Shubman Gill: ಸ್ಟಾರ್ ನಟನ ಮಗಳ ಜೊತೆ ಶುಭ್​ಮನ್ ಗಿಲ್ ಡೇಟಿಂಗ್..?

ಭಾರತದ ಯುವ ಕ್ರಿಕೆಟಿಗ ಶುಭಮನ್ ಗಿಲ್ (Shubman Gill) ಮತ್ತೆ ಸುದ್ದಿಯಲ್ಲಿದ್ದಾರೆ. ಆದರೆ ಈ ಬಾರಿ ತಮ್ಮ ಆಕರ್ಷಕ ಬ್ಯಾಟಿಂಗ್​ನಿಂದಲ್ಲ ಎಂಬುದಷ್ಟೇ ವ್ಯತ್ಯಾಸ. ಅಂದರೆ ಈ ಬಾರಿ ಗಿಲ್ ಹೊಸ ಸಂಗಾತಿಯ ವಿಷಯದಿಂದ ಲೈಮ್​ಲೈಟ್​ನಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಹಿಂದೆ ಗಿಲ್ ಹಾಗೂ ಸಚಿನ್ ತೆಂಡೂಲ್ಕರ್ (Sachin Tendulkar) ಅವರ ಪುತ್ರಿ ಸಾರಾ ತೆಂಡೂಲ್ಕರ್ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ಸುದ್ದಿಗಳು ಹರಿದಾಡುತ್ತಿದ್ದವು.

ಆದರೀಗ ಸಾರಾ ಬದಲಾಗಿದ್ದಾರೆ. ಶುಭ್​ಮನ್ ಗಿಲ್ ಜೊತೆ ಈ ಬಾರಿ ಬಾಲಿವುಡ್ ನಟಿ ಸಾರಾ ಅಲಿ ಖಾನ್ ಕಾಣಿಸಿಕೊಂಡಿದ್ದಾರೆ. ಬಿಟೌನ್​ನ ಖ್ಯಾತ ನಟ ಸೈಫ್ ಅಲಿ ಖಾನ್ ಅವರ ಪುತ್ರಿಯಾಗಿರುವ ಸಾರಾ ಜೊತೆ ಶುಭ್​ಮನ್​ ಗಿಲ್ ರೆಸ್ಟೋರೆಂಟ್​ನಲ್ಲಿನರುವ ವಿಡಿಯೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಸಾರಾ ಅಲಿ ಖಾನ್ ಹಾಗೂ ಶುಭ್​ಮನ್ ಗಿಲ್ ಸದ್ಯ ಲಂಡನ್​ನಲ್ಲಿದ್ದು, ಇದೇ ವೇಳೆ ಜೊತೆಯಾಗಿ ರೆಸ್ಟೋರೆಂಟ್​ನಲ್ಲಿ ಕಾಣಿಸಿಕೊಂಡಿದ್ದರು. ಈ ವಿಡಿಯೋವನ್ನು ಸೋಷಿಯಲ್ ಮೀಡಿಯಾದಲ್ಲಿ ಹರಿಬಿಡಲಾಗಿದ್ದು, ಇದರೊಂದಿಗೆ ಬಾಲಿವುಡ್ ನಟಿಯ ಜೊತೆ ಗಿಲ್ ಲವ್ವಲ್ಲಿ ಬಿದ್ದಿದ್ದಾರೆಂಬ ಗುಲ್ಲೆದಿದೆ.

ವಿಶೇಷ ಎಂದರೆ 22 ವರ್ಷದ ಗಿಲ್​ಗಿಂತ ಸಾರಾ ಅಲಿ ಖಾನ್ 5 ವರ್ಷ ದೊಡ್ಡವಳು. ಹೀಗಾಗಿಯೇ 27 ವರ್ಷದ ಬಾಲಿವುಡ್​ ನಟಿಯೊಂದಿಗೆ ಟೀಮ್ ಇಂಡಿಯಾ ಯುವ ಆಟಗಾರ ಡೇಟಿಂಗ್ ಮಾಡುತ್ತಿದ್ದಾರಾ ಎಂದು ಅನೇಕರು ಸೋಷಿಯಲ್ ಮೀಡಿಯಾದಲ್ಲಿ ಅಚ್ಚರಿ ವ್ಯಕ್ತಪಡಿಸಿದ್ದಾರೆ.

Shubman gill date sara ali khan ko kar eha tha aur hum kisi aur hi sara ko lapet rhe the?#Shubmangill #CricketTwitter pic.twitter.com/oEAAXqXgOz

— Arun (@ArunTuThikHoGya) August 29, 2022

ಒಟ್ಟಿನಲ್ಲಿ ಇತ್ತೀಚೆಗೆ ವೆಸ್ಟ್ ಇಂಡೀಸ್ ಮತ್ತು ಜಿಂಬಾಬ್ವೆ ವಿರುದ್ದ ಅತ್ಯುತ್ತಮ ಪ್ರದರ್ಶನದ ಮೂಲಕ ಎಲ್ಲರ ಗಮನ ಸೆಳೆದಿದ್ದ ಶುಭ್​ಮನ್ ಗಿಲ್, ಇದೀಗ ಲವ್ ವಿಷಯದಿಂದ ಸುದ್ದಿಯಾಗುತ್ತಿದ್ದಾರೆ. ಈ ಬಾರಿ ಕೂಡ ಸಾರಾ ಹೆಸರಿನೊಂದಿಗೆ ಎಂಬುದೇ ಇಲ್ಲಿ ವಿಶೇಷ.