Avesh Khan: ಕೊನೆಯ ಓವರ್ನಲ್ಲಿ ಮತ್ತೆ ಸೋತ ರಾಜಸ್ಥಾನ್: ಪಂದ್ಯದ ಗತಿಯನ್ನೇ ಬದಲಾಯಿಸಿತು ಆವೇಶ್ ಖಾನ್ ಓವರ್
RR vs LSG, IPL 2025: ರಾಜಸ್ಥಾನದ ಇನ್ನಿಂಗ್ಸ್ನ 20 ನೇ ಓವರ್ನಲ್ಲಿ ಆವೇಶ್ ಖಾನ್ ಅದ್ಭುತವಾಗಿ ಬೌಲಿಂಗ್ ಮಾಡಿದರು. ಕೊನೆಯ ಓವರ್ನಲ್ಲಿ ರಾಜಸ್ಥಾನ ಗೆಲ್ಲಲು 6 ಎಸೆತಗಳಲ್ಲಿ 9 ರನ್ಗಳ ಅಗತ್ಯವಿತ್ತು. ಧ್ರುವ್ ಜುರೆಲ್ ಮತ್ತು ಶಿಮ್ರಾನ್ ಹೆಟ್ಮೆಯರ್ ಕ್ರೀಸ್ನಲ್ಲಿ ಇದ್ದರು. 20 ನೇ ಓವರ್ನ ಮೊದಲ ಎಸೆತದಲ್ಲಿ, ಆವೇಶ್ ಖಾನ್ ಯಾರ್ಕರ್ ಎಸೆದರು ಮತ್ತು ಜುರೆಲ್ ಅದರಲ್ಲಿ ಒಂದು ರನ್ ಪಡೆದರು.
ಐಪಿಎಲ್ 2025 ರ 36 ನೇ ಪಂದ್ಯವು ರಾಜಸ್ಥಾನ ರಾಯಲ್ಸ್ ಮತ್ತು ಲಕ್ನೋ ಸೂಪರ್ ಜೈಂಟ್ಸ್ (Rajasthan Royals vs Lucknow Super Giants) ನಡುವೆ ನಡೆಯಿತು. ಈ ರಣರೋಚಕ ಪಂದ್ಯದಲ್ಲಿ, ಎಲ್ಎಸ್ಜಿ ಎರಡು ರನ್ಗಳಿಂದ ಗೆದ್ದಿತು. ಈ ಗೆಲುವಿನ ರೂವಾರಿ ವೇಗದ ಬೌಲರ್ ಆವೇಶ್ ಖಾನ್. ಕೊನೆಯ ಓವರ್ಗಳಲ್ಲಿ 3 ಬ್ಯಾಟ್ಸ್ಮನ್ಗಳನ್ನು ಔಟ್ ಮಾಡಿ ಪಂದ್ಯದ ಗತಿಯನ್ನೇ ಬದಲಾಯಿಸಿದರು. ಇನ್ನಿಂಗ್ಸ್ನ ಕೊನೆಯ ಓವರ್ನಲ್ಲಿ ರಾಜಸ್ಥಾನ್ ರಾಯಲ್ಸ್ ಗೆಲ್ಲಲು 6 ಎಸೆತಗಳಲ್ಲಿ 9 ರನ್ಗಳ ಅಗತ್ಯವಿತ್ತು. ಆದರೆ ರಾಜಸ್ಥಾನ್ ತಂಡವು ಆವೇಶ್ ಖಾನ್ ಅವರ ಮಾರಕ ಬೌಲಿಂಗ್ಗೆ ತಲೆಬಾಗಿ ನಿಕಟ ಪಂದ್ಯವನ್ನು ಸೋತಿತು. ಇದು ರಾಜಸ್ಥಾನ್ ರಾಯಲ್ಸ್ ತಂಡಕ್ಕೆ 8 ಪಂದ್ಯಗಳಲ್ಲಿ ಆರನೇ ಸೋಲಾಗಿದ್ದು, ಅಂಕ ಪಟ್ಟಿಯಲ್ಲಿ 8 ನೇ ಸ್ಥಾನಕ್ಕೆ ಕುಸಿದಿದೆ. ಲಕ್ನೋ ತಂಡ 8 ಪಂದ್ಯಗಳಲ್ಲಿ 5 ಗೆಲುವುಗಳೊಂದಿಗೆ ನಾಲ್ಕನೇ ಸ್ಥಾನದಲ್ಲಿದೆ.
ಕೊನೆಯ ಓವರ್ನಲ್ಲಿ ಆವೇಶ್ ಮ್ಯಾಜಿಕ್:
ರಾಜಸ್ಥಾನದ ಇನ್ನಿಂಗ್ಸ್ನ 20 ನೇ ಓವರ್ನಲ್ಲಿ ಆವೇಶ್ ಖಾನ್ ಅದ್ಭುತವಾಗಿ ಬೌಲಿಂಗ್ ಮಾಡಿದರು. ಕೊನೆಯ ಓವರ್ನಲ್ಲಿ ರಾಜಸ್ಥಾನ ಗೆಲ್ಲಲು 6 ಎಸೆತಗಳಲ್ಲಿ 9 ರನ್ಗಳ ಅಗತ್ಯವಿತ್ತು. ಧ್ರುವ್ ಜುರೆಲ್ ಮತ್ತು ಶಿಮ್ರಾನ್ ಹೆಟ್ಮೆಯರ್ ಕ್ರೀಸ್ನಲ್ಲಿ ಇದ್ದರು. 20 ನೇ ಓವರ್ನ ಮೊದಲ ಎಸೆತದಲ್ಲಿ, ಆವೇಶ್ ಖಾನ್ ಯಾರ್ಕರ್ ಎಸೆದರು ಮತ್ತು ಜುರೆಲ್ ಅದರಲ್ಲಿ ಒಂದು ರನ್ ಪಡೆದರು. ಎರಡನೇ ಎಸೆತದಲ್ಲಿ ಹೆಟ್ಮೆಯರ್ ಡೀಪ್ ಪಾಯಿಂಟ್ಗೆ ಶಾಟ್ ಹೊಡೆಯುವ ಮೂಲಕ ರನ್ ಗಳಿಸಿದರು. ಈ ವೇಳೆ ಶಾರ್ದೂಲ್ ಠಾಕೂರ್ ತಪ್ಪು ಫೀಲ್ಡಿಂಗ್ ಮಾಡಿದರು, ಇದರಿಂದಾಗಿ ಇಬ್ಬರೂ ಬ್ಯಾಟ್ಸ್ಮನ್ಗಳು ಮತ್ತೊಂದು ರನ್ ಕಲೆ ಹಾಕಿದರು.
Heart-racing, nerve-wracking, and simply unforgettable! 🤯#LSG defy the odds and seal a 2-run victory over #RR after the most dramatic final moments 💪
Scorecard ▶️ https://t.co/02MS6ICvQl#TATAIPL | #RRvLSG | @LucknowIPL pic.twitter.com/l0XsCGGuPg
— IndianPremierLeague (@IPL) April 19, 2025
ಈಗ ಗೆಲ್ಲಲು 4 ಎಸೆತಗಳಲ್ಲಿ 6 ರನ್ ಬೇಕಾಗಿತ್ತು. ಮೂರನೇ ಎಸೆತದಲ್ಲಿ ಅವೇಶ್ ಖಾನ್ ಎಸೆತದಲ್ಲಿ ಹೆಟ್ಮೆಯರ್ ಅವರ ಕ್ಯಾಚ್ ಶಾರ್ದೂಲ್ ಠಾಕೂರ್ ಪಡೆದರು. ಇದಾದ ನಂತರ, ಶುಭಂ ದುಬೆ ಬ್ಯಾಟಿಂಗ್ ಮಾಡಲು ಬಂದರು. ಆದರೆ ನಾಲ್ಕನೇ ಎಸೆತದಲ್ಲಿ ಯಾವುದೇ ರನ್ ಗಳಿಸಲು ಸಾಧ್ಯವಾಗಲಿಲ್ಲ. ಐದನೇ ಎಸೆತದಲ್ಲಿ ಡೇವಿಡ್ ಮಿಲ್ಲರ್ ಕ್ಯಾಚ್ ಅನ್ನು ಕೈಬಿಟ್ಟರು, ಅದರಿಂದ ಅವರು ಎರಡು ರನ್ ಗಳಿಸಿದರು. ಕೊನೆಯ ಎಸೆತದಲ್ಲಿ ರಾಜಸ್ಥಾನ ಗೆಲ್ಲಲು 4 ರನ್ ಗಳ ಅಗತ್ಯವಿತ್ತು. ಶುಭಂ ದುಬೆ ಅವರಿಂದ ತಂಡವು ಪವಾಡವನ್ನು ನಿರೀಕ್ಷಿಸಿತ್ತು, ಆದರೆ ಆವೇಶ್ ಖಾನ್ ಕೊನೆಯ ಎಸೆತದಲ್ಲಿ ಕೇವಲ ಒಂದು ರನ್ ನೀಡಿ ಪಂದ್ಯವನ್ನು ಲಕ್ನೋ ತಂಡದ ಖಾತೆಗೆ ಸೇರಿಸಿದರು. ಆವೇಶ್ ಖಾನ್ 4 ಓವರ್ಗಳಲ್ಲಿ 37 ರನ್ ನೀಡಿ ಮೂರು ವಿಕೆಟ್ ಪಡೆದರು.
IPL 2025: ಮತ್ತೊಂದು ಗೆಲ್ಲುವ ಪಂದ್ಯ ಸೋತ ರಾಜಸ್ಥಾನ್ ರಾಯಲ್ಸ್
18ನೇ ಓವರ್ನಲ್ಲಿ ಆಟ ತಿರುವು ಪಡೆದುಕೊಂಡಿತು:
18 ನೇ ಓವರ್ನಲ್ಲಿ, ಅದ್ಭುತ ಬ್ಯಾಟಿಂಗ್ ಮಾಡುತ್ತಿದ್ದ ಯಶಸ್ವಿ ಜೈಸ್ವಾಲ್ ಅವರನ್ನು ಆವೇಶ್ ಖಾನ್ ಕ್ಲೀನ್ ಬೌಲ್ಡ್ ಮಾಡಿ ಲಕ್ನೋ ತಂಡವನ್ನು ಮತ್ತೆ ಪಂದ್ಯಕ್ಕೆ ಕರೆತಂದರು. ಯಶಸ್ವಿ 52 ಎಸೆತಗಳಲ್ಲಿ 74 ರನ್ ಗಳಿಸಿದರು. ಅದೇ ಓವರ್ನ ಕೊನೆಯ ಎಸೆತದಲ್ಲಿ, ವೇಗವಾಗಿ ರನ್ ಗಳಿಸುತ್ತಿದ್ದ ನಾಯಕ ರಿಯಾನ್ ಪರಾಗ್ ಅವರನ್ನು ಅವರು ಎಲ್ಬಿಡಬ್ಲ್ಯೂ ಮೂಲಕ ಔಟ್ ಮಾಡಿದರು, ಇದು ಲಕ್ನೋ ತಂಡದ ಗೆಲುವಿನ ಭರವಸೆಯನ್ನು ಹೆಚ್ಚಿಸಿತು. ರಿಯಾನ್ ಪರಾಗ್ 26 ಎಸೆತಗಳಲ್ಲಿ 39 ರನ್ ಗಳಿಸಿದರು. ಮೊದಲು ಬ್ಯಾಟಿಂಗ್ ಮಾಡಿದ ಲಕ್ನೋ ಸೂಪರ್ ಜೈಂಟ್ಸ್ 20 ಓವರ್ಗಳಲ್ಲಿ 5 ವಿಕೆಟ್ಗೆ 180 ರನ್ ಗಳಿಸಿತು. ಇದಕ್ಕೆ ಉತ್ತರವಾಗಿ ರಾಜಸ್ಥಾನ ರಾಯಲ್ಸ್ ತಂಡವು 20 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 178 ರನ್ಗಳನ್ನು ಮಾತ್ರ ಗಳಿಸಲು ಶಕ್ತವಾಯಿತು.
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 10:03 am, Sun, 20 April 25