Fastest century: 11 ಸಿಕ್ಸರ್, 7 ಭರ್ಜರಿ ಬೌಂಡರಿ: ಕೇವಲ 32 ಎಸೆತಗಳಲ್ಲಿ ಸ್ಪೋಟಕ ಶತಕ
Fastest Century Record: 32 ಎಸೆತಗಳ ಶತಕದ ಹೊರತಾಗಿಯೂ ಅಂಕಿತ್ ಗುಪ್ತಾ ಅವರಿಗೆ ಕ್ರಿಕೆಟ್ ಇತಿಹಾಸದ ವೇಗದ ಶತಕದ ದಾಖಲೆಯನ್ನು ಮುರಿಯಲು ಸಾಧ್ಯವಾಗಿಲ್ಲ.
Updated on: Aug 09, 2021 | 9:03 PM
ಒಂದೆಡೆ ಭಾರತ-ಇಂಗ್ಲೆಂಡ್ ನಡುವೆ ಟೆಸ್ಟ್ ಸರಣಿ ನಡೆಯುತ್ತಿದ್ದರೆ, ಮತ್ತೊಂದೆಡೆ ಆಸ್ಟ್ರೇಲಿಯಾ-ಬಾಂಗ್ಲಾದೇಶ ಟಿ20 ಸರಣಿ ಆಡುತ್ತಿದೆ. ಇನ್ನೊಂದೆಡೆ ಇಂಗ್ಲೆಂಡ್ನಲ್ಲಿ ಹೊಚ್ಚ ಹೊಸ ಕ್ರಿಕೆಟ್ ಲೀಗ್ ದಿ ಹಂಡ್ರೆಡ್ ನಡೆಯುತ್ತಿದೆ. ಇದರ ಎಡೆಯಲ್ಲಿ ಯುರೋಪಿಯನ್ ಕ್ರಿಕೆಟ್ ಸಿರೀಸ್ ಟಿ10 ಲೀಗ್ ಕೂಡ ಜರುಗುತ್ತಿದೆ. ಹೀಗೆ ಸದ್ದಿಲ್ಲದೆ ನಡೆಯುತ್ತಿದ್ದ ಟಿ10 ಲೀಗ್ ಇದೀಗ ಎಲ್ಲರ ಗಮನ ಸೆಳೆಯಲು ಕಾರಣ, ಅಂಕಿತ್ ಗುಪ್ತಾ ಅವರ ಸಿಡಿಬ್ಬರದ ಬ್ಯಾಟಿಂಗ್.
ಹೌದು, ಹಂಗೇರಿಯಲ್ಲಿ ನಡೆಯುತ್ತಿರುವ ಯುರೋಪಿಯನ್ ಕ್ರಿಕೆಟ್ ಲೀಗ್ನಲ್ಲಿ ಸೋಮವಾರ ಮೆಲ್ಮೊಹ್ಸ್-ಲ್ಯಾಂಡ್‌ಸ್ಕ್ರೋನಾ ತಂಡಗಳು ಮುಖಾಮುಖಿಯಾಗಿತ್ತು. ಟಾಸ್ ಗೆದ್ದ ಮೆಲ್ಮೊಹ್ಸ್ ತಂಡ ಮೊದಲು ಬ್ಯಾಟಿಂಗ್ ನಡೆಸಿ 10 ಓವರ್‌ಗಳಲ್ಲಿ ಐದು ವಿಕೆಟ್‌ ನಷ್ಟಕ್ಕೆ 171 ರನ್ ಕಲೆಹಾಕಿತು. ಅಂದರೆ ಕೇವಲ 60 ಎಸೆತಗಳಲ್ಲಿ ಈ ತಂಡವು ಬರೋಬ್ಬರಿ 171 ರನ್ ಚಚ್ಚಿದ್ದರು. ಹೀಗೆ ರನ್ ಸುರಿಮಳೆಗೈಯ್ಯುವಲ್ಲಿ ಪ್ರಮುಖ ಪಾತ್ರವಹಿಸಿದ್ದು ಅಂಕಿತ್ ಗುಪ್ತಾ.
ಕೇವಲ 32 ಎಸೆತಗಳನ್ನು ಎದುರಿಸಿದ ಗುಪ್ತಾ 11 ಭರ್ಜರಿ ಸಿಕ್ಸರ್ ಹಾಗೂ 7 ಫೋರ್ಗಳನ್ನು ಸಿಡಿಸಿ ಬರೋಬ್ಬರಿ 104 ರನ್ಗಳನ್ನು ಬಾರಿಸಿದ್ದರು. ಈ ಮೂಲಕ ಯುರೋಪಿಯನ್ ಟಿ10 ಲೀಗ್ನಲ್ಲಿ ಅತೀ ವೇಗದ ಶತಕ ಬಾರಿಸಿದ ದಾಖಲೆ ಬರೆದರು. ಇನ್ನು ಈ ಪಂದ್ಯದಲ್ಲಿ ಮೆಲ್ಮೊಹ್ಸ್ ನೀಡಿದ 172 ರನ್ಗಳ ಟಾರ್ಗೆಟ್ ಬೆನ್ನತ್ತಿದ ಲ್ಯಾಂಡ್‌ಸ್ಕ್ರೋನಾ ತಂಡವು ಐದು ವಿಕೆಟ್‌ ಕಳೆದುಕೊಂಡು 122 ರನ್ ಗಳಿಸಲಷ್ಟೇ ಶಕ್ತರಾದರು. ಇದರೊಂದಿಗೆ ಮೆಲ್ಮೊಹ್ಸ್ ತಂಡವು 49 ರನ್ಗಳ ಭರ್ಜರಿ ಜಯ ಸಾಧಿಸಿದೆ. ಕೇವಲ 32 ಎಸೆತಗಳಲ್ಲಿ ಬಿರುಸಿನ ಶತಕ ಸಿಡಿಸಿದ ಅಂಕಿತ್ ಗುಪ್ತಾ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದರು.
32 ಎಸೆತಗಳ ಶತಕದ ಹೊರತಾಗಿಯೂ ಅಂಕಿತ್ ಗುಪ್ತಾ ಅವರಿಗೆ ಕ್ರಿಕೆಟ್ ಇತಿಹಾಸದ ವೇಗದ ಶತಕದ ದಾಖಲೆಯನ್ನು ಮುರಿಯಲು ಸಾಧ್ಯವಾಗಿಲ್ಲ. 2015 ರಲ್ಲಿ ವೆಸ್ಟ್ ಇಂಡೀಸ್ ವಿರುದ್ದ ದಕ್ಷಿಣ ಆಫ್ರಿಕಾದ ಎಬಿ ಡಿವಿಲಿಯರ್ಸ್ ಕೇವಲ 31 ಎಸೆತಗಳಲ್ಲಿ ಶತಕ ಬಾರಿಸಿರುವುದು ಕ್ರಿಕೆಟ್ ಇತಿಹಾಸದ ಅತ್ಯಂತ ವೇಗದ ಸೆಂಚುರಿ ದಾಖಲೆಯನ್ನು ಉಳಿಸಿಕೊಂಡಿದೆ.
ಇದನ್ನೂ ಓದಿ: IPL 2021: ಐಪಿಎಲ್ನ ಹೊಸ ನಿಯಮದಿಂದ ಯಾರಿಗೆ ಅನುಕೂಲ?
ಇದನ್ನೂ ಓದಿ: India vs England: ಇಂಗ್ಲೆಂಡ್ ಡ್ರಾ ಸಾಧಿಸಿದ್ರು, ಗೆದ್ದಿದ್ದು ಭಾರತ..!
(malmohus vs landskrona T10: Ankith gupta century by just 32 balls)
