T20 World Cup: ತವರಿನಲ್ಲಿ ಕಿವೀಸ್- ಕಾಂಗರೂಗಳನ್ನು ಮಣಿಸಿದ ಬಾಂಗ್ಲ ತಂಡಕ್ಕೆ ಕ್ರಿಕೆಟ್ ಶಿಶು ಐರ್ಲೆಂಡ್ ವಿರುದ್ಧ ಸೋಲು!
T20 World Cup: ಮೊದಲು ಬ್ಯಾಟಿಂಗ್ ಮಾಡಿದ ಐರ್ಲೆಂಡ್ 3 ವಿಕೆಟ್ಗೆ 177 ರನ್ ಗಳಿಸಿತು, ಇದಕ್ಕೆ ಉತ್ತರವಾಗಿ ಬಾಂಗ್ಲಾದೇಶ ತಂಡ ಕೇವಲ 144 ರನ್ಗಳಿಗೆ ಆಲೌಟ್ ಆಯಿತು.
Updated on: Oct 14, 2021 | 7:20 PM
ಟಿ 20 ಸರಣಿಯಲ್ಲಿ ತವರಿನಲ್ಲಿ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲ್ಯಾಂಡ್ ನಂತಹ ಬಲಿಷ್ಠ ತಂಡಗಳನ್ನು ಸೋಲಿಸಿದ ಬಾಂಗ್ಲಾದೇಶಿ ತಂಡ, ಟಿ 20 ವಿಶ್ವಕಪ್ 2021 ರ ಅಭ್ಯಾಸ ಪಂದ್ಯದಲ್ಲಿ ಹಿನ್ನಡೆ ಅನುಭವಿಸಿದೆ. ಬಾಂಗ್ಲಾದೇಶ ತಂಡ ಅಬುಧಾಬಿಯಲ್ಲಿ ನಡೆದ ಅಭ್ಯಾಸ ಪಂದ್ಯದಲ್ಲಿ ಸೋಲನುಭವಿಸಿದೆ. ಐರ್ಲೆಂಡ್ 33 ರನ್ಗಳಿಂದ ಬಾಂಗ್ಲಾದೇಶವನ್ನು ಮಣಿಸಿದೆ. ಮೊದಲು ಬ್ಯಾಟಿಂಗ್ ಮಾಡಿದ ಐರ್ಲೆಂಡ್ 3 ವಿಕೆಟ್ಗೆ 177 ರನ್ ಗಳಿಸಿತು, ಇದಕ್ಕೆ ಉತ್ತರವಾಗಿ ಬಾಂಗ್ಲಾದೇಶ ತಂಡ ಕೇವಲ 144 ರನ್ಗಳಿಗೆ ಆಲೌಟ್ ಆಯಿತು.
ಐರ್ಲೆಂಡ್ನ ಬ್ಯಾಟ್ಸ್ಮನ್ ಮತ್ತು ಬೌಲರ್ಗಳ ಭರ್ಜರಿ ಪ್ರದರ್ಶನ ಅಭ್ಯಾಸ ಪಂದ್ಯದಲ್ಲಿ ಐರಿಶ್ ಬ್ಯಾಟ್ಸ್ಮನ್ಗಳು ಮತ್ತು ಬೌಲರ್ಗಳು ಅದ್ಭುತ ಪ್ರದರ್ಶನ ನೀಡಿದರು. ಓಪನ್ ಪಾಲ್ ಸ್ಟಿರ್ಲಿಂಗ್ ಐರ್ಲೆಂಡ್ಗೆ ತ್ವರಿತ ಆರಂಭವನ್ನು ನೀಡಿದರು ಮತ್ತು ಅವರು 16 ಎಸೆತಗಳಲ್ಲಿ 5 ಬೌಂಡರಿಗಳ ಸಹಾಯದಿಂದ 22 ರನ್ ಗಳಿಸಿದರು. ಕ್ಯಾಪ್ಟನ್ ಆಂಡಿ ಬುಲ್ಬಿರಿನಿ 25 ರನ್ಗಳ ಮಹತ್ವದ ಇನ್ನಿಂಗ್ಸ್ ಆಡಿದರು. ಗರೆತ್ ಡೆಲಾನಿ ಬಾಂಗ್ಲಾದೇಶದ ಬೌಲರ್ಗಳನ್ನು ದಂಡಿಸಿದರು. ಈ ಬ್ಯಾಟ್ಸ್ಮನ್ 50 ಎಸೆತಗಳಲ್ಲಿ 8 ಸಿಕ್ಸರ್ ಮತ್ತು 3 ಬೌಂಡರಿಗಳ ನೆರವಿನಿಂದ ಅಜೇಯ 88 ರನ್ ಗಳಿಸಿದರು. ಅಂದರೆ ಈ ಬಲಗೈ ಬ್ಯಾಟ್ಸ್ಮನ್ ಸಿಕ್ಸರ್ ಮತ್ತು ಫೋರ್ಗಳೊಂದಿಗೆ 60 ರನ್ ಗಳಿಸಿದರು. ಬಾಂಗ್ಲಾದೇಶ ಬೌಲರ್ಗಳ ಪ್ರದರ್ಶನ ನಿರಾಶಾದಾಯಕವಾಗಿತ್ತು. ತಸ್ಕಿನ್ ಅಹ್ಮದ್, ಮೆಹದಿ ಹಸನ್ ಹೊರತುಪಡಿಸಿ, ಇತರ 3 ಬೌಲರ್ಗಳನ್ನು ತೀವ್ರವಾಗಿ ಥಳಿಸಲಾಯಿತು. ಐಪಿಎಲ್ 2021 ರಲ್ಲಿ ರಾಜಸ್ಥಾನ ರಾಯಲ್ಸ್ ಪರ ಆಡುತ್ತಿರುವ ಮುಸ್ಟಿಫಿಜುರ್ ರೆಹಮಾನ್ 4 ಓವರ್ಗಳಲ್ಲಿ 40 ರನ್ ಬಿಟ್ಟುಕೊಟ್ಟರು. ಶೊರಿಫುಲ್ ಇಸ್ಲಾಂ 4 ಓವರ್ಗಳಲ್ಲಿ 41 ರನ್ ನೀಡಿದರು. ನಸುಮ್ ಅಹ್ಮದ್ 3 ಓವರ್ ಗಳಲ್ಲಿ 33 ರನ್ ನೀಡಿದರು.
7 ಬಾಂಗ್ಲಾದೇಶದ ಬ್ಯಾಟ್ಸ್ಮನ್ಗಳು ಎರಡಂಕಿಯನ್ನು ಮುಟ್ಟಲು ಸಾಧ್ಯವಾಗಲಿಲ್ಲ ಬಾಂಗ್ಲಾದೇಶದ ಆರಂಭಿಕ ಆಟಗಾರ ಫ್ಲಾಪ್ ಎಂದು ಸಾಬೀತಾಯಿತು. ಮೊಹಮ್ಮದ್ ನಯೀಮ್ 3 ಮತ್ತು ನಾಯಕ ಲಿಟ್ಟನ್ ದಾಸ್ 1 ರನ್ ಗಳಿಸಿ ಔಟಾದರು. ವಿಕೆಟ್ ಕೀಪರ್ ಮುಶ್ಫಿಕರ್ ರಹೀಮ್ ಕೇವಲ 4 ರನ್ ಗಳಿಸಿದರು. ಸೌಮ್ಯ ಸರ್ಕಾರ್ 37 ರನ್ಗಳ ಇನ್ನಿಂಗ್ಸ್ ಆಡಿದರು. ನರುಲ್ ಹಸನ್ ಕೂಡ 38 ರನ್ ಗಳಿಸಿದರು ಆದರೆ ಬಾಂಗ್ಲಾದೇಶ ತಂಡ ಐರಿಶ್ ಬೌಲರ್ಗಳ ತೀಕ್ಷ್ಣ ಬೌಲಿಂಗ್ ಮುಂದೆ 144 ರನ್ ಗಳಿಗೆ ಆಲೌಟಾಯಿತು.
ಟಿ 20 ವಿಶ್ವಕಪ್ನ ಅಭ್ಯಾಸ ಪಂದ್ಯದಲ್ಲಿ ಐರ್ಲೆಂಡ್ ವಿರುದ್ಧ ಸೋತಿದ್ದು ಬಾಂಗ್ಲಾದೇಶಕ್ಕೆ ಹಿನ್ನಡೆಯೇನಲ್ಲ. ಇತ್ತೀಚೆಗೆ ಬಾಂಗ್ಲಾದೇಶ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲ್ಯಾಂಡ್ ನಂತಹ ತಂಡಗಳನ್ನು ತಮ್ಮ ಮನೆಯಲ್ಲಿ ಸೋಲಿಸಿತ್ತು ಆದರೆ ಅಬುಧಾಬಿಯಲ್ಲಿ ಅವರು ಐರ್ಲೆಂಡ್ಗೆ ಶರಣಾದರು. ಅಂದಹಾಗೆ, ಬಾಂಗ್ಲಾದೇಶ ಕೂಡ ತನ್ನ ಸ್ಟಾರ್ ಆಟಗಾರ ಶಕೀಬ್ ಅಲ್ ಹಸನ್ ಅವರನ್ನು ಕಳೆದುಕೊಂಡಿದೆ. ಅವರು ಐಪಿಎಲ್ 2021 ರಲ್ಲಿ ಕೋಲ್ಕತಾ ನೈಟ್ ರೈಡರ್ಸ್ ಪರ ಆಡುತ್ತಿದ್ದಾರೆ. ಕ್ವಾಲಿಫೈಯರ್ 2 ರಲ್ಲಿ ದೆಹಲಿ ಕ್ಯಾಪಿಟಲ್ಸ್ ವಿರುದ್ಧ ಶಕೀಬ್ ಅದ್ಭುತ ಬೌಲಿಂಗ್ ಮಾಡಿದರು. ಕೋಲ್ಕತ್ತಾ ತಂಡವು ಐಪಿಎಲ್ ಫೈನಲ್ಗೆ ಪ್ರವೇಶಿಸಿದೆ ಆದರೆ ಈ ಆಟಗಾರನ ಕೊರತೆಯು ಅವರ ರಾಷ್ಟ್ರೀಯ ತಂಡವನ್ನು ಘಾಸಿಗೊಳಿಸುತ್ತಿದೆ.
