ನನಗೆ ಬೌಲಿಂಗ್ ಮಾಡಲು ಕಷ್ಟ ಎನಿಸಿದ್ದು ಈ ಸ್ಟಾರ್ ಬೌಲರ್ಗೆ ಎಂದ ಅಖ್ತರ್
ಸಾಮಾಜಿಕ ಜಾಲತಾಣದಲ್ಲಿ ಅಭಿಮಾನಿಯೊಬ್ಬರು ನೀವು ಬೌಲಿಂಗ್ ಮಾಡಲು ಅತ್ಯಂತ ಕಷ್ಟ ಪಟ್ಟ ಬ್ಯಾಟ್ಸ್ಮನ್ ಯಾರು ಎಂದು ಕೇಳಿದ್ದರು. ಹೆಚ್ಚಿನವರು ಸಚಿನ್ ತೆಂಡೂಲ್ಕರ್, ಬ್ರಿಯಾನ್ ಲಾರಾ ಅಥವಾ ರಿಕಿ ಪಾಂಟಿಂಗ್ ಹೆಸರನ್ನು ಗ್ರಹಿಸಿದ್ದರು. ಆದರೆ,
Updated on: Jul 13, 2021 | 11:58 AM
ಪಾಕಿಸ್ತಾನ (Pakistan) ಕ್ರಿಕೆಟ್ ಕಂಡ ಶ್ರೇಷ್ಠ ವೇಗಿಗಳಲ್ಲಿ ಶೋಯೆಬ್ ಅಖ್ತರ್ (Shoaib Akhtar) ಪ್ರಮುಖರು. 90ರ ದಶಕದಲ್ಲಿ ಬ್ಯಾಟ್ಸ್ಮನ್ಗಳು ಇವರ ಬೌಲಿಂಗ್ ಕಂಡರೆ ಒಂದು ಕ್ಷಣ ಯೋಚಿಸುತ್ತಿದ್ದರು. ತಮ್ಮ ವೇಗದ ಬೌಲಿಂಗ್ನಿಂದ ವಿಶ್ವದ ಯಾವುದೇ ಬ್ಯಾಟ್ಸ್ಮನ್ಗಳನ್ನು ಕೆಡವಬಲ್ಲ ಸಾಮರ್ಥ್ಯ ಅವರಲ್ಲಿತ್ತು. ಲೈನ್ ಅಂಡ್ ಲೆನ್ತ್ ಮೂಲಕ ಅಖ್ತರ್ ಬೌನ್ಸರ್ ಹಾಕಿದರೆ ಬ್ಯಾಟ್ಸ್ಮನ್ ಭಯ ಪಡುತ್ತಿದ್ದಿದ್ದು ಸುಳ್ಳಲ್ಲ. ಇಂತಹ ಅಪಾಯಕಾರಿ ಬೌಲರ್ಗೂ ಬೌಲಿಂಗ್ ಮಾಡಲು ಕಷ್ಟ ಎನಿಸಿದ್ದು ಓರ್ವ ಬೌಲರ್ಗಂತೆ.
ಹೌದು, ಈ ಬಗ್ಗೆ ವಿಶೇಷ ಮಾಹಿತಿ ಹಂಚಿಕೊಂಡಿರುವ ಶೋಯೆಬ್, ಅಂತರರಾಷ್ಟ್ರೀಯ ಕ್ರಿಕೆಟ್ನಲ್ಲಿ ನನಗೆ ಬೌಲಿಂಗ್ ಮಾಡಲು ಕಷ್ಟ ಎನಿಸಿದ್ದು ಶ್ರೀಲಂಕಾ ತಂಡ ಲೆಜೆಂಡ್ ಸ್ಪಿನ್ನರ್ ಮುತ್ತಯ್ಯ ಮುರಳೀಧರ್ ಅವರಿಗೆ ಎಂದು ಹೇಳಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ಅಭಿಮಾನಿಯೊಬ್ಬರು ನೀವು ಬೌಲಿಂಗ್ ಮಾಡಲು ಅತ್ಯಂತ ಕಷ್ಟ ಪಟ್ಟ ಬ್ಯಾಟ್ಸ್ಮನ್ ಯಾರು ಎಂದು ಕೇಳಿದ್ದರು. ಹೆಚ್ಚಿನವರು ಸಚಿನ್ ತೆಂಡೂಲ್ಕರ್, ಬ್ರಿಯಾನ್ ಲಾರಾ ಅಥವಾ ರಿಕಿ ಪಾಂಟಿಂಗ್ ಹೆಸರನ್ನು ಗ್ರಹಿಸಿದ್ದರು. ಆದರೆ, ಈ ಪ್ರಶ್ನೆಗೆ ಅಖ್ತರ್ ನೀಡಿದ ಉತ್ತರ ಅಭಿಮಾನಿಗಳಲ್ಲಿ ಅಚ್ಚರಿಗೆ ಕಾರಣವಾಯಿತು.
“ನಾನು ಬೌಲಿಂಗ್ ಮಾಡಿದ ಕಷ್ಟಪಟ್ಟ ಬ್ಯಾಟ್ಸ್ಮನ್ ಎಂದರೆ ಅದು ಮುತ್ತಯ್ಯ ಮುರಳೀಧರನ್. ನಿಜ ನಾನು ತಮಾಷೆ ಮಾಡುತ್ತಿಲ್ಲ. ಮುತರಳೀಧರನ್ ಅವರನ್ನು ಔಟ್ ಮಾಡಲು ಹಲವು ಬೌನ್ಸರ್ಗಳನ್ನು ಹಾಕಿದೆ. ಆದರೆ ಆ ವೇಳೆ ಅವರು ದಯವಿಟ್ಟು ಬೌನ್ಸರ್ಗಳನ್ನು ಹಾಕಬೇಡಿ, ನನಗೆ ಚೆಂಡು ಬಿದ್ದರೆ ನಾನು ಖಂಡಿತಾ ಸಾಯುತ್ತೇನೆ. ನನ್ನ ಹಾದಿಯಲ್ಲಿ ಬೌನ್ಸರ್ಗಳನ್ನು ಹಾಕಬೇಡಿ. ಪಿಚ್ ಬಾಲ್ ಹಾಕಿದರೆ ನಾನೇ ನಿನಗೆ ಕ್ಯಾಚ್ ನೀಡುತ್ತೇನೆಂದು ಹೇಳಿದ್ದರು” ಎಂದು ತಿಳಿಸಿದ್ದಾರೆ.
ಶೋಯೆಬ್ ಅಖ್ತರ್ ತಮ್ಮ ವೃತ್ತಿ ಜೀವನದಲ್ಲಿ 46 ಟೆಸ್ಟ್ ಪಂದ್ಯಗಳಾಡಿದ್ದು, 178 ವಿಕೆಟ್ಗಳನ್ನು ಪಡೆದಿದ್ದಾರೆ ಹಾಗೂ 163 ಏಕದಿನ ಪಂದ್ಯಗಳಿಂದ 247 ವಿಕೆಟ್ಗಳನ್ನು ಕಿತ್ತಿದ್ದಾರೆ. 15 ಟಿ-20 ಪಂದ್ಯಗಳಿಂದ 19 ವಿಕೆಟ್ಗಳನ್ನು ಸೇರಿಸಿಕೊಂಡಿದ್ದಾರೆ.
