ಸಹ ಆಟಗಾರರು ನನ್ನನ್ನು ಹಸು ಸಗಣಿ ಎಂದು ಕರೆಯುತ್ತಿದ್ದರು; ದಕ್ಷಿಣ ಆಫ್ರಿಕಾದ ಮಾಜಿ ಕ್ರಿಕೆಟಿಗನ ಗಂಭೀರ ಆರೋಪ
ನನ್ನ ಬೌಲಿಂಗ್ ಶೈಲಿಯನ್ನು ಕಾರುಗಳ ಟೈರ್‌ಗಳ ಕವರ್ ಕದಿಯುವಂತಿದೆ ಎಂದು ಟೀಕಿಸಿದ್ದರು. ಇದರಿಂದ ನಾನು ಸಾಕಷ್ಟು ಅವಮಾನಿತನಾಗಿದ್ದೆ. ನಾನು ಕೇಪ್ ಫ್ಲಾಟ್‌ಗಳಲ್ಲಿ ಜನಿಸಿದ್ದೇ ಇದಕ್ಕೆಲ್ಲಾ ಕಾರಣವಾಗಿತ್ತು?
Updated on: Jul 24, 2021 | 3:50 PM
ದಕ್ಷಿಣ ಆಫ್ರಿಕಾದ ಮಾಜಿ ಸ್ಪಿನ್ನರ್ ಪಾಲ್ ಆಡಮ್ಸ್ ಅವರು ಆಡುವ ದಿನಗಳಲ್ಲಿ ಚರ್ಮದ ಬಣ್ಣವನ್ನು ಆಧರಿಸಿ ಎದುರಿಸಿದ ತಾರತಮ್ಯದ ಬಗ್ಗೆ ತೆರೆದಿಟ್ಟಿದ್ದಾರೆ. ತನ್ನ ಸಹ ಆಟಗಾರರು ನನ್ನನ್ನು ಬ್ರೌನ್ ಶಿಟ್ (ಸಗಣಿ) ಎಂದು ಕರೆದಿದ್ದರು ಎಂದು ಆರೋಪಿಸಿದ್ದಾರೆ. ಕ್ರಿಕೆಟ್ ದಕ್ಷಿಣ ಆಫ್ರಿಕಾದ ಸಾಮಾಜಿಕ ನ್ಯಾಯ ಮತ್ತು ರಾಷ್ಟ್ರ ಕಟ್ಟಡಕ್ಕೆ ಸಂಬಂಧಿಸಿದ ವಿಚಾರಣೆಯ ಸಮಯದಲ್ಲಿ ಮಾತನಾಡಿದ ಪಾಲ್ ಆಡಮ್ಸ್, ಎಲ್ಲಾ ಜನಾಂಗದ ಜನರಿಗೆ ಗೌರವವನ್ನು ಪಡೆಯಲು ಉತ್ತಮ ಶಿಕ್ಷಣದ ಅಗತ್ಯವಿದೆ ಎಂದು ಹೇಳಿದರು. ಆಡಮ್ಸ್ 1995 ರಲ್ಲಿ ದಕ್ಷಿಣ ಆಫ್ರಿಕಾ ಪರ ಟೆಸ್ಟ್ ಪಾದಾರ್ಪಣೆ ಮಾಡಿದರು. ಆ ಸಮಯದಲ್ಲಿ ಅವರು ತಮ್ಮ ತಂಡದ ಏಕೈಕ ಕಪ್ಪು ಆಟಗಾರರಾಗಿದ್ದರು. ಆಫ್ರಿಕಾ ತಂಡಕ್ಕೆ ಒಂಬತ್ತು ವರ್ಷಗಳ ಕಾಲ ಆಡಿದ ಆಡಮ್ಸ್ ಆ ಸಮಯದಲ್ಲಿ ಆಫ್ರಿಕಾ ತಂಡದ ಏಕೈಕ ಕಪ್ಪು ಆಟಗಾರರಾಗಿದ್ದರು. ಈ ಅನುಭವಕ್ಕೆ ಸಂಬಂಧಿಸಿದಂತೆ, ಅವರು ತಂಡದ ಒಳಗೆ ಮತ್ತು ಹೊರಗೆ ಜನಾಂಗೀಯ ಟೀಕೆಗಳನ್ನು ಎದುರಿಸಿದ ಬಗ್ಗೆ ಹೇಳಿಕೆ ನೀಡಿದ್ದಾರೆ.
ನನ್ನನ್ನು ಹಸು ಸಗಣಿ ಎಂದು ಕರೆಯಲಾಗುತ್ತಿತ್ತು ನಾನು ಆಡುವಾಗ ನನ್ನನ್ನು ಹಸು ಸಗಣಿ ಎಂದು ಕರೆಯಲಾಗುತ್ತಿತ್ತು. ಆಗಾಗ್ಗೆ ನಾವು ಪಂದ್ಯಗಳನ್ನು ಗೆದ್ದಾಗ ಅಥವಾ ಸಭೆಗಳಲ್ಲಿದ್ದಾಗ, ಅದಕ್ಕೆ ಸಂಬಂಧಿಸಿದ ಹಾಡನ್ನು ಹಾಡಲಾಗುತ್ತಿತ್ತು. ಸಹ ಆಟಗಾರರು ‘ಬ್ರೌನ್ ರು *** ರಿಂಗ್, ಟ್ರಾ ಲಾ ಲಾ ಲಾ ಲಾ ಎಂದು ಹಾಡುತ್ತಿದ್ದರು. ಆಗ ನನ್ನ ಗೆಳತಿ ನನ್ನನ್ನು, ಅವರು ಯಾಕೆ ಹೀಗೆ ಕರೆಯುತ್ತಾರೆ ಎಂದು ಕೇಳಿದರು. ಜೊತೆಗೆ ಅವರು ಮಾತನಾಡುತ್ತಿರುವುದು ಸರಿಯಲ್ಲ ಎಂದು ಹೇಳಿದರು. ನೀವು ದೇಶಕ್ಕಾಗಿ ಆಡುವಾಗ, ನೀವು ಗೆದ್ದಾಗ, ನೀವು ಹೆಚ್ಚು ಯೋಚಿಸುವುದಿಲ್ಲ. ನೀವು ಈ ಎಲ್ಲ ಸಂಗತಿಗಳನ್ನು ಬದಿಗಿಟ್ಟಿದ್ದೀರಿ ಆದರೆ ಅದು ಸಂಪೂರ್ಣವಾಗಿ ವರ್ಣಭೇದ ನೀತಿಯಾಗಿದೆ. ಇದೆಲ್ಲವೂ ಉದ್ದೇಶಪೂರ್ವಕವಾಗಿ ನಡೆದಿರುವುದು. ಈ ಬಗ್ಗೆ ಅವರಿಗೆ ಕೇಳಿದರೆ ಅವರು ಇದರ ಬಗ್ಗೆ ತಿಳಿದಿರಲಿಲ್ಲ ಎಂದು ಕೆಲವರು ಹೇಳುತ್ತಾರೆ. ಆದರೆ ನಾವು ಇಂತಹ ಆಲೋಚನೆಗಳನ್ನು ಬದಲಿಸಬೇಕು ಎಂದಿದ್ದರು.
ಬೌಲಿಂಗ್ ಶೈಲಿ ಕಾರಿನ ಟೈರ್ ಕವರ್‌ಗಳನ್ನು ಕದಿಯುವಂತಿದೆ ಎಂದು ಹೇಳಲಾಗಿತ್ತು ಮುಂದುವರದು ಮಾತನಾಡಿದ ಆಡಮ್ಸ್, ನನ್ನ ಬೌಲಿಂಗ್ ಶೈಲಿಯನ್ನು ಕಾರುಗಳ ಟೈರ್‌ಗಳ ಕವರ್ ಕದಿಯುವಂತಿದೆ ಎಂದು ಟೀಕಿಸಿದ್ದರು. ಇದರಿಂದ ನಾನು ಸಾಕಷ್ಟು ಅವಮಾನಿತನಾಗಿದ್ದೆ. ನಾನು ಕೇಪ್ ಫ್ಲಾಟ್‌ಗಳಲ್ಲಿ ಜನಿಸಿದ್ದೇ ಇದಕ್ಕೆಲ್ಲಾ ಕಾರಣವಾಗಿತ್ತು? ಅಲ್ಲಿ ಜನಿಸಿದ ಜನರನ್ನು ಯಾವಾಗಲೂ ದರೋಡೆಕೋರರು ಮತ್ತು ಕಳ್ಳರು ಎಂದು ಕರೆಯುತ್ತಿದ್ದರು? ಅದರೆ ನಾನು ಆಟವಾಡಲು ಪ್ರಾರಂಭಿಸಿದಾಗ ನಾನು ಇದಕ್ಕೆ ವಿಭಿನ್ನವಾಗಿದ್ದೆ. ನನ್ನ ಬೌಲಿಂಗ್ ಶೈಲಿ ಸಾಮಾನ್ಯಕ್ಕಿಂತ ಭಿನ್ನವಾಗಿತ್ತು, ಮತ್ತು ಮಾತನಾಡುವ ಶೈಲಿಯೂ ವಿಭಿನ್ನವಾಗಿತ್ತು. ಪ್ಯಾಟ್ ಸಿಮ್ಕಾಕ್ಸ್ ಅವರು ಬಿಳಿಯಾಗಿರುವುದರಿಂದ ಅವರಿಗೆ ಹೆಚ್ಚು ಆಡಲು ಅವಕಾಶ ಸಿಕ್ಕಿತು ಎಂದು ಪಾಲ್ ಆಡಮ್ಸ್ ಹೇಳಿದ್ದಾರೆ.
