Smriti Mandhana: ದಿ ಹಂಡ್ರೆಡ್ ಲೀಗ್​ನಲ್ಲಿ ಅಬ್ಬರಿಸಿದ ಸ್ಮೃತಿ ಮಂಧಾನ

The Hundred: ಇಂಗ್ಲೆಂಡ್​ನ ಟ್ರೆಂಡ್​ ಬ್ರಿಡ್ಜ್​ ಸ್ಟೇಡಿಯಂನಲ್ಲಿ ನಡೆದ ದಿ ಹಂಡ್ರೆಡ್ ವುಮೆನ್ಸ್ ಲೀಗ್​ನ ಮೊದಲ ಪಂದ್ಯದಲ್ಲೇ ಸ್ಮೃತಿ ಮಂಧಾನ ಸ್ಪೋಟಕ ಬ್ಯಾಟಿಂಗ್​ನೊಂದಿಗೆ ಅಬ್ಬರಿಸಿದ್ದಾರೆ. ಈ ಪಂದ್ಯದಲ್ಲಿ ಟಾಸ್ ಗೆದ್ದ ಟ್ರೆಂಟ್ ರಾಕೆಟ್ಸ್ ತಂಡವು ಬೌಲಿಂಗ್ ಆಯ್ದುಕೊಂಡಿದ್ದರು. ಅದರಂತೆ ಮೊದಲು ಬ್ಯಾಟ್ ಮಾಡಿದ ಸದರ್ನ್ ಬ್ರೇವ್ ತಂಡಕ್ಕೆ ಸ್ಮೃತಿ ಮಂಧಾನ ಬಿರುಸಿನ ಆರಂಭ ಒದಗಿಸಿದ್ದರು.

ಡೇನಿಯಲ್ ವ್ಯಾಟ್ ಜೊತೆ ಇನಿಂಗ್ಸ್​ ಆರಂಭಿಸಿದ ಸ್ಮತಿ ಮಂಧಾನ ಮೊದಲ ಓವರ್​ನಿಂದಲೇ ಸ್ಪೋಟಕ ಬ್ಯಾಟಿಂಗ್​ಗೆ ಒತ್ತು ನೀಡಿದರು. ಪರಿಣಾಮ 40 ಎಸೆತಗಳಲ್ಲಿ ಸದರ್ನ್ ಬ್ರೇವ್ ತಂಡದ ಮೊತ್ತ 60 ಗಡಿದಾಟಿತು. ಈ ಹಂತದಲ್ಲಿ ಡೇನಿಯಲ್ ವ್ಯಾಟ್ (27) ವಿಕೆಟ್ ಒಪ್ಪಿಸಿದರು. ಮತ್ತೊಂದೆಡೆ ಭರ್ಜರಿ ಬ್ಯಾಟಿಂಗ್ ಮುಂದುವರೆಸಿದ ಸ್ಮೃತಿ ಮಂಧಾನ 36 ಎಸೆತಗಳಲ್ಲಿ 2 ಭರ್ಜರಿ ಸಿಕ್ಸ್​ ಹಾಗೂ 6 ಫೋರ್​ಗಳೊಂದಿಗೆ 55 ರನ್ ಚಚ್ಚಿದರು.

ಇನ್ನು ಮೈಯಾ ಬೌಚಿಯರ್ 31 ರನ್​ಗಳ ಕಾಣಿಕೆ ನೀಡಿದರೆ, ಕ್ಲೋಯ್ ಟ್ರಯಾನ್ ಅಜೇಯ 23 ರನ್ ಬಾರಿಸಿದರು. ಈ ಮೂಲಕ ಸದರ್ನ್ ಬ್ರೇವ್ ತಂಡವು 100 ಎಸೆತಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 157 ರನ್ ಕಲೆಹಾಕಿತು.

100 ಎಸೆತಗಳಲ್ಲಿ 158 ರನ್​ಗಳ ಗುರಿ ಪಡೆದ ಟ್ರೆಂಟ್ ರಾಕೆಟ್ಸ್ ತಂಡವು ಉತ್ತಮ ಆರಂಭ ಪಡೆದಿರಲಿಲ್ಲ. ಇದಾಗ್ಯೂ ಮಧ್ಯಮ ಕ್ರಮಾಂಕದಲ್ಲಿ ನಾಯಕಿ ನ್ಯಾಟ್ ಸ್ಕಿವರ್-ಬ್ರಂಟ್ 31 ಎಸೆತಗಳಲ್ಲಿ 49 ರನ್ ಬಾರಿಸಿದ್ದರು.

ಇನ್ನು 5ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಹರ್ಮನ್​ಪ್ರೀತ್ ಕೌರ್ 17 ಎಸೆತಗಳಲ್ಲಿ 1 ಸಿಕ್ಸ್​ ಹಾಗೂ 2 ಫೋರ್​ಗಳೊಂದಿಗೆ 22 ರನ್​ಗಳಿಸಲಷ್ಟೇ ಶಕ್ತರಾದರು. ಅಂತಿಮವಾಗಿ ಟ್ರೆಂಟ್ ರಾಕೆಟ್ಸ್​ ತಂಡವು 100 ಎಸೆತಗಳಲ್ಲಿ 7 ವಿಕೆಟ್​ ಕಳೆದುಕೊಂಡು 130 ರನ್​ಗಳಿಸಲಷ್ಟೇ ಶಕ್ತರಾದರು. ಈ ಮೂಲಕ ಮೊದಲ ಪಂದ್ಯದಲ್ಲೇ ಸದರ್ನ್ ಬ್ರೇವ್ ತಂಡ 27 ರನ್​ಗಳ ಜಯ ಸಾಧಿಸಿತು.

ಟ್ರೆಂಟ್ ರಾಕೆಟ್ಸ್ ಪ್ಲೇಯಿಂಗ್ 11: ಲಿಜೆಲ್ಲೆ ಲೀ (ವಿಕೆಟ್ ಕೀಪರ್) , ಬ್ರಯೋನಿ ಸ್ಮಿತ್ , ನ್ಯಾಟ್ ಸ್ಕಿವರ್-ಬ್ರಂಟ್ (ನಾಯಕಿ) , ಹರ್ಮನ್‌ಪ್ರೀತ್ ಕೌರ್ , ಫ್ರಾನ್ ವಿಲ್ಸನ್ , ಜೋನ್ನೆ ಗಾರ್ಡ್ನರ್ , ನವೋಮಿ ದಟ್ಟಾನಿ , ಕ್ಯಾಥರೀನ್ ಸ್ಕೈವರ್-ಬ್ರಂಟ್ , ಅಲಾನಾ ಕಿಂಗ್ , ಅಲೆಕ್ಸಾ ಸ್ಟೋನ್‌ಹೌಸ್ , ಕಿರ್ಸ್ಟಿ ಗಾರ್ಡನ್.

ಇದನ್ನೂ ಓದಿ: Team India: ಶತಕ ಬಾರಿಸದೇ ವಿಶೇಷ ದಾಖಲೆ ಬರೆದ ಟೀಮ್ ಇಂಡಿಯಾ

ಸದರ್ನ್ ಬ್ರೇವ್ ಪ್ಲೇಯಿಂಗ್ 11: ಡೇನಿಯಲ್ ವ್ಯಾಟ್ , ಸ್ಮೃತಿ ಮಂಧಾನ , ಮಾಯಾ ಬೌಚಿಯರ್ , ಜಾರ್ಜಿಯಾ ಆಡಮ್ಸ್ , ಫ್ರೇಯಾ ಕೆಂಪ್ , ಕ್ಲೋಯ್ ಟ್ರಯಾನ್ , ರಿಯಾನ್ನಾ ಸೌತ್ ಬೈ (ವಿಕೆಟ್ ಕೀಪರ್) , ಮೈಟ್ಲಾನ್ ಬ್ರೌನ್ , ಕ್ಯಾಲಿಯಾ ಮೂರ್ , ಅನ್ಯಾ ಶ್ರಬ್ಸೋಲ್ (ನಾಯಕಿ) , ಮೇರಿ ಟೇಲರ್.