಗೆ ಬಾರಿಸಿದರು. ಚೆಂಡು ಬೌಂಡರಿ ದಾಟುವಂತೆ ಕಾಣುತ್ತಿತ್ತು. ಆದರೆ ಇಲ್ಲಿ ನಿಂತಿದ್ದ ರವಿ ಬಿಷ್ಣೋಯ್, ಮೇಲಕ್ಕೆ ನೆಗೆದು ಅದ್ಭುತ ಕ್ಯಾಚ್ ಹಿಡಿದರು.

IND vs ZIM: ರವಿ ಬಿಷ್ಣೋಯ್ ಸೂಪರ್‌ಮ್ಯಾನ್ ಕ್ಯಾಚ್​​ಗೆ ಇಡೀ ಕ್ರೀಡಾಂಗಣವೇ ಗಪ್ ​ಚುಪ್; ವಿಡಿಯೋ
ರವಿ ಬಿಷ್ಣೋಯ್
Follow us
|

Updated on: Jul 10, 2024 | 9:41 PM

ಜಿಂಬಾಬ್ವೆ ವಿರುದ್ಧದ ಟಿ20 ಸರಣಿಯ ಮೊದಲ ಪಂದ್ಯದಲ್ಲಿ ಹೀನಾಯ ಸೋಲು ಅನುಭವಿಸಿದ್ದ ಭಾರತ ತಂಡ ಬಲಿಷ್ಠ ಪುನರಾಗಮನ ಮಾಡಿದೆ. ಎರಡನೇ ಪಂದ್ಯವನ್ನು 100 ರನ್‌ಗಳಿಂದ ಗೆದ್ದಿದ್ದ ಟೀಂ ಇಂಡಿಯಾ ಇದೀಗ 5 ಪಂದ್ಯಗಳ ಸರಣಿಯ ಮೂರನೇ ಪಂದ್ಯದಲ್ಲಿ 23 ರನ್‌ಗಳ ಜಯ ಸಾಧಿಸಿದೆ. ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಭಾರತ ಶುಭ್​ಮನ್ ಗಿಲ್ ಅವರ ಅರ್ಧಶತಕದ ನೆರವಿನಿಂದ 4 ವಿಕೆಟ್‌ಗೆ 182 ರನ್ ಗಳಿಸಿತು. ಉತ್ತರವಾಗಿ ಜಿಂಬಾಬ್ವೆ 6 ವಿಕೆಟ್‌ಗೆ 158 ರನ್ ಗಳಿಸಲಷ್ಟೇ ಶಕ್ತವಾಯಿತು. ಆದಾಗ್ಯೂ ಈ ಪಂದ್ಯದಲ್ಲಿ ಟೀಂ ಇಂಡಿಯಾದ ಸ್ಟಾರ್ ಬೌಲರ್ ರವಿ ಬಿಷ್ಣೋಯ್ ಹಿಡಿದ ಅದೊಂದು ಅತ್ಯುತ್ತಮ ಕ್ಯಾಚ್ ಪಂದ್ಯದ ಹೈಲೇಟ್ ಎನಿಸಿಕೊಂಡಿತು.

ನಾಲ್ಕನೇ ಓವರ್‌ನಲ್ಲಿ ಅದ್ಭುತ ಕ್ಯಾಚ್

ವಾಸ್ತವವಾಗಿ ಜಿಂಬಾಬ್ವೆ ಇನ್ನಿಂಗ್ಸ್​ನ ನಾಲ್ಕನೇ ಓವರ್‌ ಈ ಅದ್ಭುತ ದೃಶ್ಯಕ್ಕೆ ಸಾಕ್ಷಿಯಾಯಿತು. ಅವೇಶ್ ಖಾನ್ ಬೌಲ್ ಮಾಡಿದ ಈ ಓವರ್​ನ ಮೊದಲ ಎಸೆತವನ್ನು, ಬ್ರಿಯಾನ್ ಬೆನೆಟ್ ಪಾಯಿಂಟ್ ಕಡೆಗೆ ಬಾರಿಸಿದರು. ಚೆಂಡು ಬೌಂಡರಿ ದಾಟುವಂತೆ ಕಾಣುತ್ತಿತ್ತು. ಆದರೆ ಇಲ್ಲಿ ನಿಂತಿದ್ದ ರವಿ ಬಿಷ್ಣೋಯ್, ಮೇಲಕ್ಕೆ ನೆಗೆದು ಅದ್ಭುತ ಕ್ಯಾಚ್ ಹಿಡಿದರು. ಬಿಷ್ಣೋಯ್ ಅವರ ಈ ಸೂಪರ್‌ಮ್ಯಾನ್ ಅವತಾರವನ್ನು ನೋಡಿ ತಂಡದ ಸಹ ಆಟಗಾರರು ಕೂಡ ಬೆರಗಾದರು. ಈ ಮೂಲಕ ಬಿಷ್ಣೋಯ್ ಅವರ ಅತ್ಯುತ್ತಮ ಫೀಲ್ಡಿಂಗ್​ನಿಂದಾಗಿ ಬೆನೆಟ್ ಕೇವಲ 4 ರನ್ ಗಳಿಗೆ ಪೆವಿಲಿಯನ್​ಗೆ ಮರಳಬೇಕಾಯಿತು.

ಬೌಲಿಂಗ್​ನಲ್ಲಿ ಒಂದೇ ಒಂದು ವಿಕೆಟ್ ಸಿಗಲಿಲ್ಲ

ಈ ಪಂದ್ಯದಲ್ಲಿ ಫೀಲ್ಡಿಂಗ್ ಮೂಲಕ ಎಲ್ಲರ ಗಮನ ಸೆಳೆದ ಬಿಷ್ಣೋಯ್​ಗೆ ಈ ಪಂದ್ಯದಲ್ಲಿ ಒಂದೂ ವಿಕೆಟ್ ಬೀಳಲಿಲ್ಲ. ತಮ್ಮ ಖೋಟಾದ ಪೂರ್ಣ 4 ಓವರ್‌ಗಳನ್ನು ಬೌಲ್ ಮಾಡಿದ ಅವರು ತುಂಬಾ ದುಬಾರಿಯಾಗಿದ್ದಲ್ಲದೆ 37 ರನ್ ನೀಡಿದರು. ಬಿಷ್ಣೋಯ್ ಮೊದಲ ಪಂದ್ಯದಲ್ಲಿ 13 ರನ್‌ಗಳಿಗೆ 4 ವಿಕೆಟ್‌ಗಳನ್ನು ಕಬಳಿಸಿದ್ದರು. ಎರಡನೇ ಪಂದ್ಯದಲ್ಲೂ ಅವರು ಅತ್ಯುತ್ತಮವಾಗಿ ಬೌಲಿಂಗ್ ಮಾಡಿ ಕೇವಲ 11 ರನ್ ನೀಡಿ 2 ವಿಕೆಟ್ ಪಡೆದಿದ್ದರು.

ಪಂದ್ಯ ಹೇಗಿತ್ತು?

ಮೂರನೇ ಟಿ20 ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಟೀಂ ಇಂಡಿಯಾ 20 ಓವರ್‌ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 182 ರನ್ ಗಳಿಸಿತು. ಇದಕ್ಕುತ್ತರವಾಗಿ ಜಿಂಬಾಬ್ವೆ ತಂಡ ನಿಗದಿತ 20 ಓವರ್‌ಗಳಲ್ಲಿ 6 ವಿಕೆಟ್‌ ಕಳೆದುಕೊಂಡು 159 ರನ್‌ ಗಳಿಸಿ 23 ರನ್‌ಗಳಿಂದ ಸೋಲನುಭವಿಸಿತು. ಟೀಂ ಇಂಡಿಯಾದ ಪರ ಯಶಸ್ವಿ ಜೈಸ್ವಾಲ್ 36 ರನ್, ನಾಯಕ ಶುಭ್​ಮನ್ ಗಿಲ್ 66 ರನ್, ಅಭಿಷೇಕ್ ಶರ್ಮಾ 10 ರನ್, ರುತುರಾಜ್ ಗಾಯಕ್ವಾಡ್ 49 ರನ್ ಮತ್ತು ಸಂಜು ಸ್ಯಾಮ್ಸನ್ 12 ರನ್ ಕೊಡುಗೆ ನೀಡಿದರು. ಬೌಲಿಂಗ್​ನಲ್ಲಿ ಮ್ಯಾಜಿಕ್ ಮಾಡಿದ ವಾಷಿಂಗ್ಟನ್ ಸುಂದರ್ 4 ಓವರ್​ಗಳಲ್ಲಿ 15 ರನ್ ನೀಡಿ 3 ವಿಕೆಟ್ ಪಡೆದರು. ಅವೇಶ್ ಖಾನ್ 2 ಮತ್ತು ಖಲೀಲ್ ಅಹ್ಮದ್ ಒಂದು ವಿಕೆಟ್ ಪಡೆದರು.

ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

ತಾಜಾ ಸುದ್ದಿ
ಬಿಜೆಪಿ ಅಧಿಕಾರದಲ್ಲಿದ್ದಾಗ ಬಾರದ ಈಡಿ ಈಗ್ಯಾಕೆ ಬಂದಿದೆ ಎಂದ ಸಿದ್ದರಾಮಯ್ಯ
ಬಿಜೆಪಿ ಅಧಿಕಾರದಲ್ಲಿದ್ದಾಗ ಬಾರದ ಈಡಿ ಈಗ್ಯಾಕೆ ಬಂದಿದೆ ಎಂದ ಸಿದ್ದರಾಮಯ್ಯ
ಯಾವ ಪರುಷಾರ್ಥಕ್ಕಾಗಿ ಅಧಿವೇಶನ ನಡೆಸಲಾಗುತ್ತಿದೆ ಅಂತ ಅರ್ಥವಾಗುತ್ತಿಲ್ಲ!
ಯಾವ ಪರುಷಾರ್ಥಕ್ಕಾಗಿ ಅಧಿವೇಶನ ನಡೆಸಲಾಗುತ್ತಿದೆ ಅಂತ ಅರ್ಥವಾಗುತ್ತಿಲ್ಲ!
ವಾಲ್ಮೀಕಿ ಹಗರಣ: ಮುಖ್ಯಮಂತ್ರಿ ಸಿದ್ದರಾಮಯ್ಯ ಸುದ್ದಿಗೋಷ್ಠಿ ನೇರಪ್ರಸಾರ
ವಾಲ್ಮೀಕಿ ಹಗರಣ: ಮುಖ್ಯಮಂತ್ರಿ ಸಿದ್ದರಾಮಯ್ಯ ಸುದ್ದಿಗೋಷ್ಠಿ ನೇರಪ್ರಸಾರ
ಜೈಲಲ್ಲಿ ಇಬ್ಬರು ದರ್ಶನ್​ಗಳ ಸಮಾಗಮ-ದರ್ಶನ್ ಪುಟ್ಟಣ್ಣಯ್ಯ ಮೀಟ್ಸ್ ದರ್ಶನ್
ಜೈಲಲ್ಲಿ ಇಬ್ಬರು ದರ್ಶನ್​ಗಳ ಸಮಾಗಮ-ದರ್ಶನ್ ಪುಟ್ಟಣ್ಣಯ್ಯ ಮೀಟ್ಸ್ ದರ್ಶನ್
ದರ್ಶನ್ ನೋಡಲು ಸೋನಲ್ ಯಾಕೆ ಬರಲಿಲ್ಲ? ಉತ್ತರ ನೀಡಿದ ತರುಣ್ ಸುಧೀರ್
ದರ್ಶನ್ ನೋಡಲು ಸೋನಲ್ ಯಾಕೆ ಬರಲಿಲ್ಲ? ಉತ್ತರ ನೀಡಿದ ತರುಣ್ ಸುಧೀರ್
ದೇಶದ ಮಾರ್ಕೆಟ್​ಗೆ ಬಂತು ಒನ್​ಪ್ಲಸ್ ಹೊಸ ಸ್ಮಾರ್ಟ್​ಫೋನ್
ದೇಶದ ಮಾರ್ಕೆಟ್​ಗೆ ಬಂತು ಒನ್​ಪ್ಲಸ್ ಹೊಸ ಸ್ಮಾರ್ಟ್​ಫೋನ್
ಪ್ರದೀಪ್ ಪರಿಶ್ರಮ ಅಕಾಡೆಮಿಯಲ್ಲಿ ಟ್ಯೂಟರ್ ನಿಜ, ಆದರೆ ಸದನದಲ್ಲಿ ಒಬ್ಬ ಶಾಸಕ
ಪ್ರದೀಪ್ ಪರಿಶ್ರಮ ಅಕಾಡೆಮಿಯಲ್ಲಿ ಟ್ಯೂಟರ್ ನಿಜ, ಆದರೆ ಸದನದಲ್ಲಿ ಒಬ್ಬ ಶಾಸಕ
ಪ್ರತಿಭಟನೆ ಮುಂದುವರಿಸಿದ ಬಿಜೆಪಿ ಶಾಸಕರು, ಪ್ರತಿರೋಧಿಸಿದ ಆಡಳಿತ ಪಕ್ಷ
ಪ್ರತಿಭಟನೆ ಮುಂದುವರಿಸಿದ ಬಿಜೆಪಿ ಶಾಸಕರು, ಪ್ರತಿರೋಧಿಸಿದ ಆಡಳಿತ ಪಕ್ಷ
ವಿಪಕ್ಷಗಳ ಏನಿಲ್ಲ ಏನಿಲ್ಲ ಧರಿಣಿ ಮಧ್ಯೆ 3 ವಿಧೇಯಕ ಮಂಡಿಸಿದ ಸರ್ಕಾರ
ವಿಪಕ್ಷಗಳ ಏನಿಲ್ಲ ಏನಿಲ್ಲ ಧರಿಣಿ ಮಧ್ಯೆ 3 ವಿಧೇಯಕ ಮಂಡಿಸಿದ ಸರ್ಕಾರ
‘ಮಾರ್ಟಿನ್’ ನಿರ್ಮಾಪಕರ ಇಂಟರ್ನ್ಯಾಷನ್ ಲೆವೆಲ್ ಯೋಜನೆ
‘ಮಾರ್ಟಿನ್’ ನಿರ್ಮಾಪಕರ ಇಂಟರ್ನ್ಯಾಷನ್ ಲೆವೆಲ್ ಯೋಜನೆ