AUS vs PAK: ಪಾಕ್ ತಂಡದ ಸೋಲಿಗೆ ನಾಯಕ ಬಾಬರ್ ದೂರಿದ್ದು ಯಾರನ್ನು ಗೊತ್ತಾ?
AUS vs PAK: ಆಸ್ಟ್ರೇಲಿಯ ವಿರುದ್ಧದ ಪಂದ್ಯದಲ್ಲಿ 62 ರನ್‌ಗಳಿಂದ ಸೋಲುವುದಕ್ಕೆ ಪಾಕ್ ತಂಡದ ಕಳಪೆ ಫೀಲ್ಡಿಂಗ್ಗೆ ಪ್ರಮುಖ ಕಾರಣವಾಯಿತು. ಇದನ್ನು ಪಾಕ್ ನಾಯಕ ಬಾಬರ್ ಆಝಂ ಕೂಡ ಒಪ್ಪಿಕೊಂಡಿದ್ದು, ಪಂದ್ಯದ ನಂತರ ಮಾತನಾಡಿದ ಬಾಬರ್, ಒಂದು ಕ್ಯಾಚ್ ಕೈಚೆಲ್ಲಿದು ಎಷ್ಟು ದುಬಾರಿಯಾಯಿತು ಎಂಬುದನ್ನು ಒಪ್ಪಿಕೊಂಡರು.
Updated on: Oct 21, 2023 | 6:29 AM
ಒಂದು ತಂಡ ಗೆಲುವು ಸಾಧಿಸಬೇಕೆಂದರೆ ತಂಡದ ಎಲ್ಲಾ ವಿಭಾಗವೂ ಉತ್ತಮ ಪ್ರದರ್ಶನ ನೀಡುವುದು ಅವಶ್ಯಕ. ಬ್ಯಾಟಿಂಗ್ ಅಥವಾ ಬೌಲಿಂಗ್ ವಿಭಾಗ ಮಾತ್ರ ಉತ್ತಮ ಪ್ರದರ್ಶನ ನೀಡಿದರೆ ಸಾಲದು. ಬದಲಿಗೆ ಫೀಲ್ಡಿಂಗ್ ವಿಭಾಗವೂ ಅದ್ಭುತ ಪ್ರದರ್ಶನ ನೀಡಬೇಕು. ಆಗ ಮಾತ್ರ ಒಂದು ತಂಡಕ್ಕೆ ಸುಲಭವಾಗಿ ಜಯ ದಕ್ಕುತ್ತದೆ. ಆದರೆ ಮೈದಾನದಲ್ಲಿ ಮಾಡುವ ಕಳಪೆ ಫೀಲ್ಡಿಂಗ್ ಎಷ್ಟು ದುಬಾರಿಯಾಗಬಹುದು ಎಂಬುದಕ್ಕೆ ಪಾಕಿಸ್ತಾನ ತಂಡ (Pakistan Cricket Team) ಒಂದು ಉತ್ತಮ ಉದಾಹರಣೆಯಾಗಿದೆ. ಬೌಲಿಂಗ್ನಲ್ಲಿ ನಂಬರ್ ಒನ್ ತಂಡ ಎಂದು ಹೇಳಿಕೊಳ್ಳುವ ಪಾಕ್ ತಂಡ ಫೀಲ್ಡಿಂಗ್ನಲ್ಲಿ ಮಾತ್ರ ಹೀನಾಯ ಸ್ಥಿತಿಗೆ ತಲುಪಿದೆ. ಆಸ್ಟ್ರೇಲಿಯ ವಿರುದ್ಧದ ಪಂದ್ಯದಲ್ಲಿ (Australia vs Pakistan) 62 ರನ್‌ಗಳಿಂದ ಸೋಲುವುದಕ್ಕೆ ಪಾಕ್ ತಂಡದ ಕಳಪೆ ಫೀಲ್ಡಿಂಗ್ಗೆ ಪ್ರಮುಖ ಕಾರಣವಾಯಿತು. ಇದನ್ನು ಪಾಕ್ ನಾಯಕ ಬಾಬರ್ ಆಝಂ (Babar Azam) ಕೂಡ ಒಪ್ಪಿಕೊಂಡಿದ್ದು, ಪಂದ್ಯದ ನಂತರ ಮಾತನಾಡಿದ ಬಾಬರ್, ಒಂದು ಕ್ಯಾಚ್ ಕೈಚೆಲ್ಲಿದು ಎಷ್ಟು ದುಬಾರಿಯಾಯಿತು ಎಂಬುದನ್ನು ಒಪ್ಪಿಕೊಂಡರು.
ಬಾಬರ್ ಹೇಳಿದ್ದೇನು?
ಪಂದ್ಯದ ನಂತರ ಮಾತನಾಡಿದ ಬಾಬರ್, ‘ಇಂದು ನಮ್ಮ ಪ್ರದರ್ಶನ ನಿರಾಶಾದಾಯಕವಾಗಿತ್ತು. ವಾರ್ನರ್‌ನಂತಹ ಆಟಗಾರ ನೀಡಿದ ಕ್ಯಾಚ್ ಅನ್ನು ಕೈಬಿಟ್ಟರೆ, ಅದು ತಂಡದ ಸೋಲಿಗೆ ಕಾರಣವಾಗಬಹುದು. ಇದು ಸ್ಕೋರಿಂಗ್ ಮೈದಾನವಾಗಿತ್ತು. ಆದರೆ ಟಾರ್ಗೆಟ್ ದೊಡ್ಡದಿದ್ದರಿಂದ ಗೆಲ್ಲಲಲು ಸಾಧ್ಯವಾಗಲಿಲ್ಲ. ಪಂದ್ಯದ ಕೊನೆಯ ಓವರ್‌ಗಳಲ್ಲಿ ನಾವು ಪುನರಾಗಮನ ಮಾಡಿದೆವು. ಇದರ ಪೂರ್ಣ ಶ್ರೇಯವು ವೇಗಿಗಳು ಮತ್ತು ಸ್ಪಿನ್ನರ್‌ಗಳಿಗೆ ಸಲ್ಲುತ್ತದೆ. ಆದರೆ ರನ್ ಚೇಸ್ ಮಾಡುವಾಗ ದೊಡ್ಡ ಜೊತೆಯಾಟ ಮಾಡಲು ಸಾಧ್ಯವಾಗಲಿಲ್ಲ ಎಂದು ಬಾಬರ್ ಆಝಂ ಹೇಳಿದರು.
AUS vs PAK: 4,6,1,4,4,4.. ಹ್ಯಾರಿಸ್ ರೌಫ್ ಬೆವರಿಳಿಸಿದ ಆಸೀಸ್ ಆರಂಭಿಕರು! ವಿಡಿಯೋ ನೋಡಿ
10 ರನ್‌ಗಳಿಗೆ ಔಟಾಗಬೇಕಿತ್ತು
ಈ ಪಂದ್ಯದಲ್ಲಿ ಡೇವಿಡ್ ವಾರ್ನರ್ 124 ಎಸೆತಗಳಲ್ಲಿ 14 ಬೌಂಡರಿ ಹಾಗೂ 9 ಸಿಕ್ಸರ್‌ಗಳ ನೆರವಿನಿಂದ 163 ರನ್ ಗಳಿಸಿದರು. ವಾಸ್ತವವಾಗಿ, ಡೇವಿಡ್ ವಾರ್ನರ್ ಕೇವಲ 10 ರನ್‌ಗಳಿಗೆ ಔಟಾಗಬೇಕಿತ್ತು. ಆದರೆ ಶಾಹೀನ್ ಅಫ್ರಿದಿ ಬೌಲಿಂಗ್ನಲ್ಲಿ ವಾರ್ನರ್ ನೀಡಿದ ಸುಲಭ ಕ್ಯಾಚ್ ಅನ್ನು ಉಸಾಮಾ ಮಿರ್ ಕೈಬಿಟ್ಟರು. ಆ ಬಳಿಕ ಈ ಕ್ಯಾಚ್ ಎಷ್ಟು ದುಬಾರಿಯಾಯಿತು ಎಂದರೆ, ವಾರ್ನರ್ ಈ ಪಂದ್ಯದಲ್ಲಿ ಬರೋಬ್ಬರಿ 163 ರನ್ ಸಿಡಿಸಿದರು.
ಮುಂದಿನ ಪಂದ್ಯ ಯಾವಾಗ?
ಆಸ್ಟ್ರೇಲಿಯಾ ತನ್ನ ಮುಂದಿನ ಪಂದ್ಯವನ್ನು ಇತ್ತೀಚಿಗೆ ಧರ್ಮಶಾಲಾದಲ್ಲಿ ದಕ್ಷಿಣ ಆಫ್ರಿಕಾವನ್ನು ಸೋಲಿಸಿದ ನೆದರ್ಲ್ಯಾಂಡ್ಸ್ ವಿರುದ್ಧ ಅಕ್ಟೋಬರ್ 25 ರಂದು ದೆಹಲಿಯಲ್ಲಿ ಎದುರಿಸಲಿದೆ. ಹಾಗೆಯೇ ಪಾಕಿಸ್ತಾನವು ಕೂಡ ಅಕ್ಟೋಬರ್ 23 ರಂದು ಅಫ್ಘಾನಿಸ್ತಾನವನ್ನು ಎದುರಿಸಲು ಚೆನ್ನೈಗೆ ತೆರಳಲಿದೆ. ಆಸ್ಟ್ರೇಲಿಯಾ ಈಗ ಎರಡು ಗೆಲುವು ಮತ್ತು ಎರಡು ಸೋಲುಗಳೊಂದಿಗೆ ನಾಲ್ಕನೇ ಸ್ಥಾನಕ್ಕೆ ಏರಿದ್ದರೆ, ಪಾಕಿಸ್ತಾನವು ಅದೇ ಅಂಕಿಅಂಶಗಳನ್ನು ಹೊಂದಿದ್ದು ಪಾಯಿಂಟ್ ಟೇಬಲ್‌ನಲ್ಲಿ ಐದನೇICCICC world cup, world cup, ಸ್ಥಾನದಲ್ಲಿದೆ.
ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
