T10 League 2023: ಟಿ10 ಲೀಗ್ ಟ್ರೋಫಿ ಎತ್ತಿ ಹಿಡಿದ ಪೊಲಾರ್ಡ್ ಪಡೆ
New York Strikers vs Deccan Gladiators: ಈ ಸ್ಪರ್ಧಾತ್ಮಕ ಮೊತ್ತವನ್ನು ಬೆನ್ನತ್ತಿದ ನ್ಯೂಯಾರ್ಕ್ ಸ್ಟ್ರೈಕರ್ಸ್ ತಂಡವು ಆರಂಭದಲ್ಲೇ ಮುಹಮ್ಮದ್ ವಸೀಮ್ (6) ಹಾಗೂ ರಹಮಾನುಲ್ಲಾ ಗುರ್ಬಾಝ್ (1) ವಿಕೆಟ್ ಕಳೆದುಕೊಂಡಿತು. ಇನ್ನು 3ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ನಿರೋಶನ್ ಡಿಕ್ವೆಲ್ಲಾ 14 ರನ್ಗಳಿಸಿ ಔಟಾದರು.
Updated on: Dec 10, 2023 | 2:24 PM
ಅಬುಧಾಬಿಯಲ್ಲಿ ನಡೆದ ಟಿ10 ಲೀಗ್ನ (T10 League 2023) ಫೈನಲ್ ಪಂದ್ಯದಲ್ಲಿ ಡೆಕ್ಕನ್ ಗ್ಲಾಡಿಯೇಟರ್ಸ್ ತಂಡಕ್ಕೆ ಸೋಲುಣಿಸಿ ನ್ಯೂಯಾರ್ಕ್ ಸ್ಟ್ರೈಕರ್ಸ್ ಚೊಚ್ಚಲ ಬಾರಿಗೆ ಚಾಂಪಿಯನ್ ಪಟ್ಟಕ್ಕೇರಿದೆ. ಈ ಪಂದ್ಯದಲ್ಲಿ ಟಾಸ್ ಗೆದ್ದ ನ್ಯೂಯಾರ್ಕ್ ಸ್ಟ್ರೈಕರ್ಸ್ ತಂಡದ ನಾಯಕ ಕೀರನ್ ಪೊಲಾರ್ಡ್ ಬೌಲಿಂಗ್ ಆಯ್ಕೆ ಮಾಡಿಕೊಂಡಿದ್ದರು. ಅದರಂತೆ ಮೊದಲು ಬ್ಯಾಟ್ ಮಾಡಿದ ಡೆಕ್ಕನ್ ಗ್ಲಾಡಿಯೇಟರ್ಸ್ ಉತ್ತಮ ಆರಂಭ ಪಡೆದಿರಲಿಲ್ಲ.
ಆರಂಭಿಕರಾದ ಕ್ಯಾಡ್ಮೋರ್ (13) ಹಾಗೂ ಪೂರನ್ (15) 28 ರನ್ಗಳಿಸುಷ್ಟುವಲ್ಲಿ ಔಟಾದರು. ಇನ್ನು ಆ್ಯಂಡ್ರೆ ಫ್ಲೆಚರ್ ಇನಿಂಗ್ಸ್ 5 ರನ್ಗಳಿಗೆ ಸೀಮಿತವಾಯಿತು. ಮತ್ತೊಂದೆಡೆ ಮಧ್ಯಮ ಕ್ರಮಾಂಕದಲ್ಲಿ ಬ್ಯಾಟ್ ಬೀಸಿದ ಆ್ಯಂಡ್ರೆ ರಸೆಲ್ 18 ಎಸೆತಗಳಲ್ಲಿ 2 ಸಿಕ್ಸ್ ಹಾಗೂ 2 ಫೋರ್ಗಳೊಂದಿಗೆ ಅಜೇಯ 30 ರನ್ ಬಾರಿಸಿದರು. ಇನ್ನು ರಸೆಲ್ಗೆ ಸಾಥ್ ನೀಡಿದ ಡೇವಿಡ್ ವೀಝ 11 ಎಸೆತಗಳಲ್ಲಿ 20 ರನ್ ಚಚ್ಚಿದರು. ಈ ಬಿರುಸಿನ ಬ್ಯಾಟಿಂಗ್ ನೆರವಿನಿಂದ ಡೆಕ್ಕನ್ ಗ್ಲಾಡಿಯೇಟರ್ಸ್ ತಂಡವು 10 ಓವರ್ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 91 ರನ್ ಕಲೆಹಾಕಿತು.
ಈ ಸ್ಪರ್ಧಾತ್ಮಕ ಮೊತ್ತವನ್ನು ಬೆನ್ನತ್ತಿದ ನ್ಯೂಯಾರ್ಕ್ ಸ್ಟ್ರೈಕರ್ಸ್ ತಂಡವು ಆರಂಭದಲ್ಲೇ ಮುಹಮ್ಮದ್ ವಸೀಮ್ (6) ಹಾಗೂ ರಹಮಾನುಲ್ಲಾ ಗುರ್ಬಾಝ್ (1) ವಿಕೆಟ್ ಕಳೆದುಕೊಂಡಿತು. ಇನ್ನು 3ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ನಿರೋಶನ್ ಡಿಕ್ವೆಲ್ಲಾ 14 ರನ್ಗಳಿಸಿ ಔಟಾದರು.
ಈ ಹಂತದಲ್ಲಿ ಜೊತೆಗೂಡಿದ ಆಸಿಫ್ ಅಲಿ ಹಾಗೂ ಕೀರನ್ ಪೊಲಾರ್ಡ್ ಅತ್ಯುತ್ತಮ ಬ್ಯಾಟಿಂಗ್ ಪ್ರದರ್ಶಿಸಿದರು. ನ್ಯೂಯಾರ್ಕ್ ಸ್ಟ್ರೈಕರ್ಸ್ ಬೌಲರ್ಗಳನ್ನು ಮನಸೋ ಇಚ್ಛೆ ದಂಡಿಸಿದ ಈ ಜೋಡಿಯು ಅರ್ಧಶತಕದ ಜೊತೆಯಾಟವಾಡಿದರು.
ಅಂತಿಮವಾಗಿ ಆಸಿಫ್ ಅಲಿ 25 ಎಸೆತಗಳಲ್ಲಿ 4 ಸಿಕ್ಸ್ ಹಾಗೂ 2 ಫೋರ್ಗಳೊಂದಿಗೆ ಅಜೇಯ 48 ರನ್ ಬಾರಿಸಿದರೆ, ಕೀರನ್ ಪೊಲಾರ್ಡ್ 13 ಎಸೆತಗಳಲ್ಲಿ 1 ಸಿಕ್ಸ್ ಹಾಗೂ 1 ಫೋರ್ನೊಂದಿಗೆ ಅಜೇಯ 22 ರನ್ ಸಿಡಿಸಿದರು. ಈ ಮೂಲಕ 9.2 ಓವರ್ಗಳಲ್ಲಿ 3 ವಿಕೆಟ್ ಕಳೆದುಕೊಂಡು ನ್ಯೂಯಾರ್ಕ್ ಸ್ಟ್ರೈಕರ್ಸ್ ತಂಡವು 94 ರನ್ ಬಾರಿಸಿ 7 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿತು.
ಈ ಗೆಲುವಿನೊಂದಿಗೆ ಕೀರನ್ ಪೊಲಾರ್ಡ್ ನಾಯಕತ್ವದ ನ್ಯೂಯಾರ್ಕ್ ಸ್ಟ್ರೈಕರ್ಸ್ ತಂಡವು ಚೊಚ್ಚಲ ಬಾರಿಗೆ ಟಿ10 ಲೀಗ್ನಲ್ಲಿ ಚಾಂಪಿಯನ್ ಪಟ್ಟ ಅಲಂಕರಿಸಿದೆ.
And we have done it! Winners of Abu Dhabi T10 💜🔥#NewYorkStrikers #NYSSquad #T10League #ADT10#CricketsFastestFormat #AbuDhabiT10#StrikeFearlessly pic.twitter.com/S0KmuHhIB7
— New York Strikers (@NewYorkStrikers) December 9, 2023
ನ್ಯೂಯಾರ್ಕ್ ಸ್ಟ್ರೈಕರ್ಸ್ ಪ್ಲೇಯಿಂಗ್ 11: ಮುಹಮ್ಮದ್ ವಸೀಮ್ , ನಿರೋಶನ್ ಡಿಕ್ವೆಲ್ಲಾ (ವಿಕೆಟ್ ಕೀಪರ್) , ಆಸಿಫ್ ಅಲಿ , ಕೀರನ್ ಪೊಲಾರ್ಡ್ (ನಾಯಕ) , ಓಡಿಯನ್ ಸ್ಮಿತ್ , ಚಾಮಿಕಾ ಕರುಣಾರತ್ನೆ , ಸುನಿಲ್ ನರೈನ್ , ಮೊಹಮ್ಮದ್ ಅಮೀರ್ , ಅಕೇಲ್ ಹೊಸೈನ್ , ಮುಹಮ್ಮದ್ ಜವಾದುಲ್ಲಾ , ಜಾರ್ಜ್ ಸ್ಕ್ರಿಮ್ಶಾ , ರಹಮಾನುಲ್ಲಾ ಗುರ್ಬಾಝ್.
ಇದನ್ನೂ ಓದಿ: IPL 2024: ಕೈ ಕೊಡುವ ಭಯದಲ್ಲೇ ಸ್ಟಾರ್ ಆಟಗಾರನ ಕೈ ಬಿಟ್ಟ RCB..!
ಡೆಕ್ಕನ್ ಗ್ಲಾಡಿಯೇಟರ್ಸ್ ಪ್ಲೇಯಿಂಗ್ 11: ನಿಕೋಲಸ್ ಪೂರನ್ (ನಾಯಕ) , ಟಾಮ್ ಕೊಹ್ಲರ್-ಕಾಡ್ಮೋರ್ , ಆಂಡ್ರೆ ಫ್ಲೆಚರ್ (ವಿಕೆಟ್ ಕೀಪರ್) , ಆಂಡ್ರೆ ರಸೆಲ್ , ಇಮಾದ್ ವಾಸಿಮ್ , ಫ್ಯಾಬಿಯನ್ ಅಲೆನ್ , ಡೇವಿಡ್ ವೀಝ, ನುವಾನ್ ತುಷಾರ , ಜಹೂರ್ ಖಾನ್ , ಮೊಹಮ್ಮದ್ ಜಾಹಿದ್ , ಟ್ರೆಂಟ್ ಬೌಲ್ಟ್ , ವಕಾರ್ ಸಲಾಮ್.
