IPL 2022: ಧೋನಿ ಮುಂದಿದೆ ಹಲವು ದಾಖಲೆಗಳು: ಇದು ಸಾಧ್ಯನಾ?

ಮಹೇಂದ್ರ ಸಿಂಗ್ ಧೋನಿ ಇದೇ ಮೊದಲ ಬಾರಿಗೆ ಚೆನ್ನೈ ಸೂಪರ್ ಕಿಂಗ್ಸ್ ಪರ ಆಟಗಾರನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅನಿರೀಕ್ಷಿತ ಎಂಬಂತೆ ಐಪಿಎಲ್​​ ಸೀಸನ್ 15 ಆರಂಭಕ್ಕೆ ದಿನಗಳು ಮಾತ್ರ ಉಳಿದಿರುವಾಗ ಧೋನಿ ನಾಯಕನ ಸ್ಥಾನದಿಂದ ಕೆಳಗಿಳಿದಿದ್ದಾರೆ. ಇದೀಗ ಸಿಎಸ್​ಕೆ ತಂಡದ ಕ್ಯಾಪ್ಟನ್ ಆಗಿ ರವೀಂದ್ರ ಜಡೇಜಾ ಕಾಣಿಸಿಕೊಳ್ಳಲಿದ್ದಾರೆ. ಕೆಲ ಮೂಲಗಳ ಮಾಹಿತಿ ಪ್ರಕಾರ, ಧೋನಿಗೆ ಇದುವೇ ಕೊನೆಯ ಐಪಿಎಲ್​. ಹೀಗಾಗಿಯೇ ಅವರು ನಾಯಕನ ಸ್ಥಾನದಿಂದ ಕೆಳಗಿಳಿದಿದ್ದಾರೆ ಎನ್ನಲಾಗಿದೆ. ಒಂದು ವೇಳೆ ಎಂಎಸ್​ಡಿ ಇದು ಕೊನೆಯ ಐಪಿಎಲ್ ಆದರೆ, ಹಲವು ದಾಖಲೆಗಳನ್ನು ಬರೆದಿಟ್ಟು ನಿರ್ಗಮಿಸುವ ಅವಕಾಶ ಕೂಡ ಮುಂದಿದೆ. ಏಕೆಂದರೆ ಕ್ರಿಕೆಟ್ ಅಂಗಳದಲ್ಲಿ ಹಲವು ದಾಖಲೆಗಳನ್ನು ನಿರ್ಮಿಸಿರುವ ಧೋನಿ ಐಪಿಎಲ್​ನಲ್ಲೂ ಕೆಲ ದಾಖಲೆಗಳನ್ನು ಬರೆಯುವ ವಿದಾಯ ಹೇಳಬಹುದು. ಇದಕ್ಕಾಗಿ ಈ ಬಾರಿಯ 14 ಪಂದ್ಯಗಳು ಧೋನಿ ಅವರ ಮುಂದಿದೆ. ಹಾಗಿದ್ರೆ ಈ ಬಾರಿ ಧೋನಿ ಮುಂದಿರುವ ದಾಖಲೆಗಳು ಯಾವುವು ನೋಡೋಣ…

5000 ರನ್​:
ಮಹೇಂದ್ರ ಸಿಂಗ್ ಧೋನಿ ಇದುವರೆಗೆ ಐಪಿಎಲ್‌ನಲ್ಲಿ 39.55 ಸರಾಸರಿಯಲ್ಲಿ 4,746 ರನ್ ಗಳಿಸಿದ್ದಾರೆ. ಇದೀಗ ಐಪಿಎಲ್​ನಲ್ಲಿ 5 ಸಾವಿರ ರನ್​ ಪೂರೈಸಲು ಕೇವಲ 254 ರನ್​ಗಳ ಅವಶ್ಯಕತೆಯಿದೆ. ಈ ಬಾರಿಯ ಟೂರ್ನಿಯಲ್ಲಿ 254 ರನ್​ ಕಲೆಹಾಕಿದರೆ 5000 ಸಾವಿರ ರನ್ ಪೂರೈಸಿದ ಆಟಗಾರ ಎನಿಸಿಕೊಳ್ಳಲಿದ್ದಾರೆ.

25 ಅರ್ಧಶತಕ:
ಧೋನಿ ಐಪಿಎಲ್​ನಲ್ಲಿ ಇದುವರೆಗೆ 23 ಅರ್ಧಶತಕಗಳನ್ನು ಬಾರಿಸಿದ್ದಾರೆ. ಈ ಬಾರಿ 2 ಅರ್ಧಶತಕ ಬಾರಿಸಿದರೆ ಐಪಿಎಲ್​ನಲ್ಲಿ 25 ಅರ್ಧಶತಕ ಬಾರಿಸಿದ ಕೆಲವೇ ಕೆಲವು ಆಟಗಾರರ ಪಟ್ಟಿಗೆ ಧೋನಿ ಹೆಸರು ಸೇರ್ಪಡೆಯಾಗಲಿದೆ.

350 ಬೌಂಡರಿ:
ಸಿಎಸ್​ಕೆ ತಂಡದ ಮಾಜಿ ನಾಯಕ ಐಪಿಎಲ್​ನಲ್ಲಿ ಇದುವರೆಗೆ 325 ಬೌಂಡರಿಗಳನ್ನು ಬಾರಿಸಿದ್ದಾರೆ. ಈ ಬಾರಿ ಧೋನಿ ಬ್ಯಾಟ್​ನಿಂದ 25 ಬೌಂಡರಿಗಳು ಮೂಡಿಬಂದರೆ ಒಟ್ಟು 350 ಬೌಂಡರಿ ಬಾರಿಸಿದ ಆಟಗಾರರ ಪಟ್ಟಿಗೆ ಸೇರಲಿದ್ದಾರೆ. ಅಲ್ಲದೆ ಈ ಸಾಧನೆ ಮಾಡಿದ 14ನೇ ಆಟಗಾರ ಎನಿಸಿಕೊಳ್ಳಲಿದ್ದಾರೆ.

175 ಡಿಸ್​ಮಿಸ್:
ಮಹೇಂದ್ರ ಸಿಂಗ್ ಧೋನಿ ವಿಕೆಟ್ ಹಿಂದೆ ನಿಂತು ಇದುವರೆಗೆ 161 ಬಲಿ ಪಡೆದಿದ್ದಾರೆ. ಈ ಬಾರಿ 14 ಬಲಿ ಪಡೆದರೆ ಐಪಿಎಲ್​ನಲ್ಲಿ 175 (ಸ್ಟಂಪ್-ಕ್ಯಾಚ್) ಬಲಿ ಪಡೆದ ಮೊದಲ ವಿಕೆಟ್ ಕೀಪರ್ ಎಂಬ ದಾಖಲೆ ಬರೆಯಲಿದ್ದಾರೆ.

200 ಪಂದ್ಯ:
ಐಪಿಎಲ್​ನಲ್ಲಿ ಮಹೇಂದ್ರ ಸಿಂಗ್ ಧೋನಿ ಇದುವರೆಗೆ 220 ಪಂದ್ಯಗಳನ್ನು ಆಡಿದ್ದಾರೆ. ಸಿಎಸ್​ಕೆ ಹಾಗೂ ರೈಸಿಂಗ್ ಪುಣೆ ಜೈಂಟ್ಸ್ ಪರ ಆಡಿದ್ದ ಧೋನಿ ಒಂದೇ ತಂಡದ ಪರ 200 ಪಂದ್ಯವಾಡಿದ ದಾಖಲೆ ನಿರ್ಮಿಸಲು 10 ಪಂದ್ಯಗಳಲ್ಲಿ ಕಣಕ್ಕಿಳಿಯಬೇಕಿದೆ. ಅದರಂತೆ ಈ ಬಾರಿ ಧೋನಿ 10 ಪಂದ್ಯವಾಡಿದರೆ ಸಿಎಸ್​ಕೆ ಪರ 200 ಪಂದ್ಯವಾಡಿದ ಮೊದಲ ಆಟಗಾರ ಎನಿಸಿಕೊಳ್ಳಲಿದ್ದಾರೆ.

200 ಸಿಕ್ಸರ್:
ಧೋನಿ ಸಿಎಸ್‌ಕೆ ಪರ 189 ಸಿಕ್ಸರ್‌ಗಳನ್ನು ಬಾರಿಸಿದ್ದಾರೆ. 200 ಸಿಕ್ಸ್​ಗಳ ಮೈಲಿಗಲ್ಲನ್ನು ತಲುಪಲು ಇನ್ನೂ 11 ಸಿಕ್ಸರ್‌ಗಳ ಅಗತ್ಯವಿದೆ. ಹೀಗಾಗಿ ಈ ಬಾರಿ ಧೋನಿ 200 ಸಿಕ್ಸರ್​ಗಳ ದಾಖಲೆ ನಿರ್ಮಿಸಬಹುದು.

ಸದ್ಯ 40 ವರ್ಷದ ಹಿರಿಯ ಆಟಗಾರ ಎನಿಸಿಕೊಂಡಿರುವ ಮಹೇಂದ್ರ ಸಿಂಗ್ ಧೋನಿ ತಮ್ಮ ನಿವೃತ್ತಿ ಅಂಚಿನಲ್ಲಿ ಯಾವ ದಾಖಲೆ ನಿರ್ಮಿಸಲಿದ್ದಾರೆ ಕಾದು ನೋಡಬೇಕಿದೆ.

ಇದನ್ನೂ ಓದಿ: IPL ಆಡಿದ್ದ 11 ಪಾಕಿಸ್ತಾನಿ ಆಟಗಾರರು ಯಾರು ಗೊತ್ತಾ?

ಇದನ್ನೂ ಓದಿ:  IPL 2022: ಇವರೇ RCB ಪರ ಹ್ಯಾಟ್ರಿಕ್ ವಿಕೆಟ್ ಪಡೆದ ಮೂವರು ಬೌಲರುಗಳು

ಇದನ್ನೂ ಓದಿ: IPL 2022: ಐಪಿಎಲ್​ನ ಆರಂಭಿಕ ಪಂದ್ಯಗಳಿಗೆ 23 ಸ್ಟಾರ್ ಆಟಗಾರರು ಅಲಭ್ಯ