ಹರಾಜಿನಲ್ಲಿ ಮಾರಾಟವಾಗಿಲ್ಲ, ನಮಗೆ ಬೇರೆ ಆಯ್ಕೆಗಳಿಲ್ಲ! ಭಾವನಾತ್ಮಕ ವಿಡಿಯೋ ಮೂಲಕ ಬಿಸಿಸಿಐಗೆ ಮನವಿ ಮಾಡಿದ ರೈನಾ

ಮಿಸ್ಟರ್ ಐಪಿಎಲ್ (Mr IPL) ಎಂದು ಕರೆಯಲ್ಪಡುವ ಆಟಗಾರ. ಕಠಿಣ ಪರಿಸ್ಥಿತಿಯಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್‌ (Chennai Super Kings)ಗೆ ಏಕಾಂಗಿಯಾಗಿ ಪಂದ್ಯಗಳನ್ನು ಗೆದ್ದುಕೊಟ್ಟ ಬ್ಯಾಟ್ಸ್‌ಮನ್. ನಾಲ್ಕು ಬಾರಿ ಐಪಿಎಲ್ ಗೆದ್ದಾಗ ಚೆನ್ನೈ ಸೂಪರ್ ಕಿಂಗ್ಸ್ ತಂಡದಲ್ಲಿದ್ದ ಆಟಗಾರ, ಈಗ ಆ ಆಟಗಾರ ಯಾವುದೇ ತಂಡದ ಭಾಗವಾಗಿಲ್ಲ. ಐಪಿಎಲ್ 2022 ರ ಹರಾಜಿನಲ್ಲಿ ಯಾವುದೇ ತಂಡದಿಂದ ಖರೀದಿಸದ ಸುರೇಶ್ ರೈನಾ (Suresh Raina)ಬಗ್ಗೆ ಮಾತನಾಡಲಾಗುತ್ತಿದೆ. ಚೆನ್ನೈ ಸೂಪರ್ ಕಿಂಗ್ಸ್ ಮತ್ತೆ ರೈನಾ ಮೇಲೆ ನಂಬಿಕೆ ಇಡಲಿಲ್ಲ ಮತ್ತು ಇತರ ತಂಡಗಳು ಸಹ ಅವರನ್ನು ಖರೀದಿಸಲು ಉತ್ಸುಕರಾಗಿರಲಿಲ್ಲ. ರೈನಾ ಅವರನ್ನು ನಿರ್ಲಕ್ಷಿಸಿದ ನಂತರ, ಈಗ ಅವರ ವೀಡಿಯೊವೊಂದು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ. ವಿದೇಶದಲ್ಲಿ ನಡೆಯಲಿರುವ ಇತರ ಲೀಗ್‌ಗಳಲ್ಲಿ ಆಡುವ ಅವಕಾಶವನ್ನು ಆಟಗಾರರಿಗೆ ನೀಡುವಂತೆ ರೈನಾ ಈ ವಿಡಿಯೋದಲ್ಲಿ ಬಿಸಿಸಿಐಗೆ ಮನವಿ ಮಾಡಿದ್ದಾರೆ.

ಸುರೇಶ್ ರೈನಾ ಈ ವಿಡಿಯೋದಲ್ಲಿ, ಆಟಗಾರರನ್ನು ಯಾವುದೇ ಐಪಿಎಲ್ ತಂಡ ತೆಗೆದುಕೊಳ್ಳದಿದ್ದರೆ ಮತ್ತು ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿಯೂ ಆಡದಿದ್ದರೆ, ಬಿಸಿಸಿಐ ಆಟಗಾರರನ್ನು ಹೊರಗಿನ ಲೀಗ್‌ಗಳಲ್ಲಿ ಆಡಲು ಅನುಮತಿ ನೀಡಬೇಕು. ಅದು ಸಿಪಿಎಲ್ ಅಥವಾ ಬಿಗ್ ಬ್ಯಾಷ್ ಲೀಗ್ ಆಗಿರಲಿ, ಆಟಗಾರರು ಅಲ್ಲಿಗೆ ಹೋಗಿ ಪ್ರದರ್ಶನ ನೀಡುತ್ತಾರೆ ಇದರಿಂದ ಅವರು ಮತ್ತೆ ತಂಡಕ್ಕೆ ಹಿಂತಿರುಗಬಹುದು. ವಿದೇಶಿ ಆಟಗಾರರು ಐಪಿಎಲ್‌ಗೆ ಬಂದು ಉತ್ತಮ ಪ್ರದರ್ಶನ ನೀಡಿ ನಂತರ ತಮ್ಮ ತಂಡಗಳಲ್ಲಿ ಸ್ಥಾನ ಪಡೆಯುತ್ತಿದ್ದಾರೆ. ಹೀಗಾಗಿ ನಮಗೂ ಇತರೆ ಲೀಗ್​ಗಳಲ್ಲಿ ಆಡಲು ಅವಕಾಶ ಕೊಡಿ. ನಾವು ಕೂಡ ಇತರ ಲೀಗ್​ಗಳಲ್ಲಿ ಆಡಲು ಸಿದ್ಧರಿದ್ದೇವೆ. ಎಲ್ಲರೂ ನಮ್ಮನ್ನು ನಿರ್ಲಕ್ಷಿಸಿದರೆ, ನಮಗೆ ಪ್ಲಾನ್ ಬಿ ಇಲ್ಲ ಎಂದು ತೋರುತ್ತದೆ. ಹಾಗಾಗಿ ನಾವು ಇತರ ವಿದೇಶಿ ಲೀಗ್​ಗಳಲ್ಲಿ ಆಡಿ, ಫಿಟ್ ಆಗಿರುತ್ತೇವೆ, ನಂತರ ನಮ್ಮ ಲೀಗ್​ನಲ್ಲಿ ಚೆನ್ನಾಗಿ ಆಡುತ್ತೇವೆ ಎಂದಿದ್ದಾರೆ.

Please @ImRo45 consider #SureshRaina for #MumbaiIndians team.?????#Boycott_ChennaiSuperKings pic.twitter.com/yiCiZX0gbc

— Jyoti Suman (@Jas23478675) February 15, 2022

ರೈನಾ ಕೈಬಿಟ್ಟ ಚೆನ್ನೈ ಸೂಪರ್ ಕಿಂಗ್ಸ್‌ಗೆ!

ಸುರೇಶ್ ರೈನಾ ಐಪಿಎಲ್‌ನ 205 ಪಂದ್ಯಗಳಲ್ಲಿ 32 ಕ್ಕಿಂತ ಹೆಚ್ಚು ಸರಾಸರಿಯಲ್ಲಿ 5528 ರನ್ ಗಳಿಸಿದ್ದಾರೆ, ಇದರಲ್ಲಿ ಒಂದು ಶತಕ ಮತ್ತು 39 ಶತಕಗಳು ಸೇರಿವೆ. ಆದರೆ, ಇದರ ಹೊರತಾಗಿಯೂ ರೈನಾ ಅವರನ್ನು ಯಾವುದೇ ಐಪಿಎಲ್ ತಂಡ ಖರೀದಿಸಲಿಲ್ಲ. ರೈನಾ ಅವರನ್ನು ಮತ್ತೆ ಖರೀದಿಸದಿರುವ ಹಿಂದೆ ಚೆನ್ನೈ ಸೂಪರ್ ಕಿಂಗ್ಸ್ ಅವರ ವಾದವೆಂದರೆ ರೈನಾ ಅವರಿಗೆ ನಮ್ಮ ತಂಡದಲ್ಲಿ ಆಡಿಸಲು ಯಾವ ಸ್ಥಾನವೂ ಖಾಲಿ ಇಲ್ಲ ಎಂದು ಹೇಳಿಕೊಂಡಿದೆ. ಆದಾಗ್ಯೂ, ಇದಾದ ನಂತರ ರೈನಾ ಅಭಿಮಾನಿಗಳು ಚೆನ್ನೈ ಸೂಪರ್ ಕಿಂಗ್ಸ್ ಅನ್ನು ಸಾಕಷ್ಟು ಟ್ರೋಲ್ ಮಾಡಿದ್ದಾರೆ. ಕಳೆದ ಋತುವಿನಲ್ಲಿ ರೈನಾ ಫಾರ್ಮ್ ಕಳಪೆಯಾಗಿತ್ತು. ಅವರು 12 ಪಂದ್ಯಗಳಲ್ಲಿ 17.77 ರ ಸರಾಸರಿಯಲ್ಲಿ 160 ರನ್ ಗಳಿಸಿದರು. 2019ರಲ್ಲಿಯೂ ರೈನಾ 23.93ರ ಸರಾಸರಿಯಲ್ಲಿ 383 ರನ್ ಗಳಿಸಿದ್ದರು.

ಇದನ್ನೂ ಓದಿ:ಐಪಿಎಲ್​ನಲ್ಲಿ ಅನ್ ಸೋಲ್ಡ್, 1 ರನ್​ನಿಂದ ಬಿಪಿಎಲ್ ಫೈನಲ್​ ಸೋಲು! ಈಗ ಮಂಡಳಿಯಿಂದ ಶಕೀಬ್​ಗೆ ಶೋಕಾಸ್ ನೋಟಿಸ್