IND vs BAN 2nd T20 Live Score: ನಿತೀಶ್- ರಿಂಕು ಅರ್ಧಶತಕ; ಬಾಂಗ್ಲಾಕ್ಕೆ 221 ರನ್ ಟಾರ್ಗೆಟ್
India vs Bangladesh 2nd T20I Live Score in Kannada: ಭಾರತ ಮತ್ತು ಬಾಂಗ್ಲಾದೇಶ ನಡುವಿನ ಟಿ20 ಸರಣಿಯ ಎರಡನೇ ಪಂದ್ಯ ಇಂದು ನವದೆಹಲಿಯ ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ನಡೆಯುತ್ತಿದೆ. ಟಾಸ್ ಗೆದ್ದ ಬಾಂಗ್ಲಾದೇಶ ನಾಯಕ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದಾರೆ.
LIVE NEWS & UPDATES
-
IND vs BAN Live Score: ರಿಯಾನ್ ಮತ್ತು ಹಾರ್ದಿಕ್ ಔಟ್
ಭಾರತ ಸತತ 2 ಎಸೆತಗಳಲ್ಲಿ 2 ವಿಕೆಟ್ ಕಳೆದುಕೊಂಡಿದೆ. 19ನೇ ಓವರ್ನಲ್ಲಿ ರಿಯಾನ್ ಪರಾಗ್ (15 ರನ್, 6 ಎಸೆತ) ಸತತ 2 ಸಿಕ್ಸರ್ ಬಾರಿಸಿದರೂ ಕೊನೆಯ ಎಸೆತದಲ್ಲಿ ಔಟಾದರು. ನಂತರ ಹಾರ್ದಿಕ್ (32 ರನ್, 19 ಎಸೆತ) ಕೂಡ 20ನೇ ಓವರ್ನ ಮೊದಲ ಎಸೆತದಲ್ಲಿ ಔಟಾದರು.
-
IND vs BAN Live Score: ಭಾರತದ 200 ರನ್
ಭಾರತ 19ನೇ ಓವರ್ನಲ್ಲಿ 200 ರನ್ ಪೂರೈಸಿದೆ. ಹಾರ್ದಿಕ್ ಪಾಂಡ್ಯ ಒಂದು ಬೌಂಡರಿ ಬಾರಿಸಿ ತಂಡವನ್ನು 200 ರನ್ಗಳ ಗಡಿ ದಾಟಿಸಿದರು. ಟಿ20 ಕ್ರಿಕೆಟ್ನಲ್ಲಿ ಬಾಂಗ್ಲಾದೇಶ ವಿರುದ್ಧ ಭಾರತ 200 ರನ್ ಗಳಿಸಿದ್ದು ಇದೇ ಮೊದಲು.
-
IND vs BAN Live Score:ರಿಂಕು ಸಿಂಗ್ ಔಟ್
ರಿಂಕು ಸಿಂಗ್ ಅವರ ಸ್ಫೋಟಕ ಇನ್ನಿಂಗ್ಸ್ ಕೂಡ ಕೊನೆಗೊಂಡಿದೆ. 17ನೇ ಓವರ್ನಲ್ಲಿ ತಸ್ಕಿನ್ ಅಹ್ಮದ್ ಅವರ ಕೊನೆಯ ಎಸೆತದಲ್ಲಿ ರಿಂಕು ವಿಕೆಟ್ ಕಳೆದುಕೊಂಡರು. ರಿಂಕು 29 ಎಸೆತಗಳಲ್ಲಿ 53 ರನ್ ಗಳಿಸಿದರು.
IND vs BAN Live Score: ರಿಂಕು ಅರ್ಧಶತಕ
ನಿತೀಶ್ ಔಟಾದ ಬಳಿಕ ರಿಂಕು ಸಿಂಗ್ ದಾಳಿ ಮುಂದುವರಿಸಿ ಕೇವಲ 26 ಎಸೆತಗಳಲ್ಲಿ ಅರ್ಧಶತಕ ದಾಖಲಿಸಿದರು. ತಂಝೀಮ್ ಹಸನ್ ಅವರ ಕೊನೆಯ ಎಸೆತದಲ್ಲಿ ಸಿಕ್ಸರ್ ಬಾರಿಸುವ ಮೂಲಕ ರಿಂಕು ಅರ್ಧಶತಕ ಪೂರೈಸಿದರು.
IND vs BAN Live Score: ನಿತೀಶ್ ಔಟ್
ಟೀಂ ಇಂಡಿಯಾ 14 ಓವರ್ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 152 ರನ್ ಗಳಿಸಿದೆ. ಟೀಂ ಇಂಡಿಯಾದ ನಾಲ್ಕನೇ ವಿಕೆಟ್ ನಿತೀಶ್ ರೆಡ್ಡಿ ರೂಪದಲ್ಲಿ ಪತನಗೊಂಡಿದೆ. ನಿತೀಶ್ ಕೇವಲ 34 ಎಸೆತಗಳಲ್ಲಿ 74 ರನ್ ಬಾರಿಸಿ ಔಟಾದರು.
IND vs BAN Live Score: ನಿತೀಶ್ ರೆಡ್ಡಿ ಅರ್ಧಶತಕ
ನಿತೀಶ್ ಕುಮಾರ್ ರೆಡ್ಡಿ ಅವರು ತಮ್ಮ ವೃತ್ತಿಜೀವನದ ಎರಡನೇ ಪಂದ್ಯದಲ್ಲಿ ಮೊದಲ ಅರ್ಧಶತಕವನ್ನು ಗಳಿಸಿದ್ದಾರೆ. ಕಳೆದ ಪಂದ್ಯದಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ್ದ 21 ವರ್ಷದ ನಿತೀಶ್ ಕೇವಲ 27 ಎಸೆತಗಳಲ್ಲಿ 4 ಸಿಕ್ಸರ್ ಹಾಗೂ 3 ಬೌಂಡರಿಗಳ ನೆರವಿನಿಂದ ಅರ್ಧಶತಕ ದಾಖಲಿಸಿದರು.
IND vs BAN Live Score: 100 ರನ್ ಪೂರ್ಣ
ಕಳಪೆ ಆರಂಭದ ಹೊರತಾಗಿಯೂ ಭಾರತ ಕೇವಲ 10 ಓವರ್ಗಳಲ್ಲಿ 100 ರನ್ ಪೂರೈಸಿತು. ನಿತೀಶ್ ಮತ್ತು ರಿಂಕು ಒಟ್ಟಿಗೆ 6 ಸಿಕ್ಸರ್ ಮತ್ತು 5 ಬೌಂಡರಿಗಳನ್ನು ಬಾರಿಸಿ ಟೀಮ್ ಇಂಡಿಯಾವನ್ನು ಈ ಸ್ಕೋರ್ ಮೀರಿ ಕೊಂಡೊಯ್ದರು.
IND vs BAN Live Score: ನಿತೀಶ್ ಸತತ 2 ಸಿಕ್ಸರ್
ನಿತೀಶ್ ಕುಮಾರ್ ಲೆಗ್ ಸ್ಪಿನ್ನರ್ ರಿಷಾದ್ ಹೊಸೈನ್ ಓವರ್ನಲ್ಲಿ ಸತತ ಎರಡು ಸಿಕ್ಸರ್ ಬಾರಿಸಿದರು. ಮೊದಲ ಸಿಕ್ಸರ್ ನೇರ ಬೌಂಡರಿಯಿಂದ ಹೊರಗೆ ಬಿದ್ದರೆ, ಮುಂದಿನದು ಲಾಂಗ್ನಲ್ಲಿ ಬಿದ್ದಿತು. ನಂತರ ಓವರ್ನ ಕೊನೆಯ ಎಸೆತದಲ್ಲಿ ರಿಂಕು ಸಿಂಗ್ ಕೂಡ ಡೀಪ್ ಮಿಡ್ ವಿಕೆಟ್ ಮೇಲೆ ಸಿಕ್ಸರ್ ಬಾರಿಸಿದರು. ಈ ಓವರ್ನಲ್ಲಿ ಒಟ್ಟು 24 ರನ್ಗಳು ಬಂದವು. ಆ ಓವರ್ನ ಮೊದಲ ಎಸೆತವನ್ನೂ ಬೌಂಡರಿ ಬಾರಿಸಲಾಯಿತು.
IND vs BAN Live Score: ರಿಂಕು ಸಿಕ್ಸರ್
ಎಂಟನೇ ಓವರ್ನಲ್ಲಿ ಭಾರತದ ಇನ್ನಿಂಗ್ಸ್ನ ಮೊದಲ ಸಿಕ್ಸರ್ ಸಿಡಿಯಿತು. ಲೆಗ್ ಸ್ಪಿನ್ನರ್ ರಿಶಾದ್ ಹೊಸೈನ್ ಅವರ ಎಸೆತದಲ್ಲಿ ರಿಂಕು ಸಿಂಗ್ ಭರ್ಜರಿ ಸಿಕ್ಸರ್ ಬಾರಿಸಿದರು.
IND vs BAN Live Score: 3ನೇ ವಿಕೆಟ್, ಪವರ ಪ್ಲೇ ಅಂತ್ಯ
ಟೀಂ ಇಂಡಿಯಾd ಮೂರನೇ ವಿಕೆಟ್ ಪತನವಾಗಿದೆ. ಸೂರ್ಯಕುಮಾರ್ ಯಾದವ್ 10 ಎಸೆತಗಳಲ್ಲಿ 8 ರನ್ ಗಳಿಸಿ ಔಟಾದರು. ಭಾರತದ ಸ್ಕೋರ್ 3 ವಿಕೆಟ್ಗೆ 41 ರನ್ ಆಗಿದೆ. ಇದರೊಂದಿಗೆ ಭಾರತದ ಪವರ್ ಪ್ಲೇ ಕೂಡ ಅಂತ್ಯಗೊಂಡಿದೆ.
IND vs BAN Live Score: ಅಭಿ ಔಟ್
ಟೀಂ ಇಂಡಿಯಾದ ಎರಡನೇ ವಿಕೆಟ್ ಪತನವಾಗಿದೆ. ಅಭಿಷೇಕ್ ಶರ್ಮಾ 15 ರನ್ ಗಳಿಸಿ ಔಟಾದರು. ಟೀಂ ಇಂಡಿಯಾ 3 ಓವರ್ಗಳಲ್ಲಿ 2 ವಿಕೆಟ್ ಕಳೆದುಕೊಂಡು 25 ರನ್ ಗಳಿಸಿದೆ.
IND vs BAN Live Score: ಸಂಜು ಔಟ್
ಟೀಂ ಇಂಡಿಯಾ ಮೊದಲ ವಿಕೆಟ್ ಪತನವಾಗಿದೆ. ಸಂಜು ಸ್ಯಾಮ್ಸನ್ 10 ರನ್ ಗಳಿಸಿ ಔಟಾದರು. ಭಾರತ 2 ಓವರ್ಗಳಲ್ಲಿ 1 ವಿಕೆಟ್ ಕಳೆದುಕೊಂಡು 17 ರನ್ ಗಳಿಸಿದೆ.
IND vs BAN Live Score: ಸ್ಫೋಟಕ ಆರಂಭ
1 ಓವರ್ನಲ್ಲಿ ತಂಡ 15 ರನ್ ಗಳಿಸಿದೆ. ಸಂಜು ಸ್ಯಾಮ್ಸನ್ 9 ರನ್ ಹಾಗೂ ಅಭಿಷೇಕ್ ಶರ್ಮಾ 6 ರನ್ ಗಳಿಸಿ ಆಡುತ್ತಿದ್ದಾರೆ. ಬಾಂಗ್ಲಾದೇಶದ ಮೊದಲ ಓವರ್ ಅನ್ನು ಮೆಹದಿ ಹಸನ್ ಮಿರಾಜ್ ಎಸೆದರು.
IND vs BAN Live Score: ಬಾಂಗ್ಲಾದೇಶ ತಂಡ
ಪರ್ವೇಜ್ ಹುಸೇನ್ ಎಮೋನ್, ಲಿಟನ್ ದಾಸ್ (ವಿಕೆಟ್ ಕೀಪರ್), ನಜ್ಮುಲ್ ಹುಸೇನ್ ಶಾಂಟೊ (ನಾಯಕ), ತೌಹೀದ್ ಹೃದಯೋಯ್, ಮಹ್ಮುದುಲ್ಲಾ, ಜೆಕರ್ ಅಲಿ, ಮೆಹದಿ ಹಸನ್ ಮಿರಾಜ್, ರಿಶಾದ್ ಹುಸೇನ್, ತಸ್ಕಿನ್ ಅಹ್ಮದ್, ತಂಝೀಮ್ ಹಸನ್ ಸಾಕಿಬ್, ಮುಸ್ತಾಫಿಜುರ್ ರಹಮಾನ್.
IND vs BAN Live Score: ಭಾರತ ತಂಡ
ಅಭಿಷೇಕ್ ಶರ್ಮಾ, ಸಂಜು ಸ್ಯಾಮ್ಸನ್, ಸೂರ್ಯಕುಮಾರ್ ಯಾದವ್ (ನಾಯಕ), ಹಾರ್ದಿಕ್ ಪಾಂಡ್ಯ, ರಿಂಕು ಸಿಂಗ್, ನಿತೀಶ್ ಕುಮಾರ್ ರೆಡ್ಡಿ, ರಿಯಾನ್ ಪರಾಗ್, ವಾಷಿಂಗ್ಟನ್ ಸುಂದರ್, ವರುಣ್ ಚಕ್ರವರ್ತಿ, ಅರ್ಷದೀಪ್ ಸಿಂಗ್, ಮಯಾಂಕ್ ಯಾದವ್.
IND vs BAN Live Score: ಟಾಸ್ ಗೆದ್ದ ಬಾಂಗ್ಲಾ
ಟಾಸ್ ಗೆದ್ದ ಬಾಂಗ್ಲಾದೇಶ ನಾಯಕ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದಾರೆ.
ಭಾರತ ಮತ್ತು ಬಾಂಗ್ಲಾದೇಶ ನಡುವಿನ ಟಿ20 ಸರಣಿಯ ಎರಡನೇ ಪಂದ್ಯ ಇಂದು ನವದೆಹಲಿಯ ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ನಡೆಯುತ್ತಿದೆ. ಟೀಂ ಇಂಡಿಯಾ ಮೊದಲ ಪಂದ್ಯದಲ್ಲಿ ಬಾಂಗ್ಲಾದೇಶವನ್ನು 7 ವಿಕೆಟ್ಗಳಿಂದ ಏಕಪಕ್ಷೀಯವಾಗಿ ಸೋಲಿಸಿತ್ತು. ಅರ್ಷದೀಪ್ ಸಿಂಗ್ ಅವರ ಮಾರಕ ಬೌಲಿಂಗ್ ನಂತರ, ನಾಯಕ ಸೂರ್ಯಕುಮಾರ್ ಯಾದವ್ ಮತ್ತು ಹಾರ್ದಿಕ್ ಪಾಂಡ್ಯ ಅವರ ಸ್ಫೋಟಕ ಇನ್ನಿಂಗ್ಸ್ನ ಆಧಾರದ ಮೇಲೆ, ಭಾರತ ಕೇವಲ 12 ಓವರ್ಗಳಲ್ಲಿ ಪಂದ್ಯವನ್ನು ಗೆದ್ದು ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿತು. ಇದೀಗ ಟೀಂ ಇಂಡಿಯಾಗೆ ದೆಹಲಿಯಲ್ಲಿ ಸರಣಿ ವಶಪಡಿಸಿಕೊಳ್ಳುವ ಅವಕಾಶ ಸಿಕ್ಕಿದೆ.
Published On - Oct 09,2024 6:33 PM