IRE vs NZ: ರಣ ರೋಚಕ ಪಂದ್ಯ: 361 ರನ್​​ಗಳ ಟಾರ್ಗೆಟ್ ಬೆನ್ನಟ್ಟಿ 1 ರನ್​ನಿಂದ ಸೋತ ಐರ್ಲೆಂಡ್

Ireland vs New Zealand, 3rd ODI: ಮಾರ್ಟಿನ್ ಗಪ್ಟಿಲ್ (Martin Guptill) ಶತಕದಿಂದ 50 ಓವರ್​​ಗಳಲ್ಲಿ ನ್ಯೂಜಿಲೆಂಡ್ 360 ರನ್ ಗಳಿಸಿದ್ದರೆ, ಟಾರ್ಗೆಟ್ ಬೆನ್ನಟ್ಟಿದ ಐರ್ಲೆಂಡ್ 359 ರನ್ ಗಳಿಸಿ 1 ರನ್​ಗಳ ಅಂತರದಲ್ಲಿ ಸೋಲು ಕಾಣಬೇಕಾಯಿತು.

IRE vs NZ: ರಣ ರೋಚಕ ಪಂದ್ಯ: 361 ರನ್​​ಗಳ ಟಾರ್ಗೆಟ್ ಬೆನ್ನಟ್ಟಿ 1 ರನ್​ನಿಂದ ಸೋತ ಐರ್ಲೆಂಡ್
IRE vs NZ 3rd ODI
TV9kannada Web Team

| Edited By: Vinay Bhat

Jul 16, 2022 | 7:30 AM

ಐರಿಶ್ ನಾಡಿಗೆ ಪ್ರವಾಸ ಬೆಳೆಸಿರುವ ನ್ಯೂಜಿಲೆಂಡ್ ತಂಡ ಐರ್ಲೆಂಡ್ (Ireland vs New Zealand) ವಿರುದ್ಧ ಏಕದಿನ ಸರಣಿಯನ್ನು ಆಡಿ ಮುಗಿಸಿದೆ. 3-0 ಅಂತರದಿಂದ ಕಿವೀಸ್ ಪಡೆ ಸರಣಿ ಕ್ಲೀನ್​ಸ್ವೀಪ್ ಮಾಡಿದ ಸಾಧನೆ ಗೈದಿದೆ. ಮೊದಲ ಏಕದಿನ ಪಂದ್ಯದಲ್ಲಿ 1 ವಿಕೆಟ್​ಗಳಿಂದ ಗೆದ್ದರೆ, ದ್ವಿತೀಯ ಪಂದ್ಯದಲ್ಲಿ 3 ವಿಕೆಟ್​ಗಳ ಜಯ ಸಾಧಿಸಿತ್ತು. ಶುಕ್ರವಾರ ನಡೆದ ಅಂತಿಮ ಮೂರನೇ ಏಕದಿನದಲ್ಲಿ 1 ರನ್​ಗಳ ರೋಚಕ ಜಯ ಸಾಧಿಸಿತು. ನ್ಯೂಜಿಲೆಂಡ್ ತಂಡ ಈ ಎಲ್ಲ ಪಂದ್ಯ ಗೆದ್ದಿತಾದರೂ ದುರ್ಬಲ ತಂಡವಾಗಿ ಗುರಿತಿಸಿಕೊಂಡಿದ್ದ ಐರ್ಲೆಂಡ್ ಕಠಿಣ ಪೈಪೋಟಿ ನೀಡಿದ್ದು ಸುಳ್ಳಲ್ಲ. ಅದರಲ್ಲೂ ತೃತೀಯ ಏಕದಿನ (ODI Match) ಪಂದ್ಯದಲ್ಲಿ ಕಿವೀಸ್ ನೀಡಿದ್ದ ಬೆಟ್ಟದಂತಹ ಟಾರ್ಗೆಟ್ ಬೆನ್ನಟ್ಟಿ ಕೇವಲ 1 ರನ್​ಗಳಿಂದ ಸೋಲು ಕಾಣಬೇಕಾಯಿತು. ಮಾರ್ಟಿನ್ ಗಪ್ಟಿಲ್ (Martin Guptill) ಶತಕದಿಂದ 50 ಓವರ್​​ಗಳಲ್ಲಿ ನ್ಯೂಜಿಲೆಂಡ್ 360 ರನ್ ಗಳಿಸಿದ್ದರೆ, ಟಾರ್ಗೆಟ್ ಬೆನ್ನಟ್ಟಿದ ಐರ್ಲೆಂಡ್ 359 ರನ್ ಗಳಿಸಿ 1 ರನ್​ಗಳ ಅಂತರದಲ್ಲಿ ಸೋಲು ಕಾಣಬೇಕಾಯಿತು.

ಈ ಪಂದ್ಯದಲ್ಲಿ ಟಾಸ್ ಗೆದ್ದ ನ್ಯೂಜಿಲೆಂಡ್ ತಂಡ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಓಪನರ್​ಗಳಾಗಿ ಕಣಕ್ಕಿಳಿದ ಮಾರ್ಟಿನ್ ಗಪ್ಟಿಲ್ ಹಾಗೂ ಫಿನ್ ಅಲೆನ್ ಬೊಂಬಾಟ್ ಆರಂಭ ನೀಡಿದರು. ಮೊದಲ ವಿಕೆಟ್​ಗೆ ಈ ಜೋಡಿ 78 ರನ್​ ಕಲೆಹಾಕಿತು. ಅಲೆನ್ 28 ಎಸೆತಗಳಲ್ಲಿ 33 ರನ್ ಗಳಿಸಿ ಔಟಾದರು. ಬಂದ ಬೆನ್ನಲ್ಲೇ ವಿಲ್ ಯಂಗ್ 3 ರನ್​​ಗೆ ಪೆವಿಲಿಯನ್ ಸೇರಿಕೊಂಡರೆ, ನಾಯಕ ಟಾಮ್ ಲಾಥಮ್ 30 ರನ್​ಗೆ ಬ್ಯಾಟ್ ಕೆಳಗಿಟ್ಟರು. ಈ ಸಂದರ್ಭ ಗಪ್ಟಿಲ್ ಜೊತೆಯಾದ ಹೆನ್ರಿ ನಿಕೋಲ್ಸ್ ಭರ್ಜರಿ ಜೊತೆಯಾಟ ಆಡಿದರು.

ಐರ್ಲೆಂಡ್ ಬೌಲರ್​ಗಳ ಬೆವರಿಳಿಸಿದ ಈ ಜೋಡಿ 96 ರನ್ ಕಲೆಹಾಕಿತು. ಆಕರ್ಷಕ ಬ್ಯಾಟಿಂಗ್ ನಡೆಸಿದ ಗಪ್ಟಿಲ್ ಶತಕ ಸಿಡಿಸಿ ಮಿಂಚಿದರು. 126 ಎಸೆತಗಳಲ್ಲಿ 15 ಫೋರ್, 2 ಸಿಕ್ಸರ್​​ನೊಂದಿಗೆ 115 ರನ್ ಚಚ್ಚಿದರು. ನಿಕೋಲ್ಸ್ 54 ಎಸೆತಗಳಲ್ಲಿ 5 ಫೋರ್, 3 ಸಿಕ್ಸರ್​​ನೊಂದಿಗೆ 79 ರನ್ ಸಿಡಿಸಿದರು. ಗ್ಲೆನ್ ಫಿಲಿಪ್ಸ್ 47 ಹಾಗೂ ಬ್ರೆಸ್ವೆಲ್ ಅಜೇಯ 21 ರನ್ ಗಳಿಸಿ ಅಂತಿಮ ಹಂತದಲ್ಲಿ ನೆರವಾದರು. ನ್ಯೂಜಿಲೆಂಡ್ 50 ಓವರ್​ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ ಬರೋಬ್ಬರಿ 360 ರನ್ ಕಲೆಹಾಕಿತು.

ದೊಡ್ಡ ಟಾರ್ಗೆಟ್ ಬೆನ್ನಟ್ಟಿದ ಐರ್ಲೆಂಡ್ ತಂಡ ಆರಂಭದಲ್ಲೇ ನಾಯಕ ಆಂಡ್ರೆ ಬಲ್ಬಿರ್ನಿ (0) ವಿಕೆಟ್ ಕಳೆದುಕೊಂಡಿತು. ಆ್ಯಂಡಿ ಮೆಕ್​ಬ್ರಿನ್ 26 ರನ್​ಗೆ ಔಟಾದರು. ಈ ಸಂದರ್ಭ ಜೊತೆಯಾದ ಪೌಲ್ ಸ್ಟಿರ್​ಲಿಂಗ್​ ಮತ್ತು ಹ್ಯಾರಿ ಟೆಕ್ಟರ್ ಯಾರೂ ಊಹಿಸಲಾಗದ ರೀತಿಯಲ್ಲಿ ಜೊತೆಯಾಟ ಆಡಿದರು. ಕಿವೀಸ್ ಬೌಲರ್​ಗಳನ್ನು ಸಮರ್ಥವಾಗಿ ಎದುರಿಸಿದ ಇವರು 179 ರನ್​​ಗಳ ಕಾಣಿಕೆ ನೀಡಿದರು. ಮೈದಾನದ ಮೂಲೆ ಮೂಲೆಗೆ ಚೆಂಡನ್ನು ಅಟ್ಟಿ ತಂಡದ ಗೆಲುವಿನ ಆಸೆಯನ್ನು ಚಿಗುರಿಸಿದರು. ಇಬ್ಬರೂ ಶತಕ ಸಿಡಿಸಿ ಸಂಭ್ರಮಿಸಿದರು ಕೂಡ.

ಇದನ್ನೂ ಓದಿ

ಟೆಕ್ಟನ್ 106 ಎಸೆತಗಳಲ್ಲಿ 108 ರನ್ ಸಿಡಿಸಿದರೆ, ಪೌಲ್ ಸ್ಟಿರ್​ಲಿಂಗ್ 103 ಎಸೆತಗಳಲ್ಲಿ 120 ರನ್ ಚಚ್ಚಿದರು. ಇವರಿಬ್ಬರು ತಂಡ ಗೆಲುವು ಸಾಧಿಸಲು ಏನೋ ಮಾಡಬೇಕು ಅದನ್ನು ಮಾಡಿ ನಿರ್ಗಮಿಸಿದರು. ಆದರೆ, ನಂತರ ಬಂದ ಬ್ಯಾಟರ್​ಗಳು ಇಬ್ಬರ ಹಿಂದೆ ಒಬ್ಬರಂತೆ ಪೆವಿಲಿಯನ್ ಸೇರಿಕೊಂಡರು. ಕೊನೆಯ ಓವರ್​ನಲ್ಲಿ ಐರ್ಲೆಂಡ್ ಗೆಲುವಿಗೆ 10 ರನ್​ಗಳ ಅವಶ್ಯಕತೆಯಿತ್ತು. ಆದರೆ, ಅಂತಿಮವಾಗಿ 50 ಓವರ್​ನಲ್ಲಿ 9 ವಿಕೆಟ್ ಕಳೆದುಕೊಂಡು 359 ರನ್ ಗಳಿಸಲಷ್ಟೇ ಶಕ್ತವಾಗಿ 1 ರನ್​ಗಳಿಂದ ಸೋಲು ಕಾಣಬೇಕಾಯಿತು.

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada