ಏಷ್ಯಾಕಪ್​ಗೂ ಮುನ್ನ ಪಾಕಿಸ್ತಾನದ ತ್ರಿಕೋನ ಸರಣಿ

ಏಷ್ಯನ್ ರಾಷ್ಟ್ರಗಳ ಕ್ರಿಕೆಟ್ ಕದನ ಏಷ್ಯಾಕಪ್ ಸೆಪ್ಟೆಂಬರ್ 9 ರಿಂದ ಶುರುವಾಗಲಿದೆ. ಯುಎಇನಲ್ಲಿ ನಡೆಯಲಿರುವ ಈ ಏಷ್ಯಾಕಪ್​​​ ಗೆಲ್ಲಲು ಪಾಕಿಸ್ತಾನ್ ತಂಡ ಭರ್ಜರಿ ಪ್ಲ್ಯಾನ್ ರೂಪಿಸಿದೆ. ಅದು ಸಹ ಏಷ್ಯಾಕಪ್​​ಗೂ ಮುನ್ನ ತ್ರಿಕೋನ ಸರಣಿ ಆಯೋಜಿಸುವ ಮೂಲಕ. ಪಾಕಿಸ್ತಾನ್ ಕ್ರಿಕೆಟ್​ ಮಂಡಳಿ ಆಗಸ್ಟ್ 29 ರಿಂದ ಯುಎಇನಲ್ಲಿ ಮೂರು ತಂಡಗಳ ನಡುವಣ ತ್ರಿಕೋನ ಸರಣಿ ಆಯೋಜಿಸಲು ನಿರ್ಧರಿಸಿದೆ.

ಅದರಂತೆ ಈ ಸರಣಿಯು ಆಗಸ್ಟ್ 29 ರಿಂದ ಶುರುವಾಗಲಿದ್ದು, ಫೈನಲ್ ಪಂದ್ಯವು ಸೆಪ್ಟೆಂಬರ್ 7 ರಂದು ನಡೆಯಲಿದೆ. ಅಂದರೆ ಏಷ್ಯಾಕಪ್ ಆರಂಭಕ್ಕೂ ಒಂದು ದಿನ ಮುಂಚಿತವಾಗಿ ತ್ರಿಕೋನ ಸರಣಿಯ ಅಂತಿಮ ಪಂದ್ಯ ನಡೆಯಲಿದೆ.

ಇದಾದ ಬಳಿಕ ಭಾರತ ಮತ್ತು ಪಾಕಿಸ್ತಾನ್ ನಡುವಣ ಹೈವೋಲ್ಟೇಜ್ ಪಂದ್ಯ ನಡೆಯಲಿದೆ. ಈ ಪಂದ್ಯವು ಸೆಪ್ಟೆಂಬರ್ 14 ರಂದು ಜರುಗಲಿದ್ದು, ಅದಕ್ಕೂ ಮುನ್ನ ತ್ರಿಕೋನ ಸರಣಿಯ ಮೂಲಕ ಬಲಿಷ್ಠ ಪ್ಲೇಯಿಂಗ್ ಇಲೆವೆನ್ ರೂಪಿಸಲು ಪಾಕಿಸ್ತಾನ್ ತಂಡ ಪ್ಲ್ಯಾನ್ ರೂಪಿಸಿದೆ.

ತ್ರಿಕೋನ ಸರಣಿ ವೇಳಾಪಟ್ಟಿ:

1. ಆಗಸ್ಟ್ 29 – ಅಫ್ಘಾನಿಸ್ತಾನ್ v ಪಾಕಿಸ್ತಾನ – (ಶಾರ್ಜಾ ಸ್ಟೇಡಿಯಂ)
2. ಆಗಸ್ಟ್ 30 – ಯುಎಇ v ಪಾಕಿಸ್ತಾನ್ – (ಶಾರ್ಜಾ ಸ್ಟೇಡಿಯಂ)
3. ಸೆಪ್ಟೆಂಬರ್ 1 – ಯುಎಇ v ಅಫ್ಘಾನಿಸ್ತಾನ್ – (ಶಾರ್ಜಾ ಸ್ಟೇಡಿಯಂ)
4. ಸೆಪ್ಟೆಂಬರ್ 2 – ಪಾಕಿಸ್ತಾನ್ v ಅಫ್ಘಾನಿಸ್ತಾನ್ – (ಶಾರ್ಜಾ ಸ್ಟೇಡಿಯಂ)
5. ಸೆಪ್ಟೆಂಬರ್ 4 – ಪಾಕಿಸ್ತಾನ್ v ಯುಎಇ – (ಶಾರ್ಜಾ ಸ್ಟೇಡಿಯಂ)
6. ಸೆಪ್ಟೆಂಬರ್ 5 – ಅಫ್ಘಾನಿಸ್ತಾನ್ v ಯುಎಇ – (ಶಾರ್ಜಾ ಸ್ಟೇಡಿಯಂ)
7. ಸೆಪ್ಟೆಂಬರ್ 7 – ಫೈನಲ್ ಪಂದ್ಯ (ಶಾರ್ಜಾ ಸ್ಟೇಡಿಯಂ)

ಇದನ್ನೂ ಓದಿ: IPL 2026: ಐಪಿಎಲ್ ನಿಯಮ… RCB ಈ ಇಬ್ಬರನ್ನು ಬಿಡುಗಡೆ ಮಾಡಲೇಬೇಕು!

ಯುಎಇ ತಂಡ: ಮುಹಮ್ಮದ್ ವಸೀಮ್ (ನಾಯಕ), ಹೈದರ್ ಅಲಿ, ರಾಹುಲ್ ಚೋಪ್ರಾ, ಎಥಾನ್ ಡಿಸೋಜಾ, ಮುಹಮ್ಮದ್ ಫಾರೂಕ್, ಮುಹಮ್ಮದ್ ಜವದುಲ್ಲಾ, ಹರ್ಷಿತ್ ಕೌಶಿಕ್, ಆಸಿಫ್ ಖಾನ್, ರೋಹಿದ್ ಖಾನ್, ಸಘೀರ್ ಖಾನ್, ಧ್ರುವ ಪರಾಶರ್, ಅಲಿಶಾನ್ ಶರಫು, ಆರ್ಯಾಂಶ್ ಶರ್ಮಾ, ಜುನೈದ್ ಸಿದ್ದಿಕ್, ಮುಹಮ್ಮದ್ ಝೊಹೈಬ್.