T20 World Cup: ಮೆಂಟರ್​ ಆದ ಕೂಡಲೇ ಫ್ಲಾಪ್ ಸ್ಟಾರ್​ಗಳಿಗೆ ಬ್ಯಾಟಿಂಗ್ ಪಾಠ ಹೇಳಿದ ಗುರು ಧೋನಿ

2021 ರ ಟಿ 20 ವಿಶ್ವಕಪ್‌ಗಾಗಿ ಟೀಮ್ ಇಂಡಿಯಾ ತಯಾರಿ ಭರದಿಂದ ಸಾಗಿದೆ. ಭಾರತೀಯ ತಂಡದ ಉತ್ಸಾಹವು ಉತ್ತುಂಗದಲ್ಲಿದೆ ಏಕೆಂದರೆ ಎಂಎಸ್ ಧೋನಿ ಮಾರ್ಗದರ್ಶಕರಾಗಿ ಅಖಾಡಕ್ಕಿಳಿದಿದ್ದಾರೆ. ಟೀಮ್ ಇಂಡಿಯಾದ ಸಹಾಯಕ ಸಿಬ್ಬಂದಿಗೆ ಧೋನಿಯ ಆಗಮನದಿಂದ ನಿರಾಳತೆ ಉಂಟಾಗಿದೆ. ಏಕೆಂದರೆ ಧೋನಿ ಮಾರ್ಗದರ್ಶನ ಟೀಂ ಇಂಡಿಯಾ ಕ್ರಿಕೆಟಿಗರಿಗೆ ಹೊಸ ದಿಕ್ಕನ್ನು ತೋರಿಸಲಿದೆ. ಟಿ 20 ವಿಶ್ವಕಪ್‌ನಲ್ಲಿ ಭಾರತೀಯ ಅಭಿಯಾನ ಆರಂಭಿಸುವ ಮುನ್ನ ಧೋನಿಗೆ ಅದೇ ಜವಾಬ್ದಾರಿ ಸಿಕ್ಕಿದೆ.

ಟೀಮ್ ಇಂಡಿಯಾದ ಮೊದಲ ಅಭ್ಯಾಸದ ಅವಧಿಯಲ್ಲಿ, ಮಾರ್ಗದರ್ಶಕ ಧೋನಿ ಹಾರ್ದಿಕ್ ಪಾಂಡ್ಯ, ರಿಷಭ್ ಪಂತ್, ಇಶಾನ್ ಕಿಶನ್ ಮತ್ತು ಜಸ್ಪ್ರೀತ್ ಬುಮ್ರಾ ಅವರೊಂದಿಗೆ ಸಾಕಷ್ಟು ಸಮಯ ಕಳೆದರು. ಐಪಿಎಲ್ 2021 ರಲ್ಲಿ ಈ 3 ಆಟಗಾರರ ಪ್ರದರ್ಶನವು ವಿಶೇಷವಾಗಿರಲಿಲ್ಲ. ಪಾಂಡ್ಯ, ಪಂತ್ ಫ್ಲಾಪ್ ಎಂದು ಸಾಬೀತಾಯಿತು. ಆದರೆ ಕಿಶನ್ ಕೊನೆಯ ಎರಡು ಇನ್ನಿಂಗ್ಸ್‌ನಲ್ಲಿ ಮಾತ್ರ ಉತ್ತಮವಾಗಿ ಕಾರ್ಯನಿರ್ವಹಿಸಲು ಸಾಧ್ಯವಾಯಿತು.

ಪಂತ್ ಜೊತೆ ಸಮಯ ಕಳೆದ ಧೋನಿ ಧೋನಿ ರಿಷಭ್ ಪಂತ್‌ಗೆ ಬ್ಯಾಟಿಂಗ್ ತಂತ್ರಗಳನ್ನು ನೀಡಿದರು. ಈ ಆಟಗಾರ ಐಪಿಎಲ್ 2021 ರಲ್ಲಿ 34.91 ಸರಾಸರಿಯಲ್ಲಿ ಆಡಿದ 16 ಪಂದ್ಯಗಳಲ್ಲಿ 419 ರನ್ ಗಳಿಸಿದrಉ, ಆದರೆ ಯುಎಇ ಲೆಗ್‌ನಲ್ಲಿ ಈ ಆಟಗಾರ 8 ಪಂದ್ಯಗಳಲ್ಲಿ ಕೇವಲ ಒಂದು ಅರ್ಧ ಶತಕ ಗಳಿಸಿದರು. ಇದಷ್ಟೇ ಅಲ್ಲ, ಐಪಿಎಲ್ 2021 ರಲ್ಲಿ ಪಂತ್ ಅವರ ಸ್ಟ್ರೈಕ್ ರೇಟ್ ಕೇವಲ 128 ಆಗಿತ್ತು.

ಐಪಿಎಲ್ 2021 ಇಶಾನ್ ಕಿಶನ್ ಅವರಿಗೂ ವಿಶೇಷವಾಗಿರಲಿಲ್ಲ. ಕಿಶನ್ 10 ಪಂದ್ಯಗಳಲ್ಲಿ 26.77 ಸರಾಸರಿಯಲ್ಲಿ 241 ರನ್ ಗಳಿಸಿದ್ದಾರೆ. ಆದಾಗ್ಯೂ, ಐಪಿಎಲ್‌ನ ಕೊನೆಯ ಎರಡು ಪಂದ್ಯಗಳಲ್ಲಿ ಕಿಶನ್ ಉತ್ತಮ ಪ್ರದರ್ಶನ ನೀಡಿದರು. ಕಿಶನ್ ರಾಜಸ್ಥಾನ ರಾಯಲ್ಸ್ ವಿರುದ್ಧ ಅಜೇಯ 50 ಹಾಗೂ ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧ 84 ರನ್ ಗಳಿಸಿದರು. ಆದಾಗ್ಯೂ, ಈ ಆಟಗಾರನು ತನ್ನ ಉತ್ತಮ ಫಾರ್ಮ್ ಅನ್ನು ಉಳಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಬಹುಶಃ ಧೋನಿ ಈ ಆಟಗಾರನೊಂದಿಗೆ ಸಮಯ ಕಳೆಯುವುದನ್ನು ಕಾಣಬಹುದು.

ಪಾಂಡ್ಯಗೆ ಧೋನಿ ಬೇಕಿತ್ತು ಹಾರ್ದಿಕ್ ಪಾಂಡ್ಯಾಗೆ ಎಂಎಸ್ ಧೋನಿ ತುಂಬಾ ಅಗತ್ಯವಾಗಿತ್ತು. ಹೀಗಾಗಿ ಪಾಂಡ್ಯ ಧೋನಿ ಅವರೊಂದಿಗೆ ಸಾಕಷ್ಟು ಸಮಯ ಕಳೆದರು. ಪಾಂಡ್ಯ ಐಪಿಎಲ್ 2021 ರಲ್ಲಿ 12 ಪಂದ್ಯಗಳನ್ನು ಆಡಿದ್ದರು ಮತ್ತು ಕೇವಲ 14.11 ಸರಾಸರಿಯಲ್ಲಿ 127 ರನ್ ಗಳಿಸಿದರು. ಪಾಂಡ್ಯ ಬೌಲಿಂಗ್ ಮಾಡುತ್ತಿಲ್ಲ ಎನ್ನುವುದು ತಂಡಕ್ಕೆ ದೊಡ್ಡ ತಲೆನೋವಾಗಿದೆ. ಹೀಗಾಗಿ ಧೋನಿ, ಪಾಂಡ್ಯಗೆ ಹೆಚ್ಚಿನ ಸಮಯ ವ್ಯಯ ಮಾಡಿದರು.

ಧೋನಿ ಜಸ್ಪ್ರೀತ್ ಬುಮ್ರಾ ಜೊತೆ ಸಾಕಷ್ಟು ಸಮಯ ಕಳೆದರು. ಈ ಬೌಲರ್ ಐಪಿಎಲ್ 2021 ರಲ್ಲಿ 21 ವಿಕೆಟ್ ಪಡೆದರು. ಆದರೆ ಯುಎಇ ಲೆಗ್‌ನಲ್ಲಿ ಬುಮ್ರಾ ತುಂಬಾ ದುಬಾರಿಯಾಗಿದ್ದಾರೆ. ಧೋನಿ ಅವರೊಂದಿಗೆ ಮಾತನಾಡುತ್ತಿರುವುದಕ್ಕೆ ಇದೇ ಕಾರಣ.