Legends League Cricket: 8 ಸಿಕ್ಸರ್, 94 ರನ್.. ಮಿಂಚಿದ ಆ್ಯಂಡರ್ಸನ್: ಲೆಜೆಂಡ್ಸ್ ಕ್ರಿಕೆಟ್ ಕಪ್ ಗೆದ್ದ ವರ್ಲ್ಡ್ ಜೈಂಟ್ಸ್

ವರ್ಲ್ಡ್ ಜೈಂಟ್ಸ್ ತಂಡ ಲೆಜೆಂಡ್ಸ್ ಲೀಗ್ ಕ್ರಿಕೆಟ್​ನ (Legends League Cricket ) ಚಾಂಪಿಯನ್ ಪಟ್ಟಕ್ಕೇರಿದ್ದಾರೆ. ಜನವರಿ 29 ರಂದು ಸಂಜೆ ನಡೆದ ಫೈನಲ್ ಪಂದ್ಯದಲ್ಲಿ ಏಷ್ಯಾ ಲಯನ್ಸ್ ತಂಡವನ್ನು 25 ರನ್‌ಗಳಿಂದ ಸೋಲಿಸಿ ಪ್ರಶಸ್ತಿ ಮುಡಿಗೇರಿಸಿಕೊಂಡರು. ವರ್ಲ್ಡ್ ಜೈಂಟ್ಸ್ ಗೆಲುವಿನಲ್ಲಿ ನ್ಯೂಜಿಲೆಂಡ್ ಮತ್ತು ದಕ್ಷಿಣ ಆಫ್ರಿಕಾದ ಆಟಗಾರರು ಪ್ರಾಬಲ್ಯ ಮೆರೆದರು. ಈ ಎರಡು ದೇಶಗಳ ಆಟಗಾರರು ಇಡೀ ಸರಣಿಯಲ್ಲಿ ತಮ್ಮ ಸಾಮರ್ಥ್ಯವನ್ನು ಉಳಿಸಿಕೊಂಡರು. ಮತ್ತು, ಅಂತಿಮವಾಗಿ, ತಂಡವು ಫೈನಲ್ ಗೆಲ್ಲುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. ನ್ಯೂಜಿಲೆಂಡ್ ಆಟಗಾರ ಅಂತಿಮ ಪಂದ್ಯದಲ್ಲಿ 8 ಸಿಕ್ಸರ್ ಬಾರಿಸಿ ತಂಡದ ಗೆಲುವಿಗೆ ಸಹಕಾರಿಯಾದರು. ಅದೇ ಹೊತ್ತಿಗೆ ಇಡೀ ಸರಣಿಯಲ್ಲಿ 8 ವಿಕೆಟ್ ಕಬಳಿಸಿದ ದಕ್ಷಿಣ ಆಫ್ರಿಕಾದ ಬೌಲರ್ ವರ್ಲ್ಡ್ ಜೈಂಟ್ಸ್ ತಂಡವನ್ನು ಫೈನಲ್​ಗೆ ಕೊಂಡೊಯ್ಯುವಲ್ಲಿ ದೊಡ್ಡ ಪಾತ್ರ ವಹಿಸಿದ್ದರು.

ಲೆಜೆಂಡ್ಸ್ ಲೀಗ್‌ನಲ್ಲಿ ಆಡಿದ ಮೂರನೇ ತಂಡ ಇಂಡಿಯಾ ಮಹಾರಾಜ. ಆದರೆ ವರ್ಲ್ಡ್ ಜೈಂಟ್ಸ್ ಮತ್ತು ಏಷ್ಯಾ ಲಯನ್ಸ್ ವಿರುದ್ಧ ಸೋತ ನಂತರ ಅವರು ಈಗಾಗಲೇ ಫೈನಲ್‌ನ ರೇಸ್‌ನಿಂದ ಹೊರಗುಳಿದಿದ್ದರು. ಆದರೆ, ಏಷ್ಯಾ ಲಯನ್ಸ್ ವಿರುದ್ಧ ನಡೆದ ಫೈನಲ್ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ವರ್ಲ್ಡ್ ಜೈಂಟ್ಸ್ ತಂಡ 20 ಓವರ್​ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 256 ರನ್​ಗಳ ಬೃಹತ್ ಮೊತ್ತ ಪೇರಿಸಿತು.

8 ಸಿಕ್ಸರ್‌ ಮತ್ತು 94* ರನ್‌; ಕೋರಿ ಆಂಡರ್ಸನ್ ವರ್ಲ್ಡ್ ಜೈಂಟ್ಸ್ ಅಂತಿಮ ಪಂದ್ಯದಲ್ಲಿ ನ್ಯೂಜಿಲೆಂಡ್‌ನ ಕೋರಿ ಆಂಡರ್ಸನ್ ಬಿರುಸಿನ ಬ್ಯಾಟಿಂಗ್ ಮಾಡಿದರು. ಅವರು 43 ಎಸೆತಗಳಲ್ಲಿ 7 ಬೌಂಡರಿ ಮತ್ತು 8 ಸಿಕ್ಸರ್‌ಗಳನ್ನು ಒಳಗೊಂಡ ಅಜೇಯ 94 ರನ್ ಗಳಿಸಿದರು. 218 ಕ್ಕಿಂತ ಹೆಚ್ಚು ಸ್ಟ್ರೈಕ್ ರೇಟ್‌ನಲ್ಲಿ ಆಡಿದ ಆಂಡರ್ಸನ್ ಅವರ ಈ ಅಬ್ಬರದ ಇನ್ನಿಂಗ್ಸ್ ಎರಡು ಅರ್ಧಶತಕಗಳ ಜೊತೆಯಾಟಕ್ಕೂ ಸಾಕ್ಷಿಯಾಯಿತು.

ದಕ್ಷಿಣ ಆಫ್ರಿಕಾದ ಮೊರ್ಕೆಲ್​ಗೆ ಫೈನಲ್‌ನಲ್ಲಿ 3 ವಿಕೆಟ್‌ ಏಷ್ಯಾ ಲಯನ್ಸ್ ವಿರುದ್ಧದ ಫೈನಲ್‌ನಲ್ಲಿ ನ್ಯೂಜಿಲೆಂಡ್ ಬ್ಯಾಟ್ಸ್‌ಮನ್ ಬ್ಯಾಟ್‌ನೊಂದಿಗೆ ಘರ್ಜಿಸಿದ ನಂತರ, ಇದೀಗ ದಕ್ಷಿಣ ಆಫ್ರಿಕಾದ ಬೌಲರ್‌ನ ವಿಧ್ವಂಸಕ ಸರದಿ. ಏಷ್ಯಾ ಲಯನ್ಸ್ ಪರ 8 ವಿಕೆಟ್‌ಗಳಲ್ಲಿ 3 ವಿಕೆಟ್‌ಗಳನ್ನು ಏಕಾಂಗಿಯಾಗಿ ಕಬಳಿಸಿದ ಅಲ್ಬಿ ಮೊರ್ಕೆಲ್ ಈ ಜವಾಬ್ದಾರಿಯನ್ನು ವಹಿಸಿಕೊಂಡರು. 257 ರನ್‌ಗಳ ಗೆಲುವಿನ ಮೊತ್ತವನ್ನು ಬೆನ್ನಟ್ಟಿದ ಏಷ್ಯಾ ಲಯನ್ಸ್‌ನ ಇಡೀ ತಂಡ ಕೇವಲ 231 ರನ್ ಗಳಿಸುವಷ್ಟರಲ್ಲೇ ಸುಸ್ತಾದರು.

ಆಂಡರ್ಸನ್ ಮತ್ತು ಮೊರ್ನೆ ಮೊರ್ಕೆಲ್​ಗೆ ಪ್ರಶಸ್ತಿ ಆದಾಗ್ಯೂ, ಮಿಸ್ಬಾ-ಉಲ್-ಹಕ್ ನಾಯಕತ್ವದಲ್ಲಿ ಏಷ್ಯಾ ಲಯನ್ಸ್ ಡ್ಯಾರೆನ್ ಸಾಮಿ ನೇತೃತ್ವದ ವರ್ಲ್ಡ್ ಜೈಂಟ್ಸ್ ತಂಡವನ್ನು ಸೋಲಿಸಲು ತೀವ್ರವಾಗಿ ಪ್ರಯತ್ನಿಸಿತು. ಆದರೆ ಅಗ್ರ ಕ್ರಮಾಂಕದ ಪ್ರತಿಯೊಬ್ಬ ಆಟಗಾರನ ಕೊಡುಗೆಯ ನಂತರವೂ ಈ ತಂಡಕ್ಕೆ ಗೆಲ್ಲಲು ಸಾಧ್ಯವಾಗಲಿಲ್ಲ. ಕೋರಿ ಆಂಡರ್ಸನ್ ಅವರು ಏಷ್ಯಾ ಲಯನ್ಸ್ ವಿರುದ್ಧದ ವಿಶ್ವ ದೈತ್ಯರ ಫೈನಲ್ ವಿಜಯದ ಹೀರೋ ಆದರು,ಜೊತೆಗೆ ಪಂದ್ಯ ಶ್ರೇಷ್ಠ ಪ್ರಶಸ್ತಿಯನ್ನೂ ಗೆದ್ದರು. ಅದೇ ಸಮಯದಲ್ಲಿ, ದಕ್ಷಿಣ ಆಫ್ರಿಕಾದ ಮಾಜಿ ವೇಗದ ಬೌಲರ್ ಮೋರ್ನೆ ಮೊರ್ಕೆಲ್ ಅವರು ಬ್ಯಾಟ್‌ನೊಂದಿಗೆ 21 ರನ್ ಮತ್ತು ಬಾಲ್‌ನೊಂದಿಗೆ 8 ವಿಕೆಟ್‌ಗಳನ್ನು ಕಬಳಿಸಿ ಸರಣಿ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.

ಇದನ್ನೂ ಓದಿ:Under-19 World Cup 2022: ಕ್ವಾರ್ಟರ್​ ಫೈನಲ್​ನಲ್ಲಿ ಬಾಂಗ್ಲಾ ವಿರುದ್ಧ ಭಾರತಕ್ಕೆ ಭರ್ಜರಿ ಜಯ; ಸೆಮಿಫೈನಲ್​​ನಲ್ಲಿ ಎದುರಾಳಿ ಯಾರು?