MI vs Csk Prediction Playing XI: ಸೋಲಿನ ಸುಳಿಯಲ್ಲಿರುವ ಉಭಯ ತಂಡಗಳಲ್ಲಿ ಬದಲಾವಣೆಯಂತೂ ಖಚಿತ; ಹೀಗಿದೆ ಸಂಭಾವ್ಯ-11
MI vs Csk Prediction Playing XI: ಮುಂಬೈ ಬೌಲಿಂಗ್ ದುರ್ಬಲವಾಗಿದೆ. ಟೈಮಲ್ ಮಿಲ್ಸ್ ಅಥವಾ ಡೇನಿಯಲ್ ಸ್ಯಾಮ್ಸ್ ಇಬ್ಬರೂ ಬುಮ್ರಾ ಅವರನ್ನು ಬೆಂಬಲಿಸಲು ಸಾಧ್ಯವಾಗಲಿಲ್ಲ. ಜಯದೇವ್ ಉನದ್ಕತ್ ಮತ್ತು ಬಸಿಲ್ ಥಂಪಿ ಕೂಡ ನಿರಾಸೆ ಮೂಡಿಸಿದ್ದಾರೆ.
Updated on: Apr 20, 2022 | 6:39 PM
ಐಪಿಎಲ್ನಲ್ಲಿ (IPL 2022) ಇಲ್ಲಿಯವರೆಗೆ ಡಮ್ಮಿ ತಂಡಗಳೆಂದು ಸಾಬೀತಾಗಿರುವ ಎರಡು ತಂಡಗಳೆಂದರೆ ಮುಂಬೈ ಇಂಡಿಯನ್ಸ್ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ (Mumbai Indians and Chennai Super Kings). ಈ ಎರಡು ತಂಡಗಳು ಐಪಿಎಲ್‌ನ ಅತ್ಯಂತ ಯಶಸ್ವಿ ತಂಡಗಳೆಂದು ಪರಿಗಣಿಸಲ್ಪಟ್ಟಿವೆ. ಮುಂಬೈ ಐದು ಬಾರಿ ಐಪಿಎಲ್ ಪ್ರಶಸ್ತಿ ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದರೆ, ಚೆನ್ನೈ ತಂಡ ನಾಲ್ಕು ಬಾರಿ ಟೂರ್ನಿಯನ್ನು ಗೆದ್ದುಕೊಂಡಿದೆ. ಆದಾಗ್ಯೂ, ಈ ಋತುವಿನಲ್ಲಿ ಗೆಲ್ಲುವುದು ಈ ಎರಡೂ ತಂಡಗಳಿಗೆ ಕಷ್ಟಕರವಾದ ಕೆಲಸ ಎಂದು ಸಾಬೀತಾಗಿದೆ. ಆರು ಪಂದ್ಯಗಳನ್ನು ಆಡಿದ ಮುಂಬೈಗೆ ಗೆಲುವಿನ ಖಾತೆ ತೆರೆಯಲು ಸಾಧ್ಯವಾಗಲಿಲ್ಲ, ಆದರೆ ಚೆನ್ನೈ ಆರು ಪಂದ್ಯಗಳಲ್ಲಿ ಒಂದನ್ನು ಮಾತ್ರ ಗೆದ್ದಿದೆ. ಇದೀಗ ಈ ಎರಡು ತಂಡಗಳು ನವಿ ಮುಂಬೈನ ಡಿವೈ ಪಾಟೀಲ್ ಕ್ರೀಡಾಂಗಣದಲ್ಲಿ ಗುರುವಾರ ಮುಖಾಮುಖಿಯಾಗಲಿವೆ.
ಬೌಲಿಂಗ್ ವಿಭಾಗ ಎರಡೂ ತಂಡಗಳಿಗೆ ಚಿಂತೆಯ ವಿಷಯವಾಗಿದೆ. ಜಸ್ಪ್ರೀತ್ ಬುಮ್ರಾ ಅವರನ್ನು ಬೆಂಬಲಿಸುವ ಯಾವುದೇ ಬೌಲರ್ ಮುಂಬೈಗೆ ಸಿಗುತ್ತಿಲ್ಲ. ಅದೇ ವೇಳೆ ಚೆನ್ನೈ ಬೌಲಿಂಗ್ ಕೂಡ ದುರ್ಬಲವಾಗಿ ಕಾಣುತ್ತಿದೆ. ರೋಹಿತ್ ಶರ್ಮಾ ಅವರ ಕಳಪೆ ಫಾರ್ಮ್ ಮುಂಬೈಗೆ ಮತ್ತೊಂದು ಚಿಂತೆಯಾಗಿದೆ. ಇದುವರೆಗೆ ಅವರ ಬ್ಯಾಟ್‌ನಿಂದ ಯಾವುದೇ ಅರ್ಧಶತಕ ಬಂದಿಲ್ಲ. ಹೀಗಿರುವಾಗ ಮುಂದಿನ ಪಂದ್ಯದಲ್ಲಿ ಈ ಎರಡೂ ತಂಡಗಳಲ್ಲಿ ಬದಲಾವಣೆಯಾಗುವ ಸಾಧ್ಯತೆ ಇದೆ.
ಮುಂಬೈ ಈ ಆಟಗಾರನಿಗೆ ಅವಕಾಶ ನೀಡಲಿದೆ ಮುಂಬೈ ಬೌಲಿಂಗ್ ದುರ್ಬಲವಾಗಿದೆ. ಟೈಮಲ್ ಮಿಲ್ಸ್ ಅಥವಾ ಡೇನಿಯಲ್ ಸ್ಯಾಮ್ಸ್ ಇಬ್ಬರೂ ಬುಮ್ರಾ ಅವರನ್ನು ಬೆಂಬಲಿಸಲು ಸಾಧ್ಯವಾಗಲಿಲ್ಲ. ಜಯದೇವ್ ಉನದ್ಕತ್ ಮತ್ತು ಬಸಿಲ್ ಥಂಪಿ ಕೂಡ ನಿರಾಸೆ ಮೂಡಿಸಿದ್ದಾರೆ. ಇಂತಹ ಪರಿಸ್ಥಿತಿಯಲ್ಲಿ ರೋಹಿತ್ ಶರ್ಮಾ ರಿಲೇ ಮೆರೆಡಿತ್ಗೆ ಅವಕಾಶ ನೀಡಬಹುದು. ಮುಂಬೈ ಈ ವರ್ಷ ಅವರನ್ನು ಒಂದು ಕೋಟಿ ರೂಪಾಯಿಗೆ ಖರೀದಿಸಿತ್ತು. ಆದರೆ ಇನ್ನೂ ಒಂದೇ ಒಂದು ಪಂದ್ಯವನ್ನೂ ಆಡಿಸಲಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ ಅವರು ಮುಂದಿನ ಪಂದ್ಯದಲ್ಲಿ ಆಡುವ ಸಾಧ್ಯತೆ ಹೆಚ್ಚಿದೆ. ಮತ್ತೊಂದೆಡೆ, ಮುರುಗನ್ ಅಶ್ವಿನ್ ತಮ್ಮ ಸ್ಪಿನ್‌ನಿಂದ ಪ್ರಭಾವಿತರಾಗಲು ಸಾಧ್ಯವಾಗಲಿಲ್ಲ. ಅವರ ಬದಲಿ ಆಟಗಾರನಾಗಿ, ತಂಡವು ನಾಲ್ಕು ವರ್ಷಗಳ ಹಿಂದೆಯೂ ತಂಡದೊಂದಿಗೆ ಇದ್ದ ಮಯಾಂಕ್ ಮಾರ್ಕಾಂಡೆ ಅವರನ್ನು ಹೊಂದಿದೆ. ಹೀಗಾಗಿ ತಂಡವು ತನ್ನ ಹಳೆಯ ಸಹ ಆಟಗಾರನಿಗೆ ಅವಕಾಶ ನೀಡಬಹುದು.
ಈ ಆಟಗಾರ ಚೆನ್ನೈ ತಂಡದಿಂದ ಹೊರ ಹೋಗಲಿದ್ದಾರೆ ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧದ ಕೊನೆಯ ಪಂದ್ಯದಲ್ಲಿ ಚೆನ್ನೈ ತಂಡ ಜಯಭೇರಿ ಬಾರಿಸಿದಂತೆ ಕಂಡರೂ ಕ್ರಿಸ್ ಜೋರ್ಡಾನ್ ಮಾಡಿದ ದುಬಾರಿ ಓವರ್ ಪಂದ್ಯವನ್ನು ತಲೆಕೆಳಗಾಗಿಸಿತ್ತು. ಇಂತಹ ಪರಿಸ್ಥಿತಿಯಲ್ಲಿ ರವೀಂದ್ರ ಜಡೇಜಾ ಜೋರ್ಡಾನ್ ಬಿಟ್ಟು ದಕ್ಷಿಣ ಆಫ್ರಿಕಾದ ಡ್ವೇನ್ ಪ್ರಿಟೋರಿಯಸ್ಗೆ ಅವಕಾಶ ನೀಡಬಹುದು. ಈ ಋತುವಿನಲ್ಲಿ ಎರಡು ಪಂದ್ಯಗಳನ್ನು ಆಡಿರುವ ಅವರು ನಾಲ್ಕು ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಜೊತೆಗೆ ತಮ್ಮ ಡೆತ್ ಬೌಲಿಂಗ್‌ನಿಂದ ಬಹಳಷ್ಟು ಪ್ರಭಾವಿತರಾಗಿದ್ದಾರೆ. ಅದೇ ಸಮಯದಲ್ಲಿ, ಮುಖೇಶ್ ಚೌಧರಿ ಅವರು ನಿರಂತರ ಅವಕಾಶಗಳನ್ನು ಪಡೆಯುತ್ತಿದ್ದಾರೆ ಆದರೆ ಹೆಚ್ಚು ಪ್ರಭಾವ ಬೀರಲು ಸಾಧ್ಯವಾಗಲಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ ಅಂಡರ್-19 ತಂಡದ ಸ್ಟಾರ್ ಆಟಗಾರ ರಾಜವರ್ಧನ್ ಹೆಂಗರ್ಗೆಕರ್ ಅವರಿಗೆ ಅವಕಾಶ ಸಿಗಬಹುದು.
ಎರಡೂ ತಂಡಗಳ ಸಂಭಾವ್ಯ-11 ಚೆನ್ನೈ ಸೂಪರ್ ಕಿಂಗ್ಸ್- ರವೀಂದ್ರ ಜಡೇಜಾ (ನಾಯಕ), ರಿತುರಾಜ್ ಗಾಯಕ್ವಾಡ್, ರಾಬಿನ್ ಉತ್ತಪ್ಪ, ಮೊಯಿನ್ ಅಲಿ, ಅಂಬಟಿ ರಾಯುಡು, ಶಿವಂ ದುಬೆ, ಮಹೇಂದ್ರ ಸಿಂಗ್ ಧೋನಿ, ಡ್ವೇನ್ ಬ್ರಾವೋ, ಡ್ವೇನ್ ಪ್ರಿಟೋರಿಯಸ್, ಮುಖೇಶ್ ಚೌಧರಿ, ಮಹಿಷ್ ಟೀಕ್ಷಣ.
ಮುಂಬೈ ಇಂಡಿಯನ್ಸ್- ರೋಹಿತ್ ಶರ್ಮಾ (ನಾಯಕ), ಇಶಾನ್ ಕಿಶನ್, ಡೆವಾಲ್ಡ್ ಬ್ರೆವಿಸ್, ಸೂರ್ಯಕುಮಾರ್ ಯಾದವ್, ತಿಲಕ್ ವರ್ಮಾ, ಕೀರಾನ್ ಪೊಲಾರ್ಡ್, ಫ್ಯಾಬಿಯನ್ ಅಲೆನ್, ಜಯದೇವ್ ಉನದ್ಕತ್, ಮಯಾಂಕ್ ಮಾರ್ಕಾಂಡೆ, ಜಸ್ಪ್ರೀತ್ ಬುಮ್ರಾ, ಟೈಮಲ್ ಮಿಲ್ಸ್.
ಇದನ್ನೂ ಓದಿ:IPL 2022: ಸೋಲಿನ ಸುಳಿಯಲ್ಲಿರುವ ಡೆಲ್ಲಿ ತಂಡಕ್ಕೆ ಕೊರೊನಾ ಕಾಟ; ತಂಡದ ಮತ್ತೊಬ್ಬ ಆಟಗಾರನಲ್ಲಿ ಸೋಂಕು ಪತ್ತೆ!
