PBKS vs CSK IPL 2022, Head to Head: ಪಂಜಾಬ್ ಎದುರು ಚೆನ್ನೈ ದಾಖಲೆ ಹೇಗಿದೆ? ಅಂಕಿ ಅಂಶ ಹೇಳಿದ ಕತೆಯಿದು

PBKS vs CSK IPL 2022, Head to Head: ಪಂಜಾಬ್ ಎದುರು ಚೆನ್ನೈ ದಾಖಲೆ ಹೇಗಿದೆ? ಅಂಕಿ ಅಂಶ ಹೇಳಿದ ಕತೆಯಿದು
CSK vs PBKS IPL 2022

PBKS vs CSK IPL 2022, Head to Head: ಅಂಕಿ-ಅಂಶಗಳ ಆಟದಲ್ಲಿ ಗೆದ್ದಿರುವ ಚೆನ್ನೈ, ಪಂಜಾಬ್ ವಿರುದ್ಧ 26 ಪಂದ್ಯಗಳಲ್ಲಿ 15ರಲ್ಲಿ ಗೆಲುವು ಸಾಧಿಸಿದೆ. ಅದೇ ಹೊತ್ತಿಗೆ ಒಟ್ಟು 11 ಗೆಲುವುಗಳು ಪಂಜಾಬ್‌ನ ಪಾಲಾಗಿದೆ.

TV9kannada Web Team

| Edited By: pruthvi Shankar

Apr 24, 2022 | 5:10 PM

ಮುಂಬೈ ಇಂಡಿಯನ್ಸ್ (Mumbai Indians) ವಿರುದ್ಧ ಮಹೇಂದ್ರ ಸಿಂಗ್ ಧೋನಿ (Mahendra Singh Dhoni) ಅವರ ಗೆಲುವಿನ ಇನ್ನಿಂಗ್ಸ್ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಅದರ ಅಭಿಮಾನಿಗಳಲ್ಲಿ ಮತ್ತೆ ಆತ್ಮವಿಶ್ವಾಸ ಮತ್ತು ಭರವಸೆಯನ್ನು ತುಂಬಿದೆ. ಐಪಿಎಲ್ 2022 ರ ಋತುವಿನಲ್ಲಿ ಇದುವರೆಗಿನ ಕಳಪೆ ಪ್ರದರ್ಶನದ ಕಾರಣ, ಪಾಯಿಂಟ್ ಟೇಬಲ್‌ನ ಕೆಳಭಾಗದಲ್ಲಿ ಸಿಲುಕಿರುವ ಈ ತಂಡದ ಆತ್ಮವಿಶ್ವಾಸವನ್ನು ಈಗ ಪಂಜಾಬ್ ಕಿಂಗ್ಸ್ ವಿರುದ್ಧ ಪರೀಕ್ಷಿಸಲಾಗುವುದು. ಉತ್ತಮ ಆರಂಭ ಹೊಂದಿದ್ದ ಪಂಜಾಬ್, ಆದರೆ ಕಳೆದ ಕೆಲವು ಪಂದ್ಯಗಳಲ್ಲಿ ಪ್ರದರ್ಶನ ಕುಸಿತ ಕಂಡಿದೆ. ಆದರೂ, ಪಂಜಾಬ್​ ಇನ್ನೂ ಚೆನ್ನೈಗಿಂತ ಹೆಚ್ಚು ಶಕ್ತಿಶಾಲಿಯಾಗಿ ಕಾಣುತ್ತಿದೆ. ಆದರೆ ಅಂಕಿಅಂಶಗಳನ್ನು ನೋಡಿದಾಗ ಇಲ್ಲಿ ಚೆನ್ನೈ (PBKS vs CSK Head to Head) ಮೇಲುಗೈ ಸಾಧಿಸಿದೆ.

ಸೋಮವಾರ, ಏಪ್ರಿಲ್ 25 ರಂದು ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ಹಾಲಿ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಪಂಜಾಬ್ ಕಿಂಗ್ಸ್ ಮುಖಾಮುಖಿಯಾಗಲಿವೆ. ಇದು ಈ ಋತುವಿನಲ್ಲಿ ಉಭಯ ತಂಡಗಳ ಎರಡನೇ ಮುಖಾಮುಖಿಯಾಗಿದೆ. ಇದಕ್ಕೂ ಮುನ್ನ ಪಂಜಾಬ್ ಸುಲಭವಾಗಿ ಗೆದ್ದಿತ್ತು. ಆದಾಗ್ಯೂ, ಇದರ ಹೊರತಾಗಿಯೂ, ಪಂಜಾಬ್‌ಗೆ ಗೆಲುವು ಸುಲಭವಲ್ಲ, ಏಕೆಂದರೆ ಅದರ ಇತ್ತೀಚಿನ ಫಾರ್ಮ್​ ಉತ್ತಮವಾಗಿಲ್ಲ. ಅದೇ ಸಮಯದಲ್ಲಿ, ಚೆನ್ನೈ ಕಳೆದ ಪಂದ್ಯದ ಗೆಲುವಿನ ಉತ್ಸಾಹದೊಂದಿಗೆ ಮೈದಾನಕ್ಕಿಳಿಯಲಿದೆ.

ಅಂಕಿಅಂಶ ಹೇಳುವುದೇನು? ಉಭಯ ತಂಡಗಳ ನಡುವಿನ ಐಪಿಎಲ್ ದಾಖಲೆಯನ್ನು ನೋಡಿದರೆ ಇಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಸುಲಭವಾಗಿ ಮೇಲುಗೈ ಸಾಧಿಸಿದೆ. ಅಂಕಿ-ಅಂಶಗಳ ಆಟದಲ್ಲಿ ಗೆದ್ದಿರುವ ಚೆನ್ನೈ, ಪಂಜಾಬ್ ವಿರುದ್ಧ 26 ಪಂದ್ಯಗಳಲ್ಲಿ 15ರಲ್ಲಿ ಗೆಲುವು ಸಾಧಿಸಿದೆ. ಅದೇ ಹೊತ್ತಿಗೆ ಒಟ್ಟು 11 ಗೆಲುವುಗಳು ಪಂಜಾಬ್‌ನ ಪಾಲಾಗಿದೆ. ಸ್ಕೋರ್‌ಗೆ ಸಂಬಂಧಿಸಿದಂತೆ, ಚೆನ್ನೈನ ಅತಿದೊಡ್ಡ ಸ್ಕೋರ್ 240 ರನ್ ಆಗಿದ್ದರೆ, ಪಂಜಾಬ್ ಚೆನ್ನೈ ವಿರುದ್ಧ 231 ರನ್ ಗಳಿಸಿದೆ. ಅದೇ ಸಮಯದಲ್ಲಿ, ಪಂಜಾಬ್ ತಂಡವು 92 ರಂತಹ ಸಣ್ಣ ಸ್ಕೋರ್‌ನಲ್ಲಿ ಔಟಾಗಿದ್ದರೆ, ಚೆನ್ನೈನ ಕನಿಷ್ಠ ಸ್ಕೋರ್ 120 ರನ್ ಆಗಿದೆ.

ಐಪಿಎಲ್ 2022 ರಲ್ಲಿ ಹೀನಾಯ ಸೋಲು ನಾವು ಈ ಋತುವಿನ ಬಗ್ಗೆ ಮಾತನಾಡುವುದಾದರೆ, ಎರಡೂ ತಂಡಗಳು ಏಪ್ರಿಲ್ 3 ರಂದು ಮುಂಬೈನ ಬ್ರಬೋರ್ನ್ ಸ್ಟೇಡಿಯಂನಲ್ಲಿ ಮುಖಾಮುಖಿಯಾಗಿದ್ದವು. ಆ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಪಂಜಾಬ್, ಲಿಯಾಮ್ ಲಿವಿಂಗ್‌ಸ್ಟನ್ 32 ಎಸೆತಗಳಲ್ಲಿ 60 ರನ್‌ಗಳ ಸಹಾಯದಿಂದ 180 ರನ್ ಗಳಿಸಿದರು. ಆದರೆ ಇಡೀ ಚೆನ್ನೈ ತಂಡವು ಕೇವಲ 126 ರನ್‌ಗಳಿಗೆ ಆಲ್​ಔಟ್ ಆಗಿ 54 ರನ್‌ಗಳಿಂದ ಪಂದ್ಯವನ್ನು ಕಳೆದುಕೊಂಡಿತು.

ಆಟಗಾರರ ವೈಯಕ್ತಿಕ ಪ್ರದರ್ಶನ ಆಟಗಾರರ ವೈಯಕ್ತಿಕ ಪ್ರದರ್ಶನದ ಬಗ್ಗೆ ಮಾತನಾಡುವುದಾದರೆ, ಲಿಯಾಮ್ ಲಿವಿಂಗ್‌ಸ್ಟನ್ ಪಂಜಾಬ್ ಪರ ಗರಿಷ್ಠ 226 ರನ್ ಗಳಿಸಿದ್ದಾರೆ. ಇದರಲ್ಲಿ 182 ಸ್ಟ್ರೈಕ್ ರೇಟ್, 3 ಅರ್ಧ ಶತಕ ಮತ್ತು 16 ಸಿಕ್ಸರ್‌ಗಳು ಸೇರಿವೆ. ಚೆನ್ನೈ ಪರ, ಶಿವಂ ದುಬೆ 161 ಸ್ಟ್ರೈಕ್ ರೇಟ್‌ನಲ್ಲಿ 239 ರನ್ ಗಳಿಸಿದ್ದಾರೆ, ಇದರಲ್ಲಿ 2 ಅರ್ಧ ಶತಕ ಮತ್ತು 14 ಸಿಕ್ಸರ್‌ಗಳು ಸೇರಿವೆ. ಬೌಲಿಂಗ್​ನಲ್ಲಿ ಚೆನ್ನೈ ಪರ ಅನುಭವಿ ಆಲ್ ರೌಂಡರ್ ಡ್ವೇನ್ ಬ್ರಾವೋ 12 ವಿಕೆಟ್ ಪಡೆದರೆ, ಪಂಜಾಬ್ ಪರ ಲೆಗ್ ಸ್ಪಿನ್ನರ್ ರಾಹುಲ್ ಚಹಾರ್ 10 ವಿಕೆಟ್ ಪಡೆದಿದ್ದಾರೆ.

ಇದನ್ನೂ ಓದಿ: PBKS vs CSK IPL 2022: ಕಳೆದ ಪಂದ್ಯದ ಸೋಲಿನ ಸೇಡನ್ನು ತೀರಿಸಿಕೊಳ್ಳುತ್ತಾ ಚೆನ್ನೈ? ಉಭಯ ತಂಡಗಳ ಬಲಾಬಲ ಹೀಗಿದೆ

Follow us on

Related Stories

Most Read Stories

Click on your DTH Provider to Add TV9 Kannada