World Record: 7 ಶತಕಗಳು, 1768 ರನ್…101 ವರ್ಷಗಳ ವಿಶ್ವದಾಖಲೆ ಉಡೀಸ್..!
Pakistan vs England 1st Test: ರಾವಲ್ಪಿಂಡಿಯಲ್ಲಿ ಟೆಸ್ಟ್ ಜಯ ಇಂಗ್ಲೆಂಡ್ ಪಾಲಿಗೆ ಸ್ಮರಣೀಯ ಗೆಲುವಾಗಿದೆ. ಏಕೆಂದರೆ 17 ವರ್ಷಗಳ ಬಳಿಕ ಪಾಕಿಸ್ತಾನದಲ್ಲಿ ಇಂಗ್ಲೆಂಡ್ ಟೆಸ್ಟ್ ಸರಣಿ ಆಡುತ್ತಿದ್ದು, 22 ವರ್ಷಗಳ ಪಾಕ್ ನೆಲದಲ್ಲಿ ಆಂಗ್ಲರು ಟೆಸ್ಟ್ ಪಂದ್ಯವನ್ನು ಗೆದ್ದಿದ್ದಾರೆ.
ಕ್ರೀಡಾಲೋಕದಲ್ಲಿ...ದಾಖಲೆಗಳು ಇರುವುದೇ ಮುರಿಯುದಕ್ಕೆ ಎಂಬ ಮಾತಿದೆ. ಆದರೆ ಕೆಲವೊಂದು ದಾಖಲೆಯನ್ನು ಮುರಿಯುವುದಿರಲಿ, ಅದರ ಹತ್ತಿರ ಸುಳಿಯಲೂ ಕೂಡ ಸಾಧ್ಯವಾಗುವುದಿಲ್ಲ. ಅಂತಹದೊಂದು ವಿಶ್ವ ದಾಖಲೆಯನ್ನು ಮುರಿದು ಇದೀಗ ಇಂಗ್ಲೆಂಡ್-ಪಾಕಿಸ್ತಾನ್ ಐತಿಹಾಸಿಕ ಸಾಧನೆ ಮಾಡಿದೆ.
1 / 8
ರಾವಲ್ಪಿಂಡಿಯಲ್ಲಿ ನಡೆದ ಪಾಕಿಸ್ತಾನ್ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡವು 74 ರನ್ಗಳ ಭರ್ಜರಿ ಜಯ ಸಾಧಿಸಿದೆ. ಇದರೊಂದಿಗೆ 101 ವರ್ಷಗಳ ಹಳೆಯ ವಿಶ್ವ ದಾಖಲೆ ಅಳಿಸಿ ಹೋಗಿರುವುದು ವಿಶೇಷ.
2 / 8
ಆ ವಿಶ್ವ ದಾಖಲೆ ಯಾವುದೆಂದರೆ...ರನ್ಗಳ ರೆಕಾರ್ಡ್. ಟೆಸ್ಟ್ ಪಂದ್ಯವೊಂದರಲ್ಲಿ ಅತ್ಯಧಿಕ ರನ್ಗಳಿಸಿದ ದಾಖಲೆ ಇದೀಗ ಇಂಗ್ಲೆಂಡ್-ಪಾಕಿಸ್ತಾನ್ ತಂಡಗಳ ಪಾಲಾಗಿದೆ. ಈ ಪಂದ್ಯದಲ್ಲಿ ಒಟ್ಟು 1768 ರನ್ಗಳಿಸಿ ಉಭಯ ತಂಡಗಳು ಟೆಸ್ಟ್ ಇತಿಹಾಸದಲ್ಲೇ ಹೊಸ ವಿಶ್ವ ದಾಖಲೆಯನ್ನು ನಿರ್ಮಿಸಿದೆ.
3 / 8
ಈ ಹಿಂದೆ ಟೆಸ್ಟ್ ಪಂದ್ಯವೊಂದರಲ್ಲಿ ಅತ್ಯಧಿಕ ರನ್ ಕಲೆಹಾಕಿದ ದಾಖಲೆ ಆಸ್ಟ್ರೇಲಿಯಾ ಹಾಗೂ ಇಂಗ್ಲೆಂಡ್ ತಂಡಗಳ ಹೆಸರಿನಲ್ಲಿತ್ತು. 1921 ರಲ್ಲಿ, ಅಡಿಲೇಡ್‌ನಲ್ಲಿ ನಡೆದ ಆಸ್ಟ್ರೇಲಿಯಾ ಮತ್ತು ಇಂಗ್ಲೆಂಡ್ ನಡುವೆ ಟೆಸ್ಟ್ ಪಂದ್ಯದಲ್ಲಿ ಒಟ್ಟು 1753 ರನ್ ಕಲೆಹಾಕಲಾಗಿತ್ತು. ಆ ಪಂದ್ಯವನ್ನು ಅಂದು ಆಸ್ಟ್ರೇಲಿಯಾ ಗೆದ್ದುಕೊಂಡಿತ್ತು.
4 / 8
ಇದೀಗ 101 ವರ್ಷಗಳ ಬಳಿಕ ಇಂಗ್ಲೆಂಡ್ ತಂಡವು ಪಾಕಿಸ್ತಾನ್ ತಂಡಕ್ಕೆ ಸೋಲುಣಿಸಿ ವಿಶ್ವ ದಾಖಲೆಯನ್ನು ಬರೆದಿರುವುದು ವಿಶೇಷ.
5 / 8
ಇನ್ನು ರಾವಲ್ಪಿಂಡಿ ಟೆಸ್ಟ್ನಲ್ಲಿ ಒಟ್ಟು 7 ಶತಕಗಳನ್ನು ದಾಖಲಾಗಿದೆ. ಇದು ಕೂಡ ವಿಶ್ವ ದಾಖಲೆ ಎಂಬುದು ವಿಶೇಷ. ಅಂದರೆ ಈ ಟೆಸ್ಟ್ನಲ್ಲಿ ಇಂಗ್ಲೆಂಡ್ ಬ್ಯಾಟ್ಸ್ಮನ್ಗಳು 4 ಶತಕಗಳು ಬಾರಿಸಿದರೆ, ಪಾಕ್ ಆಟಗಾರರು 3 ಶತಕಗಳನ್ನು ಸಿಡಿಸಿದ್ದರು. ಇದು ಟೆಸ್ಟ್ ಇತಿಹಾಸದಲ್ಲೇ ಒಂದು ಪಂದ್ಯದಲ್ಲಿ ಮೂಡಿಬಂದ ಅತ್ಯಧಿಕ ಶತಕವಾಗಿದೆ.
6 / 8
ಇದಕ್ಕೂ ಮುನ್ನ 1921ರಲ್ಲಿ ಆಡಿಲೇಡ್‌ನಲ್ಲಿ ಆಡಿದ ಟೆಸ್ಟ್ನಲ್ಲಿ 5 ಶತಕಗಳು ಮೂಡಿಬಂದಿದ್ದು ದಾಖಲೆಯಾಗಿತ್ತು. ಇದೀಗ ಈ ದಾಖಲೆಯನ್ನು ಇಂಗ್ಲೆಂಡ್-ಪಾಕ್ ಬ್ಯಾಟರ್ಗಳು ಅಳಿಸಿ ಹಾಕಿದ್ದಾರೆ.
7 / 8
ಅಂದಹಾಗೆ, ರಾವಲ್ಪಿಂಡಿಯಲ್ಲಿ ಟೆಸ್ಟ್ ಜಯ ಇಂಗ್ಲೆಂಡ್ ಪಾಲಿಗೆ ಸ್ಮರಣೀಯ ಗೆಲುವಾಗಿದೆ. ಏಕೆಂದರೆ 17 ವರ್ಷಗಳ ಬಳಿಕ ಪಾಕಿಸ್ತಾನದಲ್ಲಿ ಇಂಗ್ಲೆಂಡ್ ಟೆಸ್ಟ್ ಸರಣಿ ಆಡುತ್ತಿದ್ದು, 22 ವರ್ಷಗಳ ಪಾಕ್ ನೆಲದಲ್ಲಿ ಆಂಗ್ಲರು ಟೆಸ್ಟ್ ಪಂದ್ಯವನ್ನು ಗೆದ್ದಿದ್ದಾರೆ. ಹೀಗಾಗಿ ಈ ವಿಶ್ವ ದಾಖಲೆಯ ಟೆಸ್ಟ್ ಪಂದ್ಯವು ಇಂಗ್ಲೆಂಡ್ ಪಾಲಿಗೆ ಐತಿಹಾಸಿಕ ಗೆಲುವಾಗಿ ಮಾರ್ಪಟ್ಟಿದೆ.
