India vs England: ಬುಮ್ರಾಗೆ ಮೊದಲ ಓವರ್ನಲ್ಲೇ ವಿಕೆಟ್! ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದ ರೋರಿ ಬರ್ನ್ಸ್.. ವಿಡಿಯೋ ನೋಡಿ
India vs England: ಓಪನರ್ ರೋರಿ ಬರ್ನ್ಸ್ ಎಲ್‌ಬಿಡಬ್ಲ್ಯೂಗೆ ಔಟಾದರು, ಇದು ಭಾರತಕ್ಕೆ ಮೊದಲ ಯಶಸ್ಸು ನೀಡಿತು. ಬುಮ್ರಾ ಮೊದಲ ಓವರ್‌ನ ಐದನೇ ಎಸೆತದಲ್ಲಿ ವಿಕೆಟ್ ಪಡೆದರು.
Updated on:Aug 04, 2021 | 5:43 PM
ಇಂಗ್ಲೆಂಡ್ ವಿರುದ್ಧದ ಮೊದಲ ಟೆಸ್ಟ್ ನಲ್ಲಿ ಭಾರತ ಪ್ರಬಲ ಆರಂಭ ಮಾಡಿದೆ. ಭಾರತದ ವೇಗಿ ಜಸ್ಪ್ರೀತ್ ಬುಮ್ರಾ ನಾಟಿಂಗ್ ಹ್ಯಾಮ್ ಟೆಸ್ಟ್ನಲ್ಲಿ ಮೊದಲ ಓವರ್ನಲ್ಲೇ ಇಂಗ್ಲೆಂಡ್ ವಿಕೆಟ್ ಪಡೆದಿದ್ದಾರೆ. ಓಪನರ್ ರೋರಿ ಬರ್ನ್ಸ್ ಎಲ್‌ಬಿಡಬ್ಲ್ಯೂಗೆ ಔಟಾದರು, ಇದು ಭಾರತಕ್ಕೆ ಮೊದಲ ಯಶಸ್ಸು ನೀಡಿತು. ಬುಮ್ರಾ ಮೊದಲ ಓವರ್‌ನ ಐದನೇ ಎಸೆತದಲ್ಲಿ ವಿಕೆಟ್ ಪಡೆದರು.
ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ತಂಡದಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಿದ್ದು, ಕೆಎಲ್ ರಾಹುಲ್ ಮತ್ತು ಶಾರ್ದೂಲ್ ಠಾಕೂರ್ ಅವರನ್ನು ತಂಡದಲ್ಲಿ ಸೇರಿಸಿಕೊಂಡಿದ್ದಾರೆ. ಅದಲ್ಲದೆ, ರವೀಂದ್ರ ಜಡೇಜಾ ಒಬ್ಬರೇ ಸ್ಪಿನ್ನರ್ ಆಗಿದ್ದು, ಮೊಹಮ್ಮದ್ ಸಿರಾಜ್ ಗೆ ಅಶ್ವಿನ್ ಬದಲಿಗೆ ಅವಕಾಶ ನೀಡಲಾಗಿದೆ.
ಭಾರತದ ಓಪನರ್ ಯಾರು? ಭಾರತ ತಂಡದ ಆಟಗಾರರು ನಿರಂತರವಾಗಿ ಗಾಯಗೊಳ್ಳುತ್ತಿರುವುದರಿಂದ ತಂಡದ ಆಡಳಿತಕ್ಕೆ ಅಂತಿಮ 11 ಆಟಗಾರರನ್ನು ಆಯ್ಕೆ ಮಾಡುವುದು ಕಷ್ಟಕರವಾಗಿತ್ತು. ಇತ್ತೀಚೆಗೆ, ತಂಡದ ಆರಂಭಿಕ ಆಟಗಾರ ಮಯಾಂಕ್ ಅಗರ್ವಾಲ್ ಗಾಯಗೊಂಡಿದ್ದು, ಹೊಸ ಆರಂಭಿಕ ಯಾರು ಎಂಬ ಕುತೂಹಲವಿತ್ತು. ಅದಕ್ಕಾಗಿಯೇ ಎರಡು ವರ್ಷಗಳ ಹಿಂದೆ ಭಾರತಕ್ಕಾಗಿ ಕೊನೆಯ ಟೆಸ್ಟ್ ಆಡಿದ ಕೆಎಲ್ ರಾಹುಲ್ ಹೆಸರಿಸಲಾಯಿತು. ರೋಹಿತ್ ಶರ್ಮಾ ಜೊತೆಗೆ ರಾಹುಲ್ ರನ್ನು ಓಪನರ್ ಆಗಿ ಕಳುಹಿಸಲಾಗುತ್ತದೆ. ಕೌಂಟಿ 11 ತಂಡದ ವಿರುದ್ಧ ಇತ್ತೀಚೆಗೆ ನಡೆದ ಮೂರು ದಿನಗಳ ಅಭ್ಯಾಸ ಪಂದ್ಯದಲ್ಲಿ ಕೆಎಲ್ ರಾಹುಲ್ ಕೂಡ ಶತಕ ಗಳಿಸಿದ್ದಾರೆ.
first Wicket !!!!! Rory Burns Bumrah BOOM BOOM !!!@Jaspritbumrah93 @imVkohli #ENGvsIND pic.twitter.com/nXC5q9tHMC
— Venkat Reddy – ViratKohli fan (@Venkatreddy_12_) August 4, 2021
ಭಾರತ ತಂಡ – ರೋಹಿತ್ ಶರ್ಮಾ, ಕೆಎಲ್ ರಾಹುಲ್, ಚೇತೇಶ್ವರ ಪೂಜಾರ, ವಿರಾಟ್ ಕೊಹ್ಲಿ, ಅಜಿಂಕ್ಯ ರಹಾನೆ, ರಿಷಭ್ ಪಂತ್, ರವೀಂದ್ರ ಜಡೇಜಾ, ಶಾರ್ದೂಲ್ ಠಾಕೂರ್, ಜಸ್ಪ್ರೀತ್ ಬುಮ್ರಾ, ಮೊಹಮ್ಮದ್ ಶಮಿ, ಮೊಹಮ್ಮದ್ ಸಿರಾಜ್
ಇಂಗ್ಲೆಂಡ್ ತಂಡ – ಆರ್. ಬರ್ನ್ಸ್, ಡಿ. ಸಿಬ್ಲಿ, ಕ್ರೌಲಿ, ಜೋ ರೂಟ್, ಜಾನಿ ಬೈರ್‌ಸ್ಟೊ, ಡಿ. ಲಾರೆನ್ಸ್, ಜಾಸ್ ಬಟ್ಲರ್, ಸ್ಯಾಮ್ ಕರನ್, ಒ. ರಾಬಿನ್ಸನ್, ಸ್ಟುವರ್ಟ್ ಬ್ರಾಡ್, ಜೇಮ್ಸ್ ಆಂಡರ್ಸನ್
Published On - 5:42 pm, Wed, 4 August 21
